ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠲᠣᠷᠭᠠᠨ ᠨᠤᠲᠤᠭ
ᠰᠣᠶᠣᠯ ᠡᠷᠳᠡᠨᠢ
ᠠᠬ᠎ᠠ ᠲᠡᠭᠦᠦ ᠬᠤᠶᠠᠭᠤᠯᠨ  ᠶᠢᠨ ᠦᠯᠢᠭᠡᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2017/3/14
            ᠡᠷᠳᠡ ᠤᠷᠢᠳᠠ  ᠶᠢᠨ ᠴᠠᠭ ᠲᠤ ᠬᠤᠶᠠᠷ ᠭᠦᠪᠡᠭᠦᠨ ᠲᠠᠢ ᠨᠢᠭᠡ ᠠᠶᠢᠯ ᠪᠠᠶᠢᠵᠤ ᠭᠡᠨ᠎ᠡ᠃ ᠶᠡᠭᠡ ᠭᠦᠪᠡᠭᠦᠨ ᠨᠢ ᠠᠵᠢᠯ ᠭᠦᠳᠡᠯᠮᠤᠷᠢ ᠭᠢᠳᠡᠭ ᠦᠭᠡᠢ ᠠᠯᠵᠠᠭᠤ ᠵᠠᠯᠬᠠᠭᠤ ᠮᠦᠷᠳᠡᠭᠡᠨ ᠪᠠᠶᠢᠭᠰᠠᠨ ᠶᠠᠭᠤᠮ᠎ᠠ ᠪᠠᠨ ᠪᠦᠷᠢᠯᠭᠡᠭᠡᠳ ᠪᠠᠶᠢᠬᠤᠯᠠᠷ ᠡᠵᠢ ᠨᠢ ᠨᠢᠭᠡᠨ ᠡᠳᠤᠷ ᠨᠢᠭᠡ ᠮᠦᠩᠭᠦᠨ ᠵᠤᠭᠤᠰ ᠦᠭᠭᠦᠭᠡᠳ᠄ ︽ᠴᠢ ᠡᠭᠦᠨ  ᠢᠶᠠᠷ ᠠᠮᠢ ᠵᠢᠭᠤᠭᠠᠳ ᠲᠤᠷ᠎ᠠ ᠲᠠᠢ ᠭᠠᠵᠠᠷ  ᠢᠶᠠᠨ ᠶᠠᠪᠤᠵᠤ ᠠᠮᠢᠳᠤᠷᠠᠭᠳᠤᠨ᠂ ᠲᠠᠭᠢᠵᠤ ᠭᠡᠷ ᠲᠤ ᠪᠠᠨ ᠪᠢᠳᠡᠭᠡᠢ ᠢᠷ᠎ᠡ︕︾ ᠭᠡᠵᠤ ᠭᠡᠯᠡᠭᠡᠳ ᠶᠠᠪᠤᠭᠤᠯᠬᠤ ᠭᠡᠵᠡᠢ᠃ ᠲᠡᠭᠡᠭᠦ ᠳᠤ ᠪᠠᠭ᠎ᠠ ᠭᠦᠤ ᠨᠢ ᠰᠠᠶ᠋ᠢ ᠨᠠᠢᠮᠠᠨ ᠨᠠᠰᠤᠳᠠᠢ ᠪᠢᠴᠢᠬᠠᠨ ᠭᠡᠦᠭᠡᠳ ᠪᠤᠯᠬᠤᠷ ᠵᠠᠪᠠᠯ ᠠᠬ᠎ᠠ ᠪᠠᠨ ᠲᠠᠭᠠᠵᠤ ᠶᠠᠪᠤᠨ᠎ᠠ ᠭᠡᠳ ᠶᠠᠭᠠᠭᠢᠵᠤ ᠢᠳᠬᠠᠵᠤ ᠬᠤᠷᠢᠭᠯᠠᠪᠠᠴᠤ ᠡᠰᠨ ᠪᠤᠯᠪᠠ ᠭᠡᠨ᠎ᠡ᠃ ᠲᠡᠭᠡᠭᠡᠳ ᠡᠵᠢ ᠨᠢ ᠠᠷᠭ᠎ᠠ ᠪᠤᠰᠤ ᠪᠠᠰᠨ ᠨᠢᠭᠡ ᠮᠦᠩᠭᠦᠨ ᠵᠤᠭᠤᠰ ᠦᠭᠭᠦᠭᠡᠳ᠄ ︽ᠵᠠᠶᠠᠭ᠎ᠠ ᠴᠢᠨᠢ ᠮᠡᠳᠡᠳᠤᠭᠡᠢ︾ ᠭᠡᠳ ᠠᠬ᠎ᠠ ᠲᠡᠭᠦᠦ ᠬᠤᠶᠠᠭᠤᠯᠨ  ᠶᠢ ᠠᠯᠤᠰ  ᠤᠨ ᠵᠠᠮ ᠳᠤ ᠭᠠᠷᠭᠠᠵᠠᠢ᠃             ᠲᠡᠭᠡᠭᠡᠳ ᠠᠬ᠎ᠠ ᠲᠡᠭᠦᠦ ᠬᠤᠶᠠᠭᠤᠯᠨ ᠪᠠᠨ ᠶᠠᠪᠤᠭᠰᠠᠭᠠᠷ ᠲᠡᠭᠦᠦ ᠨᠢ ᠶᠠᠳᠠᠷᠠᠭᠠᠳ ᠶᠠᠪᠤᠵᠤ ᠲᠡᠶᠢᠯᠭᠦ ᠦᠭᠡᠢ ᠪᠤᠯᠤᠭᠰᠠᠨ ᠳᠤ ᠬᠤᠶᠠᠭᠤᠯᠨ ᠨᠢᠭᠡ ᠪᠦᠳᠦᠭᠦᠨ ᠮᠤᠳᠤᠨ ᠲᠤᠤᠷ᠎ᠠ ᠠᠮᠠᠷᠠᠭᠠᠳ ᠰᠠᠭᠤᠵᠠᠢ᠃ ᠶᠠᠳᠠᠷᠠᠵᠤ ᠵᠦᠳᠡᠷᠡᠭᠰᠡᠨ ᠲᠡᠭᠦᠦ ᠨᠢ ᠠᠬ᠎ᠠ  ᠶᠢᠨ  ᠢᠶᠠᠨ ᠡᠪᠤᠳᠤᠭ᠌  ᠢ ᠲᠦᠰᠢᠮᠡᠭᠴᠨ ᠠᠮᠳᠠᠳᠠᠢ ᠰᠠᠶᠢᠬᠠᠨ ᠤᠨᠳᠠᠭᠠᠳ ᠦᠭᠴᠡᠢ ᠃ ᠡᠨᠡ ᠬᠤᠭᠤᠷᠤᠨᠳᠤ ᠠᠬ᠎ᠠ ᠨᠢ ᠬᠤᠶᠠᠷ ᠮᠤᠳᠤᠨ ᠱᠤᠷᠤ ᠵᠤᠷᠭᠤᠵᠤ ᠲᠡᠭᠦᠦ  ᠶᠢᠨ  ᠢᠶᠠᠨ ᠨᠢᠳᠤ ᠤᠷᠤᠭᠤ ᠴᠢᠴᠢᠭᠡᠳ ᠬᠤᠶᠠᠷ ᠮᠦᠩᠭᠦᠨ ᠵᠤᠭᠤᠰ  ᠢᠶᠠᠨ ᠠᠪᠤᠭᠠᠳ ᠬᠤᠯᠨ ᠲᠤᠳᠠᠭᠠᠨ ᠶᠠᠪᠤᠵᠤ ᠭᠡᠨ᠎ᠡ᠃             ᠢᠩᠭᠢᠭᠡᠳ ᠰᠤᠬᠤᠷ ᠭᠦᠪᠡᠭᠦᠨ ᠭᠤᠷᠪᠠᠨ ᠵᠢᠯ ᠲᠠᠨᠤᠭᠡᠳ᠂ ᠭᠡᠨᠡᠳᠳᠡ ᠨᠢᠭᠡᠨ ᠡᠳᠤᠷ ᠲᠠᠨᠤᠵᠤ ᠶᠠᠪᠤᠭᠰᠠᠭᠠᠷ ᠭᠦᠨ ᠬᠤᠳᠳᠤᠭ  ᠲᠤ ᠤᠨᠠᠴᠢᠬᠠᠵᠠᠢ᠃ ᠲᠡᠭᠡᠭᠡᠳ ᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠵᠤᠪᠠᠵᠤ ᠪᠠᠶᠢᠳᠠᠯ᠎ᠠ ᠲᠡᠭᠷᠢ  ᠶᠢᠨ ᠭᠤᠷᠪᠠᠨ ᠭᠡᠦᠭᠡᠨ ᠮᠤᠷᠢ ᠪᠠᠨ ᠤᠰᠤᠯᠠᠬᠤ ᠪᠠᠷ ᠡᠨᠡ ᠬᠤᠳᠳᠤᠭ ᠲᠡᠭᠡᠷ᠎ᠡ ᠢᠷᠡᠭᠡᠳ᠄ ︽ᠴᠠᠭᠠᠨᠪᠠᠭᠠᠳᠤᠷ ᠬᠠᠭᠠᠨ  ᠤ ᠬᠤᠷᠢᠨ ᠨᠠᠰᠤᠳᠠᠢ ᠭᠦᠪᠡᠭᠦᠨ ᠶᠢᠰᠤᠨ ᠵᠢᠯ ᠡᠪᠡᠳᠤᠭᠡᠳ ᠤᠳᠤ ᠶᠢᠰᠤ ᠬᠤᠨᠤᠪᠠᠯ ᠦᠭᠦᠭᠦ ᠶᠤᠮ ᠪᠠᠶᠢᠨ᠎ᠠ︾ ᠭᠡᠵᠤ ᠨᠢᠭᠡ ᠨᠢ ᠭᠡᠯᠡᠭᠰᠡᠨ  ᠳᠤ ᠨᠦᠭᠦᠭᠡ ᠨᠢ᠄︽ᠲᠡᠶᠢᠮᠤ ᠤᠳᠠᠭᠠᠨ ᠡᠪᠡᠳᠴᠤ ᠪᠠᠶᠢᠬᠤ  ᠳᠤ ᠶᠠᠭᠠᠭᠢᠭᠠᠳ ᠦᠵᠡᠭᠦᠯᠭᠦ ᠦᠭᠡᠢ ᠶᠤᠮ ᠪᠤᠢ︖ ᠠᠷᠭ᠎ᠠ ᠪᠠᠶᠢᠳᠠᠭ ᠦᠭᠡᠢ ᠶᠤᠮ ᠤᠤ︖︾ ᠭᠡᠵᠤ ᠠᠰᠠᠭᠤᠭᠰᠠᠨ  ᠳᠤ᠄ ︽ᠠᠷᠭ᠎ᠠ ᠪᠠᠶᠢᠯᠭᠦᠢ᠂ ᠠᠷᠭ᠎ᠠ  ᠶᠢ ᠨᠢ ᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠨ᠎ᠠ᠃ ᠡᠨᠡ ᠬᠤᠳᠳᠤᠭ  ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠲᠠᠯ᠎ᠠ ᠳᠤ ᠨᠢᠭᠡ ᠪᠦᠳᠦᠭᠦᠨ ᠤᠷᠭᠤᠭ᠎ᠠ ᠮᠤᠳᠤ ᠪᠤᠢ᠂ ᠲᠡᠭᠦᠨ  ᠢ ᠲᠤᠬᠤᠢ ᠭᠦᠨ ᠮᠠᠯᠳᠠᠭᠠᠳ ᠪᠤᠯᠭᠠᠯᠠᠪᠠᠯ ᠢᠷᠤᠭᠠᠷ  ᠠᠴᠠ ᠨᠢ ᠭᠤᠷᠪᠠᠨ ᠴᠠᠭᠠᠨ ᠮᠦᠭᠦ ᠭᠠᠷᠴᠤ ᠢᠷᠡᠨ᠎ᠡ᠃ ᠲᠡᠭᠦᠨ  ᠢ ᠭᠤᠷᠪᠠᠨ ᠡᠳᠤᠷ ᠴᠢᠨᠠᠵᠤ ᠤᠤᠭᠤᠯᠭᠠᠪᠠᠯ ᠲᠡᠷᠨ ᠭᠦᠪᠡᠭᠦᠨ  ᠤ ᠡᠪᠡᠳᠴᠢᠨ ᠰᠠᠶᠢᠨ ᠪᠤᠯᠤᠨ᠎ᠠ︕︾ ᠭᠡᠵᠡᠢ᠃ ᠲᠡᠭᠡᠵᠤ ᠪᠠᠶᠢᠳᠠᠯ᠎ᠠ ᠪᠠᠰᠨ ᠨᠢᠭᠡ ᠨᠢ᠄ ︽ᠭᠦᠶ᠋ᠢ᠂ ᠡᠨᠡ ᠬᠤᠳᠳᠤᠭ  ᠤᠨ ᠵᠡᠭᠦᠨ ᠡᠮᠤᠨ᠎ᠠ ᠲᠠᠯ᠎ᠠ ᠳᠤ ᠪᠠᠰᠨ ᠨᠢᠭᠡ ᠪᠦᠳᠦᠭᠦᠨ ᠤᠷᠭᠤᠭ᠎ᠠ ᠮᠤᠳᠤ ᠪᠠᠶᠢᠳᠠᠭ᠂ ᠲᠡᠷᠨ ᠮᠤᠳᠤ  ᠶᠢ ᠮᠠᠯᠳᠠᠭᠠᠳ ᠪᠤᠯᠭᠠᠯᠠᠪᠠᠯ ᠢᠷᠤᠭᠠᠷ ᠲᠤ ᠨᠢ ᠪᠢᠴᠢᠬᠠᠨ ᠨᠤᠭᠤᠭᠠᠨ ᠴᠢᠯᠠᠭᠤ ᠪᠠᠶᠢᠳᠠᠭ᠂ ᠲᠡᠭᠦᠨ  ᠢᠶᠠᠷ ᠨᠢᠳᠤ ᠦᠭᠡᠢ ᠰᠤᠬᠤᠷ ᠭᠦᠮᠤᠨ ᠭᠤᠷᠪᠠᠨ ᠬᠤᠨᠤᠭ ᠨᠢᠳᠤ ᠪᠠᠨ ᠠᠷᠴᠢᠪᠠᠯ ᠨᠢᠳᠤ ᠤᠷᠤᠳᠠᠭ ᠭᠡᠰᠡᠨ ᠦᠨᠡᠨ ᠤᠤ︖︾ ᠭᠡᠰᠡᠨ  ᠳᠤ᠂ ᠨᠦᠭᠦᠭᠡ ᠨᠢ᠄ ︽ᠦᠨᠡᠨ ᠪᠠᠶᠢᠯᠭᠦᠢ ᠶᠠᠭᠠᠭᠢᠬᠤ ᠪᠤᠢ︖︾ ᠭᠡᠵᠤ ᠭᠡᠯᠡᠯᠴᠡᠵᠤ ᠪᠠᠶᠢᠬᠤ  ᠶᠢ ᠰᠤᠬᠤᠷ ᠭᠦᠪᠡᠭᠦᠨ ᠬᠤᠳᠳᠤᠭ ᠲᠤᠳᠤᠷ᠎ᠠ  ᠠᠴᠠ ᠰᠤᠨᠤᠰᠴᠡᠢ᠃ ᠲᠡᠭᠷᠢ  ᠶᠢᠨ ᠦᠭᠢᠳ ᠶᠠᠪᠤᠭᠰᠠᠨ ᠬᠤᠶᠢᠨ᠎ᠠ ᠬᠠᠭᠠᠨ  ᠤ ᠤᠰᠤ ᠠᠪᠳᠠᠭ ᠡᠪᠤᠭᠡᠨ ᠢᠷᠡᠭᠦ ᠳᠤ ᠰᠤᠬᠤᠷ ᠭᠦᠪᠡᠭᠦᠨ ᠬᠤᠳᠳᠤᠭ ᠲᠤᠳᠤᠷ᠎ᠠ  ᠠᠴᠠ᠄ ︽ᠡᠪᠤᠭᠡᠨ ᠠᠪᠤ ᠮᠢᠨᠢ᠂ ᠪᠢ ᠬᠤᠳᠳᠤᠭ ᠲᠤ ᠤᠨᠠᠴᠢᠬᠠᠯ᠎ᠠ᠂ ᠲᠠᠳᠠᠭᠠᠳ ᠭᠠᠷᠭᠠᠭᠠᠴᠢ︕︾ ᠭᠡᠵᠤ ᠭᠤᠶᠤᠭᠰᠠᠨ  ᠳᠤ ᠡᠪᠤᠭᠡᠨ᠄︽ᠴᠢ ᠶᠠᠮᠠᠷ ᠭᠦᠮᠤᠨ ᠪᠤᠢ︖︾ ᠭᠡᠭᠦ ᠳᠤ ᠰᠤᠬᠤᠷ ᠭᠦᠪᠡᠭᠦᠨ ᠦᠪᠡᠷ  ᠤᠨ ᠤᠴᠢᠷ  ᠢᠶᠠᠨ ᠭᠡᠯᠡᠭᠰᠡᠨ  ᠳᠤ ᠡᠪᠤᠭᠡᠨ ᠠᠪᠤ ᠲᠡᠭᠦᠨ  ᠢ ᠤᠰᠤᠨ  ᠠᠴᠠ ᠲᠠᠳᠠᠨ ᠭᠠᠷᠭᠠᠪᠠ ᠭᠡᠨ᠎ᠡ᠃             ᠰᠠᠶ᠋ᠢᠭᠢ ᠭᠦᠪᠡᠭᠦᠨ ᠤᠰᠤᠨ  ᠠᠴᠠ ᠭᠠᠷᠤᠭᠠᠳ ᠡᠪᠤᠭᠡᠨ  ᠠᠴᠠ᠄ ︽ᠲᠠᠨ  ᠤ ᠬᠠᠭᠠᠨ  ᠤ ᠭᠦᠪᠡᠭᠦᠨ ᠡᠪᠡᠳᠤᠭᠡᠳ ᠶᠢᠰᠤᠨ ᠵᠢᠯ ᠪᠤᠯᠤᠭᠰᠠᠨ ᠭᠡᠳᠡᠭ᠂ ᠲᠡᠶᠢᠮᠤ ᠤᠤ︖︾ ᠭᠡᠵᠤ ᠠᠰᠠᠭᠤᠭᠰᠠᠨ ᠳᠤ᠄ ︽ᠲᠡᠶᠢᠮᠤ ᠡ᠂ ᠴᠢ ᠶᠠᠭᠠᠭᠢᠵᠤ ᠮᠡᠳᠡᠭᠰᠡᠨ ᠪᠤᠢ︖︾ ᠭᠡᠵᠡᠢ᠃ ᠰᠤᠬᠤᠷ ᠭᠦᠪᠡᠭᠦᠨ᠄ ︽ᠪᠢ ᠮᠡᠳᠡᠭᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠶᠠᠭᠠᠭᠢᠪᠠᠯ ᠰᠠᠶ᠋ᠢ ᠡᠳᠡᠭᠡᠭᠦ ᠠᠷᠭ᠎ᠠ  ᠶᠢ ᠭᠦᠷᠳᠡᠯ᠎ᠠ ᠮᠡᠳᠡᠨ᠎ᠠ︾ ᠭᠡᠵᠡᠢ᠃ ᠤᠰᠤᠴᠢᠨ ᠡᠪᠤᠭᠡᠨ ᠤᠴᠢᠭᠠᠳ ᠬᠠᠭᠠᠨ ᠳᠤ ᠪᠠᠨ ᠮᠡᠳᠡᠭᠦᠯᠵᠡᠢ᠃             ᠬᠠᠭᠠᠨ ᠰᠤᠨᠤᠰᠤᠭᠠᠳ ᠰᠤᠬᠤᠷ ᠭᠦᠪᠡᠭᠦᠨ  ᠢ ᠲᠠᠭᠤᠳᠠᠭᠤᠯᠤᠭᠠᠳ᠄ ︽ᠭᠦᠪᠡᠭᠦᠨ ᠮᠢᠨᠢ ᠡᠪᠡᠳᠤᠭᠡᠳ ᠶᠢᠰᠤᠨ ᠵᠢᠯ ᠪᠤᠯᠤᠯ᠎ᠠ᠃ ᠴᠢᠮ᠎ᠠ ᠳᠤ ᠠᠷᠭ᠎ᠠ ᠪᠠᠶᠢᠨ᠎ᠠ ᠤᠤ︖︾ ᠭᠡᠵᠡᠢ᠃ ᠰᠠᠶ᠋ᠢᠭᠢ ᠭᠦᠪᠡᠭᠦᠨ᠄ ︽ᠮᠠᠷᠭᠠᠰᠢ ᠦᠷᠯᠦᠭᠡᠨ  ᠤ ᠨᠠᠷᠨ ᠪᠢᠳᠡᠭᠦᠦ ᠪᠠᠷ ᠬᠤᠷᠢᠨ ᠲᠠᠪᠤᠨ ᠵᠠᠯᠠᠭᠤ ᠡᠷ᠎ᠡ  ᠶᠢ ᠴᠤᠭᠯᠠᠭᠤᠯᠤᠨ ᠭᠦᠷᠵᠨ ᠵᠡᠭᠡᠳᠤᠤ ᠠᠪᠤᠭᠠᠳ ᠬᠤᠳᠳᠤᠭ ᠲᠠᠭᠡᠷ᠎ᠡ ᠤᠴᠢ︾ ᠭᠡᠵᠤ ᠭᠡᠯᠡᠴᠢᠭᠡᠭᠡᠳ ᠶᠠᠪᠤᠵᠠᠢ᠃ ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠭᠡᠯᠡᠭᠰᠡᠨ ᠶᠤᠰᠤᠭᠠᠷ ᠨᠢ ᠭᠦᠷᠦᠭᠡᠳ ᠤᠴᠢᠬᠤ ᠳᠤ ᠦᠨᠤᠭᠢ ᠭᠦᠪᠡᠭᠦᠨ ᠭᠡᠳᠤᠶᠢᠨ ᠢᠷᠡᠭᠡᠳ ᠰᠠᠭᠤᠵᠤ ᠪᠠᠶᠢᠵᠠᠢ᠃ ᠲᠡᠷᠨ᠄ ︽ᠡᠨᠡ ᠬᠤᠳᠳᠤᠭ  ᠤᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠲᠠᠯ᠎ᠠ  ᠳᠤ ᠨᠢᠭᠡ ᠪᠦᠳᠦᠭᠦᠨ ᠤᠷᠭᠤᠭ᠎ᠠ ᠮᠤᠳᠤ ᠪᠤᠢ᠂ ᠲᠡᠭᠦᠨ  ᠢ ᠲᠤᠬᠤᠢ ᠭᠦᠨ ᠮᠠᠯᠳᠠᠭᠠᠳ ᠪᠤᠯᠭᠠᠯᠠᠪᠠᠯ ᠢᠷᠤᠭᠠᠷ  ᠠᠴᠠ ᠨᠢ ᠭᠤᠷᠪᠠᠨ ᠴᠠᠭᠠᠨ ᠮᠦᠭᠦ ᠭᠠᠷᠴᠤ ᠢᠷᠡᠭᠦ ᠪᠠᠶᠢᠬ᠎ᠠ᠂ ᠲᠡᠭᠦᠨ  ᠢ ᠡᠪᠳᠡᠯᠡᠵᠤ ᠪᠠᠯᠪᠠᠯᠠᠬᠤ ᠦᠭᠡᠢ ᠪᠠᠷ ᠪᠤᠭᠤᠭᠠᠳ ᠠᠪ︕ ᠡᠨᠡ ᠬᠤᠳᠳᠤᠭ  ᠤᠨ ᠵᠡᠭᠦᠨ ᠡᠮᠤᠨ᠎ᠠ ᠲᠠᠯ᠎ᠠ  ᠳᠤ ᠪᠠᠰᠨ ᠨᠢᠭᠡ ᠪᠦᠳᠦᠭᠦᠨ ᠤᠷᠭᠤᠭ᠎ᠠ ᠮᠤᠳᠤ ᠪᠤᠢ᠂ ᠲᠡᠭᠦᠨ  ᠢ ᠮᠦᠨ ᠲᠤᠬᠤᠢ ᠭᠦᠨ ᠮᠠᠯᠳᠠᠭᠠᠳ ᠪᠤᠯᠭᠠᠯᠠᠪᠠᠯ ᠪᠢᠴᠢᠬᠠᠨ ᠨᠤᠭᠤᠭᠠᠨ ᠴᠢᠯᠠᠭᠤ ᠭᠠᠷᠤᠭᠠᠳ ᠢᠷᠡᠭᠦ ᠶᠤᠮ᠃ ᠲᠡᠭᠦᠨ  ᠢ ᠠᠪᠤᠭᠠᠳ ᠨᠠᠳᠠ ᠳᠤ ᠦᠭ︕︾ ᠭᠡᠵᠡᠢ᠃ ᠲᠡᠭᠡᠭᠡᠳ ᠭᠡᠯᠡᠭᠰᠡᠨ ᠶᠤᠰᠤᠭᠠᠷ ᠨᠢ ᠮᠠᠯᠳᠠᠭᠰᠠᠨ  ᠳᠤ ᠦᠨᠡᠭᠡᠷ ᠭᠤᠷᠪᠠᠨ ᠴᠠᠭᠠᠨ ᠮᠦᠭᠦ᠂ ᠪᠢᠴᠢᠬᠠᠨ ᠨᠤᠭᠤᠭᠠᠨ ᠴᠢᠯᠠᠭᠤ ᠭᠠᠷᠴᠤ ᠢᠷᠡᠵᠡᠢ᠃ ᠭᠤᠷᠪᠠᠨ ᠴᠠᠭᠠᠨ ᠮᠦᠭᠦ  ᠶᠢ ᠨᠢ ᠬᠠᠭᠠᠨ  ᠤ ᠭᠦᠪᠡᠭᠦᠨ ᠳᠤ ᠡᠳᠤᠷ  ᠤᠨ ᠨᠢᠭᠡ ᠴᠢᠨᠠᠵᠤ ᠤᠤᠭᠤᠯᠭᠠᠭᠰᠠᠨ  ᠳᠤ ᠭᠤᠷᠪᠠᠨ ᠡᠳᠤᠷ  ᠤᠨ ᠲᠠᠷᠠᠭ᠎ᠠ ᠡᠷᠡᠭᠦᠯ ᠰᠠᠷᠠᠭᠤᠯ ᠪᠤᠯᠤᠭᠰᠠᠨ ᠭᠡᠨ᠎ᠡ᠃ ᠬᠠᠭᠠᠨ ᠶᠡᠭᠡᠳᠡ ᠪᠠᠶᠠᠷᠯᠠᠨ ᠰᠤᠬᠤᠷ ᠭᠦᠪᠡᠭᠦᠨ  ᠢ ᠲᠠᠭᠢᠨ ᠲᠠᠭᠤᠳᠠᠭᠤᠯᠤᠭᠰᠠᠨ  ᠳᠤ ᠲᠤᠩᠭᠠᠯᠠᠭ ᠬᠤᠶᠠᠷ ᠬᠠᠷ᠎ᠠ ᠨᠢᠳᠤ ᠲᠠᠢ ᠭᠦᠪᠡᠭᠦᠨ ᠪᠤᠯᠴᠢᠬᠠᠭᠰᠠᠨ ᠤᠷᠤᠭᠠᠳ ᠢᠷᠡᠵᠡᠢ᠃ ᠬᠠᠭᠠᠨ ᠤᠯᠠᠮ ᠭᠠᠶᠢᠬᠠᠵᠤ᠂ ᠡᠨᠡ ᠭᠦᠪᠡᠭᠦᠨ ᠯᠠᠪᠳᠠᠢ ᠬᠤᠪᠢᠯᠭᠠᠨ ᠷᠢᠳᠢ ᠰᠢᠳᠢ ᠲᠠᠢ ᠪᠠᠶᠢᠬ᠎ᠠ ᠭᠡᠵᠤ ᠪᠤᠳᠤᠭᠠᠳ᠄ ︽ᠭᠦᠪᠡᠭᠦᠨ  ᠢ ᠮᠢᠨᠢ ᠡᠳᠡᠭᠡᠷᠡᠭᠦᠯᠦᠭᠰᠡᠨ ᠪᠤᠯᠬᠤᠷ ᠴᠢ ᠤᠳᠤ ᠮᠢᠨᠤ ᠬᠠᠵᠠᠭᠤᠳᠠ ᠡᠮᠴᠢ ᠪᠤᠯᠵᠤ ᠰᠠᠭᠤ︕︾ ᠭᠡᠵᠡᠢ᠃ ᠢᠩᠭᠢᠭᠡᠳ ᠡᠨᠡ ᠭᠦᠪᠡᠭᠦᠨ  ᠤ ᠠᠯᠳᠠᠷ ᠲᠦᠷᠪᠡᠨ ᠵᠦᠭ ᠨᠡᠢᠮᠡᠨ ᠵᠤᠪᠭᠢᠰ ᠲᠤ ᠠᠯᠳᠠᠷᠰᠢᠨ ᠬᠤᠯᠨ ᠤᠶᠢᠷ᠎ᠠ  ᠶᠢᠨ ᠭᠦᠮᠤᠰ ᠴᠦᠮ ᠡᠪᠡᠳᠴᠢᠨ  ᠢᠶᠠᠨ ᠦᠵᠡᠭᠦᠯᠭᠦ ᠪᠠᠷ ᠢᠷᠡᠳᠡᠭ ᠪᠤᠯᠵᠠᠢ᠃             ᠲᠡᠭᠡᠵᠤ ᠪᠠᠶᠢᠳᠠᠯ᠎ᠠ ᠨᠢᠭᠡ ᠡᠳᠤᠷ᠂ ᠬᠤᠶᠠᠷ ᠭᠦᠯ ᠨᠢ ᠲᠤᠭᠤᠯᠠᠩ ᠭᠦᠮᠤᠨ ᠡᠨᠡ ᠭᠦᠪᠡᠭᠦᠨ  ᠢ ᠡᠷᠢᠭᠡᠳ ᠢᠷᠡᠵᠤ ᠭᠡᠨ᠎ᠡ᠃ ᠡᠨᠡ ᠭᠦᠮᠤᠨ  ᠤ ᠡᠪᠡᠳᠴᠢᠨ  ᠢ ᠦᠵᠡᠭᠡᠳ ᠶᠠᠭᠠᠭᠢᠵᠤ ᠡᠮᠨᠡᠪᠡᠴᠤ ᠵᠤᠷ ᠲᠠᠭᠠᠷᠠᠭᠰᠠᠨ ᠦᠭᠡᠢ ᠪᠤᠯᠬᠤᠷ ᠪᠠᠭ᠋ᠠᠨ ᠰᠡᠵᠢᠭ ᠲᠦᠷᠦᠵᠤ᠄ ︽ᠴᠢᠮ᠎ᠠ ᠳᠤ ᠶᠡᠷᠤ ᠵᠤᠷ ᠲᠠᠭᠠᠷᠠᠬᠤ ᠦᠭᠡᠢ ᠪᠠᠶᠢᠨ᠎ᠠ᠂ ᠴᠢ ᠤᠷᠢᠳᠤ  ᠳᠤ ᠪᠠᠨ ᠶᠠᠮᠠᠷ ᠨᠢᠭᠦᠯ ᠭᠢᠭᠰᠡᠨ ᠪᠤᠢ︖︾ ᠭᠡᠵᠤ ᠠᠰᠠᠭᠤᠭᠰᠠᠨ ᠳᠤ᠄ ︽ᠠ ᠲᠡᠶᠢᠮᠤ᠂ ᠪᠢ ᠤᠷᠢᠳᠤ ᠳᠤ ᠪᠠᠨ ᠨᠠᠢᠮᠠᠨ ᠨᠠᠰᠤᠳᠠᠢ ᠲᠡᠭᠦᠦ ᠪᠠᠨ ᠲᠠᠭᠠᠭᠤᠯᠵᠤ ᠶᠠᠪᠤᠵᠤ ᠪᠠᠶᠢᠭᠠᠳ ᠬᠤᠶᠠᠷ ᠨᠢᠳᠤ  ᠶᠢ ᠨᠢ ᠰᠤᠬᠤᠯᠴᠢᠬᠠᠭᠠᠳ ᠬᠤᠶᠠᠷ ᠮᠦᠩᠭᠦᠨ ᠵᠤᠭᠤᠰ  ᠢᠶᠠᠨ ᠠᠪᠤᠭᠠᠳ ᠲᠤᠳᠠᠭᠠᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠯᠨ ᠬᠤᠵᠢᠮ ᠨᠢ ᠬᠤᠶᠠᠷ ᠭᠦᠯ ᠮᠢᠨᠢ ᠮᠠᠭᠤᠳᠠᠭᠰᠠᠨ ᠶᠤᠮ︾ ᠭᠡᠵᠡᠢ᠃ ᠡᠭᠦᠨ  ᠠᠴᠠ ᠠᠬ᠎ᠠ ᠨᠢ ᠮᠦᠨ ᠭᠡᠳᠡᠭ  ᠢ ᠮᠡᠳᠡᠭᠡᠳ᠄ ︽ᠴᠢ ᠤᠳᠤ ᠬᠠᠮᠢᠭ᠎ᠠ ᠴᠤ ᠶᠠᠪᠤᠯ ᠦᠭᠡᠢ᠂ ᠮᠢᠨᠤ ᠠᠳᠡ ᠰᠠᠭᠤᠵᠤ ᠪᠠᠶᠢᠭᠠᠷᠠᠢ︕︾ ᠭᠡᠳ ᠲᠡᠷᠭᠡᠳᠡ ᠪᠠᠨ ᠰᠠᠭᠤᠯᠭᠠᠵᠠᠢ᠃             ᠡᠳᠤᠷ ᠬᠤᠨᠤᠭ ᠤᠳᠠᠭᠰᠠᠭᠠᠷ ᠪᠡᠶ᠎ᠡ ᠪᠡᠶ᠎ᠡ ᠳᠤ ᠪᠠᠨ ᠲᠠᠰᠤᠯᠴᠠᠭᠠᠳ ᠢᠷᠡᠭᠦᠯᠡᠷ ᠨᠢᠭᠡᠨ ᠡᠳᠤᠷ ᠲᠡᠭᠦᠦ ᠨᠢ᠄ ︽ᠲᠠ ᠪᠤᠯ ᠮᠢᠨᠤ ᠲᠦᠷᠦᠭᠰᠡᠨ ᠠᠬ᠎ᠠ ᠮᠦᠨ︾ ᠭᠡᠰᠡᠨ ᠳᠤ ᠠᠬ᠎ᠠ ᠨᠢ ᠶᠡᠭᠡᠳᠡ ᠭᠠᠶᠢᠬᠠᠵᠤ᠄ ︽ᠴᠢ ᠶᠠᠭᠠᠭᠢᠭᠠᠳ ᠡᠶᠢᠮᠤ ᠰᠠᠶᠢᠬᠠᠨ ᠨᠢᠳᠤᠳᠠᠢ ᠪᠤᠯᠤᠭᠰᠠᠨ ᠪᠤᠢ︖︾ ᠭᠡᠪᠡ᠃ ᠲᠡᠭᠦᠦ ᠨᠢ ᠨᠢᠳᠤ ᠤᠷᠤᠭᠰᠠᠨ ᠪᠠ ᠲᠡᠭᠷᠢ  ᠶᠢᠨ ᠦᠭᠢᠳ  ᠶᠢ ᠭᠡᠷᠭᠢᠨ ᠤᠯᠵᠤ ᠰᠤᠨᠤᠰᠤᠭᠰᠠᠨ  ᠢᠶᠠᠨ ᠨᠢᠭᠡᠳ ᠨᠢᠭᠡ ᠪᠠᠷ ᠠᠬ᠎ᠠ ᠳᠤ ᠪᠠᠨ ᠭᠡᠯᠡᠵᠡᠢ᠃             ᠠᠬ᠎ᠠ ᠨᠢ ᠰᠤᠨᠤᠰᠤᠭᠠᠳ ᠠᠳᠠᠭᠠᠷᠬᠠᠬᠤ ᠰᠡᠳᠭᠢᠯ ᠲᠦᠷᠦᠵᠤ᠄ ︽ᠡᠨᠡ ᠮᠠᠭᠤ ᠰᠤᠬᠤᠷ ᠪᠠᠶᠢᠳᠠᠯ᠎ᠠ ᠨᠢᠳᠤ ᠤᠷᠤᠵᠤ ᠡᠶᠢᠮᠤ ᠨᠡᠷᠡᠳᠡᠢ ᠡᠮᠴᠢ ᠪᠤᠯᠤᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠪᠢ ᠴᠤ ᠬᠤᠶᠠᠷ ᠭᠦᠯ  ᠢᠶᠠᠨ ᠡᠳᠡᠭᠡᠷᠡᠭᠦᠯᠦᠭᠡᠳ ᠬᠠᠭᠠᠨ  ᠤ ᠡᠮᠴᠢ ᠪᠤᠯᠵᠤ ᠵᠢᠷᠭᠠᠶ᠎ᠠ︾ ᠭᠡᠵᠤ ᠪᠤᠳᠤᠭᠠᠳ ᠲᠡᠭᠦᠦ  ᠶᠢᠨ  ᠢᠶᠠᠨ ᠤᠨᠠᠭᠰᠠᠨ ᠬᠤᠳᠳᠤᠭ ᠤᠷᠤᠭᠤ ᠤᠷᠤᠭᠠᠳ ᠲᠡᠭᠷᠢ  ᠶᠢᠨ ᠦᠭᠢᠨ  ᠢ ᠭᠦᠯᠢᠶᠡᠨ ᠰᠠᠭᠤᠵᠠᠢ᠃             ᠭᠡᠳᠡᠯ᠎ᠠ ᠲᠡᠭᠷᠢ  ᠶᠢᠨ ᠦᠭᠢᠳ ᠢᠷᠡᠭᠰᠡᠨ ᠦᠭᠡᠢ᠃ ᠬᠠᠷᠢᠨ ᠠᠶᠢᠯ  ᠤᠨ ᠦᠭᠡᠷ ᠬᠠᠷᠢᠭᠤᠯᠳᠠᠭ ᠭᠡᠦᠭᠡᠳ ᠢᠷᠡᠵᠤ ᠬᠤᠳᠳᠤᠭ ᠲᠤᠳᠤᠷ᠎ᠠ ᠠᠮᠢᠳᠠᠨ ᠪᠠᠶᠢᠬᠤ  ᠶᠢ ᠦᠵᠡᠭᠡᠳ᠄ ︽ᠭᠦᠶ᠋ᠢ ᠬᠤᠳᠳᠤᠭ ᠲᠤᠳᠤᠷ᠎ᠠ ᠴᠢᠳᠭᠦᠷ ᠪᠠᠶᠢᠨ᠎ᠠ︾ ᠭᠡᠮᠡᠨ ᠶᠡᠭᠡ ᠲᠠᠭᠤᠨ  ᠢᠶᠠᠷ ᠪᠠᠷᠭᠢᠷᠠᠭᠰᠠᠨ  ᠳᠤ ᠤᠶᠢᠷ᠎ᠡ ᠤᠷᠴᠢᠮ  ᠤᠨ ᠭᠢᠨᠢ ᠴᠦᠮ ᠲᠠᠭᠤ ᠠᠪᠤᠯᠴᠠᠨ ᠭᠦᠷᠴᠤ ᠢᠷᠡᠭᠡᠳ ᠭᠦᠮᠤᠨ ᠲᠠᠢ ᠬᠤᠳᠳᠤᠭ ᠲᠠᠢ ᠨᠢ ᠡᠯᠡᠰᠤ ᠰᠢᠷᠤᠢ ᠪᠠᠷ ᠪᠤᠯᠠᠵᠤ ᠬᠠᠶᠠᠪᠠ ᠭᠡᠨ᠎ᠡ᠃             ᠢᠩᠭᠢᠭᠡᠳ ᠮᠠᠭᠤ ᠰᠠᠨᠠᠭᠠᠳᠤ ᠠᠬ᠎ᠠ ᠨᠢ ᠬᠠᠷ᠎ᠠ ᠠᠮᠢ ᠪᠠᠨ ᠲᠠᠭᠤᠰᠬᠠᠵᠤ᠂ ᠰᠠᠶᠢᠨ ᠰᠠᠨᠠᠭ᠎ᠠ ᠲᠠᠢ ᠲᠡᠭᠦᠦ ᠨᠢ ᠬᠤᠯᠨ ᠤᠶᠢᠷ᠎ᠠ ᠳᠤ ᠪᠠᠨ ᠠᠯᠳᠠᠷᠳᠠᠢ᠂ ᠬᠤᠳᠠᠯᠨ ᠤᠯᠠᠨ ᠳᠤ ᠪᠠᠨ ᠠᠴᠢᠯᠠᠯ ᠲᠠᠢ ᠮᠡᠷᠭᠡᠨ ᠡᠮᠴᠢ ᠪᠤᠯᠤᠭᠠᠳ ᠠᠰᠢᠳᠠ ᠵᠢᠷᠭᠠᠨ ᠰᠠᠭᠤᠪᠠ ᠭᠡᠨ᠎ᠡ᠃ ︵︽ᠮᠤᠩᠭᠤᠯ ᠠᠷᠠᠳ  ᠤᠨ ᠲᠤᠮᠤᠭ ᠦᠯᠢᠭᠡᠷ︾ ᠨᠤᠮ  ᠠᠴᠠ ᠠᠷᠠᠳᠴᠢ ᠰᠢᠯᠵᠢᠭᠦᠯᠪᠡ︶
 
ᠢᠷᠡᠯᠲᠡ᠄ ᠦᠪᠦᠷ ᠮᠣᠩᠭᠤᠯ ᠤᠨ ᠦᠨᠳᠦᠰᠦᠲᠡᠨ ᠤ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤᠨ ᠰᠡᠳᠭᠦᠯ ᠤᠨ ᠬᠤᠷᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠦᠪᠡᠭᠡᠲᠦ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠨᠢ ᠪᠦᠬᠦ ᠠᠶᠢᠮᠠᠭ ᠤᠨ ︽3.8︾ ᠶᠢᠨ ᠤᠯᠠᠭᠠᠨ ᠲᠤᠭᠴᠢ ᠁
ᠬᠦᠪᠡᠭᠡᠲᠦ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠤᠳᠬ᠎ᠠ ᠤᠷᠠᠯᠢᠭᠴᠢᠳ ᠤᠷᠠᠨ ᠪᠦᠳᠦᠭᠡᠯᠳᠡ ᠪᠠᠷ ᠢᠶᠠᠨ ᠬᠦᠴᠦ ᠨᠡᠮᠡᠷᠢᠯᠡᠵᠦ ᠪᠤᠢ
ᠬᠦᠪᠡᠭᠡᠲᠦ ᠰᠢᠷ᠎ᠠ ᠶᠢᠨ ᠴᠤᠤᠳᠤ ᠪᠦᠬᠡ ︽ᠭᠠᠩᠳᠠᠩ ᠪᠦᠵᠡᠢ︾ ᠲᠡᠮᠦᠷᠧᠴᠢᠷ ᠭᠤᠸᠠᠢ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠲᠠᠭᠤᠤ
ᠬᠦᠪᠡᠭᠡᠲᠦ ᠰᠢᠷ᠎ᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠠᠬᠠᠮᠠᠳ ᠤᠷᠠᠯᠢᠭᠴᠢᠨ— ᠨᠣᠷᠵᠢᠮ᠎ᠠ
ᠰᠤᠶᠤᠯ ᠤᠷᠠᠯᠢᠭ ᠤᠨ ᠦᠢᠯᠡᠰ ᠲᠤ ᠡᠷᠭᠦᠭᠰᠡᠨ ᠬᠠᠶᠢᠷ᠎ᠠ ᠬᠢᠬᠡᠳ ᠬᠠᠷᠢᠭᠤᠴᠠᠯᠭ᠎ᠠ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号