| ᠪᠤᠭᠳᠠ ᠶᠢᠨ ᠭᠤᠤᠯ ᠰᠤᠮᠤᠨ ᠤ ᠬᠤᠨᠢᠴᠢᠨ ᠬᠠᠰᠢᠶᠠᠳᠤ ᠭᠠᠴᠠᠭᠠᠨ ᠤ ᠳᠡᠭᠦᠰᠵᠢᠷᠭᠠᠯ᠂ ᠭᠡᠷᠡᠯᠡ ᠬᠤᠶᠠᠷ ᠪᠤᠯ | 2009 ᠤᠨ ᠳᠤ ᠬᠤᠳᠠ ᠤᠷᠤᠵᠦ ᠤᠮᠪᠤᠯᠤ ᠪᠠᠨ ᠬᠠᠷᠠᠬᠤ ᠶᠢᠨ ᠵᠡᠷᠬᠡᠪᠡᠷ ᠡᠮᠡᠬᠡᠯ ᠬᠢᠬᠦ᠂ ᠴᠢᠳᠤᠷ ᠨᠤᠭᠳᠤ ᠮᠤᠰᠬᠢᠬᠤ | ᠵᠡᠷᠬᠡ ᠳᠤᠷᠠ ᠪᠠᠬᠠ ᠲᠠᠢ ᠵᠦᠢᠯ ᠢᠶᠠᠨ ᠬᠢᠵᠦ᠂ ᠦᠨᠳᠦᠰᠦᠳᠡᠨ ᠤ ᠦᠨᠡᠳᠤ ᠰᠤᠶᠤᠯ ᠢᠶᠠᠨ ᠤᠯᠠᠨ ᠳᠦᠮᠡᠨ ᠳᠤ ᠪᠠᠨ | ᠳᠠᠨᠢᠭᠤᠯᠵᠦ ᠶᠠᠪᠤᠭᠠ ᠬᠦᠨᠳᠦᠳᠠᠢ ᠨᠠᠰᠤᠳᠠᠨ ᠪᠢᠯᠡ᠃ | ᠡᠳᠡᠨᠡᠶᠢᠬᠢᠨ ᠵᠠᠯᠠᠭᠤ ᠶᠢᠨ ᠦᠶᠡ ᠠᠴᠠ ᠪᠠᠨ ᠡᠬᠢᠯᠡᠵᠦ ᠬᠦᠳᠡᠭᠡ ᠪᠠᠨ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠮᠠᠯᠵᠢᠵᠦ᠂ | ᠮᠠᠯ ᠤᠨ ᠢᠶᠠᠨ ᠠᠰᠢᠭ ᠰᠢᠮᠡ ᠶᠢ ᠵᠤᠬᠢᠰᠳᠠᠢ ᠰᠠᠶᠢᠬᠠᠨ ᠠᠰᠢᠭᠯᠠᠵᠦ᠂ ᠬᠤᠳᠠ ᠤᠰᠤᠨ ᠳᠤ ᠪᠠᠨ ᠳᠠᠭᠤᠷᠢᠶᠠᠯ ᠪᠤᠯᠤᠮᠠᠷ | ᠳᠠᠩᠰᠤᠭ ᠠᠮᠢᠳᠤᠷᠠᠯ ᠲᠠᠢ ᠠᠶᠢᠯ ᠶᠤᠮ᠃ 2003 ᠤᠨ ᠠᠴᠠ ᠡᠬᠢᠯᠡᠵᠦ ᠤᠯᠠᠨ ᠳᠠᠯᠠ ᠶᠢᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠦ | ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠴᠦᠬᠡᠴᠢᠯᠡᠵᠦ ᠢᠷᠡᠭᠰᠡᠨ ᠪᠤᠯᠪᠠᠴᠦ ᠠᠳᠤᠭᠤᠨ ᠳᠤ ᠬᠠᠶᠢᠷᠠᠳᠠᠢ ᠳᠡᠬᠦᠰᠵᠢᠷᠭᠠᠯ ᠭᠤᠸᠠᠢ | ᠠᠳᠤᠭᠤᠨ ᠤ ᠰᠤᠷ ᠡᠳ᠋ᠯᠡᠯ ᠬᠢᠬᠦ ᠪᠠᠨ ᠤᠳᠤ ᠳᠤ ᠪᠤᠯᠳᠠᠯᠠ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠡ︕ ᠳᠡᠷᠡ 30 ᠨᠠᠰᠤᠨ ᠠᠴᠠ ᠪᠠᠨ | ᠡᠬᠢᠯᠡᠵᠦ ᠰᠤᠷ ᠢᠳᠡᠬᠡᠯᠡᠬᠦ᠂ ᠨᠤᠭᠳᠤ ᠬᠠᠵᠠᠭᠠᠷ ᠬᠢᠬᠦ᠂ ᠡᠮᠡᠬᠡᠯ ᠰᠤᠷᠯᠠᠬᠤ ᠵᠡᠷᠬᠡ ᠮᠠᠯᠴᠢᠨ ᠬᠦᠮᠦᠨ ᠤ ᠤᠷᠠ ᠤᠬᠠᠭᠠᠨ ᠢ | ᠭᠠᠶᠢᠬᠠᠭᠤᠯᠤᠭᠰᠠᠨ ᠦᠢᠯᠡ ᠳᠤ ᠴᠠᠭᠠᠷᠠᠵᠦ ᠢᠷᠡᠵᠠᠢ︕ ᠵᠦᠬᠡᠷ ᠰᠠᠭᠤᠬᠤ ᠪᠠᠷ ᠵᠦᠯᠬᠦᠵᠦ ᠰᠠᠭᠤ ᠬᠡᠳᠡᠭ ᠢᠶᠠᠷ 2009 | ᠤᠨ ᠳᠤ ᠳᠡᠬᠦᠰᠵᠢᠷᠭᠠᠯ᠂ ᠬᠡᠷᠡᠯᠡ ᠬᠤᠶᠠᠭᠤᠯᠠ ᠪᠠᠨ ᠬᠤᠰᠢᠭᠤ ᠤᠷᠤᠵᠦ ᠤᠮᠪᠤᠯᠤ ᠪᠠᠨ ᠬᠠᠷᠠᠵᠦ ᠰᠠᠭᠤᠬᠤ ᠶᠢᠨ | ᠵᠡᠷᠬᠡᠪᠡᠷ ᠤᠯᠠᠮᠵᠢᠯᠠᠯᠳᠤ ᠠᠷᠭᠠ ᠪᠠᠷ ᠢᠶᠠᠨ ᠰᠤᠷ ᠡᠳ᠋ᠯᠡᠯ ᠬᠢᠵᠦ᠂ ᠵᠢᠯ ᠤᠨ ᠬᠡᠳᠦᠨ ᠳᠦᠮᠡᠨ ᠳᠦᠬᠦᠷᠢᠭ ᠤᠨ ᠤᠷᠤᠯᠭᠠ | ᠤᠯᠵᠦ᠂ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠠᠪᠠᠭᠠ ᠬᠤᠰᠢᠭᠤ ᠵᠡᠷᠬᠡ ᠭᠠᠵᠠᠷ ᠤᠨ ᠠᠳᠤᠭᠤ ᠢᠳᠡᠭᠡ ᠳᠤ ᠳᠤᠷᠠ ᠪᠠᠬᠠ | ᠲᠠᠢ ᠬᠦᠮᠦᠰ ᠠᠴᠠ ᠤᠯᠠᠨ ᠠᠷᠪᠢᠨ ᠵᠠᠬᠢᠶᠠᠯᠠᠭᠠ ᠳᠤᠰᠴᠦ ᠦᠪᠡᠷ ᠤᠨ ᠳᠤᠷᠠ ᠰᠤᠨᠢᠷᠬᠠᠯ ᠲᠠᠢ ᠵᠦᠢᠯ ᠢᠶᠠᠨ ᠤᠷᠤᠯᠳᠤᠨ | ᠰᠠᠭᠤᠳᠠᠭ ᠢᠶᠠᠷ ᠢᠶᠠᠨ ᠠᠮᠢᠳᠤᠷᠠᠯ ᠳᠤ ᠪᠠᠨ ᠴᠠᠭ ᠢᠮᠠᠭᠳᠠ ᠪᠠᠶᠠᠷ ᠪᠠᠭ᠋ᠠᠳᠤᠯ ᠲᠠᠢ ᠰᠡᠳᠬᠢᠯ ᠳᠦᠬᠦᠷᠡᠩ ᠶᠠᠪᠤᠳᠠᠭ᠃ | ᠳᠡᠷᠡᠪᠡᠷ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠢᠳᠡᠬᠡᠯᠡᠭᠰᠡᠨ ᠰᠤᠷ ᠢᠶᠠᠷ ᠬᠢᠭᠰᠡᠨ ᠠᠳᠤᠭᠤᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢᠶᠠᠨ ᠬᠤᠯᠠ | ᠤᠶᠢᠷᠠ ᠶᠢᠨ ᠬᠦᠮᠦᠰ ᠲᠤ ᠪᠠᠨ ᠳᠠᠨᠢᠭᠤᠯᠵᠦ᠂ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠦᠨᠡᠳᠦ ᠦᠪ᠂ ᠮᠠᠯᠵᠢᠬᠤ ᠰᠤᠶᠤᠯ ᠢᠶᠠᠨ | ᠤᠯᠠᠮᠵᠢᠯᠠᠵᠤ ᠶᠠᠪᠤᠨᠠ᠃ | ᠤᠳᠤᠬᠢ ᠴᠠᠭ ᠤᠨ ᠤᠷᠤᠰᠬᠠᠯ ᠢ ᠳᠠᠭᠠᠯᠳᠤᠨ ᠬᠦᠮᠦᠰ ᠰᠢᠨᠡ ᠬᠡᠷ ᠤᠨ ᠮᠢᠯᠢᠶᠠᠯᠳᠠ᠂ ᠬᠤᠷᠢᠮ ᠨᠠᠶᠢᠷ ᠵᠡᠷᠬᠡ | ᠶᠤᠰᠤᠯᠠᠯ ᠨᠠᠶᠢᠷ ᠤᠨ ᠠᠵᠢᠯᠯᠠᠭᠠ ᠳᠤ ᠭᠠᠩᠭᠠᠩ ᠬᠢᠴᠠ ᠲᠠᠢ ᠡᠮᠡᠬᠡᠯ ᠬᠤᠳᠠᠯᠳᠤᠨ ᠠᠪᠬᠤ ᠨᠢ ᠤᠯᠠᠨ ᠪᠤᠯᠵᠦ᠂ ᠬᠢᠴᠡ | ᠮᠠᠶ᠋ᠢᠭ ᠨᠢ ᠦᠵᠡᠮᠦᠷᠢ ᠲᠠᠢ ᠰᠠᠶᠢᠬᠠᠨ ᠡᠮᠡᠬᠡᠯ ᠢ ᠮᠦᠩᠬᠦ ᠬᠠᠶᠢᠷᠠᠯᠠᠯ ᠦᠬᠡᠢ ᠬᠤᠳᠠᠯᠳᠤᠨ ᠠᠪᠬᠤ ᠪᠤᠯᠤᠭᠰᠠᠨ ᠨᠢ ᠭᠠᠷ | ᠤᠷᠠᠯᠠᠯ ᠳᠤ ᠪᠠᠭ᠋ᠠᠳᠠᠢ᠂ ᠡᠮᠡᠬᠡᠯ ᠬᠠᠵᠠᠭᠠᠷ ᠬᠢᠬᠦ ᠳᠤ ᠤᠷᠮᠠᠳᠠᠢ ᠬᠦᠮᠦᠰ ᠤᠨ ᠪᠤᠷᠤᠯᠠᠭᠤᠯᠭᠠ ᠳᠤ ᠨᠢᠬᠡᠨ ᠳᠤᠬᠢᠶᠠᠯ | ᠬᠠᠩᠭᠠᠭᠰᠠᠨ ᠬᠡᠯᠳᠡᠢ᠃ ᠡᠳᠡᠬᠡᠷ ᠵᠢᠯ ᠤᠨ ᠳᠤᠷᠰᠢ ᠳᠡᠬᠦᠰᠵᠢᠷᠭᠠᠯ ᠭᠤᠸᠠᠢ ᠬᠦᠮᠦᠰ ᠤᠨ ᠵᠠᠬᠢᠶᠠᠯᠠᠭᠠ ᠶᠤᠰᠤᠭᠠᠷ ᠬᠤᠷᠢᠮ | ᠨᠠᠶᠢᠷ᠂ ᠬᠡᠷ ᠤᠨ ᠮᠢᠯᠢᠶᠠᠯᠳᠠ ᠳᠤ ᠵᠤᠷᠢᠭᠤᠯᠤᠯᠳᠠ ᠲᠠᠢ ᠭᠠᠩᠭᠠᠩ ᠬᠢᠴᠡ ᠲᠠᠢ᠂ ᠴᠤᠯᠤ ᠮᠦᠩᠬᠦᠨ ᠬᠠᠵᠠᠭᠠᠷ ᠲᠠᠢ ᠡᠮᠡᠬᠡᠯ | ᠴᠤ ᠤᠯᠠᠨ ᠬᠢᠵᠦ᠂ ᠬᠤᠳᠠᠯᠳᠤᠨ ᠠᠪᠤᠭᠴᠢᠳ ᠤᠨ ᠬᠠᠨᠤᠮᠵᠢᠳᠠᠢ ᠦᠨᠡᠯᠡᠭᠡ ᠶᠢ ᠤᠯᠵᠦ᠂ ᠳᠡᠬᠦᠨ ᠤ ᠰᠤᠷ ᠡᠳ᠋ᠯᠡᠯ ᠢ | ᠬᠤᠳᠠᠯᠳᠤᠨ ᠠᠪᠬᠤ ᠬᠦᠮᠦᠰ ᠴᠤ ᠤᠯᠠᠮ ᠠᠴᠠ ᠤᠯᠠᠮ ᠤᠯᠠᠨ ᠪᠤᠯᠤᠭᠰᠠᠭᠠᠷ ᠢᠷᠡᠵᠠᠢ᠃ ᠪᠤᠭᠳᠠ ᠶᠢᠨ ᠭᠤᠤᠯ ᠰᠤᠮᠤᠨ ᠤ | ᠳᠦᠷᠪᠡᠨ ᠬᠤᠳᠳᠤᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠳᠤᠭᠳᠠᠬᠤ ᠪᠤᠯ ᠳᠡᠬᠦᠨ ᠠᠴᠠ ᠦᠷᠬᠦᠯᠵᠢ ᠠᠳᠤᠭᠤᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ | ᠬᠤᠳᠠᠯᠳᠤᠨ ᠠᠪᠳᠠᠭ ᠬᠦᠮᠦᠨ ᠤ ᠨᠢᠬᠡ ᠪᠤᠯᠤᠨᠠ᠃ ︽ᠮᠠᠨ ᠤ ᠠᠳᠤᠭᠤᠨ ᠳᠤ ᠪᠠᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠰᠤᠷ ᠡᠳ᠋ᠯᠡᠯ ᠤᠨ | ᠤᠯᠠᠩᠬᠢ ᠶᠢ ᠨᠢ ᠴᠦᠮ ᠡᠳᠡᠨᠡᠶᠢᠬᠢᠨ ᠠᠴᠠ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠶᠤᠮ᠃ ᠦᠨᠡ ᠬᠠᠩᠰᠢ ᠨᠢ ᠳᠤᠬᠢᠯᠢᠭ ᠮᠦᠷᠳᠡᠬᠡᠨ | ᠴᠢᠨᠠᠷ ᠰᠠᠶᠢᠳᠠᠢ᠃ ᠳᠡᠭᠦᠰᠵᠢᠷᠭᠠᠯ ᠪᠤᠯ ᠠᠪᠠᠭᠠ ᠡᠮᠡᠬᠡᠯ᠂ ᠰᠦᠨᠢᠳ ᠡᠮᠡᠬᠡᠯ᠂ ᠴᠠᠬᠠᠷ ᠡᠮᠡᠬᠡᠯ ᠢ ᠴᠤ ᠪᠦᠷ ᠰᠠᠶᠢᠬᠠᠨ | ᠤᠷᠠᠯᠠᠵᠦ ᠬᠢᠳᠡᠭ ᠤᠷᠠᠨ ᠭᠠᠷ ᠲᠠᠢ᠂ ᠠᠳᠤᠭᠤᠴᠢᠨ ᠠᠶᠢᠯ ᠤᠨ ᠤᠳᠤᠮ ᠶᠤᠮ᠃︾ ᠬᠡᠵᠦ ᠳᠤᠭᠳᠠᠬᠤ ᠶᠠᠷᠢᠨᠠ᠃ | ᠬᠡᠷᠡᠭᠯᠡᠭᠴᠢ ᠰᠠᠩᠵᠠᠢ ︽ᠳᠡᠬᠦᠰ ᠠᠬᠠ ᠪᠤᠯ ᠵᠢᠩᠬᠢᠨᠢ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠢᠶᠠᠨ ᠰᠠᠶᠢᠨ ᠮᠡᠳᠡᠳᠡᠭ ᠮᠠᠯᠴᠢᠨ | ᠬᠦᠮᠦᠨ᠃ ᠳᠡᠬᠦᠨ ᠤ ᠬᠢᠳᠡᠭ ᠰᠤᠷ ᠡᠳ᠋ᠯᠡᠯ ᠪᠤᠯᠤᠨ ᠡᠮᠡᠬᠡᠯ ᠨᠢ ᠤᠷᠠᠨ ᠨᠠᠷᠢᠨ ᠬᠢᠴᠡ ᠲᠠᠢ ᠮᠦᠷᠳᠡᠬᠡᠨ ᠴᠢᠨᠠᠷᠯᠢᠭ ᠪᠠᠶᠢᠳᠠᠭ | ᠃ ᠡᠨᠡ ᠳᠠᠯᠠ ᠪᠠᠷ ᠨᠢᠬᠡᠨ ᠦᠶᠡ ᠶᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠲᠤ ᠪᠠᠨ ᠰᠠᠶᠢᠨ ᠪᠠᠭᠰᠢ ᠰᠠᠶᠢᠨ ᠳᠠᠭᠤᠷᠢᠶᠠᠯ ᠪᠤᠯᠬᠤ | ᠶᠤᠰᠤᠳᠠᠢ᠃︾ ᠬᠡᠵᠦ ᠰᠡᠳᠬᠢᠯ ᠪᠠᠭ᠋ᠠᠳᠤᠨ ᠶᠠᠷᠢᠨᠠ᠃ | ᠳᠡᠬᠦᠰᠵᠢᠷᠭᠠᠯ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ᠄ ︽ᠰᠤᠷ ᠡᠳ᠋ᠯᠡᠯ ᠬᠢᠬᠦ ᠳᠤ ᠬᠠᠮᠤᠭ ᠴᠢᠬᠤᠯᠠ ᠨᠢ ᠰᠤᠷ ᠢᠶᠠᠨ ᠢᠳᠡᠬᠡᠯᠡᠬᠦ | ᠳᠤ ᠪᠤᠢ᠃ ᠢᠳᠡᠭᠡ ᠶᠡᠬᠡᠳᠬᠦ ᠪᠤᠶᠤ ᠢᠳᠡᠭᠡ ᠪᠠᠭᠠᠳᠠᠬᠤ ᠨᠢ ᠰᠤᠷ ᠡᠳ᠋ᠯᠡᠯ ᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠰᠢᠭᠤᠳ ᠨᠦᠯᠦᠬᠡᠯᠡᠬᠦ | ᠪᠤᠯᠤᠨᠠ᠃ ᠡᠶᠢᠮᠦ ᠠᠴᠠ ᠢᠳᠡᠭᠡ ᠵᠤᠬᠢᠴᠠᠭᠤᠯᠬᠤ ᠪᠤᠯ ᠰᠤᠷ ᠡᠳ᠋ᠯᠡᠯ ᠬᠢᠬᠦ ᠶᠢᠨ ᠵᠠᠩᠬᠢᠯᠠᠭᠠ ᠪᠤᠯᠤᠨᠠ᠃︾ ᠬᠡᠵᠦ ᠶᠠᠷᠢᠨᠠ | ᠃ | ᠨᠠᠰᠤᠳᠠᠢ ᠬᠦᠮᠦᠰ ᠪᠤᠯ ᠠᠮᠢᠳᠤᠷᠠᠯ ᠤᠨ ᠤᠯᠠᠨ ᠳᠠᠯᠠ ᠶᠢᠨ ᠳᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠶᠢ ᠪᠡᠶᠡ ᠳᠤ ᠪᠠᠨ | ᠬᠤᠷᠠᠮᠳᠤᠭᠤᠯᠵᠦ᠂ ᠢᠯᠠᠩᠭᠤᠶᠠ ᠦᠨᠳᠦᠰᠦᠳᠡᠨ ᠤ ᠪᠠᠨ ᠤᠤᠭᠠᠯ ᠰᠤᠶᠤᠯ ᠤᠨ ᠦᠨᠡ ᠴᠠᠨᠠ ᠶᠢ ᠬᠦᠢᠴᠡᠳ ᠮᠡᠳᠡᠷᠡᠵᠦ | ᠦᠷᠡ ᠬᠤᠶᠢᠴᠢᠰ ᠳᠠᠭᠠᠨ ᠤᠯᠠᠮᠵᠢᠯᠠᠵᠦ ᠶᠠᠪᠤᠭᠠ ᠰᠤᠶᠤᠯ ᠤᠨ ᠠᠴᠢᠶᠠᠯᠠᠭᠴᠢ ᠪᠤᠯᠬᠤ ᠶᠤᠰᠤᠳᠠᠢ᠃ ᠨᠠᠰᠤᠨ ᠪᠠᠭᠠ ᠠᠴᠠ | ᠪᠠᠨ ᠡᠬᠢᠯᠡᠵᠦ ᠠᠳᠤᠭᠤ ᠮᠠᠯ ᠲᠠᠢ ᠪᠠᠨ ᠨᠤᠴᠤᠯᠳᠤᠵᠦ᠂ ᠵᠠᠯᠠᠭᠤ ᠢᠳᠡᠷ ᠦᠶᠡ ᠳᠤ ᠪᠠᠨ ᠴᠤ ᠠᠳᠤᠭᠤ ᠮᠠᠯ ᠢᠶᠠᠷ ᠢᠶᠠᠨ | ᠪᠠᠭ᠋ᠠᠷᠬᠠᠵᠦ ᠶᠠᠪᠤᠭᠰᠠᠨ ᠳᠡᠭᠦᠰᠵᠢᠷᠭᠠᠯ ᠭᠤᠸᠠᠢ ᠵᠢᠷᠠᠨ ᠨᠠᠰᠤ ᠶᠢ ᠳᠠᠪᠠᠵᠦ ᠬᠦᠳᠡᠭᠡ ᠶᠢᠨ ᠠᠮᠢᠳᠤᠷᠠᠯ ᠠᠴᠠ ᠪᠠᠨ | ᠬᠤᠯᠠᠳᠠᠭᠰᠠᠨ ᠪᠤᠯᠪᠠᠴᠦ ᠠᠳᠤᠭᠤᠨ ᠰᠤᠶᠤᠯ ᠤᠨ ᠢᠶᠠᠨ ᠨᠠᠷᠢᠨ ᠨᠠᠨᠳᠢᠨ ᠵᠦᠢᠯᠡᠰ ᠢ ᠬᠤᠯᠠ ᠤᠶᠢᠷᠠ ᠶᠢᠨ ᠬᠦᠮᠦᠰ ᠲᠤ | ᠪᠠᠨ ᠬᠠᠷᠠᠭᠤᠯᠤᠨ ᠮᠡᠳᠡᠬᠦᠯᠵᠦ ᠶᠠᠪᠤᠭᠠ ᠨᠢ ᠮᠤᠩᠭᠤᠯᠴᠤᠳ ᠪᠢᠳᠡᠨ ᠤ ᠪᠠᠭ᠋ᠠᠷᠬᠠᠯ ᠪᠤᠯᠬᠤ ᠶᠤᠰᠤᠳᠠᠢ᠃ | |