| ᠠᠮᠢᠳᠣᠷᠠᠯ ᠤᠨ ᠦᠵᠡᠯᠲᠡ ᠲᠠᠨᠢᠯᠲᠠ ᠰᠢᠨᠡᠳᠦᠨ ᠬᠤᠪᠢᠷᠠᠵᠤ᠂ ᠤᠯᠠᠮ ᠤᠯᠠᠨ ᠬᠦᠮᠦᠰ ᠣᠯᠠᠮᠵᠢᠯᠠᠯᠳᠣ ᠰᠣᠶᠣᠯ | ᠤᠷᠠᠯᠠᠯ ᠢ ᠰᠤᠨᠢᠷᠬᠠᠵᠤ᠂ ᠤᠯᠠᠮᠵᠢᠯᠠᠯᠲᠦ ᠪᠦᠲᠦᠭᠡᠭᠳᠡᠬᠦᠨ ᠡᠳ᠋ᠯᠡᠬᠦ ᠪᠤᠯᠤᠭᠰᠠᠨ ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ᠂ | ᠤᠯᠠᠮᠵᠢᠯᠠᠯᠲᠤ ᠭᠠᠷ ᠤᠷᠠᠯᠠᠯ ᠤᠨ ᠦᠢᠯᠡᠰ ᠡᠵᠡᠩᠨᠡᠵᠤ᠂ ᠵᠠᠬᠠ ᠳᠡᠯᠭᠡᠬᠦᠷ ᠨᠡᠭᠡᠭᠡᠵᠤ ᠪᠠᠶᠢᠭᠠ ᠡᠵᠡᠩᠨᠡᠭᠴᠢ ᠭᠠᠵᠠᠷ ᠪᠤᠯᠭᠠᠨ | ᠳᠤ ᠲᠠᠭᠠᠷᠠᠯᠳᠤᠬᠤ ᠪᠤᠯᠵᠠᠢ᠃ ᠬᠥᠪᠡᠭᠡᠲᠦ ᠰᠢᠷᠡ ᠬᠤᠰᠢᠭᠤᠨ ᠤ ︽ᠰᠣᠩᠭᠤᠯᠳᠠ ᠲᠠᠪᠠᠭ ᠵᠠᠰᠠᠯ︾ ᠤᠨ ᠲᠡᠯᠬᠡᠬᠦᠷ ᠤᠨ | ᠬᠠᠷᠢᠭᠤᠴᠠᠯᠭᠠᠲᠠᠨ ᠭᠠᠯᠲᠠᠢ ᠪᠣᠯ ᠱᠠᠭᠠᠵᠠᠩ ᠤᠷᠠᠯᠠᠯ ᠤᠨ ᠦᠢᠯᠡᠰ ᠡᠷᠬᠢᠯᠡᠨ ᠬᠡᠷᠡᠭᠯᠡᠭᠴᠢᠳ ᠤᠨ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠴᠦ | ᠪᠠᠶᠢᠭᠠ ᠨᠢᠭᠡᠨ ᠪᠣᠯᠣᠨᠠ᠃ | ︽ᠰᠣᠩᠭᠤᠯᠳᠠ ᠲᠠᠪᠠᠭ ᠵᠠᠰᠠᠯ︾ ᠤᠨ ᠳᠡᠯᠭᠡᠭᠦᠷ ᠲᠤ ᠣᠷᠣᠬᠤ ᠳᠤ᠂ ᠦᠨᠳᠣᠰᠣᠳᠠᠨ ᠤ ᠣᠨᠴᠠᠯᠢᠬᠳᠣ᠂ ᠨᠠᠷᠢᠯᠢᠭ | ᠬᠢᠴᠡᠲᠠᠢ ᠰᠢᠪᠡᠷ ᠱᠠᠭᠠᠵᠠᠩ ᠤᠨ ᠰᠠᠪᠠ᠂ ᠴᠣᠮᠣ ᠵᠡᠷᠭᠡ ᠪᠦᠲᠦᠭᠡᠭᠳᠡᠬᠦᠨ ᠨᠢ ᠨᠢᠳᠦᠨ ᠳᠤ ᠰᠤᠳᠤᠬᠠᠨ ᠳᠤᠰᠴᠦ᠂ ᠭᠠᠯᠳᠠᠢ | ᠶᠠᠭ ᠰᠠᠶᠢᠬᠠᠨ ᠰᠢᠪᠡᠷ ᠨᠣᠬᠤᠵᠣ᠂ ᠱᠠᠭᠠᠵᠠᠩ ᠰᠡᠪᠡ ᠬᠢᠵᠣ ᠶᠠᠭᠠᠷᠠᠵᠣ ᠪᠠᠶᠢᠯᠠ᠃ ᠭᠠᠯᠲᠠᠢ 2014 ᠣᠨ ᠳᠤ ᠥᠪᠥᠷ | ᠮᠣᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠴᠦ᠂ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠠᠵᠢᠯ ᠮᠡᠷᠭᠡᠵᠢᠯ ᠤᠨ | ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠤᠷᠠᠨ ᠵᠢᠷᠤᠭ ᠤᠨ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠶᠠᠭᠤ ᠨᠢᠬᠡ ᠶᠢ ᠬᠢᠵᠣ ᠪᠦᠳᠣᠬᠡᠬᠦ | ᠬᠦᠰᠡᠯ ᠳᠤ ᠪᠠᠨ ᠬᠦᠲᠦᠯᠦᠭᠳᠡᠨ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠤ ᠦᠢᠯᠡᠰ ᠪᠣᠰᠬᠠᠬᠤ ᠵᠠᠮ ᠢᠶᠠᠷ ᠵᠠᠮᠨᠠᠬᠰᠠᠨ ᠪᠠᠶᠢᠨᠠ᠃ 2018 | ᠣᠨ ᠳᠤ ᠪᠡᠭᠡᠵᠢᠩ ᠳᠤ ᠭᠡᠷ ᠵᠠᠰᠠᠬᠤ ᠵᠢᠷᠤᠭ ᠲᠥᠯᠥᠪᠯᠡᠭᠡ ᠶᠢᠨ ᠳᠤᠬᠠᠢ ᠰᠣᠷᠣᠯᠴᠠᠵᠣ ᠪᠠᠶᠢᠬᠤ ᠳᠤ ᠪᠠᠨ ᠰᠢᠪᠡᠷ | ᠱᠠᠭᠠᠵᠠᠩ ᠤᠷᠠᠯᠠᠯ ᠳᠤ ᠲᠣᠷᠠ ᠪᠠᠬᠠ ᠲᠠᠢ ᠪᠣᠯᠵᠣ ᠰᠤᠷᠤᠯᠴᠠᠵᠤ ᠰᠤᠳᠤᠯᠵᠤ ᠡᠬᠢᠯᠡᠵᠠᠢ᠃ ᠭᠠᠷ ᠤᠷᠠᠨ ᠵᠠᠩ ᠨᠢᠮᠪᠠᠢ | ᠪᠠᠶᠢᠳᠠᠭ ᠠᠴᠠ ᠤᠳᠠᠯ ᠦᠭᠡᠢ ᠠᠷᠭᠠ ᠳᠡᠮ ᠢ ᠨᠢ ᠤᠯᠵᠤ᠂ ᠬᠥᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠲᠦᠪ ᠰᠢᠨᠡᠪᠤᠯᠠᠭ | ᠪᠠᠯᠭᠠᠰᠤᠨ ᠳᠤ ︽ᠰᠣᠩᠭᠤᠯᠳᠠ ᠲᠠᠪᠠᠭ ᠵᠠᠰᠠᠯ︾ ᠤᠨ ᠲᠡᠯᠬᠡᠬᠦᠷ ᠢᠶᠠᠨ ᠡᠷᠬᠢᠯᠡᠪᠡ᠃ | ᠭᠠᠯᠲᠠᠢ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠬᠡᠷᠡᠭᠴᠡᠭᠡ ᠶᠢ ᠭᠦᠨᠵᠡᠭᠡᠶ ᠰᠤᠳᠤᠯᠵᠤ᠂ ᠣᠳᠣ ᠦᠶᠡ ᠶᠢᠨ ᠭᠤᠸᠠ ᠲᠠᠭᠠᠰᠢᠶᠠᠯ ᠤᠨ | ᠬᠠᠨᠳᠤᠰᠢ ᠳᠤ ᠵᠤᠬᠢᠴᠠᠭᠤᠯᠤᠨ᠂ ᠰᠢᠨᠡ ᠶᠢ ᠡᠬᠦᠳᠴᠣ᠂ ᠤᠯᠠᠮᠵᠢᠯᠠᠯᠲᠤ ᠸᠠᠭᠠᠷ ᠰᠠᠪᠠ ᠶᠢ ᠦᠵᠡᠮᠦᠷᠢ ᠶᠢᠨ ᠦᠨᠡ | ᠥᠷᠲᠡᠭ ᠲᠠᠢ ᠪᠦᠲᠦᠭᠡᠭᠳᠡᠬᠦᠨ ᠪᠤᠯᠭᠠᠵᠠᠢ᠃ ᠲᠡᠭᠦᠨ ᠤ ᠬᠢᠭᠰᠡᠨ ᠮᠣᠩᠭᠤᠯ ᠭᠡᠷ ᠤᠨ ᠬᠡᠯᠪᠡᠷᠢ ᠲᠠᠢ ᠣᠳᠣᠯᠭᠠ ᠶᠢᠨ ᠰᠡᠪᠡ᠂ | ᠡᠬᠡᠰᠢᠭ ᠲᠣᠯᠣᠭᠠᠨ ᠦᠰᠦᠭ ᠲᠠᠢ ᠴᠣᠮᠣ ᠵᠡᠷᠬᠡ ᠦᠨᠳᠣᠰᠣᠳᠠᠨ ᠤ ᠣᠨᠴᠠᠯᠢᠬᠳᠣ ᠴᠣᠯ ᠭᠠᠷ ᠣᠷᠠᠯᠠᠯ ᠤᠨ ᠰᠢᠪᠡᠷ | ᠱᠠᠭᠠᠵᠠᠩ ᠤᠨ ᠪᠦᠳᠣᠬᠡᠭᠳᠡᠬᠦᠨ ᠨᠢ ᠪᠤᠷᠤᠯᠠᠭᠤᠯᠭᠠ ᠪᠠᠷ ᠰᠠᠶᠢᠨ ᠪᠠᠶᠢᠨᠠ᠃ | ᠭᠠᠯᠲᠠᠢ ᠥᠪᠡᠷ ᠤᠨ ᠮᠡᠷᠬᠡᠵᠢᠯ ᠤᠨ ᠬᠢᠷᠢ ᠲᠦᠪᠰᠢᠨ ᠢᠶᠠᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠶᠢᠨ ᠲᠥᠯᠥᠭᠡ᠂ ᠴᠠᠭ ᠦᠶᠡ ᠶᠢᠨ | ᠠᠯᠬᠤᠭᠠ ᠶᠢ ᠳᠠᠭᠠᠵᠤ᠂ ᠵᠢᠩ ᠳ᠋ᠧ ᠵᠧᠨ ᠬᠤᠲᠠ ᠳᠤ ᠬᠡᠳᠦ ᠤᠳᠠᠭᠠ ᠣᠴᠢᠵᠤ ᠰᠣᠷᠣᠯᠴᠠᠨ᠂ ᠰᠢᠨᠡ ᠤᠷᠠ ᠮᠡᠷᠭᠡᠵᠢᠯ ᠢ | ᠦᠢᠯᠡᠳᠦᠯᠭᠡ ᠳᠤᠮᠳᠠ ᠪᠠᠨ ᠬᠡᠷᠡᠭᠯᠡᠵᠦ᠂ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠬᠦ ᠪᠠ ᠰᠢᠨᠡ ᠶᠢ ᠡᠭᠦᠳᠬᠦ ᠪᠠᠷ ᠳᠠᠮᠵᠢᠨ | ᠂ ᠰᠢᠪᠡᠷ ᠱᠠᠭᠠᠵᠠᠩ ᠦᠢᠯᠡᠳᠬᠦ ᠤᠷᠠ ᠮᠡᠷᠭᠡᠵᠢᠯ ᠢᠶᠠᠨ ᠰᠠᠶᠢᠵᠢᠷᠠᠭᠤᠯᠵᠠᠢ᠃ ᠲᠡᠭᠦᠨ ᠤ ᠪᠦᠲᠦᠭᠡᠯ ᠤᠨ ᠬᠡᠪ ᠨᠠᠮᠪᠠ ᠨᠢ | ᠥᠪᠡᠷᠮᠢᠴᠡ᠂ ᠨᠡᠬᠦᠳᠠᠯ ᠰᠣᠶᠣᠯ᠂ ᠦᠨᠳᠦᠰᠦᠲᠡᠨ ᠤ ᠤᠨᠴᠠᠯᠢᠭ ᠢ ᠲᠣᠪᠣᠶᠢᠯᠭᠠᠬᠰᠠᠨ ᠠᠴᠠ ᠣᠯᠠᠨ ᠤ ᠠᠩᠬᠠᠷᠣᠯ ᠳᠤ | ᠬᠦᠷᠴᠣ᠂ ᠸᠢᠴᠠᠲ᠂ ᠲᠢᠺ ᠲᠣᠺ ᠵᠡᠷᠬᠡ ᠲᠠᠪᠴᠠᠩ ᠢᠶᠠᠷ ᠮᠠᠨ ᠤ ᠣᠷᠣᠨ ᠤ ᠡᠯᠡ ᠠᠶᠢᠮᠠᠭ ᠬᠤᠳᠠ᠂ ᠭᠠᠳᠠᠷ ᠮᠤᠵᠢ | ᠤᠷᠤᠨ ᠳᠤ ᠬᠦᠷᠲᠡᠯᠡ ᠪᠤᠷᠤᠯᠠᠭᠤᠯᠤᠭᠳᠠᠵᠤ ᠪᠣᠢ᠃ |