ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠰᠢᠨᠡᠪᠤᠯᠠᠭ ᠪᠠᠯᠭᠠᠰᠤᠨ ᠠᠴᠠ ᠵᠡᠬᠦᠨ ᠬᠤᠶᠢᠰᠢ ᠶᠡᠷᠡᠨ ᠭᠠᠵᠠᠷ ᠤᠨ | ᠦᠵᠦᠭᠦᠷ ᠲᠤ ᠤᠩᠭᠤᠨ ᠠᠭᠤᠯᠠ ᠭᠡᠮᠡᠬᠦ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ1500 ᠮᠧᠲᠷ ᠦᠨᠳᠦᠷ ᠡᠷᠭᠦᠭᠳᠡᠨ | ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠲᠠᠪᠢᠨ ᠭᠠᠵᠠᠷ ᠬᠦᠨᠳᠡᠯᠢᠰᠦᠭᠰᠡᠨ ᠡᠷᠬᠢᠨ ᠲᠤᠭᠤᠷᠢᠨ ᠳᠤ ᠪᠠᠨ ᠲᠤᠪᠤ ᠲᠤᠯᠤᠭᠠᠳ᠂ ᠭᠡᠭᠡᠷᠡ | ᠲᠠᠯᠠ᠂ ᠨᠠᠭᠤᠷ ᠲᠤᠭᠤᠷᠢᠮ᠂ ᠭᠤᠤᠯ ᠭᠤᠷᠤᠬᠠ ᠪᠠᠷ ᠬᠦᠷᠢᠶᠡᠯᠡᠬᠦᠯᠦᠭᠰᠡᠨ ᠨᠢᠭᠡᠨ ᠲᠤᠮᠤᠬᠠᠨ ᠠᠭᠤᠯᠠ ᠰᠡᠭᠦᠶᠢᠨ | ᠰᠦᠨᠳᠡᠷᠯᠡᠵᠤ ᠪᠠᠶᠢᠳᠠᠭ᠃ ᠡᠨᠡ ᠠᠭᠤᠯᠠ ᠶᠢᠨ ᠨᠤᠶᠠᠨ ᠤᠷᠬᠢᠯ ᠲᠡᠭᠡᠷᠡ ᠤᠩᠭᠤᠨ ᠬᠤᠨᠢᠴᠢᠨ ᠤ ᠰᠢᠳᠦᠭᠡᠨ | ᠤᠪᠤᠭᠠ — ᠤᠩᠭᠤᠨ ᠬᠠᠶᠢᠷᠬᠠᠨ ᠤᠪᠤᠭᠠ ᠪᠤᠢ᠃ ᠪᠦᠬᠦᠶᠢᠯᠡ ᠤᠩᠭᠤᠨ ᠬᠠᠶᠢᠷᠬᠠᠨ ᠢ ᠲᠦᠬᠦᠷᠢᠭ ᠬᠡᠯᠪᠡᠷᠢᠳᠡᠢ | ᠭᠤᠷᠪᠠᠨ ᠶᠠᠨᠳᠠᠷ ᠭᠠᠷᠭᠠᠵᠤ᠂ ᠡᠮᠦᠨᠡ ᠨᠢ ᠲᠠᠬᠢᠯᠭᠠ ᠲᠠᠪᠢᠭ ᠤᠨ ᠲᠠᠪᠴᠠᠩ ᠪᠠᠶᠢᠭᠤᠯᠵᠤ᠂ ᠵᠡᠬᠦᠨ ᠡᠮᠦᠨᠡ᠂ | ᠪᠠᠷᠠᠭᠤᠨ ᠡᠮᠦᠨᠡ᠂ ᠪᠠᠷᠠᠭᠤᠨ ᠬᠤᠶᠢᠨᠠ᠂ ᠵᠡᠬᠦᠨ ᠬᠤᠶᠢᠨᠡ ᠳᠦᠷᠪᠡᠨ ᠵᠦᠭ ᠲᠤ ᠲᠤᠰ ᠲᠤᠰ ᠠᠷᠪᠠᠨ ᠭᠤᠷᠪᠠᠨ | ᠭᠡᠰᠡᠭ ᠵᠢᠵᠢᠭ ᠴᠢᠯᠠᠭᠤᠨ ᠱᠠᠪᠢ ᠤᠪᠤᠭᠠ ᠶᠢ ᠰᠢᠯᠤᠭᠤᠨ ᠱᠤᠭᠤᠮ ᠢᠶᠠᠷ ᠡᠩᠨᠡᠭᠦᠯᠦᠨ ᠵᠢᠭᠰᠠᠭᠠᠵᠤ ᠪᠤᠰᠬᠠᠭᠠᠠᠳ | ᠲᠡᠬᠦᠨ ᠢᠶᠠᠨ ᠠᠷᠪᠠᠨ ᠵᠦᠭ ᠤᠨ ᠡᠵᠡᠨ᠂ ᠭᠤᠷᠪᠠᠨ ᠴᠠᠭ ᠤᠨ ᠰᠠᠬᠢᠭᠤᠯᠰᠤᠨ ᠭᠡᠳᠡᠭ᠃ | ᠤᠪᠤᠭᠠᠨ ᠤ ᠲᠡᠭ ᠭᠤᠤᠯ ᠳᠤᠨᠢ ᠮᠦᠩᠭᠦᠨ ᠳ᠋ᠤᠭ ᠲᠠᠢ ᠲᠠᠪᠤᠨ ᠮᠧᠲᠷ ᠦᠨᠳᠦᠷ ᠮᠤᠳᠤᠨ ᠴᠢᠭᠠᠨ | ᠪᠠᠶᠢᠳᠠᠭ ᠪᠦᠭᠡᠳ ᠤᠪᠤᠭᠠᠨ ᠤ ᠳᠦᠷᠪᠡᠨ ᠦᠨᠴᠦᠭ ᠤᠨ ᠱᠠᠪᠢ ᠤᠪᠤᠭᠠ ᠪᠠᠨ ᠴᠢᠭᠯᠡᠭᠦᠯᠦᠨ ᠠᠯᠳᠠ ᠦᠨᠳᠦᠷ | ᠴᠤᠬᠤᠶᠢᠭᠰᠠᠨ ᠰᠤᠷᠤᠭᠰᠢᠨ ᠲᠠᠢ ᠪᠠᠶᠢᠵᠤ᠂ ᠡᠨᠡᠬᠦ ᠲᠦᠷᠪᠡᠨ ᠰᠣᠷᠤᠭᠰᠢᠨ ᠢᠶᠠᠨ ᠤᠪᠤᠭᠠᠨ ᠤ ᠪᠠᠨ ᠭᠤᠤᠯ ᠴᠢᠭᠠᠨ | ᠲᠠᠢ ᠪᠠᠨ ᠬᠦᠬᠡᠨᠡ᠂ ᠬᠠᠳᠠᠭ᠂ ᠲᠠᠷᠴᠤᠭ ᠢᠶᠠᠨ ᠬᠠᠷᠢᠯᠴᠠᠨ ᠬᠤᠯᠪᠤᠵᠤ ᠲᠠᠯᠪᠢᠭᠰᠠᠨ ᠪᠠᠶᠢᠳᠠᠭ᠃ ᠤᠩᠭᠤᠨ | ᠬᠠᠶᠢᠷᠬᠠᠨ ᠭᠤᠴᠢᠨ ᠠᠯᠬᠤᠮ᠂ ᠭᠤᠷᠪᠠᠨ ᠵᠠᠭᠤᠨ ᠠᠯᠴᠤᠮ ᠤᠨ ᠵᠠᠢ ᠪᠠᠷ ᠭᠤᠷᠪᠠᠨ ᠲᠠᠪᠬᠤᠷ ᠴᠢᠯᠠᠭᠤᠨ ᠬᠦᠷᠢᠶᠡ | ᠴᠤᠭᠴᠠᠯᠠᠵᠤ ᠤᠪᠤᠭᠠᠨᠭᠤᠷᠤᠭᠠ ᠪᠤᠯᠭᠠᠵᠠᠢ᠃ ᠲᠤᠳᠤᠷᠠ ᠭᠤᠷᠤᠭᠠ ᠳᠤ ᠠᠩᠬᠠᠨ ᠳᠤ ᠪᠠᠨ ᠠᠰ ᠡᠮᠦᠨᠡ ᠪᠠᠨ | ᠭᠠᠭᠴᠠᠬᠠᠨ ᠡᠭᠦᠳᠡ ᠲᠠᠢ ᠪᠠᠶᠢᠵᠤ᠂ ᠲᠡᠷᠡᠬᠦ ᠡᠭᠦᠳᠡ ᠪᠠᠷ ᠤᠪᠤᠭᠠᠨ ᠳ᠋ᠠ ᠬᠤᠨᠢᠴᠢᠨ ᠨᠤᠶᠠᠨ ᠭᠠᠯᠠᠢ ᠳ᠋ᠠ᠂ | ᠳ᠋ᠦᠲ᠋ᠦᠩ ᠰᠦᠷᠦᠭ ᠤᠨ ᠳ᠋ᠠ᠂ ᠮᠡᠶᠢᠷᠡᠨᠴᠦᠳ᠂ ᠲᠠᠬᠢᠯᠭᠠ ᠶᠢᠨ ᠯᠠᠮᠠ ᠨᠠᠷ᠂ ᠴᠤᠩᠬᠤᠷ ᠤᠨ ᠡᠵᠡᠳ᠂ ᠵᠤᠳᠤᠭᠯᠠᠬᠤ | ᠪᠦᠬᠡ᠂ ᠨᠤᠲᠤᠭ ᠤᠨ ᠠᠬᠠᠮᠠᠳ ᠲᠤᠮᠤᠭᠠᠳᠠᠳ ᠤᠪᠤᠭᠠᠨ ᠳᠤ ᠪᠠᠨ ᠡᠷᠬᠦᠯ ᠲᠠᠬᠢᠯᠭᠠ᠂ ᠴᠢᠮᠡᠭᠯᠡᠯ ᠬᠦᠷᠭᠡᠬᠦ ᠪᠠᠷ | ᠲᠣᠳᠤᠷ ᠭᠤᠷᠤᠭᠠ ᠳᠤ ᠪᠠᠨ ᠤᠭᠳᠤ ᠤᠷᠤᠭᠤᠯᠳᠠᠭ ᠦᠭᠡᠢ᠃ ᠲᠤᠮᠳᠠ ᠭᠤᠷᠤᠭᠠ ᠳᠤ ᠠᠩᠬᠠᠨ ᠳᠤ ᠪᠠᠨ ᠵᠡᠬᠦᠨ | ᠡᠮᠦᠨᠡ᠂ ᠪᠠᠷᠠᠭᠤᠨ ᠡᠮᠦᠨᠡ᠂ ᠪᠠᠷᠠᠭᠤᠨ ᠬᠤᠶᠢᠨᠠ᠂ ᠵᠡᠬᠦᠨ ᠬᠤᠶᠢᠨᠠ ᠲᠦᠷᠪᠡᠨ ᠵᠦᠭ ᠲᠤ ᠲᠦᠷᠪᠡᠨ ᠲᠤᠮᠤ | ᠡᠭᠦᠳᠡ ᠲᠠᠢ ᠪᠠᠶᠢᠵᠤ᠂ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠬᠤ ᠬᠦᠮᠦᠰ ᠤᠨ ᠮᠤᠷᠢ ᠤᠨᠤᠭᠠ᠂ ᠲᠡᠷᠭᠡ ᠬᠦᠰᠭᠡ ᠶᠢ | ᠲᠤᠰᠭᠠᠶᠢᠯᠠᠨ ᠵᠤᠭᠰᠤᠭᠠᠵᠤ ᠲᠠᠯᠪᠢᠳᠠᠭ᠃ ᠭᠠᠳᠠᠷ ᠭᠤᠷᠤᠭᠠᠨ ᠤ ᠲᠦᠷᠪᠡᠨ ᠵᠦᠭ ᠨᠠᠶᠢᠮᠠᠨ ᠵᠤᠪᠬᠢᠰ ᠲᠤ ᠨᠠᠶᠢᠮᠠᠨ | ᠡᠬᠦᠳᠡ ᠲᠠᠢ ᠪᠠᠶᠢᠵᠤ᠂ ᠨᠠᠶᠢᠮᠠᠨ ᠡᠭᠦᠳᠡᠨ ᠲᠡᠭᠡᠷᠡ ᠮᠤᠷᠢᠳᠤ ᠬᠠᠷᠠᠭᠤᠯ ᠬᠤᠶᠠᠭ ᠲᠤᠭᠤᠯᠭᠠ ᠡᠮᠦᠰᠦᠨ ᠵᠤᠭᠰᠤᠵᠤ᠂ | ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠬᠤ ᠬᠦᠮᠦᠰ ᠢ ᠬᠢᠨᠠᠨ ᠪᠠᠶᠢᠴᠠᠭᠠᠳᠠᠭ᠃ ᠤᠴᠢᠷ ᠨᠢ ᠡᠪᠡᠳᠴᠢᠨ ᠡᠮᠭᠡᠭ ᠲᠠᠢ᠂ | ᠵᠠᠭᠤᠨ ᠬᠤᠨᠤᠭ ᠬᠦᠢᠴᠡᠭᠡᠳᠦᠢ ᠨᠦᠭᠴᠢᠭᠰᠡᠳ ᠤᠨ ᠭᠡᠷ ᠪᠦᠯᠢ᠂ ᠡᠮᠡᠭᠳᠡᠶᠢᠴᠦᠳ᠂ ᠠᠷᠢᠬᠢ ᠲᠠᠷᠠᠰᠤᠨ ᠳᠤ | ᠰᠤᠭᠳᠠᠭᠰᠠᠨ ᠬᠦᠮᠦᠨ᠂ ᠴᠡᠪᠡᠷ ᠲᠡᠭᠰᠢ ᠬᠤᠪᠴᠠᠰᠤᠯᠠᠭᠰᠠᠨ ᠦᠭᠡᠢ ᠬᠦᠮᠦᠨ᠂ ᠲᠡᠷᠡᠴᠢᠯᠡᠨ ᠠᠷᠠᠯᠵᠢᠶᠠᠴᠢᠳ᠂ | ᠬᠤᠳᠠᠯᠳᠤᠭᠠᠴᠢᠳ᠂ ᠬᠠᠷᠢ ᠨᠤᠲᠤᠭ ᠠᠴᠠ ᠴᠠᠭᠠᠴᠢᠯᠠᠨ ᠢᠷᠡᠭᠰᠡᠨ ᠬᠦᠮᠦᠰ᠂ ᠬᠦᠮᠦᠨ ᠠᠯᠠᠵᠤ᠂ ᠬᠤᠯᠠᠭᠠᠢ | ᠲᠡᠭᠡᠷᠡᠮ ᠦᠢᠯᠡᠳᠦᠭᠰᠡᠳ ᠢ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠭᠤᠯᠳᠠᠭ ᠦᠭᠡᠢ ᠬᠡᠨᠡ᠃ |