| ᠡᠨᠡ ᠵᠢᠯ 78 ᠨᠠᠰᠤᠲᠠᠢ ᠯᠣᠪᠰᠠᠩᠫᠧᠷᠯᠠᠢ ᠨᠠᠰᠤᠲᠠᠨ ᠪᠣᠯ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠣᠩᠭᠤᠨᠠᠭᠤᠯᠠ | ᠠᠭᠤᠯᠠ ᠰᠣᠮᠣᠨ ᠤ ᠪᠣᠷᠣ ᠬᠤᠵᠢᠷ ᠭᠠᠴᠠᠭᠠᠨ ᠳᠤ ᠤᠳᠠᠭᠠᠨ ᠵᠢᠯ ᠤᠳᠤᠷᠢᠳᠬᠤ ᠠᠵᠢᠯ ᠬᠢᠵᠣ ᠢᠷᠡᠭᠰᠡᠨ ᠨᠡᠷᠡ ᠨᠦᠯᠦᠭᠡ | ᠲᠠᠢ ᠠᠬᠠᠮᠠᠳ ᠪᠤᠭᠤᠷᠤᠯ ᠤᠨ ᠨᠢᠭᠡ ᠪᠣᠯᠬᠤ ᠶᠤᠮ᠃ ᠮᠤᠩᠭᠤᠯᠴᠤᠳ ᠶᠡᠷᠦᠨᠢ ︽ᠡᠴᠢᠭᠡ ᠲᠡᠭᠷᠢ ᠡᠬᠡ ᠭᠠᠵᠠᠷ︾ ᠭᠡᠮᠡᠨ᠂ | ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠬᠤ ᠠᠮᠢ ᠠᠬᠤᠶᠢᠴᠢ ᠦᠵᠡᠯᠲᠡ ᠪᠠᠷ ᠲᠤᠶᠢᠯ ᠤᠨ ᠴᠢᠩᠭᠠ ᠪᠠᠶᠢᠵᠤ᠂ ᠦᠯᠦᠭᠡᠢ | ᠨᠤᠲᠤᠭ ᠤᠨ ᠢᠶᠠᠨ ᠠᠳᠬᠤ ᠰᠢᠷᠤᠢ᠂ ᠰᠢᠷᠬᠡᠭ ᠡᠪᠡᠰᠦ᠂ ᠳᠤᠰᠤᠯ ᠤᠰᠤ᠂ ᠮᠦᠬᠦᠯᠢᠭ ᠴᠢᠯᠠᠭᠤᠨ ᠳᠠᠭᠠᠨ ᠬᠦᠷᠲᠡᠯᠡ ᠡᠯᠢᠭᠡ | ᠵᠢᠷᠦᠬᠡᠨ ᠤ ᠠᠮᠢᠨ ᠬᠠᠶᠢᠷᠠ ᠪᠠᠨ ᠢᠪᠢᠯᠭᠡᠵᠦ᠂ ᠡᠬᠡ ᠦᠷᠡ ᠶᠢᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠶᠤᠮ ᠰᠢᠭ ᠮᠦᠩᠭᠡ ᠲᠡᠭᠷᠢ ᠳᠡᠭᠡᠨ | ᠲᠠᠭᠠᠳᠬᠠᠨ᠂ ᠣᠪᠣᠭᠠ ᠬᠠᠶᠢᠷᠬᠠᠨ ᠪᠤᠯᠠᠭ ᠤᠰᠤ ᠪᠠᠨ ᠲᠠᠬᠢᠬᠤ ᠡᠷᠲᠡ ᠲᠡᠭᠡᠳᠦ ᠶᠢᠨ ᠤᠯᠠᠮᠵᠢᠯᠠᠯᠲᠤ ᠶᠤᠰᠤ ᠵᠠᠩᠰᠢᠯ ᠤᠨ | ᠥᠪ ᠰᠤᠶᠤᠯ ᠲᠠᠢ ᠪᠢᠯᠡ᠃ ᠯᠤᠪᠰᠠᠩᠫᠧᠷᠯᠠᠢ ᠨᠠᠰᠤᠲᠠᠨ ᠭᠤᠸᠠᠢ 60 ᠵᠢᠯ ᠤᠨ ᠡᠮᠦᠨᠡ ᠲᠠᠷᠤᠢ ᠭᠠᠯ ᠵᠠᠯᠠᠭᠤ 18 | ᠨᠠᠰᠤᠲᠠᠢ ᠳᠠᠭᠠᠨ ᠡᠨᠡ ᠨᠤᠲᠤᠭ ᠲᠤ ᠨᠤᠲᠤᠭᠯᠠᠵᠤ ᠤᠷᠳᠤ ᠨᠢᠭᠡᠨᠲᠡ ᠲᠥᠷᠪᠡᠨ ᠦᠶᠡ ᠪᠠᠨ ᠦᠵᠡᠵᠦ ᠵᠢᠷᠭᠠᠯᠲᠠᠢ | ᠠᠮᠢᠳᠤᠷᠠᠨᠠ᠃ | ᠨᠠᠰᠤᠲᠠᠨ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠮᠠᠰᠢ ᠬᠠᠶᠢᠷᠠᠲᠠᠢ ᠪᠠᠶᠢᠵᠤ᠂ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡᠬᠢ ᠤᠷᠤᠰᠬᠠᠯ | ᠳᠠᠭᠠᠭᠰᠠᠨ ᠬᠠᠮᠲᠤ ᠨᠡᠶᠢᠲᠡ ᠪᠠᠷ ᠪᠠᠶᠢᠬᠤ ᠦᠶᠡ ᠳᠤ ᠲᠠᠷᠢᠵᠤ ᠣᠶᠢᠵᠢᠭᠤᠯᠤᠭᠰᠠᠨ ᠮᠤᠳᠤᠨ ᠤ ᠬᠦᠷᠢᠶᠡ ᠪᠠᠨ ᠬᠠᠷᠠᠵᠤ | ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ ᠪᠡᠶᠡ ᠪᠠᠷ ᠢᠶᠠᠨ ᠬᠡᠪ ᠲᠥᠷᠢᠮ ᠪᠣᠯᠵᠤ ᠰᠠᠶᠢᠲᠤᠷ ᠬᠢᠵᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠤᠷᠳᠤ ᠪᠣᠯᠬᠤ ᠳᠤ | ᠬᠦᠦ ᠰᠣᠳᠤ ᠨᠢ ᠴᠤ ᠠᠪᠤ ᠶᠢᠨ ᠢᠶᠠᠨ ᠦᠢᠯᠡᠰ ᠢ ᠵᠠᠯᠭᠠᠮᠵᠢᠯᠠᠨ ᠠᠪᠤᠭᠰᠠᠨ ᠤ ᠬᠠᠮᠲᠤ ᠣᠷᠴᠢᠮ ᠤᠨ ᠬᠤᠷᠢ ᠭᠠᠷᠤᠢ | ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠵᠢᠯ ᠪᠦᠷᠢ ᠶᠢᠨ ᠬᠠᠪᠤᠷ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠪᠠᠭᠠ ᠯᠠ ᠴᠢᠯᠦᠭᠡ ᠭᠠᠷᠪᠠᠯ᠂ ᠮᠤᠳᠤ | ᠪᠤᠷᠭᠠᠰᠤ ᠨᠡᠮᠡᠵᠦ ᠲᠠᠷᠢᠬᠤ ᠠᠵᠢᠯ ᠢ ᠬᠢᠵᠤ᠂ ᠣᠶᠢᠵᠢᠭᠤᠯᠤᠯᠲᠠ ᠶᠢᠨ ᠬᠡᠪᠴᠢᠶᠡ ᠪᠠᠨ ᠦᠷᠭᠡᠳᠭᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ | ᠣᠣᠯ ᠤᠨ ᠮᠣᠳᠤ ᠪᠣᠷᠭᠠᠰᠤ ᠶᠢ ᠴᠤ ᠰᠠᠶᠢᠲᠤᠷ ᠬᠠᠮᠠᠭᠠᠯᠠᠵᠤ᠂ ᠠᠮᠢ ᠠᠬᠤᠢ ᠣᠷᠴᠢᠨ ᠲᠤᠭᠤᠷᠢᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢ | ᠠᠵᠢᠯ ᠦᠢᠯᠡᠰ ᠤᠨ ᠢᠶᠠᠨ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠨᠢᠭᠡᠨ ᠬᠡᠰᠡᠭ ᠪᠣᠯᠭᠠᠵᠤ ᠢᠷᠡᠭᠰᠡᠨ ᠪᠠᠶᠢᠳᠠᠭ᠃ | ᠨᠠᠰᠤᠲᠠᠨ ᠭᠤᠸᠠᠢ ᠴᠤ ᠬᠡᠦᠬᠡᠳ ᠠᠴᠢᠨᠠᠷ ᠲᠤ ᠪᠠᠨ ᠲᠡᠭᠡᠳᠦᠰ ᠠᠴᠠ ᠥᠪᠯᠡᠵᠦ ᠢᠷᠡᠭᠰᠡᠨ ᠲᠠᠷᠬᠠᠨ ᠨᠤᠲᠤᠭ ᠲᠠᠭᠠᠨ ᠡᠵᠡᠨ | ᠰᠠᠭᠤᠵᠤ᠂ ᠥᠰᠴᠦ ᠲᠦᠷᠦᠭᠰᠡᠨ ᠦᠯᠦᠭᠡᠢ ᠨᠤᠲᠤᠭ ᠲᠠᠭᠠᠨ ᠰᠢᠳᠤᠨ᠂ ᠰᠡᠳᠬᠢᠯ ᠤᠨ ᠠᠷᠢᠭᠤᠨ ᠬᠠᠶᠢᠷᠠ ᠪᠠᠷ ᠬᠠᠨᠳᠤᠨ᠂ | ᠨᠤᠲᠤᠭ ᠤᠰᠤ ᠪᠠᠨ ᠨᠤᠭᠤᠭᠠᠷᠠᠭᠤᠯᠬᠤ ᠠᠵᠢᠯ ᠢ ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠮᠦᠩᠭᠡ ᠰᠠᠶᠢᠨ ᠬᠢᠬᠦ ᠡᠷᠴᠢ ᠬᠦᠴᠦ ᠶᠢ ᠨᠢ | ᠳᠠᠶᠢᠴᠢᠯᠠᠬᠤ ᠶᠢᠨ ᠲᠤᠰᠠᠳᠠ᠂ ᠪᠡᠶᠡ ᠲᠡᠩᠭᠡᠯᠡᠬᠦᠨ ᠪᠢᠯᠢᠭ ᠰᠠᠷᠠᠭᠤᠯ ᠪᠠᠶᠢᠬᠤ ᠳᠠᠭᠠᠨ ᠬᠦᠰᠡᠯ ᠱᠠᠭᠠᠷᠳᠠᠯᠭᠠ ᠪᠠᠨ | ᠲᠠᠯᠪᠢᠬᠤ ᠪᠠᠷ ᠡᠨᠡ ᠨᠤᠲᠤᠭ ᠲᠤ ᠨᠤᠲᠤᠭᠯᠠᠨ ᠰᠠᠭᠤᠷᠢᠰᠢᠭᠰᠠᠨ 60 ᠵᠢᠯ ᠤᠨ ᠣᠢ ᠳᠠᠭᠠᠨ ᠵᠤᠷᠢᠭᠤᠯᠵᠤ᠂ ︽ᠪᠣᠷᠣ | ᠬᠤᠵᠢᠷ ᠤᠨ ᠨᠠᠭᠤᠷ ᠮᠠᠨᠢ ᠬᠦᠢᠰᠦ ᠠᠴᠠ ᠴᠢᠨᠢ ᠠᠮᠢᠳᠤ ᠪᠤᠯᠠᠭ ᠣᠷᠭᠢᠯᠤᠨ᠂ ᠬᠡᠪᠡᠯᠢ ᠴᠢᠨᠢ ᠭᠡᠵᠢᠶᠡᠳᠡ ᠪᠢᠯᠬᠠᠮᠠ ᠪᠠᠶᠢᠵᠤ | ᠴᠡᠩᠭᠡᠭ ᠤᠰᠤ ᠴᠡᠪᠡᠷ ᠠᠭᠠᠷ ᠢᠶᠠᠷ ᠢᠶᠠᠨ ᠨᠤᠲᠤᠭ ᠤᠨ ᠬᠦᠮᠦᠨ ᠠᠷᠠᠳ ᠢᠶᠠᠨ ᠦᠶᠡ ᠶᠢᠨ ᠦᠶᠡ ᠳᠤ ᠢᠪᠡᠭᠡᠵᠤ ᠪᠠᠶᠢᠭᠠᠷᠠᠢ︕ | ︾ ᠬᠡᠮᠡᠬᠦ ᠴᠢᠯᠠᠭᠤᠨ ᠪᠢᠴᠢᠭ ᠢᠶᠠᠷ ᠢᠯᠡᠷᠭᠡᠶᠢᠯᠡᠭᠰᠡᠨ ᠰᠡᠳᠬᠢᠯ ᠤᠨ ᠦᠭᠡ ᠪᠠᠨ ᠬᠦᠰᠡᠯ ᠵᠦᠩᠨᠡᠯ ᠤᠨ ᠢᠷᠦᠭᠡᠯ ᠪᠡᠯᠭᠡᠳᠡᠯ | ᠪᠣᠯᠭᠠᠨ᠂ ᠪᠣᠷᠤ ᠬᠤᠵᠢᠷ ᠤᠨ ᠨᠠᠭᠤᠷ ᠤᠨ ᠢᠶᠠᠨ ᠵᠡᠬᠦᠨ ᠰᠢᠷᠡᠭᠡ ︵ᠬᠦᠲᠦᠯ︶ ᠲᠡᠭᠡᠷᠡ ᠪᠣᠰᠬᠠᠭᠰᠠᠨ ᠨᠢ ᠴᠠᠭᠠᠨ | ᠬᠤᠯᠤᠭᠠᠨᠠ ᠵᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠤ ᠤᠴᠢᠷ ᠪᠠᠶᠢᠯᠠ᠃ | ᠠᠪᠤ ᠶᠢᠨ ᠢᠶᠠᠨ ᠨᠤᠲᠤᠭ ᠤᠰᠤ ᠪᠠᠨ ᠭᠡᠰᠡᠨ ᠠᠷᠢᠭᠤᠨ ᠪᠣᠳᠣᠯ ᠢ ᠦᠷᠡ ᠠᠴᠢᠨᠠᠷ ᠨᠢ ᠴᠤ ᠰᠡᠳᠬᠢᠯ ᠤᠨ | ᠬᠦᠨᠳᠦ ᠠᠴᠠ ᠪᠠᠨ ᠪᠢᠰᠢᠷᠡᠵᠦ᠂ ᠬᠦᠦ ᠰᠣᠳᠣ ᠨᠢ ᠠᠪᠤ ᠶᠢᠨ ᠢᠶᠠᠨ ᠦᠢᠯᠡᠰ ᠢ ᠵᠠᠯᠭᠠᠮᠵᠢᠯᠠᠵᠤ ᠮᠤᠳᠤᠨ ᠤ ᠬᠦᠷᠢᠶᠡ ᠪᠠᠨ | ᠬᠠᠷᠠᠵᠤ ᠦᠷᠭᠡᠳᠬᠡᠬᠦ ᠠᠵᠢᠯ ᠢ ᠶᠠᠪᠤᠭᠳᠠᠭᠤᠯᠵᠤ ᠪᠠᠶᠢᠬᠤ ᠳᠤ ᠤᠷᠳᠤ ᠣᠮᠪᠤᠯᠤ ᠪᠠᠳᠤᠳᠤᠯᠭᠠ ᠨᠢ ᠡᠪᠦᠭᠡ ᠪᠣᠯᠣᠨ | ᠠᠪᠤ ᠶᠢᠨ ᠢᠶᠠᠨ ᠰᠤᠷᠭᠠᠯ ᠬᠦᠮᠦᠵᠢᠯ ᠳᠤᠤᠷᠠ ᠮᠤᠳᠤ ᠲᠠᠷᠢᠵᠤ ᠨᠤᠲᠤᠭ ᠤᠰᠤ ᠪᠠᠨ ᠨᠤᠭᠤᠭᠠᠷᠠᠭᠤᠯᠬᠤ ᠲᠠᠷᠬᠠᠨ ᠡᠭᠦᠷᠭᠡ ᠶᠢ | ᠡᠬᠦᠷᠭᠡᠯᠡᠵᠦ ᠤᠬᠠᠭᠠᠨ ᠰᠠᠨᠠᠭᠠ ᠰᠣᠪᠢᠵᠤ ᠶᠠᠪᠤᠬᠤ ᠪᠣᠯᠣᠯᠠ᠃ | ᠲᠡᠶᠢᠮᠦ ᠡ︕ ︽ᠤᠤᠭᠤᠭᠰᠠᠨ ᠤᠰᠤ ᠷᠠᠰᠢᠶᠠᠨ ᠤᠨᠠᠭᠰᠠᠨ ᠰᠢᠷᠤᠢ ᠠᠯᠲᠠ︾ ᠭᠡᠳᠡᠭᠴᠢᠯᠡᠨ᠂ ᠮᠤᠩᠭᠤᠯᠴᠤᠳ | ᠮᠠᠨᠢ ᠡᠬᠡ ᠪᠠᠶᠢᠭᠠᠯᠢ ᠳᠠᠭᠠᠨ ᠡᠶᠢᠨᠬᠦ ᠬᠠᠶᠢᠷᠠ ᠢᠪᠡᠭᠡᠯ ᠲᠠᠢ ᠪᠠᠶᠢᠳᠠᠭ ᠪᠣᠯᠬᠤᠷ ᠠᠬᠠᠮᠠᠳ ᠪᠤᠭᠤᠷᠤᠯ ᠤᠨ ᠮᠠᠨᠢ ᠡᠯᠢᠭᠡᠨ | ᠬᠠᠯᠠᠭᠤᠨ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠡᠷᠭᠦᠭᠰᠡᠨ ᠠᠶᠤᠤᠯᠢᠬᠠᠢ ᠵᠢᠷᠦᠭᠡᠨ ᠤ ᠠᠮᠢᠨ ᠬᠠᠶᠢᠷᠠ ᠪᠠᠷ ᠢᠪᠢᠯᠦᠭᠰᠡᠨ ᠰᠦᠨ | ᠴᠠᠭᠠᠨ ᠰᠡᠳᠬᠢᠯ ᠤᠨ ᠬᠢᠨᠢ ᠰᠦᠰᠦᠭ ᠪᠢᠰᠢᠷᠡᠯ ᠢᠶᠠᠷ ᠦᠨᠦᠳᠦᠷ ᠯᠤᠪᠰᠠᠩᠫᠧᠷᠯᠠᠢ ᠨᠠᠰᠤᠲᠠᠨ ᠤ ᠭᠤᠷᠪᠠᠨ ᠦᠶᠡ ᠪᠠᠷ ᠢᠶᠠᠨ | ᠨᠤᠲᠤᠭ ᠤᠨ ᠢᠶᠠᠨ ᠨᠤᠮᠢᠨ ᠨᠤᠭᠤᠭᠠᠨ ᠦᠢᠯᠡᠰ ᠤᠨ ᠲᠥᠯᠦᠭᠡᠯᠡᠭᠴᠢᠳ ᠵᠢᠳᠬᠦᠭᠰᠡᠭᠡᠷ᠂᠂᠂᠂ | |