2016 ᠤᠨ ᠤ 10 ᠰᠠᠷᠠ ᠶᠢᠨ 20 ᠤ ᠡᠳᠦᠷ ᠪᠢᠳᠡ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠶᠢᠳᠤ | ᠬᠤᠰᠢᠭᠤᠨ ᠤ ᠪᠠᠶᠠᠨᠴᠠᠭᠠᠨ ᠪᠠᠯᠭᠠᠰᠤᠨ ᠳᠤ᠂ ᠠᠰᠠᠷ ᠬᠦᠭᠵᠢᠮ ᠤᠨ ᠤᠷᠠᠯᠢᠭ ᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ | ᠬᠦᠭᠵᠢᠭᠦᠯᠦᠨ ᠪᠠᠳᠠᠷᠠᠭᠠᠬᠤ ᠭᠡᠳ ᠨᠦᠷᠢ ᠶᠡᠭᠡ ᠬᠦᠴᠤ ᠭᠠᠷᠭᠠᠨ ᠵᠢᠷᠦᠬᠡᠨ ᠲᠠᠮᠢᠷ ᠢᠶᠠᠨ ᠰᠢᠪᠬᠠᠨ ᠶᠠᠪᠤᠭᠠ ᠳᠠᠯᠠᠨ | ᠨᠢᠭᠡᠲᠡᠢ ᠵᠢᠭᠳᠡᠩᠭᠡ ︵ᠬᠢᠲᠠᠳ ᠨᠡᠷᠡ ᠨᠢ ᠦ᠋ ᠳ᠋ᠢᠶᠠᠨ ᠯᠢᠨ ᠭᠡᠳᠡᠭ︶ ᠨᠠᠰᠤᠲᠠᠨ ᠢ ᠰᠤᠷᠪᠤᠯᠵᠢᠯᠠᠯᠠ᠃ ᠲᠡᠷᠡ ᠪᠤᠯ | ︽ᠴᠠᠬᠠᠷ ᠰᠤᠶᠤᠯ︾ ᠭᠡᠬᠦ ᠲᠤᠷᠠᠳᠤᠯᠭᠠ ᠶᠢ ᠠᠩᠬᠠᠯᠠᠨ ᠲᠤᠷᠠᠳᠤᠭᠰᠠᠠ ᠬᠦᠮᠦᠨ ᠪᠦᠭᠡᠳ ᠤᠯᠠᠭᠠᠨᠴᠠᠪ | ᠬᠤᠲᠠ ᠶᠢᠨ ᠠᠰᠠᠷ ᠬᠦᠭᠵᠢᠮ ᠤᠨ ᠤᠯᠠᠮᠵᠢᠯᠠᠭᠴᠢ᠃︽ᠴᠠᠬᠠᠷ ᠭᠡᠭᠴᠢ ᠠᠶᠢᠮᠠᠭ ᠪᠦᠯᠦᠭ ᠪᠢᠰᠢ᠂ ᠬᠠᠷᠢᠨ | ᠮᠤᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠪᠦᠯᠦᠭ ᠠᠴᠠ ᠰᠢᠯᠢᠭᠳᠡᠨ ᠢᠷᠡᠭᠰᠡᠡ ᠤᠷᠳᠤᠨ ᠬᠠᠮᠠᠭᠠᠯᠠᠬᠤ ᠰᠢᠲᠠᠷ ᠴᠡᠷᠢᠭ | ᠪᠠᠶᠢᠭᠰᠠᠠ ᠶᠤᠮ᠃ | ᠴᠠᠬᠠᠷ ᠤᠨ ᠨᠠᠶᠢᠷ ᠬᠤᠷᠢᠮ ᠢ ᠤᠷᠢᠳᠠᠪᠠᠷ ᠠᠰᠠᠷ ᠬᠦᠭᠵᠢᠮ ᠢᠶᠠᠷ ᠡᠬᠢᠯᠡᠭᠦᠯᠵᠤ᠂ ᠬᠠᠭᠠᠨ ᠢᠶᠠᠨ | ᠮᠠᠭᠳᠠᠭᠰᠠᠨ ᠲᠠᠭᠤᠤ᠂ ᠤᠯᠤᠰ ᠢᠶᠠᠨ ᠮᠠᠭᠳᠠᠭᠰᠠᠨ ᠲᠠᠭᠤᠤ᠂ ᠪᠠᠶᠢᠭᠠᠯᠢ ᠪᠠᠨ ᠮᠠᠭᠳᠠᠭᠰᠠᠨ ᠲᠠᠭᠤᠤ ᠵᠡᠷᠭᠡ ᠲᠦᠷᠦ ᠶᠢᠨ | ᠭᠤᠷᠪᠠᠨ ᠲᠠᠭᠤᠤ ᠡᠷᠬᠦᠭᠰᠡᠨ ᠬᠤᠶᠢᠨᠠ ᠰᠠᠢᠢ ᠨᠠᠶᠢᠷ ᠤᠨ ᠪᠤᠰᠤᠳ ᠲᠠᠭᠤᠤ ᠲᠠᠭᠤᠯᠠᠵᠦ ᠨᠠᠶᠢᠷᠯᠠᠳᠠᠭ︾ ᠭᠡᠮᠡᠨ | ᠵᠢᠭᠳᠡᠩᠭᠡ ᠨᠠᠰᠤᠳᠠᠨ ᠴᠠᠬᠠᠷ ᠰᠤᠶᠤᠯ ᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ᠂ ᠠᠰᠠᠷ ᠬᠦᠭᠵᠢᠮ ᠤᠨ ᠡᠷᠬᠢᠮ ᠲᠡᠭᠡᠳᠤ | ᠪᠠᠶᠢᠳᠠᠭ ᠢ ᠲᠠᠨᠢᠯᠴᠠᠭᠤᠯᠤᠭᠠᠳ ᠲᠡᠬᠦᠨ ᠢ ᠠᠭᠤᠳᠠᠯᠵᠤ ᠴᠤᠭᠯᠠᠭᠤᠯᠵᠤ ᠤᠯᠠᠮᠵᠢᠯᠠᠵᠤ ᠵᠠᠯᠭᠠᠮᠵᠢᠯᠠᠭᠰᠠᠠ ᠲᠤᠬᠠᠢ | ᠰᠡᠳᠬᠢᠯ ᠬᠡᠵᠢᠭᠡᠳᠡᠮᠡ ᠦᠯᠢᠬᠡᠷ ᠠᠴᠠ ᠪᠠᠨ ᠶᠠᠷᠢᠯᠠ᠃ | ᠵᠢᠭᠳᠡᠩᠭᠡ ᠶᠢᠨ ᠨᠤᠲᠤᠭ ᠪᠤᠯ ᠤᠤᠯ ᠤᠨ ᠬᠦᠯᠦ ᠰᠢᠷᠠ ᠬᠤᠰᠢᠭᠤᠨ ᠤ ᠠᠷᠪᠠᠳᠤᠭᠠᠷ ᠰᠤᠮᠤ᠂ | ᠤᠳᠤ ᠶᠢᠨ ᠪᠠᠶᠠᠨᠴᠠᠭᠠᠨ ᠪᠠᠯᠭᠠᠰᠤᠨ ᠤ ᠠᠮᠠᠨᠬᠤᠳᠳᠤᠭ ᠭᠠᠴᠠᠭᠠ ᠪᠠᠶᠢᠯᠠ᠃ ᠠᠷᠪᠠᠨ ᠨᠠᠰᠤᠲᠠᠢ ︵1955 ᠤᠨ︶ | ᠳᠤ ᠪᠠᠨ ᠲᠡᠷᠡ ᠠᠪᠤ ᠪᠤᠯᠤᠨ ᠠᠪᠤ ᠶᠢᠨ ᠬᠢᠨᠢ ᠨᠠᠭᠠᠴᠤ ᠪᠤᠯᠬᠤ ᠳ᠋ᠧ ᠸᠠᠩ ᠤᠨ ᠤᠷᠳᠤᠨ ᠤ ᠬᠦᠭᠵᠢᠮ ᠤᠨ | ᠪᠦᠯᠬᠦᠮ ᠳᠤ ᠪᠠᠶᠢᠭᠰᠠᠠ ᠨᠢᠩᠪᠦ ᠭᠡᠭᠴᠢ ᠬᠦᠮᠦᠨ ᠤ ᠲᠠᠲᠠᠭᠰᠠᠠ ᠠᠳᠤᠭᠤᠴᠢᠨ ᠠᠰᠠᠷ᠂ ᠬᠦᠯᠦ ᠴᠠᠭᠠᠨ ᠠᠰᠠᠷ᠂ | ᠰᠦᠷᠦᠭ ᠠᠰᠠᠷ ᠵᠡᠷᠭᠡ ᠬᠦᠭᠵᠢᠮ ᠢ ᠠᠩᠬᠠ ᠰᠤᠨᠤᠰᠴᠤ ᠶᠡᠬᠡᠲᠡ ᠪᠠᠭ᠋ᠠᠷᠬᠠᠭᠠᠳ ᠠᠷᠪᠠᠨ ᠳᠦᠷᠪᠡᠨ ᠨᠠᠰᠤᠲᠠᠢ | ᠳᠤ ᠪᠡᠨᠠᠰᠠᠷ ᠬᠦᠭᠵᠢᠮ ᠢ ᠬᠤᠭᠤᠷᠲᠠᠵᠤ ᠲᠠᠲᠠᠵᠤ ᠰᠤᠷᠤᠭᠰᠠᠠ ᠭᠡᠨᠡ᠃ ᠲᠡᠷᠡ ᠦᠶᠡᠰ ᠶᠠᠭᠤᠮᠠ ᠬᠤᠪᠤᠷ ᠡᠳ᠋ | ᠮᠦᠡᠭᠭᠦ ᠬᠦᠷᠦᠯᠴᠡᠭᠡ ᠦᠭᠡᠢ ᠪᠤᠯᠬᠤᠷ ᠠᠪᠤ ᠨᠢ ᠬᠤᠨᠢᠨ ᠤ ᠨᠠᠷᠢᠨ ᠭᠡᠳᠡᠰᠦ ᠶᠢ ᠬᠡᠳᠦᠨ ᠡᠳᠤᠷ ᠤᠰᠤᠨ ᠳᠤ | ᠲᠡᠪᠲᠥᠭᠡᠵᠦ ᠪᠠᠶᠢᠵᠤ ᠱᠠᠭᠠᠯᠠᠵᠦ ᠠᠪᠤᠭᠰᠠᠠ ᠬᠠᠯᠢᠰᠤ ᠪᠠᠷ ᠬᠤᠭᠤᠷ ᠤᠨ ᠤᠳᠠᠰᠤ ᠪᠤᠯᠭᠠᠨ ᠬᠤᠭᠤᠷ ᠬᠢᠵᠤ | ᠦᠭᠭᠦᠭᠰᠡᠡ ᠭᠡᠳᠡᠭ᠃1982 ᠤᠨ ᠳᠤ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠲᠡᠤᠬᠡ ᠰᠤᠳᠤᠯᠬᠤ ᠠᠯᠪᠠᠨ ᠭᠡᠷ ᠲᠤ ᠠᠵᠢᠯ | ᠠᠯᠪᠠ ᠲᠠᠢ ᠪᠠᠶᠢᠭᠰᠠᠠ ᠲᠡᠷᠡ ᠪᠠᠷ 1947 ᠤᠨ ᠳᠤ ᠪᠤᠯᠤᠭᠰᠠᠨ ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠪᠤᠯᠤᠨ | ᠪᠠᠳᠮᠠᠲᠥ ᠶᠢᠨ ᠰᠦᠮᠡ ᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠲᠤᠬᠠᠢ ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠬᠤ ᠪᠠᠷ ᠤᠯᠠᠭᠠᠨᠬᠠᠳᠠ ᠰᠤᠮᠤᠨ ᠳᠤ | ᠪᠠᠶᠢᠭᠠ ᠨᠠᠶᠠ ᠬᠦᠷᠦᠭᠰᠡᠨ ᠭᠡᠭᠡᠨ ᠤ ᠳᠤ ᠬᠦᠷᠴᠠᠢ᠃ ᠡᠨᠡ ᠬᠦᠮᠦᠨ ᠤᠤᠯ ᠨᠢ ᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠲᠤ | ᠪᠠᠶᠢᠭᠰᠠᠨ ᠪᠥᠭᠡᠳ ᠬᠤᠵᠢᠮ ᠨᠢ ᠠᠷᠪᠠᠭᠠᠳ ᠵᠢᠯ ᠱᠤᠷᠤᠩ ᠳᠤ ᠰᠠᠭᠤᠭᠰᠠᠠ ᠢᠶᠠᠷ ᠲᠡᠤᠭᠡᠨ ᠶᠠᠪᠤᠳᠠᠯ ᠤᠨ | ᠲᠤᠬᠠᠢ ︽ᠠᠮᠠᠨ ᠠᠴᠠ ᠪᠠᠨ ᠠᠯᠲᠠ ᠤᠨᠠᠭᠠᠬᠤ ᠥᠭᠡᠢ︾ ᠭᠡᠰᠡᠨ ᠰᠢᠭ ᠶᠠᠭᠤ ᠴᠤ ᠶᠠᠷᠢᠬᠤ ᠦᠭᠡᠢ ᠪᠠᠶᠢᠪᠠ᠃ | ᠬᠠᠨᠠᠨ ᠳᠤ ᠡᠯᠬᠦᠬᠡᠰᠦᠳᠡᠢ ᠲᠦᠷᠪᠡᠨ ᠴᠢᠬᠢᠲᠥ ᠬᠤᠭᠤᠷ ᠢ ᠨᠢ ᠬᠠᠷᠠᠭᠠᠳ ᠵᠢᠭᠳᠡᠩᠭᠡ ᠦᠬᠡᠨ ᠤ ᠭᠤᠭᠴᠤᠭᠠ | ᠡᠷᠢᠨ ︽ᠬᠤᠭᠤᠷ ᠲᠠᠳᠠᠳᠠᠭ ᠤᠤ︖︾ ᠭᠡᠬᠦ ᠪᠠᠷ᠂ ᠭᠡᠭᠡᠨ ᠪᠠᠭᠰᠢ ᠶᠢᠨ ᠤᠷᠮᠠᠰ ᠰᠡᠷᠭᠦᠵᠤ ︽ᠵᠠᠯᠠᠭᠤ ᠳᠠᠭᠠᠨ | ᠰᠦᠮᠡ ᠳᠤ ᠪᠠᠶᠢᠬᠤ ᠳᠠᠭᠠᠨ ᠲᠠᠳᠠᠵᠦ ᠪᠠᠶᠢᠭᠰᠠᠨ︾ ᠭᠡᠳ ᠵᠠᠯᠭᠠᠪᠠᠷ 11 ᠠᠰᠠᠷ ᠬᠦᠭᠵᠢᠮ ᠲᠠᠳᠠᠵᠦ | ᠦᠭᠭᠦᠭᠰᠡᠡ ᠪᠠᠶᠢᠪᠠ᠃ ᠡᠬᠦᠨ ᠢ ᠵᠢᠭᠳᠡᠩᠭᠡ ᠰᠢᠩᠭᠡᠭᠡᠬᠦ ᠮᠠᠰᠢᠨ ᠳᠠᠭᠠᠨ ᠰᠢᠩᠭᠡᠭᠡᠨ ᠠᠪᠴᠤ᠂ ᠠᠪᠤ ᠪᠤᠯᠤᠨ | ᠠᠪᠤ ᠶᠢᠨ ᠢᠶᠠᠨ ᠨᠠᠭᠠᠴᠦ ᠠᠴᠠ ᠰᠤᠷᠤᠭᠠᠳ ᠪᠠᠶᠢᠭᠰᠠᠠ 7 ᠠᠰᠠᠷ ᠬᠦᠭᠵᠢᠮ ᠤᠨ ᠳᠡᠭᠡᠷᠡ ᠪᠠᠰᠠ ᠠᠷᠪᠠᠨ ᠨᠢᠭᠡ | ᠨᠡᠮᠡᠭᠳᠡᠭᠰᠡᠨ ᠳᠤ ᠠᠰᠠᠷ ᠬᠦᠭᠵᠢᠮ ᠤᠯᠠᠨ ᠪᠠᠶᠢᠳᠠᠭ ᠶᠤᠮ ᠪᠠᠶᠢᠨᠠ ᠭᠡᠰᠡᠨ ᠰᠡᠳᠭᠢᠭᠳᠡᠯ ᠤᠷᠤᠵᠤ᠂ ᠰᠠᠨᠠᠭᠠᠨ ᠳᠤ | ᠦᠬᠡᠢ ᠪᠠᠷ ᠠᠰᠠᠷ ᠬᠦᠭᠵᠢᠮ ᠤᠨ ᠲᠤᠬᠠᠢ ᠡᠶᠢᠮᠦ ᠤᠯᠠᠨ ᠠᠩᠬᠠᠨ ᠤ ᠪᠤᠷᠤ ᠮᠠᠲ᠋ᠧᠷᠢᠶᠠᠯ ᠤᠯᠤᠬᠰᠠᠨ ᠳᠠᠭᠠᠨ ᠶᠡᠭᠡ | ᠯᠡ ᠤᠯᠵᠠᠭᠤᠷᠬᠠᠭᠰᠠᠨ ᠪᠠᠶᠢᠵᠠᠢ᠃ ᠭᠡᠪᠡᠴᠤ ᠠᠵᠢᠯ ᠠᠯᠪᠠ ᠭᠡᠵᠤ ᠶᠠᠭᠠᠷᠠᠭᠰᠠᠭᠠᠷ ᠪᠠᠶᠢᠵᠤ 1998 ᠤᠨ ᠤ | ᠦᠶᠡ ᠬᠥᠷᠥᠭᠡᠳ ᠲᠡᠷᠡ ᠰᠠᠢᠢ 11 ᠠᠰᠠᠷ ᠬᠦᠭᠵᠢᠮ ᠢᠶᠠᠨ ᠨᠤᠲ ᠲᠡᠭᠡᠷ ᠡ ᠪᠠᠭᠤᠯᠭᠠᠬᠤ ᠪᠠᠷ ᠡᠬᠢᠯᠡᠵᠤ | ᠤᠷᠤᠯᠳᠤᠵᠠᠢ᠃ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠵᠢᠭᠠᠬᠠᠨ ᠰᠤᠷᠤᠭᠰᠠᠠ ᠪᠦᠤᠷ ᠲᠦᠤᠷ ᠡᠷᠬᠢᠴᠡᠬᠦᠯᠦᠯ ᠢᠶᠠᠷ ᠢᠶᠠᠨ | ᠠᠶᠠᠯᠭᠤ ᠨᠤᠲ ᠢ ᠳᠠᠬᠢᠨ ᠰᠤᠷᠴᠤ ᠪᠠᠶᠢᠵᠤ ᠨᠤᠲ ᠤᠨ ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠭᠡᠳ 11ᠠᠰᠠᠷ | ᠬᠦᠭᠵᠢᠮ ᠢᠶᠠᠨ ᠪᠦᠬᠦᠨ ᠢ ᠨᠤᠲ ᠢᠶᠠᠷ ᠪᠠᠭᠤᠯᠭᠠᠪᠠ᠃ ᠡᠨᠡ ᠰᠠᠭᠤᠷᠢᠨ ᠲᠡᠭᠡᠷᠡ ᠪᠠᠨ ᠲᠡᠷᠡ ᠠᠰᠠᠷ ᠬᠦᠭᠵᠢᠮ ᠤᠨ | ᠲᠤᠬᠠᠢ ᠨᠤᠮ ᠭᠠᠷᠭᠠᠶᠠ ᠭᠡᠰᠡᠨ ᠪᠤᠳᠤᠯ ᠢᠶᠠᠷ ᠴᠠᠬᠠᠷ ᠤᠨ ᠡᠯᠡ ᠬᠤᠰᠢᠭᠤᠳ ᠤᠨ ᠠᠷᠠᠳ ᠤᠨ ᠤᠷᠠᠯᠢᠭᠴᠢᠳ ᠢ | ᠡᠷᠢᠨ ᠰᠤᠷᠪᠤᠯᠵᠢᠯᠠᠵᠤ ᠪᠠᠶᠢᠭᠠᠳ 47 ᠠᠰᠠᠷ ᠬᠦᠭᠵᠢᠮ ᠤᠨ ᠮᠠᠲ᠋ᠧᠷᠢᠶᠠᠯ ᠢ ᠬᠤᠷᠠᠮᠳᠤᠭᠤᠯᠤᠭᠰᠠᠠ ᠠᠵᠢ᠃ | | 2003 ᠤᠨ ᠠᠴᠠ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠠᠴᠠ ᠭᠠᠷᠭᠠᠭᠰᠠᠠ ᠦᠨᠳᠦᠰᠦᠲᠡᠨ ᠤ | ᠰᠤᠶᠤᠯ ᠤᠨ ᠲᠤᠮᠤ ᠤᠷᠤᠨ ᠢ ᠪᠠᠶᠢᠭᠤᠯᠬᠤ ᠲᠤᠷᠠᠳᠤᠯᠭᠠ ᠳᠤ ᠤᠷᠮᠠᠰᠢᠭᠰᠠᠠ ᠵᠢᠭᠳᠡᠩᠭᠡ ᠬᠤᠰᠢᠭᠤᠨ ᠤ | ᠤᠳᠤᠷᠢᠳᠤᠯᠭᠠ ᠳᠤ ᠪᠠᠨ ᠴᠠᠬᠠᠷ ᠰᠤᠶᠤᠯ ᠢ ᠤᠯᠠᠮᠵᠢᠯᠠᠵᠤ ᠵᠠᠯᠭᠠᠮᠵᠢᠯᠠᠬᠤ ᠠᠵᠢᠯ ᠦᠷᠨᠢᠬᠦᠯᠦᠶᠡ ᠭᠡᠬᠦ | ᠲᠤᠷᠠᠳᠤᠯᠭᠠ ᠭᠠᠷᠭᠠᠭᠰᠠᠠ ᠪᠠᠶᠢᠯᠠ᠃ ᠡᠨᠡ ᠲᠤᠷᠠᠳᠤᠯᠭᠠ ᠨᠢ ᠬᠤᠰᠢᠭᠤᠨ ᠤ ᠤᠳᠤᠷᠢᠳᠤᠯᠭᠠ ᠲᠡᠳᠦᠢ ᠦᠭᠡᠢ | ᠬᠤᠲᠠ ᠶᠢᠨ ᠬᠠᠮᠢᠶᠠ ᠪᠦᠬᠦᠢ ᠤᠳᠤᠷᠢᠳᠤᠯᠭᠠ ᠶᠢᠨ ᠬᠦᠨᠳᠦᠳᠭᠡᠯ ᠳᠤ ᠬᠦᠷᠴᠤ᠂ 2005᠂ 2006 ᠤᠨ ᠳᠤ | ᠬᠤᠲᠠ ᠶᠢᠨ ᠬᠢᠨ ᠴᠠᠬᠠᠷ ᠰᠤᠶᠤᠯ ᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠢ ᠵᠠᠯᠭᠠᠪᠠᠷ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠠ | ᠪᠠᠶᠢᠪᠠ᠃ 2008 ᠤᠨ ᠳᠤ ᠵᠢᠭᠳᠡᠩᠭᠡ ᠰᠢᠯᠤᠭᠤᠨ ᠬᠦᠬᠡ ᠬᠤᠰᠢᠭᠤᠨ ᠳᠤ ᠪᠤᠯᠤᠭᠰᠠᠠ ︽ᠠᠰᠠᠷ︾ ᠢᠵᠠᠭᠤᠷ | ᠤᠷᠠᠯᠢᠭ ᠤᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠳᠤ ᠤᠷᠢᠭᠳᠠᠨ ᠤᠷᠤᠯᠴᠠᠵᠤ᠂ ᠵᠠᠷᠢᠮ ᠡᠷᠳᠡᠮᠲᠡᠨ ᠤ | ᠲᠤᠷᠠᠳᠤᠭᠰᠠᠠ ︽ᠠᠰᠠᠷ ᠬᠦᠭᠵᠢᠮ 8 ᠪᠠᠶᠢᠨᠠ᠂ ᠴᠠᠬᠠᠷ ᠤᠨ ᠰᠦᠷᠦᠭ ᠤᠨ ᠬᠤᠰᠢᠭᠤᠨ ᠳᠤ ᠪᠠᠶᠢᠨᠠ᠂ ᠵᠠᠭᠤᠭᠠᠳ | ᠵᠢᠯ ᠤᠨ ᠲᠡᠤᠬᠡ ᠲᠠᠢ ᠪᠤᠯᠵᠤ ᠪᠠᠶᠢᠨᠠ᠁︾ ᠭᠡᠬᠦ ᠵᠡᠷᠭᠡ ᠶᠢᠨ ᠦᠵᠡᠯᠲᠡ ᠶᠢ ᠨᠢᠴᠤᠭᠠᠵᠤ᠂ ᠠᠰᠠᠷ | ᠬᠦᠭᠵᠢᠮ ᠠᠳᠠᠭ ᠲᠤ ᠪᠠᠨ47 ᠪᠤᠢ᠂ ᠤᠷᠳᠤᠨ ᠤ ᠬᠦᠭᠵᠢᠮ ᠤᠨ ᠬᠤᠪᠢᠷᠠᠭᠤᠯᠬᠤ ᠠᠷᠭᠠ ᠪᠠᠷ ᠪᠤᠯ ᠵᠠᠭᠤ | ᠢᠯᠡᠬᠦᠦ ᠠᠰᠠᠷ ᠪᠠᠶᠢᠵᠤ ᠮᠠᠭᠠᠳ ᠪᠦᠭᠡᠳ ᠴᠠᠬᠠᠷ ᠤᠨ ᠬᠤᠰᠢᠭᠤ ᠪᠤᠯᠭᠠᠨ ᠳᠤ ᠠᠰᠠᠷ ᠬᠦᠭᠵᠢᠮ ᠲᠠᠢ᠃ | ᠲᠡᠷᠡ ᠨᠢ ᠢᠵᠠᠭᠤᠷ ᠠᠶᠠᠯᠭᠤ ᠪᠢᠰᠢ ᠬᠠᠷᠢᠨ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠤᠷᠳᠤᠨ ᠤ ᠬᠦᠭᠵᠢᠮ ᠪᠤᠯᠤᠨᠠ | ᠭᠡᠳᠡᠭ ᠰᠢᠨᠡ ᠥᠵᠡᠯᠲᠡ ᠪᠠᠨ ᠳᠤᠷᠠᠳᠤᠭᠠᠳ ᠤᠯᠠᠨ ᠤ ᠠᠩᠬᠠᠷᠤᠯ ᠢ ᠲᠠᠲᠠᠭᠰᠠᠠ ᠪᠠᠶᠢᠪᠠ᠃ ᠠᠯᠲᠠᠷᠲᠦ ᠠᠶᠠᠯᠭᠤ | ᠵᠤᠬᠢᠶᠠᠭᠴᠢ ᠮᠡᠷᠭᠡᠵᠢᠬᠦ ᠭᠤᠸᠠᠢ᠄ ︽ᠡᠶᠢᠮᠦ ᠤᠯᠠᠨ ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠴᠢᠬᠠᠭᠰᠠᠨ ᠶᠤᠮ ᠴᠢᠨᠢ ᠴᠢᠨᠠᠭᠰᠢ | ᠬᠦᠨᠵᠡᠬᠡᠶᠢᠷᠡᠬᠦᠯᠦᠨ ᠰᠤᠳᠤᠯᠤᠭᠠᠷᠠᠢ︕︾ ᠭᠡᠵᠦ ᠰᠠᠨᠠᠭᠤᠯᠤᠭᠰᠠᠨ ᠪᠠᠶᠢᠯᠠ᠃ ᠡᠬᠦᠨ ᠤ ᠳᠠᠷᠠᠭᠠᠪᠠᠷ ᠳᠡᠷᠡ ᠠᠰᠠᠷ | ᠬᠦᠭᠵᠢᠮ ᠤᠨ ᠮᠠᠲ᠋ᠧᠷᠢᠶᠠᠯ ᠬᠤᠷᠠᠮᠳᠤᠭᠤᠯᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠰᠤᠳᠤᠯᠬᠤ ᠱᠠᠳᠤᠨ ᠳᠤ ᠰᠢᠯᠵᠢᠭᠰᠡᠡ ᠠᠵᠢ᠃ | 2009 ᠤᠨ ᠳᠤ ᠲᠡᠷᠡ ᠬᠤᠰᠢᠭᠤᠨ ᠤ ᠪᠠᠨ ︽ᠴᠠᠬᠠᠷ ᠰᠤᠶᠤᠯ ᠤᠨ ᠰᠤᠳᠤᠯᠭᠠᠨ ᠤ ᠨᠡᠶᠢᠭᠡᠮᠯᠢᠭ︾ ᠢ ᠪᠠᠶᠢᠭᠤᠯᠤᠨ | ᠨᠡᠶᠢᠭᠡᠮᠯᠢᠭ ᠤᠨ ᠳᠡᠳ᠋ ᠳᠠᠷᠤᠭᠠ᠂ ᠬᠡᠷᠡᠭ ᠡᠷᠬᠢᠯᠡᠭᠴᠢᠳ ᠤᠨ ᠳᠠᠷᠤᠭᠠ ᠪᠤᠯᠵᠤ ᠪᠤᠲᠠᠲᠠᠢ ᠠᠵᠢᠯ ᠢ ᠬᠠᠷᠢᠭᠤᠴᠠᠨ | ᠬᠢᠭᠡᠳ ᠤᠳᠤ ᠶᠢ ᠬᠦᠷᠴᠤ ᠪᠠᠶᠢᠭᠠ ᠪᠦᠭᠡᠳ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠤᠷᠠᠯᠢᠬᠴᠢᠳ ᠤᠨ | ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠨ᠂ ᠵᠢᠨᠢᠩ ᠤᠨ ᠪᠠᠭᠰᠢ ᠶᠢᠨ ᠳᠡᠭᠡᠲᠦ ᠰᠤᠷᠭᠠᠭᠤᠯᠢ ᠶᠢᠨ ᠴᠠᠬᠠᠷ ᠰᠤᠶᠤᠯ ᠰᠤᠳᠤᠯᠬᠤ | ᠭᠠᠵᠠᠷ ᠤᠨ ᠵᠦᠪᠯᠡᠭᠴᠢ ᠪᠤᠯᠪᠠ᠃ | ᠲᠡᠷᠡ ᠨᠤᠲ ᠢ ᠰᠢᠨᠵᠢᠨ ᠬᠤᠭᠤᠷ ᠢᠶᠠᠨ ᠲᠠᠳᠠᠨ ᠰᠤᠳᠤᠯᠤᠭᠰᠠᠭᠠᠷ ᠪᠠᠶᠢᠵᠦ᠂ ᠠᠰᠠᠷ | ᠬᠥᠭᠵᠢᠮ ᠤᠨ ᠠᠶᠠᠯᠭᠤ ᠳᠤ ᠲᠦᠷᠪᠡᠨ ᠲᠠᠯ ᠠ ᠶᠢᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠬᠤ ᠶᠢ ᠢᠯᠡᠷᠡᠭᠦᠯᠵᠤ᠂ ᠠᠰᠠᠷ ᠬᠦᠭᠵᠢᠮ | ᠪᠤᠯ ︽ᠳ᠋ᠤᠤ ᠷᠤᠸᠠᠢ ᠮᠢ ᠰᠤᠤ ᠯᠠ︾ ᠭᠡᠬᠦ ᠲᠠᠪᠤᠨ ᠠᠶᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ᠂ ᠬᠠᠮᠤᠭ ᠥᠨᠳᠥᠷ ᠠᠶᠠ ᠰᠤᠤ ᠠᠴᠠ | ᠬᠠᠮᠤᠭ ᠲᠤᠤᠷᠠ ᠠᠶᠠ ᠰᠤᠤ ᠬᠦᠷᠳᠡᠯᠡ ᠠᠷᠪᠠᠨ ᠲᠠᠪᠤᠨ ᠠᠶᠠ ᠲᠠᠢ︔ ᠠᠰᠠᠷ ᠬᠦᠭᠵᠢᠮ ᠨᠢ ᠬᠦᠬᠡᠮᠡᠢ ᠶᠢᠨ | ᠤᠨᠴᠠᠯᠢᠭ ᠲᠠᠢ ᠠᠳᠠᠯᠢ ᠪᠤᠯᠬᠤᠷ ᠬᠦᠬᠡᠮᠡᠢ ᠠᠴᠠ ᠢᠷᠡᠯᠳᠡ ᠲᠠᠢ᠂ ᠬᠦᠬᠡᠮᠡᠶᠢᠯᠡᠬᠦ ᠠᠷᠭᠠ ᠨᠢ ᠵᠡᠭᠡᠰᠦᠨ ᠨᠠᠪᠴᠢ ᠶᠢ | ᠦᠯᠢᠶᠡᠵᠦ ᠲᠠᠭᠤ ᠭᠠᠷᠭᠠᠬᠤ ᠠᠴᠠ ᠢᠷᠡᠯ ᠲᠠᠢ ᠤᠴᠢᠷ᠂ ᠠᠰᠠᠷ ᠬᠦᠭᠵᠢᠮ ᠤᠨ ᠡᠬᠢ ᠡᠭᠦᠰᠦᠯ ᠨᠢ ᠵᠡᠭᠡᠰᠦᠨ | ᠨᠠᠪᠴᠢᠨ ᠬᠦᠭᠵᠢᠮ ᠪᠤᠯᠤᠨᠠ︔ ᠠᠰᠠᠷ ᠬᠦᠭᠵᠢᠮ ᠤᠨ ᠲᠡᠮᠳᠡᠭᠯᠡᠬᠦ ᠠᠷᠭᠠ ᠨᠢ ᠰᠤᠯᠠ᠂ ᠵᠠᠳᠠᠭᠠᠢ᠂ ᠰᠤᠯᠠ ᠵᠠᠳᠠᠭᠠᠢ | ᠭᠤᠷᠪᠠᠨ ᠬᠦᠭ ᠢᠶᠠᠷ ᠲᠡᠮᠳᠡᠭᠯᠡᠳᠡᠭ᠂ ᠡᠨᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠮᠤᠷᠢᠨ ᠱᠤᠭᠰᠢᠭᠠ ᠶᠢᠨ ᠴᠤᠬᠢᠯᠭᠠ | ᠬᠦᠭ ᠢᠶᠠᠷ ᠲᠡᠮᠳᠡᠭᠯᠡᠳᠡᠭ ᠬᠦᠭ ᠠᠶᠠᠯᠭᠤ ᠪᠤᠯᠤᠨᠠ ᠭᠡᠵᠤ ᠳᠤᠷᠠᠳᠤᠭᠰᠠᠨ ᠪᠠᠶᠢᠪᠠ᠃ | 2008 ᠤᠨ ᠠᠴᠠ ᠨᠠᠭᠠᠰᠢ ᠲᠡᠷᠡ ᠴᠠᠬᠠᠷ ᠰᠤᠶᠤᠯ ᠤᠨ ᠲᠤᠬᠠᠢ ᠬᠢᠲᠠᠳ᠂ ᠮᠤᠩᠭᠤᠯ ᠬᠡᠯᠡᠨ ᠤ | ᠪᠤᠶᠤ ᠬᠢᠲᠠᠳ ᠮᠤᠩᠭᠤᠯ ᠬᠤᠶᠠᠷ ᠬᠡᠯᠡ ᠬᠠᠪᠰᠤᠷᠭᠠᠭᠰᠠᠠ 8 ᠨᠤᠮ ᠪᠢᠴᠢᠨ ᠬᠡᠪᠯᠡᠭᠦᠯᠵᠤ ᠪᠠᠶᠢᠭᠠ ᠪᠦᠭᠡᠳ ᠡᠭᠦᠨ | ᠳᠤ ᠨᠢ ︽ᠴᠠᠬᠠᠷ ᠠᠰᠠᠷ︾᠂ ︽ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠤᠷᠳᠤᠨ ᠤ ᠬᠦᠭᠵᠢᠮ — ᠠᠰᠠᠷ︾᠂ ︽ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠰᠤᠩᠭᠤᠳᠠᠭ ᠬᠦᠭᠵᠢᠮ ᠪᠠ ᠪᠦᠬᠡᠷᠡᠩᠬᠡᠢ ᠱᠤᠭᠤᠮᠳᠤ ᠨᠤᠲ︾ ᠵᠡᠷᠭᠡ ᠠᠰᠠᠷ ᠬᠦᠭᠵᠢᠮ ᠤᠨ | ᠲᠤᠰᠬᠠᠢ ᠰᠤᠳᠤᠯᠭᠠᠨ ᠤ ᠪᠦᠲᠦᠭᠡᠯ 3 ᠪᠤᠢ᠃ ᠡᠳᠦᠭᠡ ᠲᠡᠷᠡ ᠠᠰᠠᠷ ᠬᠦᠭᠵᠢᠮ ᠢᠶᠠᠨ ᠨᠡᠩ ᠤᠯᠠᠨ ᠬᠦᠮᠦᠨ ᠳᠤ | ᠲᠠᠨᠢᠭᠤᠯᠵᠤ ᠠᠷᠠᠳ ᠤᠨ ᠲᠤᠮᠳᠠ ᠲᠦᠬᠡᠮᠡᠯ ᠳᠡᠯᠭᠡᠷᠡᠭᠦᠯᠬᠦ ᠭᠡᠮᠡᠨ ᠨᠢᠭᠡᠨᠲᠡ ᠨᠠᠶᠢᠷᠠᠭᠤᠯᠵᠤ ᠳᠠᠭᠤᠰᠬᠠᠭᠠᠳ | ᠪᠠᠶᠢᠭᠠ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠶᠤᠸᠠᠨ ᠤ ᠦᠶᠡ ᠶᠢᠨ ᠰᠤᠩᠭᠤᠳᠠᠭ ᠶᠡᠭᠡ ᠠᠶᠠᠯᠭᠤ ᠬᠦᠭᠵᠢᠮ — ᠠᠰᠠᠷ︾ | ᠭᠡᠬᠦ ᠵᠦᠴᠦᠭᠡ ᠶᠢᠨ ᠡᠭᠡ ᠪᠢᠴᠢᠭ ᠢᠶᠠᠨ ᠲᠠᠶᠢᠰᠠᠨ ᠤ ᠤᠷᠠᠯᠢᠭ ᠪᠤᠯᠭᠠᠵᠤ ᠲᠤᠭᠯᠠᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠵᠤ | ᠪᠠᠶᠢᠨᠠ᠃ ︵ ᠶᠢᠨ ᠪᠤᠤ︶ |