ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠬᠠᠩᠬᠢᠨᠠᠬᠤ ᠠᠯᠳᠠᠨ ᠶᠠᠳᠤᠭᠠ ᠶᠢᠨ ᠦᠯᠢᠭᠡᠷ | — ᠭᠧᠷᠮᠠᠨ ᠤᠯᠤᠰ ᠲᠤ ᠨᠤᠳᠤᠬᠰᠢᠭᠠ ᠲᠠᠭᠤᠴᠢᠨ | ᠴᠡᠬᠠᠷ ᠲᠣᠬᠴᠢ ᠣᠷᠡᠨᠠ ᠶᠢ ᠲᠠᠮᠳᠡᠭᠯᠡᠪᠠ | | ᠬᠢᠵᠠᠭᠠᠷ ᠦᠭᠡᠢ ᠦᠷᠭᠦᠯᠵᠢᠯᠡᠭᠦ ᠭᠡᠷᠡᠯ ᠤᠨ ᠭᠡᠳᠦᠨ ᠵᠢᠸᠠ ᠵᠢᠯ᠂ ᠤᠶᠠᠩᠭᠠᠷᠠᠨ | ᠡᠭᠡᠰᠢᠭᠯᠡᠳᠡᠭ ᠪᠣᠮᠠᠨ ᠰᠠᠴᠤᠷᠠᠭ ᠢᠶᠠᠷ ᠢᠶᠠᠨ ᠴᠠᠭ ᠬᠤᠭᠤᠴᠠᠭᠠ᠂ ᠤᠷᠤᠨ ᠵᠠᠢ ᠶᠢᠨ ᠡᠷᠬᠡᠰᠢᠶᠡᠯ ᠢ ᠲᠠᠪᠠᠨ | ᠲᠤᠭᠤᠯᠤᠭᠠᠳ ᠡᠭᠡ ᠪᠤᠯᠤᠭᠰᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠬᠠᠮᠤᠭ ᠠᠮᠢᠳᠠᠨ ᠤ ᠤᠷᠤᠰᠢᠨ ᠲᠤᠭᠳᠠᠨᠢᠬᠤ ᠪᠤᠳᠤᠩᠭᠤᠢ | ᠽᠠᠮᠪᠤᠳᠢᠪ ᠲᠤ ᠭᠡᠷᠡᠯ ᠶᠦᠭᠡᠨ ᠰᠠᠴᠤᠭᠰᠠᠨ ᠠᠴᠠ ᠪᠠᠶᠢᠭᠠᠯᠢ ᠲᠡᠯᠡᠭᠡᠢ ᠶᠢᠨ ᠠᠯᠢᠪᠠ ᠠᠮᠢ ᠨᠠᠰᠦ᠂ ᠤᠶᠤᠨ | ᠤᠬᠠᠭᠠᠨ ᠲᠠᠢ ᠪᠣᠯᠵᠠᠢ᠂ ᠲᠡᠷᠡ ᠯᠡ ᠤᠶᠤᠨ ᠤᠬᠠᠭᠠᠨ ᠡᠨᠡ ᠤᠷᠴᠢᠯᠠᠩ ᠢ ᠡᠮᠬᠢᠯᠡᠵᠦ ᠴᠡᠭᠴᠡᠯᠡᠵᠦ ᠴᠢᠳᠠᠭᠰᠠᠨ | ᠭᠡᠳᠡᠭ᠃ ᠲᠡᠶᠢᠨᠬᠦ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠤᠶᠤᠨᠯᠢᠭ ᠤᠬᠠᠭᠠᠨ ᠠᠴᠠ ᠲᠦᠷᠦᠨ ᠭᠠᠷᠤᠭᠰᠠᠨ ᠴᠢᠬᠢᠨ ᠤ | ᠴᠢᠮᠡᠭ ᠴᠢᠨᠳᠠᠮᠣᠨᠢ ᠡᠷᠳᠡᠨᠢ ᠶᠢ ︽ᠲᠠᠭᠤᠤ ᠬᠦᠭᠵᠢᠮ︾ ᠬᠡᠮᠡᠨ ᠨᠡᠷᠡᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠠᠵᠢ᠃ | ᠣᠷᠣᠰ ᠤᠨ ᠨᠢᠭᠡᠨ ᠠᠯᠳᠠᠷᠳᠦ ᠲᠠᠭᠤᠤ ᠬᠦᠭᠵᠢᠮ ᠤᠨ ᠰᠢᠭᠦᠮᠵᠢᠯᠡᠭᠴᠢ ᠠᠴᠠ ᠲᠤᠸᠠ ᠤᠯᠤᠰ ᠤᠨ | ᠲᠠᠭᠤᠴᠢᠨ ᠰᠠᠶᠢᠨᠬᠦᠤ ᠨᠠᠮᠳᠠᠴᠢᠯᠡᠺᠧ ᠪᠡ ᠤᠷᠳᠤᠰ ᠨᠤᠳᠤᠭ ᠲᠠᠢ ᠳᠠᠭᠤᠴᠢᠨ ᠴᠠᠬᠠᠷ ᠳᠤᠭᠴᠢ ᠤᠷᠡᠨᠠ ᠶᠢ | ︽ᠠᠽᠢᠶᠠ ᠲᠢᠪ ᠤᠨ ᠢᠷᠠᠭᠤ ᠬᠤᠭᠤᠯᠠᠶᠢᠳᠦ ᠬᠤᠣᠰ ᠲᠠᠭᠤᠴᠢᠨ︾ ᠬᠡᠵᠦ ᠴᠤᠯᠠᠯᠠᠵᠦ ᠪᠢᠯᠡ᠃ ᠬᠡᠳᠦᠬᠡᠨ | ᠬᠤᠨᠤᠭ ᠤᠨ ᠡᠮᠦᠨᠠ ᠳᠠᠭᠤᠴᠢᠨ ᠤᠷᠡᠨᠠ ᠶᠢᠨ ᠦᠯᠦᠬᠡᠢ ᠨᠤᠳᠤᠭ ᠤᠷᠳᠦᠰ ᠲᠠᠬᠢ ᠳᠤᠰᠬᠠᠢ ᠳᠠᠯᠠᠪᠠᠢ | ᠳᠤᠭᠯᠠᠯᠳᠠ ᠨᠢ ᠠᠮᠵᠢᠯᠳᠠ ᠲᠠᠢ ᠪᠤᠯᠵᠦ ᠦᠡᠭᠬᠡᠷᠡᠭᠰᠡᠨ ᠪᠤᠯ ᠳᠡᠬᠦᠨ ᠲᠠᠢ ᠠᠵᠠ ᠪᠠᠷ ᠠᠭᠤᠯᠵᠠᠨ᠂ | ᠤᠷᠠᠯᠢᠭ ᠤᠨ ᠵᠠᠮ ᠳᠠᠬᠢ ᠠᠯᠳᠠᠭᠠ ᠤᠨᠤᠭᠠ᠂ ᠪᠠᠶᠡᠷ ᠭᠤᠨᠢᠭ ᠪᠦᠬᠦᠨ ᠢ ᠨᠢ ᠬᠤᠪᠢᠶᠠᠯᠴᠠᠬᠤ ᠳᠠᠪᠢᠯᠠᠩ ᠲᠠᠢ | ᠪᠠᠶᠢᠵᠠᠢ᠃ | ᠡᠶᠢᠨᠭᠦ ᠲᠠᠭᠤᠴᠢᠨ ᠤᠷᠠᠨᠠ ᠶᠢᠨ ᠠᠯᠳᠠᠨ ᠶᠠᠳᠤᠭᠠ ᠪᠠᠨ ᠡᠷᠢᠭᠰᠡᠨ ᠦᠯᠢᠭᠡᠷ ᠡᠬᠢᠯᠡᠵᠦ ᠪᠠᠶᠢᠨᠠ᠁ | | ᠨᠢᠭᠡ ᠪᠢ ᠦᠷᠭᠦᠯᠵᠢ ᠮᠠᠩᠭᠤᠰ ᠢ ᠵᠡᠭᠦᠳᠦᠯᠡᠳᠡᠭ᠃ ᠡᠷᠳᠡᠨ ᠤ ᠲᠤᠤᠯᠢ ᠳᠤ ᠭᠠᠷᠳᠠᠭ ᠲᠡᠷᠡᠭᠦ | ᠠᠷᠪᠡᠨ ᠬᠤᠶᠡᠷ ᠲᠣᠯᠣᠭᠠᠢ ᠲᠠᠢ ᠠᠷᠵᠠᠭᠠᠷ ᠬᠠᠷᠠ ᠮᠠᠩᠭᠤᠰ ᠬᠡᠵᠢᠶᠡᠳᠡ ᠰᠦᠨᠢ ᠶᠢᠨ ᠡᠵᠡᠭᠦᠢ ᠳᠤ ᠨᠠᠭᠠᠢ | ᠡᠵᠢ ᠶᠢᠨ ᠦᠯᠡᠳᠡᠭᠡᠭᠰᠡᠨ ᠠᠯᠳᠠᠨ ᠶᠠᠳᠤᠭᠠ ᠶᠢ ᠮᠢᠨᠢ ᠪᠣᠯᠢᠶᠠᠬᠤ ᠬᠡᠵᠦ ᠢᠷᠡᠳᠡᠭ᠃ ᠡᠨᠡ ᠶᠠᠳᠤᠭᠠ ᠮᠠᠰᠢ | ᠡᠷᠳᠡ ᠲᠡᠭᠡᠷᠡ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠨ ᠢᠷᠡᠭᠰᠡᠨ ᠲᠡᠤᠭᠡ ᠲᠠᠢ᠂ ᠶᠠᠳᠤᠭᠠ ᠪᠣᠯ ᠮᠢᠨᠦ ᠠᠮᠢ ᠨᠠᠰᠦ︕ ᠪᠢ | ᠢᠮᠠᠭᠳᠠ ᠡᠷᠭᠡ ᠴᠢᠯᠦᠭᠡ ᠪᠠᠨ ᠡᠨᠡ ᠯᠡ ᠶᠠᠳᠤᠭᠠ ᠪᠠᠷ ᠲᠠᠭᠤᠯᠠᠵᠦ᠂ ᠤᠶᠤᠨ ᠰᠦᠨᠡᠰᠦ᠂ ᠭᠡᠶᠢᠮᠦᠷᠢ ᠪᠠᠨ ᠲᠠᠯᠠᠯᠳᠠᠭ᠃ | ᠠᠯᠳᠠᠨ ᠶᠠᠳᠤᠭᠠ ᠪᠠᠨ ᠠᠯᠳᠠᠬᠤ ᠦᠭᠡᠢ᠂ ᠠᠯᠳᠠᠬᠤ ᠴᠦ ᠶᠣᠰᠦ ᠦᠭᠡᠢ ᠬᠡᠵᠦ ᠪᠤᠳᠤᠨ ᠲᠡᠮᠡᠴᠡᠭᠰᠡᠭᠡᠷ | ᠬᠠᠷᠠ ᠲᠠᠷᠤᠨ ᠰᠡᠷᠢᠴᠢᠭᠡᠳᠡᠭ᠁ | ᠪᠢ ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠪᠠᠷ ᠣᠣᠯ ᠤᠨ ᠶᠡᠭᠡ ᠵᠤᠤ | ᠠᠶᠢᠮᠠᠭ ᠤᠨ ᠦᠣᠰᠢᠨ ᠬᠤᠰᠢᠭᠤᠨ ᠤ ᠱᠠᠷᠯᠢᠭ ᠰᠣᠮᠣᠨ ᠳᠤ ᠮᠠᠨᠳᠤᠯᠠᠵᠠᠢ᠃ ᠠᠷᠭᠠᠯ ᠤᠨ ᠴᠡᠩᠭᠡᠷ ᠤᠳᠤᠭᠠᠳᠦ | ᠬᠦᠨᠳᠡᠢ᠂ ᠬᠤᠨᠢ ᠢᠮᠠᠭᠠ ᠦᠭᠡᠷ ᠮᠠᠯ ᠤᠨ ᠴᠢᠮᠡᠭᠡ᠂ ᠬᠡᠤᠭᠡᠳ ᠪᠠᠭᠠᠴᠣᠳ ᠤᠨ ᠴᠤᠪᠤᠭᠤ ᠲᠠᠭᠤᠨ᠂ ᠰᠠᠯᠬᠢ ᠪᠠᠷ | ᠭᠠᠩᠬᠤᠬᠤ ᠰᠢᠷᠳᠡᠭ ᠤᠨ ᠴᠠᠭᠠᠨ ᠴᠠᠶᠢᠳᠠᠮ ᠳᠤ ᠤᠨᠠᠭᠠᠨ ᠨᠠᠰᠤ ᠮᠢᠨᠢ ᠪᠤᠶᠢᠵᠢᠭᠰᠠᠨ᠃ ᠪᠠᠭᠠ ᠪᠠᠶᠢᠬᠤ ᠳᠤ ᠪᠢ | ᠨᠠᠭᠠᠢ ᠡᠵᠢ ᠲᠠᠢ ᠪᠠᠨ ᠰᠠᠶᠢᠨ ᠰᠠᠭᠤᠳᠠᠭ ᠪᠠᠶᠢᠭᠰᠠᠨ᠂ ᠪᠢᠳᠡ ᠬᠤᠶᠠᠭᠤᠯᠠ ᠪᠠᠨ ᠨᠠᠷᠠ ᠲᠠᠢ ᠬᠤᠷᠸᠠ ᠶᠢᠨ | ᠨᠠᠮᠣᠭᠤᠬᠠᠨ ᠪᠡᠯᠴᠢᠭᠡᠷ ᠲᠡᠭᠡᠷᠡ ᠬᠤᠨᠢ ᠮᠠᠯ ᠢᠶᠠᠨ ᠬᠠᠷᠠᠭᠤᠯᠵᠦ ᠶᠠᠪᠤᠭᠰᠠᠭᠠᠷ ᠪᠠᠶᠢᠵᠦ᠂ ᠪᠢ ᠵᠠᠷᠢᠮ ᠳᠠᠭᠠᠨ | ᠲᠠᠭᠳᠠᠵᠦ ᠶᠠᠳᠠᠷᠠᠴᠢᠬᠠᠨᠠ᠂ ᠲᠡᠭᠡᠭᠡᠳ ᠨᠠᠭᠠᠢ ᠡᠵᠢ ᠮᠢᠨᠢ ᠨᠠᠮᠡᠢᠢ ᠨᠢᠷᠤᠭᠤᠨ ᠲᠡᠭᠡᠷᠡ ᠪᠠᠨ ᠡᠭᠦᠷᠦᠭᠡᠳ | ᠦᠯᠢᠭᠡᠷ ᠶᠠᠷᠢᠵᠦ᠂ ᠲᠠᠭᠤᠤ ᠲᠠᠭᠤᠯᠠᠵᠦ ᠦᠭᠬᠦᠨᠠ᠂ ᠪᠢ ᠨᠠᠭᠠᠢ ᠡᠵᠢ ᠶᠢᠨ ᠢᠶᠠᠨ ᠲᠠᠭᠤᠯᠠᠭᠰᠠᠨ ᠲᠠᠭᠤᠤ ᠶᠢ | ᠰᠤᠨᠤᠰᠤᠭᠰᠠᠭᠠᠷ ᠰᠤᠨᠤᠰᠤᠭᠰᠠᠭᠠᠷ ᠤᠨᠳᠠᠭᠠᠳ ᠦᠭᠴᠢᠭᠡᠳᠡᠭ ᠶᠤᠮ᠁ | ︽ᠪᠠᠶᠠᠷᠮᠠᠩᠨᠠᠢ ᠶᠢᠨ ᠰᠢᠯᠢ ᠠᠴᠠ / ᠪᠠᠷᠠᠭᠤᠨ ᠰᠢᠯᠢ ᠨᠢ ᠪᠠᠷᠠ ᠲᠠᠢ / ᠪᠠᠭᠰᠢᠷᠠᠵᠦ ᠬᠠᠷᠠᠭᠳᠠᠭᠴᠢ / | ᠮᠠᠨ ᠤ ᠨᠤᠳᠤᠭ ᠲᠡᠨᠳᠠ ᠰᠢᠤ / ᠭᠠᠯᠪᠢᠩᠭᠠ ᠶᠢᠨ ᠲᠡᠭᠳᠡᠭᠡᠬᠡᠢ / ᠬᠤᠶᠠᠷ ᠰᠦᠳᠦ ᠨᠢ ᠬᠦᠢᠴᠡᠭᠡᠳᠦᠢ / ᠭᠠᠳᠠᠭᠠᠳᠦ | ᠲᠠᠯᠠᠢ ᠶᠢ ᠲᠤᠭᠤᠯᠮᠠᠨᠵᠢᠨ / ᠵᠢᠭᠦᠷᠳᠡᠨ ᠭᠡᠰᠡᠨ ᠴᠣᠯᠠ ᠲᠠᠢ᠁︾᠃ | ᠤᠳᠤ ᠪᠤᠳᠤᠬᠤ ᠳᠤ ᠪᠦᠪᠠᠢ ᠶᠢᠨ ᠲᠠᠭᠤᠣ ᠪᠠᠷ ᠢᠶᠠᠨ ᠨᠢᠯᠬᠠᠬᠠᠨ ᠤᠶᠤᠨ ᠳᠤ ᠮᠢᠨᠢ ᠰᠢᠮᠠ | ᠤᠯᠭᠤᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠮᠢᠨᠢ ᠠᠩᠬᠠᠨ ᠤ ᠪᠠᠭᠰᠢ ᠪᠣᠯ ᠬᠠᠶᠢᠷᠠᠳᠦ ᠨᠠᠭᠠᠢ ᠡᠵᠢ ᠮᠢᠨᠢ ᠪᠠᠶᠢᠵᠦ ᠳ᠋ᠠ᠃ | ᠮᠠᠨ ᠤ ᠠᠶᠢᠯ ᠤᠨ ᠬᠡᠤᠬᠡᠳ ᠪᠦᠬᠦᠯᠢ ᠠᠷᠪᠡ ᠬᠦᠷᠦᠮᠡᠨᠵᠢᠨ ᠰᠠᠶ᠋ᠢ ᠪᠠᠭᠠ ᠰᠣᠷᠭᠠᠭᠤᠯᠢ ᠳᠤ ᠣᠴᠢᠳᠠᠭ᠂ | ᠲᠡᠭᠷᠢ ᠳᠤ ᠵᠡᠯᠡᠯᠡᠬᠦ ᠰᠢᠪᠠᠭᠤᠳ ᠤᠨ ᠭᠠᠩᠭᠠᠨᠠᠭᠠ ᠲᠠᠢ ᠲᠡᠷᠡ ᠯᠡ ᠨᠠᠮᠤᠷ ᠢᠶᠠᠷ ᠠᠪᠤ ᠮᠢᠨᠢ ᠡᠳᠦᠷ | ᠲᠣᠳᠣᠮ ᠤᠨ ᠤᠨᠤᠯᠭᠠᠨ ᠳᠠᠭᠠᠨ ᠭᠡᠷᠡᠭᠯᠡᠳᠡᠭ ᠬᠤᠨᠢᠨ ᠪᠣᠷᠦ ᠮᠤᠷᠢ ᠶᠢ ᠮᠢᠨᠢ ᠤᠨᠤᠭᠤᠯᠤᠭᠠᠳ ᠭᠠᠴᠠᠭᠠᠨ ᠤ | ᠰᠣᠷᠭᠠᠭᠤᠯᠢ ᠶᠢᠨ ᠠᠯᠳᠠᠨ ᠪᠣᠱᠤᠭᠠ ᠶᠢ ᠠᠯᠬᠤᠭᠤᠯᠤᠭᠰᠠᠨ ᠪᠢᠯᠡ᠃ ᠢᠩᠬᠢᠵᠦ ᠯᠠ ᠪᠢ ︽ᠴᠠᠭᠠᠨ ᠲᠣᠯᠣᠭᠠᠢ︾ | ᠬᠡᠮᠡᠬᠦ ᠲᠠᠯᠠᠭᠡᠢ ᠳᠤ ᠭᠠᠭᠴᠠᠬᠠᠨ ᠤᠳᠬᠠ ᠶᠢᠨ ᠢᠷᠠᠭᠤ ᠪᠣᠯᠣᠭᠰᠠᠨ ᠪᠣᠰᠤᠭᠠ ᠮᠣᠩᠭᠤᠯ ᠪᠢᠴᠢᠭ ᠲᠠᠢ ᠪᠠᠨ | ᠲᠠᠨᠢᠯᠴᠠᠨ ᠤᠶᠤᠨ ᠤ ᠢᠯᠴᠢ᠂ ᠰᠠᠳᠬᠢᠯ ᠤᠨ ᠭᠡᠭᠡ ᠪᠠᠨ ᠠᠪᠴᠠᠢ᠃ | ᠬᠤᠶᠠᠷ ᠶᠡᠭᠡ ᠬᠦᠨ ᠤᠬᠠᠭᠠᠨᠳᠠᠨ ᠱᠤᠫᠠᠨ᠋ᠭᠠᠸᠧᠷ ᠠᠴᠠ ︽ᠡᠨᠡ ᠬᠤᠷᠸᠠ ᠲᠡᠭᠡᠷᠡ ᠠᠵᠠ | ᠵᠢᠷᠭᠠᠯ ᠬᠡᠵᠦ ᠶᠠᠭᠤ ᠪᠣᠢ︖ ᠬᠡᠷᠪᠡ ᠬᠦᠮᠦᠨ ᠡᠮᠦᠨᠠ ᠪᠠᠨ ᠲᠠᠯᠪᠢᠭᠰᠠᠨ ᠵᠣᠷᠢᠯᠭᠠ ᠳᠠᠭᠠᠨ ᠬᠦᠷᠴᠦ ᠴᠢᠳᠠᠬᠤ | ᠦᠭᠡᠢ ᠪᠤᠯ᠂ ᠬᠦᠰᠡᠯ ᠨᠢ ᠪᠡᠶᠡᠯᠡᠭᠦ ᠦᠭᠡᠢ ᠪᠤᠯ ᠠᠵᠠ ᠵᠢᠷᠭᠠᠯ ᠦᠭᠡᠢ ᠪᠤᠯᠤᠨᠠ᠃ ᠬᠡᠪᠡᠴᠦ ᠬᠦᠰᠡᠯ ᠨᠢ | ᠭᠦᠢᠴᠡᠯᠳᠦᠴᠢᠬᠡᠭᠦ ᠶᠤᠮ ᠪᠣᠯ ᠤᠶᠢᠳᠬᠠᠷ ᠲᠤ ᠠᠪᠳᠠᠨ ︿ ᠴᠢᠨᠠᠭᠰᠢᠳᠠ ᠶᠠᠭᠠᠬᠢᠬᠤ ᠪᠢᠯᠡ︖﹀ ᠬᠡᠵᠦ | ᠦᠪᠡᠷ ᠠᠴᠠ ᠪᠠᠨ ᠠᠰᠠᠭᠤᠬᠤ ᠳᠤ ᠬᠦᠷᠬᠦ ᠶᠤᠮ︾ ᠬᠡᠵᠦ ᠬᠡᠯᠠᠵᠠᠢ᠂ ᠤᠳᠤ ᠶᠢᠨ ᠴᠠᠭ ᠦᠶᠡ ᠳᠤ | ᠮᠣᠩᠭᠤᠯᠴᠣᠳ ᠪᠢᠳᠠᠨ ᠤ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠭᠡᠭᠴᠢ ᠶᠠᠭᠤ ᠪᠠᠶᠢᠳᠠᠭ ᠪᠢᠯᠡ︖ ᠬᠦᠰᠡᠯ ᠵᠤᠷᠢᠯᠳᠠ᠂ ᠰᠢᠨᠤᠯ | ᠲᠠᠴᠢᠶᠠᠯ ᠢᠶᠠᠨ ᠪᠢᠳᠠ ᠠᠩᠬᠢᠳᠠ ᠰᠠᠯᠭᠠᠵᠦ ᠴᠢᠳᠠᠳᠠᠭ ᠶᠤᠮ ᠪᠤᠯ ᠤᠤ︖ | ᠴᠠᠭ ᠤᠨ ᠭᠦᠷᠳᠦ ᠶᠢ ᠲᠠᠭᠠᠨ 1990 ᠣᠨ ᠤ ᠨᠠᠮᠤᠷ ᠪᠢ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠪᠠᠨ | ᠲᠦᠭᠦᠷᠭᠡᠨ᠂ ᠱᠠᠩᠬᠠᠢ ᠶᠢᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠡᠯᠰᠡᠭᠳᠡᠵᠤ᠂ ᠠᠩᠬᠠ ᠤᠳᠠᠭᠠ | ᠭᠠᠯᠳᠦ ᠲᠡᠷᠭᠡᠨ ᠳᠤ ᠰᠠᠭᠤᠵᠦ᠂ ᠱᠠᠩᠬᠠᠢ ᠶᠢ ᠵᠤᠷᠢᠯᠠ᠃ ᠭᠠᠯᠳᠦ ᠲᠡᠷᠭᠡ ᠢᠮᠠᠭᠳᠠ ᠬᠦᠮᠦᠨ ᠤ ᠬᠦᠰᠡᠯ | ᠮᠦᠷᠦᠭᠡᠳᠦᠯ ᠢ ᠠᠴᠢᠭᠠᠳ ᠶᠠᠪᠤᠳᠠᠭ ᠠᠵᠢ᠂ ᠲᠡᠮᠡᠢ ᠬᠤᠶᠡᠷ ᠬᠢᠳᠡᠳ ᠦᠭᠡ ᠮᠡᠳᠡᠭᠦ ᠦᠭᠡᠢ᠂ ᠰᠠᠶ᠋ᠢᠬᠠᠨ ᠬᠤᠷᠢ ᠶᠢᠨ | ᠲᠤᠯᠤᠭᠠᠢ ᠶᠢ ᠰᠢᠭᠦᠷᠴᠦ ᠪᠠᠶᠢᠭᠰᠠᠨ ᠨᠠᠮᠠᠢᠢ ᠡᠨᠡᠬᠦ ᠲᠠᠨᠢᠯ ᠪᠣᠰᠦ ᠬᠤᠳᠠ ᠶᠢᠨ ︽ᠤᠯᠠᠭᠠᠨ᠂ ᠰᠢᠷᠠ᠂ ᠨᠣᠭᠤᠭᠠᠨ︾ | ᠦᠩᠭᠡᠳᠦ ᠰᠤᠯᠤᠩᠭᠠᠨ ᠳ᠋ᠧᠩ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠱᠤᠭᠯᠠᠨ ᠢᠨᠢᠶᠡᠵᠦ ᠪᠠᠶᠢᠬᠤ ᠶᠢ ᠪᠢ | ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠮᠠᠳᠠᠷᠡᠵᠦ ᠪᠠᠶᠢᠭᠰᠠᠨ᠃ | ᠪᠢ ᠠᠩᠬᠠ ᠱᠠᠩᠬᠠᠢ ᠶᠢᠨ ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠶᠠᠩᠴᠢᠨ ᠬᠦᠭᠵᠢᠮ ᠤᠨ | ᠮᠡᠷᠭᠡᠵᠢᠯ ᠢᠶᠠᠷ ᠰᠤᠷᠦᠯᠴᠠᠵᠦ᠂ ᠬᠠᠷᠡᠬᠠᠨ ᠪᠠᠭᠠ ᠠᠴᠠ ᠪᠠᠨ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠦ ᠶᠢᠨ ᠲᠠᠭᠤ ᠠᠪᠢᠶᠠ ᠪᠦᠭᠦᠨ ᠳᠤ | ᠰᠤᠨᠢᠷᠬᠠᠯᠳᠠᠢ ᠶᠢᠨ ᠤᠴᠢᠷ ᠦᠪᠡᠷ ᠢᠶᠠᠨ ᠬᠢᠴᠢᠶᠡᠯ ᠤᠨ ᠭᠠᠳᠠᠭᠤᠷ ᠡᠷᠡᠣ ᠬᠤᠭᠤᠷ᠂ ᠲᠡᠭᠦᠯᠳᠠᠷ ᠬᠤᠭᠤᠷ | ᠵᠡᠷᠬᠡ ᠶᠢᠨ ᠬᠢᠴᠢᠶᠡᠯ ᠢ ᠰᠤᠨᠤᠰᠴᠦ᠂ ᠤᠷᠠᠯᠢᠭ ᠤᠨ ᠮᠡᠳᠡᠷᠡᠮᠵᠢ ᠪᠠᠨ ᠲᠡᠭᠡᠭᠰᠢᠯᠡᠭᠦᠯᠪᠡ᠂ ᠵᠦᠪᠬᠡᠨ ᠰᠤᠨᠤᠰᠬᠤ ᠪᠠᠷ | ᠲᠠᠮᠵᠢᠨ ᠪᠢ ᠤᠯᠠᠨ ᠵᠦᠢᠯ ᠢ ᠤᠬᠠᠭᠠᠷᠠᠭᠰᠠᠨ᠃ ᠮᠠᠨ ᠤ ᠠᠩᠬᠢ ᠶᠢᠨ ᠨᠦᠭᠦᠳ ︽ᠤᠷᠠᠨᠠ ᠴᠢ ᠪᠣᠯ ᠰᠤᠯᠢᠶᠠᠳᠦ︾ | ᠬᠡᠵᠦ ᠦᠷᠭᠦᠯᠵᠢ ᠬᠡᠯᠡᠳᠡᠭ᠃ ᠦᠨᠡᠭᠡᠷ ᠬᠦᠮᠦᠨ ᠦᠪᠡᠷ ᠤᠨ ᠵᠤᠷᠢᠭᠰᠠᠨ ᠵᠦᠢᠯ ᠳᠡᠭᠡᠨ ᠡᠷᠭᠡᠪᠰᠢ ᠨᠢᠭᠡᠨ | ᠭᠠᠯᠵᠠᠭᠤᠷᠠᠭᠰᠠᠨ ᠮᠡᠳᠦ ᠰᠡᠳᠬᠢᠯ ᠢᠶᠠᠷ ᠲᠡᠮᠡᠴᠡᠭᠦ ᠬᠡᠷᠡᠭᠳᠡᠢ ᠬᠡᠵᠦ ᠪᠢ ᠪᠤᠳᠤᠨᠠ᠃ | ︽ᠠᠵᠠ ᠲᠠᠢ ᠲᠦᠷᠦᠭᠰᠡᠨ ᠠᠰᠬᠠᠨ ᠪᠡᠶᠡ ᠮᠢᠨᠢ / ᠠᠯᠢᠪᠠ ᠶᠢ ᠲᠤᠭᠤᠯᠳᠠᠭ ᠵᠤᠷᠢᠭ ᠰᠦᠰᠦ ᠮᠢᠨᠢ / ᠠᠪᠦ | ᠡᠵᠢ ᠶᠢᠨ ᠨᠠᠨᠳᠢᠨ ᠰᠤᠷᠭᠠᠯ ᠢ / ᠬᠠᠷᠠᠮ ᠦᠭᠡᠢ ᠰᠡᠳᠬᠢᠯ ᠢᠶᠠᠷ ᠵᠠᠯᠭᠠᠨ ᠬᠠᠶᠢᠷᠠᠯᠠᠨᠠ︾᠃ | ᠡᠨᠡ ᠪᠤᠯ ᠮᠢᠨᠦ ᠦᠪᠡᠷ ᠢᠶᠠᠨ ᠵᠤᠬᠢᠶᠠᠭᠰᠠᠨ ︽ᠬᠠᠷᠠᠮ ᠦᠭᠡᠢ︾ ᠬᠡᠭᠦ ᠲᠠᠭᠤᠤ ᠪᠤᠯᠤᠨᠠ᠃ ᠱᠠᠩᠬᠠᠢ ᠶᠢᠨ | ᠲᠠᠭᠤᠤ ᠬᠦᠭᠵᠢᠮ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠪᠢ ᠪᠦᠬᠦ ᠤᠯᠤᠰ ᠤᠨ ᠲᠠᠪᠢᠨ ᠵᠢᠷᠭᠤᠭᠠᠨ | ᠦᠨᠳᠦᠰᠦᠳᠡᠨ ᠤ ᠲᠠᠭᠤᠴᠢᠳ ᠲᠠᠢ ᠲᠠᠨᠢᠯᠴᠠᠵᠦ ᠨᠦᠭᠦᠷᠯᠡᠭᠰᠡᠨ ᠪᠢᠯᠡ᠃ ᠪᠢᠳᠠ ᠪᠦᠭᠦᠨ ᠠᠳᠠᠯᠢᠬᠠᠨ | ᠬᠡᠪᠰᠢᠯ ᠢᠶᠠᠷ ᠬᠦᠮᠦᠵᠢᠭᠳᠡᠪᠡ᠂ ᠮᠠᠨ ᠤ ᠲᠠᠭᠤᠤ ᠪᠦᠷ ᠠᠳᠠᠯᠢᠬᠠᠨ ᠪᠣᠯᠪᠠ᠃ ᠴᠤᠷ ᠤᠨ ᠭᠠᠭᠴᠠ ᠠᠳᠠᠯᠢ | ᠪᠣᠰᠦ ᠨᠢ ᠮᠠᠨ ᠤ ᠦᠪᠡᠷ ᠦᠪᠡᠷ ᠤᠨ ᠦᠨᠳᠦᠰᠦᠳᠡᠨ ᠤ ᠡᠭᠡ ᠬᠡᠯᠡ ᠪᠣᠯᠵᠦ ᠢᠯᠭᠠᠷᠠᠭᠰᠠᠨ ᠶᠤᠮ᠃ | ᠭᠤᠷᠪᠠ ︽ᠠᠶᠠᠯᠠᠭᠤᠯᠵᠦ ᠲᠠᠭᠤᠯᠠᠭᠰᠠᠨ ᠲᠠᠭᠤᠤ ᠪᠠᠷ ᠢᠶᠠᠨ / ᠠᠮᠢᠳᠦ ᠶᠢᠷᠳᠢᠨᠴᠦ ᠶᠢ | ᠦᠨᠡᠨᠴᠢ ᠢᠨᠢᠶᠡᠯᠭᠡᠭᠦ ᠪᠠᠷ / ᠠᠭᠠᠯᠢ ᠲᠠᠢ ᠰᠠᠶᠢᠬᠠᠨ ᠮᠤᠩᠭᠤᠯ ᠵᠠᠩ ᠢᠶᠠᠷ ᠢᠶᠠᠨ / ᠠᠯᠢᠪᠠ ᠬᠦᠢᠰᠤᠳᠠᠨ ᠲᠠᠢ | ᠠᠮᠤᠷ ᠢᠶᠠᠨ ᠮᠠᠨᠳᠦᠴᠢᠯᠡᠶᠠ᠁︾᠃ | 1994 ᠤᠨ ᠨᠠᠳᠠ ᠳᠤ ᠠᠪᠴᠦ ᠭᠡᠯᠡᠪᠠᠯ ᠮᠦᠨ ᠨᠢᠭᠡ ᠶᠡᠷᠦ ᠪᠤᠰᠦ ᠶᠢᠨ ᠵᠢᠯ ᠶᠤᠮ᠂ ᠡᠨᠡ ᠵᠢᠯ ᠪᠢ | ᠨᠠᠰᠤᠨ ᠤ ᠬᠠᠨᠢ ᠪᠠᠨ ᠲᠠᠭᠠᠵᠦ᠂ ᠲᠠᠯᠡᠭᠡᠢ ᠶᠢᠨ ᠰᠤᠩᠭᠤᠳᠠᠭ ᠤᠷᠠᠯᠢᠭ ᠤᠨ ᠬᠤᠰᠢᠭᠤᠴᠢ ᠤᠷᠤᠨ — ᠭᠧᠷᠮᠠᠨ | ᠤᠯᠤᠰ ᠲᠤ ᠢᠷᠡᠭᠰᠡᠨ ᠪᠢᠯᠡ᠃ ᠭᠧᠷᠮᠠᠨ ᠤᠯᠤᠰ ᠲᠤ ᠪᠣᠰᠣᠳ ᠣᠯᠣᠰ ᠦᠨᠳᠣᠰᠦᠳᠠᠨ ᠤ ᠰᠤᠶᠤᠯ | ᠤᠷᠠᠯᠢᠭ ᠢ ᠰᠤᠳᠤᠯᠤᠨ ᠲᠡᠯᠭᠡᠷᠡᠭᠦᠯᠵᠦ᠂ ᠬᠠᠳᠠᠭᠠᠯᠠᠨ ᠬᠠᠮᠠᠭᠠᠯᠠᠬᠤ ᠶᠢ ᠲᠤᠩ ᠠᠩᠬᠠᠷᠳᠠᠭ᠂ ᠤᠴᠢᠷ ᠨᠢ ᠣᠷᠠᠯᠢᠭ | ᠪᠤᠯ ᠪᠦᠬᠦ ᠬᠦᠮᠦᠨ ᠲᠦᠷᠦᠯᠬᠢᠳᠠᠨ ᠤ ᠬᠠᠮᠳᠤ ᠶᠢᠨ ᠦᠪ ᠬᠡᠮᠡᠨ ᠠᠳᠡᠬᠢ ᠶᠢᠨ ᠬᠦᠮᠦᠰ ᠰᠡᠳᠬᠢᠯ ᠨᠢᠭᠡᠳᠡᠢ | ᠮᠡᠳᠡᠷᠡᠳᠡᠭ᠃ ᠠᠳᠡ ᠠᠴᠠ ᠪᠢ ᠲᠡᠯᠡᠭᠡᠢ ᠶᠢᠨ ᠤᠯᠠᠨ ᠤᠯᠤᠰ ᠤᠷᠤᠨ ᠤ ᠨᠡᠷᠡᠳᠦ ᠬᠦᠭᠵᠢᠮ ᠤᠨ ᠲᠠᠷᠬᠠᠳ ᠤᠨ | ᠪᠦᠳᠦᠭᠡᠯ ᠲᠠᠢ ᠲᠠᠨᠢᠯᠴᠠᠵᠦ᠂ ᠬᠠᠮᠳᠤᠷᠠᠨ ᠠᠵᠢᠯᠯᠠᠵᠦ ᠬᠠᠷᠠᠭᠠ ᠪᠠᠨ ᠨᠡᠭᠡᠭᠡᠵᠦ᠂ ᠰᠤᠨᠤᠷ ᠢᠶᠠᠨ ᠲᠡᠯᠡᠭᠰᠡᠨ ᠪᠢᠯᠡ᠃ | | ᠨᠠᠮᠬᠠᠨ ᠤᠷᠤᠰᠬᠠᠯᠳᠦ ᠷᠠᠶᠢᠨ ᠮᠦᠷᠡᠨ ᠤ ᠨᠤᠮᠢᠨ ᠲᠤᠯᠬᠢᠶᠠ᠂ ᠠᠨᠢᠷ ᠦᠭᠡᠢ ᠶᠢᠨ ᠲᠤᠮᠳᠠ ᠬᠠᠩᠬᠢᠨᠠᠬᠤ | ᠮᠦᠷᠭᠦᠯ ᠤᠨ ᠲᠠᠭᠤᠤ ᠶᠢᠨ ᠡᠭᠡᠰᠢᠭ᠂ ᠤᠭᠳᠠᠷᠭᠤᠢ ᠶᠢᠨ ᠴᠡᠭᠡᠯ ᠳᠤ ᠰᠦᠮᠡᠯᠵᠡᠬᠦ ᠬᠠᠪᠢᠷᠭᠠᠨ ᠰᠠᠷᠠᠨ ᠤ ᠦᠨᠦᠴᠢᠨ | ᠨᠢᠯᠪᠤᠰᠦ᠁ ᠡᠳᠡᠭᠡᠷ ᠪᠦᠭᠦᠨ ᠤᠢ ᠲᠦᠢᠨ ᠠᠴᠠ ᠭᠠᠷᠳᠠᠭ ᠦᠭᠡᠢ ᠬᠦᠭᠡᠷᠦᠬᠦᠢ ᠤᠷᠳᠦᠰ ᠨᠤᠳᠤᠭ᠂ ᠠᠪᠦ ᠡᠵᠢ᠂ | ᠡᠯᠢᠭᠡᠨ ᠰᠠᠳᠤᠨ ᠢ ᠮᠢᠨᠢ ᠶᠠᠭᠤᠳᠠᠢ ᠰᠠᠨᠠᠭᠳᠠᠭᠤᠯᠬᠤ ᠠᠵᠢ᠃ ᠠᠩᠬᠠ ᠢᠷᠡᠬᠦ ᠳᠤ ᠭᠧᠷᠮᠠᠨ ᠬᠡᠯᠡ ᠬᠡᠳᠡᠭ ᠢ ᠴᠢᠨᠢ | ᠲᠠᠭ ᠮᠡᠳᠡᠭᠦ ᠦᠭᠡᠢ ᠪᠠᠶᠢᠭᠰᠠᠨ᠂ ᠤᠳᠤ ᠪᠢ ᠮᠤᠩᠭᠤᠯ᠂ ᠬᠢᠳᠡᠳ᠂ ᠭᠧᠷᠮᠠᠨ᠂ ᠠᠩᠭ᠍ᠯᠢ᠂ ᠠᠷᠠᠪ ᠵᠡᠷᠭᠡ ᠲᠠᠪᠤᠨ | ᠬᠡᠯᠡ ᠪᠠᠷ ᠶᠠᠷᠢᠵᠦ ᠴᠢᠳᠠᠨᠠ᠂ ᠦᠰᠬᠦ ᠠᠴᠠ ᠰᠤᠷᠤᠭᠰᠠᠨ ᠮᠤᠩᠭᠤᠯ ᠬᠡᠯᠡ ᠪᠠᠷ ᠢᠶᠠᠨ ᠯᠡ ᠲᠠᠮᠵᠢᠭᠠᠳ ᠡᠳᠡᠭᠡᠷ | ᠪᠦᠭᠦᠨ ᠢ ᠰᠤᠷᠴᠦ ᠴᠢᠳᠠᠭᠰᠠᠨ᠃ | ᠭᠧᠷᠮᠠᠨ ᠤᠯᠤᠰ ᠲᠤ ᠨᠤᠳᠤᠭᠰᠢᠭᠠᠳ ᠠᠷᠪᠠᠭᠠᠳ ᠵᠢᠯ ᠢ ᠠᠷᠣ ᠳᠠᠭᠠᠨ ᠤᠷᠬᠢᠯᠠ᠃ ︽ᠵᠠᠩᠭᠠᠷ︾᠂ | ︽ᠬᠡᠰᠡᠷ︾᠂ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠢᠶᠠᠨ ᠬᠠᠮᠤᠭ ᠤᠩᠰᠢᠬᠤ ᠲᠤᠷᠠᠳᠠᠢ᠂ ᠡᠪᠦᠭᠡᠳ ᠤᠨ ᠮᠢᠨᠢ ᠦᠯᠡᠳᠡᠭᠡᠭᠰᠡᠨ | ᠡᠨᠡ ᠯᠡ ᠡᠷᠳᠡᠨᠢᠳᠦ ᠵᠦᠢᠯ ᠠᠴᠠ ᠪᠢ ᠲᠠᠭᠤᠯᠠᠬᠤ ᠠᠪᠢᠶᠠᠰ ᠢ ᠤᠯᠤᠭᠰᠠᠨ᠂ ᠲᠡᠳᠡᠭᠡᠷ ᠲᠠᠶᠢᠰᠠᠨ ᠲᠡᠭᠡᠷᠠ | ᠡᠯᠳᠡᠪ ᠶᠠᠩᠵᠦ ᠪᠠᠷ ᠬᠦᠳᠡᠯᠭᠡᠭᠡᠨ ᠭᠠᠷᠭᠠᠵᠦ᠂ ᠠᠮᠠ ᠪᠠᠷᠢᠵᠦ ᠲᠠᠭᠤᠯᠠᠳᠠᠭ ᠲᠠᠶᠢᠰᠠᠨ ᠤ ᠣᠷᠠᠯᠢᠭᠴᠢᠳ ᠢ ᠦᠵᠡᠨ | ᠶᠠᠳᠠᠳᠠᠭ᠃ ︽ᠲᠠᠭᠤᠤ ᠶᠢ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠵᠦ᠂ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠲᠠᠭᠤᠯᠠᠬᠤ ᠶᠤᠰᠤᠳᠠᠢ︾ ᠬᠡᠵᠦ ᠨᠠᠭᠠᠢ | ᠡᠵᠢ ᠮᠢᠨᠢ ᠨᠠᠳᠠ ᠳᠤ ᠵᠢᠭᠠᠭᠰᠠᠨ ᠶᠣᠰᠣᠭᠠᠷ ᠪᠢ ᠣᠷᠳᠤᠰ ᠠᠷᠠᠳ ᠤᠨ ᠲᠠᠭᠤᠣ ᠪᠠᠨ ᠴᠣᠯ ᠴᠡᠪᠡᠷ᠂ ᠶᠠᠮᠡᠷ ᠴᠦ | ᠬᠤᠯᠢᠴᠠ ᠦᠭᠡᠢ ᠪᠠᠯᠠᠷᠯᠢᠭ ᠬᠡᠯᠪᠡᠷᠢ ᠪᠠᠷ ᠨᠢ ᠲᠠᠭᠤᠯᠠᠬᠤ ᠪᠠᠷ ᠵᠤᠷᠢᠯᠭᠠ ᠪᠣᠯᠭᠠᠵᠦ ᠦᠪᠡᠷ ᠢᠶᠠᠨ ᠬᠠᠮᠳᠤᠯᠢᠭ | ᠪᠠᠶᠢᠭᠤᠯᠤᠭᠰᠠᠨ ᠶᠤᠮ᠃ ᠬᠠᠮᠳᠤᠯᠢᠭ ᠮᠢᠨᠢ ᠠᠯᠳᠠᠷᠳᠦ ᠡᠷᠡᠤ ᠬᠤᠭᠤᠷᠴᠢᠨ ᠰᠦᠯᠳᠠᠨ ᠯᠠᠨᠲ᠋ᠣᠰ ︵zoltan | lantos︶᠂ ᠡᠨᠡᠳᠬᠡᠭ ᠤᠨ ᠬᠦᠭᠵᠢᠮᠴᠢᠨ ᠷᠠᠮᠰᠢ ᠰᠦᠳᠬᠠᠮ ︵ramesh shotham︶ ᠪᠠ | ᠢᠷᠠᠨ ᠣᠯᠣᠰ ᠤᠨ ︽ᠠᠮᠢᠳᠦ ᠡᠷᠳᠡᠨᠢ︾ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠢᠷᠡᠨ ᠬᠡᠩᠭᠡᠷᠭᠡ ᠶᠢᠨ ᠶᠡᠭᠡ ᠲᠠᠷᠬᠠᠨ ᠵᠠᠮᠰᠢᠳ | ᠴᠢᠮᠠᠶᠠᠷᠠᠨᠢ ︵jamchid chemirani︶ ᠡᠴᠢᠭᠡ ᠬᠦᠤ ᠬᠤᠶᠠᠭᠤᠯᠠ ᠵᠡᠷᠭᠡ ᠬᠤᠰᠢᠭᠤᠴᠢ ᠬᠦᠭᠵᠢᠮᠴᠢᠳ ᠢᠶᠠᠷ | ᠪᠦᠷᠢᠯᠳᠦᠵᠦ᠂ ᠣᠳᠣ ᠪᠣᠯᠳᠠᠯᠠ ᠲᠡᠯᠡᠭᠡᠢ ᠶᠢᠨ ᠭᠤᠴᠢ ᠭᠠᠷᠣᠢ ᠣᠯᠣᠰ ᠢᠶᠠᠷ ᠲᠣᠭᠤᠷᠢᠨ ᠲᠤᠭᠯᠠᠵᠠᠢ᠃ | 2005 ᠣᠨ ᠳᠤ ᠪᠢ ᠨᠡᠭᠦᠳᠠᠯᠯᠡᠵᠦ ᠰᠠᠭᠤᠳᠠᠭ ᠵᠠᠩᠰᠢᠯ ᠢᠶᠠᠷ ᠢᠶᠠᠨ ᠭᠧᠷᠮᠠᠨ ᠠᠴᠠ ᠡᠷᠳᠡᠨ ᠤ | ᠪᠤᠭᠤᠷᠤᠯ ᠤᠷᠤᠨ ᠶᠧᠵᠢᠫᠲ ᠤᠯᠤᠰ ᠢ ᠵᠤᠷᠢᠵᠦ᠂ ᠺᠠᠶᠢᠷᠤ᠋ ᠬᠤᠳᠠᠨᠠ ᠢᠷᠡᠪᠡ᠃ ᠲᠡᠤᠬᠡ ᠶᠢᠨ ᠬᠦᠨ ᠮᠠᠨᠠᠨ ᠢ | ᠬᠡᠳᠦᠨ ᠵᠠᠭᠤᠨ ᠮᠢᠩᠭᠠᠨ ᠢᠶᠠᠷ ᠬᠡᠨᠡᠭ ᠦᠭᠡᠢ ᠠᠵᠢᠭᠰᠠᠨ ᠡᠨᠡ ᠶᠡᠭᠡ ᠰᠤᠶᠤᠯᠳᠤ ᠭᠦᠷᠦᠨ ᠤ ᠲᠡᠣᠬᠡ ᠭᠠᠷᠤᠯ᠂ | ᠲᠠᠭᠤᠤ ᠤᠷᠠᠯᠢᠭ ᠨᠢ ᠨᠠᠳᠠ ᠳᠤ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠦᠨ ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠪᠡ᠃ ᠬᠦᠮᠦᠨ | ᠲᠦᠷᠦᠯᠬᠢᠳᠡᠨ ᠤ ᠨᠡᠶᠢᠭᠡᠮ ᠤᠨ ᠱᠠᠳᠦ ᠦᠶᠡ ᠬᠡᠳᠦᠢ ᠬᠦᠭᠵᠢᠭᠰᠡᠨ ᠴᠦ ᠪᠢᠳᠠ ᠪᠦᠬᠦᠨ ᠤᠯᠠᠮᠵᠢᠯᠠᠯ ᠢᠶᠠᠨ ᠠᠪᠴᠦ | ᠦᠯᠡᠳᠡᠬᠦ ᠬᠡᠷᠡᠭᠳᠠᠢ᠂ ᠬᠡᠷᠪᠡ ᠴᠠᠭ ᠬᠤᠭᠤᠴᠠᠭᠠ ᠶᠢ ᠪᠢᠴᠢᠬᠠᠨ ᠭᠱᠠᠨ ᠳᠤ ᠬᠤᠷᠢᠶᠠᠵᠦ᠂ ᠡᠨᠡ ᠬᠤᠷᠸᠠ ᠶᠢᠨ | ᠨᠢᠭᠡᠨ ᠵᠢᠯ ᠢ ᠭᠠᠭᠴᠠ ᠬᠤᠨᠤᠭ ᠬᠡᠮᠡᠨ ᠦᠵᠡᠪᠡᠯ᠂ ᠲᠡᠷᠡ ᠠᠮᠢᠳᠤᠷᠠᠯ ᠤᠨ ᠲᠠᠩᠰᠤᠭ ᠴᠡᠴᠡᠷᠯᠢᠭ ᠲᠤ ᠪᠢᠳᠡ | ᠪᠦᠬᠦᠨ ᠬᠡᠳᠦᠢ ᠯᠡ ᠬᠤᠨᠤᠭ ᠵᠤᠴᠢᠯᠠᠬᠤ ᠪᠢᠯᠡ︖ ᠠᠮᠢᠳᠤᠷᠠᠯ ᠤᠨ ᠮᠢᠨᠢ ᠲᠠᠷᠠᠭᠠᠴᠢ ᠶᠢᠨ ᠣᠯᠠᠭᠠ ᠦᠷᠳᠡᠭᠡ | ᠴᠤᠬᠤᠮ ᠬᠠᠮᠢᠭᠠ ᠪᠠᠶᠢᠳᠠᠭ ᠪᠤᠯ︖ | ᠲᠦᠷᠪᠡ — ᠡᠨᠡ ᠤᠷᠠᠨᠠ ᠮᠤᠩᠭᠤᠯ ᠲᠠᠭᠤᠤ ᠶᠢ ᠶᠠᠭᠠᠬᠢᠵᠦ ᠲᠠᠭᠤᠯᠠᠵᠦ ᠪᠠᠶᠢᠬᠤ ᠪᠣᠢ︖ | — ᠤᠷᠳᠤᠰ ᠠᠷᠠᠳ ᠤᠨ ᠲᠠᠭᠤᠣ ᠶᠢ ᠶᠠᠭᠤᠨ ᠳᠤ ᠢᠩᠬᠢᠵᠦ ᠤᠳᠠᠭᠠᠨ ᠲᠠᠭᠤᠯᠠᠵᠦ ᠪᠠᠶᠢᠭᠠ ᠪᠣᠢ︖ | ᠬᠡᠵᠦ ᠵᠠᠷᠢᠮᠠᠳ ᠨᠢ ᠬᠡᠯᠡᠯᠴᠡᠨᠠ᠃ ᠳᠡᠷᠡ ᠶᠠᠭᠠᠬᠢᠬᠤ ᠪᠤᠢ᠁ | ︽ᠲᠠᠯᠠ ᠨᠤᠳᠤᠭ︾᠂ ︽crossing︾᠂ ︽ᠵᠠᠮ ᠢᠶᠠᠷ︾᠂ ︽ᠬᠦᠳᠡᠭᠡ ᠳᠤ︾᠂ ︽ᠲᠡᠭᠷᠢ ᠶᠢᠨ ᠰᠢᠪᠠᠭᠤ︾ ᠵᠡᠷᠭᠡ ᠲᠠᠪᠤᠨ | ᠲᠠᠭᠤᠤ ᠶᠢᠨ ᠴᠤᠮᠤᠭ ᠢᠶᠠᠨ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤᠶᠠ ᠦᠨᠡᠬᠡᠷ ᠵᠢᠷᠦᠬᠡᠨ ᠤ ᠤᠭ ᠲᠤ ᠶᠤᠭᠬᠢᠨ ᠡᠪᠡᠳᠦᠨᠡᠮ᠃ | ᠲᠠᠭᠤᠣ ᠬᠦᠭᠵᠢᠮ ᠢᠮᠠᠭᠳᠠ ᠲᠤᠭᠳᠠᠮᠠᠯ ᠪᠤᠶᠦ ᠦᠭᠦᠮᠡᠯ ᠵᠦᠢᠯ ᠪᠢᠰᠢ᠂ ᠪᠢ ᠵᠦᠪᠬᠡᠨ ᠲᠠᠭᠤᠤ | ᠬᠦᠭᠵᠢᠮ ᠢᠶᠠᠷ ᠯᠠ ᠲᠠᠮᠵᠢᠭᠤᠯᠵᠦ ᠦᠪᠡᠷ ᠤᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠬᠦ ᠶᠢ ᠭᠦᠰᠡᠨᠡ᠃ ᠡᠨᠡ ᠰᠠᠨᠠᠭᠠ ᠪᠦᠬᠦ | ᠲᠠᠭᠤᠤ ᠳᠤ ᠮᠢᠨᠢ ᠰᠢᠩᠭᠡᠵᠦ ᠪᠤᠢ ᠪᠦᠭᠡᠳ ᠨᠤᠳᠤᠭ ᠤᠨ ᠮᠢᠨᠢ ᠡᠪᠡᠰᠦ ᠲᠠᠢ ᠴᠠᠶᠢᠳᠠᠮ᠂ ᠰᠠᠯᠬᠢᠨ ᠤ ᠭᠡ᠂ ᠶᠠᠭᠠᠨ | ᠡᠭᠦᠯᠡᠰ᠂ ᠲᠡᠷᠡᠰᠦ ᠲᠠᠢ ᠬᠦᠨᠳᠠᠢ᠂ ᠨᠠᠮᠤᠷ ᠤᠨ ᠰᠢᠪᠠᠭᠤᠳ᠂ ᠴᠠᠭ ᠬᠤᠭᠤᠴᠠᠭᠠᠨ ᠤ ᠭᠤᠨᠢᠭ᠂ ᠣᠷᠣᠨ ᠵᠠᠢ ᠳᠠᠬᠢ | ᠲᠦᠷᠰᠦ᠂ ᠣᠳᠣᠳ ᠤᠨ ᠴᠡᠩᠭᠡᠷ ᠠᠶᠠᠯᠭᠤ ᠪᠦᠬᠦᠨ ᠲᠠᠭᠤᠤ ᠶᠢᠨ ᠮᠢᠨᠢ ᠠᠮᠢᠨ ᠰᠦᠨᠡᠰᠦ ᠪᠣᠯᠵᠦ ᠪᠠᠶᠢᠳᠠᠭ᠃ | | ᠶᠠᠫᠣᠨ ᠤ ᠨᠡᠷᠡᠳᠦ ᠺᠢᠨᠣ᠋ ᠣᠳᠣᠷᠢᠳᠣᠭᠠᠴᠢ ᠺᠤᠷᠤᠼᠤᠸᠠ ᠶᠢᠨ ᠺᠢᠨᠣ᠋ ᠰᠢᠭ᠋ ᠯᠡ ᠶᠦᠮᠦᠷᠯᠢᠭ | ᠬᠡᠪᠰᠢᠯ ᠢᠶᠠᠷ ᠢᠶᠠᠨ ᠠᠮᠢᠳᠤᠷᠠᠯ ᠤᠷᠤᠰᠤᠨ ᠤᠳᠤᠨᠠ᠂ ᠲᠠᠭᠤᠯᠠᠭᠰᠠᠨ ᠲᠠᠭᠤᠣ ᠮᠢᠨᠢ ᠤᠯᠠᠩᠭᠢ ᠬᠦᠮᠦᠰ ᠤᠨ | ᠲᠠᠭᠠᠰᠢᠶᠠᠯ ᠢ ᠣᠯᠵᠦ᠂ ᠲᠠᠭᠤᠤ ᠳᠤ ᠮᠢᠨᠢ ᠲᠤᠷᠠᠳᠠᠢ ᠲᠡᠯᠡᠬᠡᠢ ᠶᠢᠨ ᠣᠯᠠᠨ ᠭᠠᠵᠠᠷ ᠤᠨ ᠬᠠᠯᠠᠭᠤᠨ ᠰᠡᠳᠬᠢᠯᠳᠦ | ᠬᠦᠮᠦᠰ ᠠᠴᠠ ᠵᠠᠬᠢᠶᠠ ᠣᠯᠠᠨ ᠢᠷᠡᠳᠡᠭ ᠪᠣᠯᠪᠠ᠃ 2003 ᠤᠨ ᠤ ᠵᠤᠨ ᠭᠧᠷᠮᠠᠨ ᠤᠯᠤᠰ ᠠᠴᠠ | ︽ROTH ᠨᠡᠷᠡᠮᠵᠢᠳᠦ ᠲᠡᠯᠡᠭᠡᠢ ᠶᠢᠨ ᠲᠡᠰ ᠤᠨ ᠣᠷᠠᠯᠢᠭᠴᠢᠨ ᠤ ᠱᠠᠩᠨᠠᠯ︾ ᠢ ᠨᠠᠳᠠ ᠳᠤ ᠤᠯᠭᠤᠭᠰᠠᠨ ᠪᠢᠯᠡ᠂ | ᠱᠠᠩᠨᠠᠯ ᠤᠯᠭᠤᠯᠳᠠ ᠶᠢᠨ ᠠᠯᠳᠠᠨ ᠲᠠᠶᠢᠰᠠᠨ ᠳᠤ ᠪᠢ ᠲᠡᠷᠯᠢᠭ ᠢᠶᠠᠨ ᠡᠮᠦᠰᠦᠬᠡ ᠦᠭᠡᠢ᠂ ᠬᠡᠪᠡᠴᠦ ︽ᠮᠣᠩᠭᠤᠯ | ᠬᠦᠮᠦᠨ ᠤ ᠬᠤᠭᠤᠯᠠᠢ ᠪᠠᠷ ᠲᠠᠭᠤᠤ ᠪᠦᠭᠦᠨ ᠡᠭᠡᠰᠢᠭᠯᠡᠭᠳᠡᠵᠦ᠂ ᠮᠤᠩᠭᠤᠯ ᠲᠠᠭᠤᠤ ᠶᠢᠨ ᠠᠶᠠᠨ ᠤ ᠢᠷᠡᠭᠡᠳᠦᠢ ᠬᠢᠵᠠᠭᠠᠷ | ᠦᠭᠡᠢ ᠰᠠᠷᠠᠭᠤᠯ ᠪᠠᠶᠢᠬᠤ ᠶᠣᠰᠣᠳᠠᠢ ᠬᠡᠵᠦ ᠪᠢ ᠡᠨᠡᠭᠦ ᠰᠤᠶᠤᠯ ᠤᠷᠠᠯᠢᠭ ᠢᠶᠠᠨ ᠲᠡᠯᠡᠭᠡᠢ ᠲᠦᠮᠡᠨ ᠳᠤ | ᠮᠡᠳᠡᠷᠡᠭᠦᠯᠵᠦ᠂ ᠰᠤᠨᠤᠰᠬᠠᠵᠦ ᠶᠠᠪᠤᠭᠠ ᠪᠢᠯᠡ᠃ ᠮᠤᠩᠭᠤᠯ ᠬᠦᠮᠦᠨ ᠡᠨᠡᠭᠦ ᠰᠠᠶᠢᠬᠠᠨ ᠰᠤᠶᠤᠯ ᠤᠷᠠᠯᠢᠭ ᠤᠨ ᠢᠶᠠᠨ | ᠦᠨᠡ ᠴᠠᠨᠠ ᠶᠢ ᠮᠡᠳᠡᠷᠡᠵᠦ᠂ ᠨᠡᠩ ᠴᠢᠨᠠᠭᠰᠢᠯᠠᠨ ᠬᠦᠭᠵᠢᠭᠦᠯᠦᠭᠡᠰᠠᠢ︾ ᠬᠡᠵᠦ ᠬᠡᠯᠡᠭᠦ ᠪᠠᠷ ᠡᠴᠢᠨᠡᠨ ᠵᠢᠯ | ᠲᠠᠭᠤᠯᠠᠨᠠ ᠬᠡᠵᠦ ᠯᠡ ᠵᠢᠳᠭᠦᠵᠦ ᠢᠷᠡᠭᠰᠡᠨ ᠤᠶᠤᠨ ᠰᠡᠳᠬᠢᠯ ᠮᠢᠨᠢ ᠬᠠᠶᠢᠯᠤᠨ ᠲᠤᠭᠳᠣᠯᠵᠦ᠂ ᠭᠠᠰᠢᠭᠤᠨ | ᠨᠢᠯᠪᠣᠰᠦ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠪᠦᠮᠪᠦᠷᠢᠭᠰᠡᠨ ᠳ᠋ᠧ᠁ | 2007 ᠤᠨ ᠳᠤ ᠪᠢ ᠭᠧᠷᠮᠡᠨ ᠳᠤ ᠪᠠᠶᠢᠭᠠ ᠰᠠᠶᠢᠨ ᠨᠠᠶᠢᠵᠠ ᠺᠢᠨᠣ᠋ ᠤᠳᠤᠷᠢᠳᠤᠭᠠᠴᠢ | ᠪᠢᠮᠪᠠᠰᠦ᠋ᠷᠦᠩ ᠤᠨ ᠲᠠᠸᠠ ᠲᠠᠢ ᠬᠠᠮᠳᠤᠷᠠᠵᠦ ︽ᠡᠵᠡᠨ ᠪᠤᠭᠳᠠ ᠶᠢᠨ ᠬᠤᠶᠠᠷ ᠵᠠᠭᠠᠯ︾ ᠨᠡᠷᠡᠳᠠᠢ ᠤᠷᠠᠨ ᠰᠠᠶᠢᠬᠠᠨ ᠤ | ᠺᠢᠨᠣ᠋ ᠬᠢᠵᠠᠢ᠃ ᠺᠢᠨᠣ᠋ ᠳᠤ ᠪᠢ ᠬᠠᠷᠢ ᠭᠠᠵᠠᠷ ᠠᠴᠠ ᠮᠤᠩᠭᠤᠯ ᠨᠤᠳᠤᠭ ᠲᠠᠭᠠᠨ ᠪᠣᠴᠠᠨ ᠢᠷᠡᠵᠦ᠂ ᠲᠠᠭᠤᠯᠠᠭᠳᠠᠭᠠ | ᠦᠭᠡᠢ ᠣᠳᠠᠭᠰᠠᠨ ᠡᠷᠳᠡ ᠦᠶᠡ ᠶᠢᠨ ᠲᠠᠭᠤᠤ ︽ᠡᠵᠡᠨ ᠪᠤᠭᠳᠠ ᠶᠢᠨ ᠬᠤᠶᠠᠷ ᠵᠠᠭᠠᠯ︾ ᠢ ᠡᠷᠢᠵᠦ᠂ | ᠡᠴᠦᠰ ᠲᠡᠭᠡᠨ ᠨᠢᠭᠡᠨ ᠠᠭᠰᠢᠷᠠᠭᠠ ᠪᠤᠭᠤᠷᠤᠯ ᠡᠮᠡᠭᠡ ᠲᠠᠢ ᠵᠤᠯᠭᠠᠵᠦ ᠲᠠᠭᠤᠤ ᠪᠠᠨ ᠪᠦᠳᠦᠨ ᠪᠤᠯᠭᠠᠭᠰᠠᠨ | ᠦᠯᠢᠭᠡᠷ ᠢ ᠦᠬᠦᠯᠡᠭᠰᠡᠨ ᠶᠤᠮ᠃ | ᠡᠷᠢᠯ — ᠲᠡᠶᠢᠮᠦ ᠡ᠂ ᠮᠤᠩᠭᠤᠯᠴᠣᠳ ᠪᠢᠳᠡ ᠠᠯᠳᠠᠵᠦ ᠪᠠᠶᠢᠭᠠ ᠪᠦᠭᠦᠨ ᠢ ᠪᠠᠨ ᠡᠷᠢᠭᠦ ᠴᠢᠬᠤᠯᠡᠳᠠᠢ᠂ | ᠦᠯᠡᠳᠡᠵᠦ ᠬᠤᠴᠤᠷᠤᠭᠰᠠᠨ ᠪᠦᠬᠦᠨ ᠢ ᠪᠠᠨ ᠨᠠᠨᠳᠢᠩᠨᠠᠨ ᠬᠠᠶᠢᠷᠠᠯᠠᠵᠦ᠂ ᠦᠪᠯᠡᠬᠦ ᠶᠤᠰᠣᠳᠠᠢ᠃ ᠬᠦᠬᠡ ᠲᠡᠭᠷᠢ᠂ ᠭᠠᠵᠠᠷ | ᠰᠢᠷᠤᠢ᠂ ᠦᠨᠦᠴᠢᠨ ᠪᠤᠳᠣᠭᠤ᠂ ᠣᠷᠳᠦ ᠶᠢᠨ ᠲᠠᠭᠤᠤ᠂ ᠮᠤᠷᠢᠨ ᠬᠤᠭᠤᠷ᠂ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡ᠂ ᠬᠦᠳᠡᠭᠡ ᠶᠢᠨ | ᠪᠤᠷᠤᠬᠠᠨ ᠪᠦᠰᠡᠭᠦᠢ᠁ ᠡᠨᠡ ᠪᠦᠭᠦᠨ ᠬᠠᠮᠢᠭᠠ ᠪᠠᠶᠢᠬᠤ ᠪᠣᠢ︖ ᠰᠡᠳᠬᠢᠯ ᠤᠨ ᠠᠯᠳᠠᠨ ᠶᠠᠳᠤᠭᠠ ᠮᠢᠨᠢ ᠴᠢ | ᠬᠠᠮᠢᠭᠠ ᠪᠠᠶᠢᠬᠤ ᠪᠤᠯ︖ | ᠨᠡᠶᠢᠭᠡᠮ ᠤᠨ ᠤᠷᠤᠰᠬᠠᠯ᠂ ᠲᠠᠶᠠᠭᠠᠷᠴᠢᠯᠡᠯ ᠤᠨ ᠨᠦᠯᠦᠭᠡ᠂ ᠬᠦᠮᠦᠨ ᠤ ᠰᠡᠳᠬᠢᠯ ᠤᠨ ᠬᠠᠷᠠᠩᠭᠤᠢ᠁ | ᠡᠳᠡᠭᠡᠷ ᠪᠦᠭᠦᠨ ᠴᠢᠨᠢ ᠲᠡᠷᠡ ᠠᠷᠵᠠᠭᠠᠷ ᠬᠠᠷᠠ ᠮᠠᠩᠭᠤᠰ ᠪᠠᠶᠢᠵᠦ ᠳ᠋ᠠ᠃ ᠪᠢ ᠪᠣᠳᠢ ᠰᠡᠳᠬᠢᠯ ᠢᠶᠠᠷ | ᠲᠠᠭᠤᠤ ᠪᠠᠨ ᠲᠠᠭᠤᠯᠠᠵᠦ᠂ ᠶᠠᠳᠤᠭᠠ ᠪᠠᠨ ᠴᠢᠪᠬᠠᠳᠠᠨ᠂ ᠮᠠᠩᠭᠤᠰ ᠤᠳ ᠲᠠᠢ ᠲᠠᠮᠡᠴᠡᠵᠦ᠂ ᠦᠪᠡᠷ ᠢ ᠪᠠᠨ | ᠬᠠᠮᠠᠭᠠᠯᠠᠨᠠ᠃ ᠦᠨᠡᠭᠡᠷ ᠲᠡᠷᠡ ᠠᠯᠳᠠᠨ ᠶᠠᠳᠤᠭᠠ ︽ᠰᠡᠷ ᠰᠡᠷ ᠰᠠᠯᠬᠢ ᠲᠠᠢ / ᠪᠣᠷ ᠪᠣᠷ ᠪᠤᠷᠤᠭᠠ ᠲᠠᠢ / | ᠲᠠᠭᠠᠷᠠᠬᠤ ᠬᠦᠢᠳᠡᠨ ᠦᠭᠡᠢ / ᠬᠠᠯᠠᠭᠠᠬᠤ ᠬᠠᠯᠠᠭᠤᠨ ᠦᠭᠡᠢ︾ ᠪᠤᠮᠪᠠ ᠶᠢᠨ ᠤᠷᠤᠨ ᠳᠤ ᠬᠠᠩᠬᠢᠨᠡᠨ | ᠴᠤᠤᠷᠢᠶᠠᠳᠤᠬᠤ ᠶᠢᠨ ᠬᠢᠷᠢ ᠵᠡᠭᠦᠳᠦᠨ ᠳᠤ ᠮᠢᠨᠢ ᠤᠷᠭᠤᠨ ᠢᠷᠡᠬᠦ ᠣᠴᠢᠷᠳᠠᠢ᠃ | ᠪᠢ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠲᠠᠭᠤᠯᠠᠵᠦ ᠪᠠᠶᠢᠨᠠ | ᠠᠯᠳᠠᠨ ᠶᠠᠳᠤᠭᠠ ᠶᠢᠨ ᠲᠠᠭᠤᠨ ᠰᠠᠯᠬᠢ ᠮᠠᠨᠠᠨ ᠢ ᠵᠦᠰᠦᠨ | ᠰᠡᠳᠬᠢᠯ ᠳᠤ ᠮᠦᠩᠭᠡ ᠬᠤᠴᠤᠷᠤᠨᠠ᠁ | ᠰᠤᠪᠤᠳ |