| | — ᠬᠡᠷᠡᠭᠴᠡᠭᠡ ᠦᠭᠡᠢ ᠪᠡᠯᠡᠭ ᠰᠡᠯᠳᠡ ᠶᠢᠨ ᠳᠤᠬᠠᠢ ᠴᠢᠯᠦᠬᠡᠳᠦ ᠶᠠᠷᠢᠯᠴᠠᠭᠠ | | ᠬᠦᠳᠡᠭᠡ ᠨᠤᠳᠤᠭ ᠲᠤ ᠮᠠᠨᠢ ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠪᠤᠶᠤ ᠠᠶᠢᠯ ᠲᠤᠭᠤᠷᠢᠨ ᠬᠡᠶᠢᠴᠢᠯᠡᠬᠦ᠂ ᠬᠤᠷᠢᠮ ᠨᠠᠶᠢᠷ ᠤᠨ | ᠪᠡᠯᠡᠭ ᠰᠡᠯᠳᠡ ᠪᠠᠷ ᠢᠶᠠᠨ ᠬᠠᠶᠢᠷᠴᠠᠭ ᠲᠠᠢ ᠪᠡᠯᠡᠭ ᠶᠡᠭᠡ ᠰᠤᠯᠢᠯᠴᠠᠳᠠᠭ᠃ ᠤᠨᠴᠠᠭᠠᠶᠢᠯᠠᠨ ᠴᠠᠭᠠᠨ ᠰᠠᠷᠠ ᠳᠤ ᠨᠠᠭᠠᠰᠢ | ᠴᠠᠭᠠᠰᠢ ᠰᠤᠯᠢᠯᠴᠠᠭᠰᠠᠭᠠᠷ ᠪᠠᠶᠢᠵᠤ᠂ ᠬᠠᠶᠢᠷᠴᠠᠭ ᠲᠠᠢ ᠰᠦ ᠨᠢ ᠬᠤᠭᠤᠴᠠᠭᠠ ᠨᠢ ᠦᠡᠭᠭᠡᠷᠡᠬᠦ ᠦᠵᠡᠭᠳᠡᠯ ᠠᠷᠪᠢᠨ ᠭᠠᠷᠳᠠᠭ | ᠪᠦᠬᠡᠳ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠦᠬᠡᠢ ᠬᠠᠶᠢᠷᠴᠠᠭ ᠲᠠᠢ ᠵᠦᠢᠯᠡᠰ ᠤᠯᠠᠨ ᠦᠯᠡᠳᠡᠳᠡᠭ᠃ ᠲᠡᠭᠡᠪᠡᠯ ᠡᠬᠦᠨ ᠢ ᠶᠠᠭᠤᠨ ᠤ | ᠲᠦᠯᠦᠬᠡ ᠰᠤᠯᠢᠯᠴᠠᠵᠤ ᠪᠠᠶᠢᠭᠠ ᠪᠤᠯ︖ ᠨᠢᠬᠡᠨ ᠳᠡᠭᠡᠨ ᠰᠡᠳᠬᠢᠯ ᠤᠨ ᠪᠡᠯᠡᠭ ᠪᠠᠷᠢᠬᠤ ᠬᠡᠰᠡᠨ ᠪᠤᠯ ᠬᠡᠷᠡᠭᠴᠡᠭᠡ ᠲᠠᠢ | ᠵᠦᠢᠯ ᠢ ᠨᠢ ᠦᠭᠬᠦ ᠨᠢ ᠴᠢᠬᠤᠯᠠ ᠪᠢᠰᠢᠦ︖ ᠬᠤᠷᠰᠢᠶᠠ ᠲᠡᠯᠬᠡᠬᠦᠷ ᠤᠨ ᠡᠬᠦᠳᠡᠨ ᠳᠤ ᠤᠪᠤᠭᠠᠯᠠᠰᠤᠳᠠᠢ ᠬᠠᠶᠢᠷᠴᠠᠭ ᠳ᠋ᠠᠢ | ᠵᠢᠮᠢᠰ ᠤᠨ ᠤᠮᠳᠠᠭᠠᠨ᠂ ᠰᠦ᠂ ᠡᠯᠳᠡᠪ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠬᠤᠳᠠᠯᠳᠤᠵᠤ ᠭᠠᠷᠬᠤ ᠦᠬᠡᠢ ᠠᠴᠠ ᠠᠶᠤᠭᠰᠠᠨ ᠶᠤᠮᠰᠢᠭ | ᠠᠶᠢᠯ ᠪᠤᠯᠭᠠᠨ ᠬᠡᠷ ᠲᠡᠭᠡᠨ ᠠᠪᠠᠴᠢᠵᠦ ᠤᠪᠤᠭᠠᠯᠠᠳᠠᠭ ᠪᠠᠶᠢᠳᠠᠯ ᠦᠷᠬᠦᠯᠵᠢᠯᠡᠭᠡᠳ ᠤᠯᠠᠨ ᠵᠢᠯ ᠪᠤᠯᠵᠠᠢ᠃ ᠡᠬᠦᠨ ᠤ ᠲᠤᠬᠠᠢ | ᠴᠢᠯᠦᠬᠡᠳᠡᠢ ᠶᠠᠷᠢᠯᠴᠠᠬᠤ ᠪᠠᠷ ᠨᠡᠷᠡᠳᠦ ᠵᠤᠬᠢᠶᠠᠯᠴᠢ ᠦ᠊ · ᠰᠡᠷᠬᠦᠯᠡᠩ ᠭᠤᠸᠠᠢ ᠶᠢ ᠰᠤᠷᠪᠤᠯᠵᠢᠯᠠᠯᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠶᠤ ᠡᠷᠬᠢᠯᠳᠡ ᠠᠶᠢᠯᠴᠢᠯᠠᠯᠳᠠ ᠪᠠᠷ ᠮᠠᠨ ᠤ ᠬᠢᠨ ᠬᠠᠶᠢᠷᠴᠠᠭ ᠲᠠᠢ ᠪᠡᠯᠡᠭ ᠶᠡᠭᠡ | ᠰᠤᠯᠢᠯᠴᠠᠳᠠᠭ᠃ ᠲᠡᠭᠡᠪᠡᠯ ᠡᠳᠡᠬᠡᠷ ᠨᠢ ᠬᠦᠮᠦᠰ ᠲᠤ ᠨᠡᠭᠡᠷᠡᠨ ᠲᠠᠭᠠᠯᠠᠭᠳᠠᠳᠠᠭ ᠤᠤ︖ ᠬᠡᠷᠡᠭᠴᠡᠭᠡᠨ ᠳᠤ ᠤᠷᠤᠳᠠᠭ ᠪᠤᠯ ᠤᠤ | ︖ ᠤᠨᠴᠠᠭᠠᠶᠢᠯᠠᠨ ᠵᠢᠯ ᠴᠠᠭᠠᠨ ᠰᠠᠷᠠ ᠪᠠᠷ ᠬᠤᠭᠤᠴᠠᠭᠠ ᠨᠢ ᠦᠡᠭᠭᠡᠷᠡᠭᠰᠡᠨ ᠰᠦ ᠪᠤᠶᠤ ᠬᠡᠷᠡᠭᠴᠡᠭᠡᠨ ᠳᠤ ᠤᠷᠤᠬᠤ ᠦᠬᠡᠢ | ᠬᠠᠶᠢᠷᠴᠠᠭ ᠲᠠᠢ ᠵᠦᠢᠯᠡᠰ ᠶᠡᠭᠡ ᠰᠤᠯᠢᠯᠴᠠᠵᠤ ᠪᠠᠶᠢᠨᠠ᠃ ᠲᠠ ᠡᠨᠡ ᠲᠤᠬᠠᠢ ᠦᠵᠡᠯ ᠪᠤᠳᠤᠯ ᠢᠶᠠᠨ ᠳᠡᠯᠭᠡᠨᠡ ᠤᠤ︖ | ᠦ᠊ · ᠰᠡᠷᠬᠦᠯᠡᠩ᠄ ᠪᠡᠯᠡᠭ ᠬᠦᠷᠬᠡᠬᠦ ᠲᠤᠬᠠᠢ ᠶᠠᠷᠢᠬᠤ ᠪᠠᠷ ᠪᠡᠯᠡᠭ ᠤᠨ ᠦᠨᠡ ᠴᠠᠨᠠ ᠨᠢ ᠦᠨᠡᠳᠡᠢ ᠬᠢᠮᠳᠠ ᠳᠠᠭᠠᠨ | ᠪᠠᠶᠢᠳᠠᠭ ᠦᠬᠡᠢ ᠬᠠᠷᠢᠨ ᠰᠡᠳᠬᠢᠯᠬᠡ ᠳᠡᠭᠡᠨ ᠪᠠᠶᠢᠳᠠᠭ᠃ ᠶᠠᠮᠠᠷ ᠰᠡᠳᠬᠢᠯᠬᠡ ᠪᠤᠢ ᠬᠡᠪᠡᠯ ᠡᠰᠡᠷᠬᠦ ᠡᠳᠡᠬᠡᠳ ᠢᠶᠠᠨ ᠶᠠᠮᠠᠷ | ᠨᠢᠬᠡᠨ ᠡᠬᠦᠳᠡᠨ ᠠᠴᠠ ᠪᠠᠶᠠᠷᠯᠠᠭᠤᠯᠬᠤ᠂ ᠬᠦᠨᠳᠦᠳᠬᠡᠬᠦ ᠪᠤᠶᠤ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠬᠦ ᠰᠡᠳᠬᠢᠯᠬᠡ ᠶᠢ ᠶᠠᠷᠢᠵᠤ ᠪᠠᠶᠢᠨᠠ᠃ | ᠢᠡᠭᠬᠢᠵᠦ ᠶᠠᠷᠢᠪᠠᠯ ᠲᠡᠮᠡᠢ ᠬᠡᠷᠡᠭ ᠦᠬᠡᠢ ᠶᠠᠭᠤᠮᠠ ᠶᠢ ᠬᠦᠷᠬᠡᠬᠦ ᠪᠤᠶᠤ ᠴᠠᠭ ᠬᠤᠭᠤᠴᠠᠭᠠ ᠨᠢ ᠦᠡᠭᠭᠡᠷᠡᠭᠰᠡᠨ ᠵᠦᠢᠯ ᠢ | ᠬᠦᠷᠬᠡᠭᠰᠡᠨ ᠤ ᠠᠴᠢ ᠦᠬᠡᠢ᠃ ᠤᠴᠢᠷ ᠨᠢ ᠡᠨᠡ ᠪᠤᠯ ᠡᠰᠡᠷᠬᠦ ᠡᠳᠡᠬᠡᠳ ᠢᠶᠠᠨ ᠬᠦᠨᠳᠦᠳᠬᠡᠵᠦ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ | ᠠᠯᠪᠠ ᠬᠠᠰᠢᠵᠤ ᠠᠮᠠ ᠪᠦᠭᠯᠡᠬᠦ ᠲᠡᠳᠦᠢ ᠯᠡ ᠶᠠᠪᠤᠳᠠᠯ ᠪᠤᠯᠵᠤ ᠪᠠᠶᠢᠨᠠ᠃ ᠮᠦᠨᠴᠦ ᠡᠰᠡᠷᠬᠦ ᠡᠳᠡᠭᠡᠳ ᠲᠡᠭᠡᠨ ᠬᠠᠶᠠᠪᠠᠴᠦ | ᠬᠡᠴᠡᠬᠦᠦ᠂ ᠬᠡᠷᠡᠭᠯᠡᠪᠡᠴᠦ ᠬᠡᠴᠡᠬᠦᠦ ᠲᠦᠪᠡᠭ ᠢ ᠤᠴᠠᠷᠠᠭᠤᠯᠤᠨᠠ᠃ ᠴᠢᠨᠠᠭᠰᠢᠯᠠᠪᠠᠯ ᠪᠦᠷ ᠡᠰᠡᠷᠬᠦ ᠡᠳᠡᠬᠡᠳ ᠤᠨ ᠢᠶᠠᠨ ᠲᠤᠷᠠ | ᠦᠬᠡᠶᠢᠴᠡᠯ ᠢ ᠬᠦᠷᠬᠡᠨᠡ᠃ ᠡᠶᠢᠮᠦ ᠠᠴᠠ ᠮᠢᠨᠦ ᠬᠤᠪᠢ ᠳᠤ᠂ ᠬᠠᠶᠢᠷᠴᠠᠭ ᠲᠠᠢ ᠪᠡᠯᠡᠭ ᠶᠡᠭᠡ ᠬᠦᠷᠬᠡᠬᠦ ᠶᠢ ᠲᠡᠮᠡᠢ ᠲᠤᠭᠤᠬᠤ | ᠦᠬᠡᠢ᠃ ᠨᠢᠬᠡ ᠳᠤ ᠠᠪᠴᠤ ᠶᠠᠪᠤᠬᠤ ᠳᠤ ᠲᠡᠭᠡᠭᠡᠷᠡ ᠲᠠᠷᠤᠭᠠᠰᠤ ᠲᠠᠢ ᠰᠠᠨᠠᠭᠳᠠᠳᠠᠭ᠃ ᠨᠦᠬᠦᠬᠡ ᠲᠠᠯᠠ ᠪᠠᠷ ᠤᠯᠠᠨ | ᠬᠦᠮᠦᠨ ᠤ ᠭᠠᠷ ᠲᠠᠮᠵᠢᠬᠤ ᠠᠴᠠ ᠬᠢᠴᠢᠶᠡᠳᠡᠭ᠃ ᠰᠠᠶᠢᠨ ᠮᠠᠭᠤ ᠨᠢ ᠮᠡᠳᠡᠬᠳᠡᠬᠦ ᠦᠬᠡᠢ ᠬᠠᠶᠢᠷᠴᠠᠭ ᠲᠠᠢ ᠶᠠᠭᠤᠮᠠ ᠤᠯᠠᠨ | ᠬᠦᠮᠦᠨ ᠤ ᠭᠠᠷ ᠲᠠᠮᠵᠢᠭᠠᠳ ᠪᠠᠶᠢᠪᠠᠯ ᠶᠠᠮᠠᠷ ᠯᠡ ᠤᠯᠢᠭ ᠪᠠᠶᠢᠬᠤᠪ ᠳ᠋ᠠ ᠬᠡᠵᠦ ᠪᠤᠳᠤᠳᠠᠭ᠃ ᠢᠡᠭᠬᠢᠬᠦ ᠪᠠᠷ ︽ᠲᠡᠮᠡᠢ | ᠬᠡᠷᠡᠭᠴᠡᠭᠡ ᠴᠤ ᠦᠬᠡᠢ ᠬᠠᠶᠢᠷᠴᠠᠭ ᠲᠠᠢ ᠶᠠᠭᠤᠮᠠ ᠶᠢ ᠨᠠᠭᠠᠰᠢ ᠴᠠᠭᠠᠰᠢ ᠤᠯᠠᠨ ᠪᠤᠤ ᠴᠢᠷᠦᠬᠡᠳ ᠬᠦᠶᠦᠯᠴᠡᠬᠡᠳ ᠪᠠᠢ᠃ | ᠠᠪᠴᠤ ᠶᠠᠪᠤᠬᠤ ᠳᠤ ᠴᠢᠨᠢ ᠴᠤ ᠲᠡᠭᠡᠭᠡᠷᠡ᠂ ᠬᠦᠮᠦᠨ ᠳᠤ ᠴᠤ ᠲᠠᠷᠤᠭᠠᠰᠤ ᠪᠤᠯᠤᠨᠠ︾ ᠭᠡᠵᠦ ᠲᠦᠷᠦᠯ ᠰᠠᠳᠤᠨ ᠳᠠᠭᠠᠨ | ᠴᠤ ᠬᠡᠰᠡᠨ ᠬᠡᠯᠡᠭᠰᠡᠭᠡᠷ ᠢᠷᠠᠵᠠᠢ᠃ ᠮᠦᠨ ᠢᠡᠭᠬᠢᠵᠦ ᠴᠤ ᠬᠢᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠨᠡᠶᠢᠬᠡᠮ ᠲᠡᠭᠡᠷᠡ ᠨᠠᠳᠠ ᠲᠠᠢ | ᠠᠳᠠᠯᠢᠬᠠᠨ ᠪᠤᠳᠤᠯ ᠲᠠᠢ ᠬᠦᠮᠦᠨ ᠴᠤ ᠪᠠᠰᠠ ᠴᠦᠬᠡᠨ ᠦᠬᠡᠢ ᠪᠠᠶᠢᠭᠰᠠᠨ᠂ ︽ᠬᠠᠶᠢᠷᠴᠠᠭ ᠲᠠᠢ ᠶᠠᠭᠤᠮᠠ ᠱᠠᠯ ᠲᠡᠭᠡᠭᠡᠷᠡ | ᠡ︾ ᠬᠡᠵᠦ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠬᠦᠮᠦᠨ ᠴᠤ ᠠᠷᠪᠢᠨ ᠳᠠᠭᠠᠷᠠᠵᠤ ᠪᠠᠶᠢᠭᠰᠠᠨ ᠳ᠋ᠠ᠃ ᠵᠤᠬᠢᠬᠤ ᠨᠢᠬᠡ ᠬᠡᠮᠵᠢᠶᠡᠨ ᠠᠴᠠ | ᠦᠵᠡᠪᠡᠯ᠂ ᠡᠨᠡ ᠬᠠᠶᠢᠷᠴᠠᠭ ᠲᠠᠢ ᠪᠡᠯᠡᠭ ᠬᠡᠳᠡᠭ ᠶᠠᠭᠤᠮᠠ ᠳᠤ ᠬᠦᠮᠦᠨ ᠬᠠᠰᠢᠷᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ | ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠰᠠᠳᠤᠨ ᠲᠦᠷᠦᠯ ᠢᠶᠠᠨ ᠡᠷᠬᠢᠨ ᠠᠶᠢᠯᠴᠢᠯᠠᠵᠤ᠂ ᠰᠡᠳᠬᠢᠯ ᠤᠨ ᠪᠡᠯᠡᠭ ᠢᠶᠠᠨ ᠦᠭᠬᠦᠨᠡ ᠬᠡᠳᠡᠭ | ᠪᠠᠰᠠ ᠰᠠᠶᠢᠬᠠᠨ ᠶᠠᠪᠤᠳᠠᠯ᠃ ᠲᠡᠭᠡᠪᠡᠯ ᠬᠡᠷᠡᠭᠴᠡᠭᠡ ᠲᠠᠢ ᠵᠦᠢᠯᠡᠰ ᠢᠶᠠᠨ ᠪᠡᠯᠡᠭ ᠪᠤᠯᠭᠠᠬᠤ ᠪᠤᠶᠤ ᠦᠪᠡᠷ ᠤᠨ ᠭᠠᠷ ᠢᠶᠠᠷ | ᠬᠢᠭᠰᠡᠨ ᠬᠤᠷᠤᠳ ᠴᠠᠭᠠᠨ ᠢᠳᠡᠬᠡᠨ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠢ ᠬᠦᠷᠭᠡᠪᠡᠯ ᠢᠯᠡᠬᠦᠦ ᠰᠠᠶᠢᠬᠠᠨ ᠪᠠᠶᠢᠬᠠ︖ ᠪᠡᠯᠡᠭ | ᠰᠡᠯᠳᠡ ᠶᠢ ᠴᠢᠩ ᠰᠡᠳᠬᠢᠯ ᠠᠴᠠ ᠪᠠᠨ ᠪᠡᠯᠡᠳᠭᠡᠬᠦ ᠳᠠᠯᠠ ᠪᠠᠷ ᠶᠠᠷᠢᠪᠠᠯ︖ | ᠦ᠊ · ᠰᠡᠷᠬᠦᠯᠡᠩ᠄ ᠪᠡᠯᠡᠭ ᠰᠡᠯᠳᠡ ᠬᠦᠷᠬᠡᠬᠦ ᠬᠡᠳᠡᠭ ᠪᠤᠯ ᠦᠨᠡᠨᠳᠡᠭᠡᠨ ᠰᠡᠳᠬᠢᠯ ᠤᠨ ᠰᠤᠯᠢᠯᠴᠠᠭᠠᠨ ᠤ ᠨᠢᠬᠡ ᠵᠦᠢᠯ ᠤᠨ | ᠬᠡᠯᠪᠡᠷᠢ ᠪᠤᠯᠤᠨᠠ᠃ ᠡᠬᠦᠨ ᠳᠤ ᠦᠨᠡᠨᠴᠢ ᠰᠡᠳᠬᠢᠯᠬᠡ ᠭᠤᠤᠯᠳᠠᠬᠤ ᠶᠤᠰᠤᠳᠠᠢ᠃ ᠪᠡᠯᠡᠭ ᠲᠤᠰᠤᠭᠰᠠᠨ ᠬᠦᠮᠦᠨ ᠰᠡᠳᠬᠢᠯ ᠢ | ᠴᠢᠨᠢ ᠦᠵᠡᠵᠦ ᠭᠠᠷᠤᠨᠠ᠃ ᠬᠡᠬᠦ ᠳᠡᠭᠡᠨ ᠪᠡᠯᠡᠭ ᠦᠭᠬᠦ ᠬᠦᠮᠦᠨ ᠡᠰᠡᠷᠬᠦ ᠡᠳᠡᠬᠡᠳ ᠢᠶᠠᠨ ᠰᠠᠶᠢᠨ ᠤᠶᠢᠯᠠᠭᠠᠵᠤ ᠪᠠᠶᠢᠭᠠᠳ | ᠪᠡᠯᠡᠭ ᠢᠶᠠᠨ ᠰᠠᠶᠢᠬᠠᠨ ᠰᠤᠩᠭᠤᠬᠤ ᠶᠠᠪᠤᠳᠠᠯ ᠱᠠᠭᠠᠷᠳᠠᠭᠳᠠᠨᠠ᠃ ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ ᠮᠢᠨᠦ ᠪᠡᠯᠡᠭ ᠬᠦᠷᠬᠡᠭᠰᠡᠨ | ᠬᠦᠮᠦᠨ ᠳᠡᠭᠡᠨ ᠴᠤᠬᠤᠮ ᠬᠡᠷᠡᠭᠴᠡᠭᠡ ᠲᠠᠢ ᠤᠤ᠂ ᠬᠡᠷᠡᠭᠴᠡᠭᠡ ᠦᠬᠡᠢ ᠤᠤ ᠬᠡᠳᠡᠭ ᠢ ᠪᠤᠳᠤᠯᠬᠢᠯᠠᠵᠤ ᠦᠵᠡᠬᠦ ᠬᠡᠷᠡᠭᠳᠡᠢ᠃ | ᠢᠡᠭᠬᠢᠬᠦ ᠪᠠᠷ ᠪᠡᠯᠡᠭ ᠬᠦᠷᠬᠡᠬᠦ ᠳᠤ ᠤᠨᠴᠠᠯᠢᠭ ᠶᠡᠭᠡ ᠴᠢᠬᠤᠯᠠ᠃ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠮᠦᠷᠳᠡᠬᠡᠨ ᠬᠡᠷᠡᠭᠴᠡᠭᠡ ᠲᠠᠢ | ᠪᠡᠯᠡᠭ ᠢ ᠬᠦᠮᠦᠨ ᠪᠠᠶᠠᠷ ᠲᠠᠢ ᠲᠤᠰᠬᠤ ᠨᠢ ᠯᠠᠪᠳᠠᠢ᠃ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠬᠢᠭᠰᠡᠨ ᠶᠠᠮᠠᠷ ᠨᠢᠬᠡᠨ ᠪᠡᠯᠡᠭ ᠪᠤᠶᠤ | ᠴᠠᠭᠠᠨ ᠢᠳᠡᠬᠡᠨ ᠢ ᠬᠦᠮᠦᠨ ᠲᠤᠷᠠᠳᠠᠢ ᠠᠪᠬᠤ ᠨᠢ ᠮᠡᠳᠡᠬᠡᠵᠢ᠃ ᠶᠠᠷᠢᠶᠠᠨ ᠦᠬᠡᠢ ᠡᠨᠡ ᠪᠤᠯ ᠶᠡᠷᠦᠩᠭᠡᠢ ᠪᠠᠶᠢᠳᠠᠯ | ᠲᠡᠭᠡᠷᠡ ᠪᠠᠨ ᠶᠠᠷᠢᠭᠳᠠᠬᠤ ᠦᠬᠡ᠃ ᠵᠠᠷᠢᠮ ᠬᠦᠮᠦᠨ ᠴᠠᠭᠠᠨ ᠢᠳᠡᠬᠡᠨ ᠢᠳᠡᠬᠦ ᠲᠤᠷᠠ ᠦᠬᠡᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ | ᠭᠤᠤᠯᠳᠠᠭᠤ ᠴᠠᠭᠠᠨ ᠢᠳᠡᠬᠡᠨ ᠤ ᠰᠠᠶᠤᠤ ᠬᠦᠮᠦᠨ᠂ ᠡᠶᠢᠮᠦ ᠠᠴᠠ ᠪᠡᠯᠡᠭ ᠬᠦᠷᠬᠡᠬᠦ ᠳᠤ ᠡᠰᠡᠷᠬᠦ ᠡᠳᠡᠬᠡᠳ ᠢᠶᠠᠨ ᠤᠶᠢᠯᠠᠭᠠᠵᠤ | ᠪᠠᠶᠢᠭᠠᠳ ᠲᠤᠬᠢᠷᠠᠮᠵᠢᠳᠠᠢ ᠪᠡᠯᠡᠭ ᠢ ᠰᠤᠩᠭᠤᠬᠤ ᠪᠤᠯ ᠮᠦᠨᠴᠦ ᠬᠦᠮᠦᠨ ᠤ ᠶᠠᠪᠤᠯᠴᠠᠭᠠᠨ ᠤ ᠲᠤᠮᠳᠠᠬᠢ ᠨᠢᠬᠡᠨ ᠤᠷᠠ ᠲᠡᠮ | ᠭᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠪᠡᠯᠡᠭ ᠰᠡᠯᠳᠡ ᠶᠢᠨ ᠵᠦᠢᠯᠡᠰ ᠬᠡᠳᠦᠷᠡᠵᠦ ᠪᠠᠶᠢᠭᠠ ᠪᠠᠶᠢᠳᠠᠯ ᠬᠠᠷᠠᠭᠳᠠᠳᠠᠭ᠃ ᠨᠢᠭᠡ ᠬᠤᠷᠢᠮ | ᠨᠠᠶᠢᠷ ᠠᠴᠠ ᠠᠵᠢᠭᠯᠠᠭᠰᠠᠨ ᠢᠶᠠᠷ ᠰᠠᠳᠤᠨ ᠳᠦᠷᠦᠯ ᠤᠨ ᠬᠢᠨᠢ ᠬᠦᠷᠭᠡᠭᠰᠡᠨ ᠪᠡᠯᠡᠭ ᠨᠢᠭᠡ ᠮᠤᠩᠭᠤᠯ ᠭᠡᠷ ᠲᠤ ᠪᠠᠭᠳᠠᠬᠤ | ᠦᠭᠡᠢ ᠪᠤᠯᠤᠭᠠᠳ ᠭᠠᠳᠠᠨᠠ ᠪᠦᠰ ᠳᠡᠪᠢᠰᠦᠭᠡᠳ ᠳᠡᠭᠡᠷᠡ ᠨᠢ ᠤᠪᠤᠭᠠᠯᠠᠵᠦ ᠬᠤᠷᠢᠶᠠᠭᠰᠠᠨ ᠨᠢ ᠬᠠᠷᠠᠭᠳᠠᠯᠠ᠃ ᠡᠨᠡ ᠨᠢ | ᠠᠷᠠᠢ ᠪᠦᠷᠢᠯᠭᠡᠨ ᠰᠦᠢᠳᠭᠡᠵᠦ ᠪᠠᠶᠢᠭᠠ ᠶᠤᠮ ᠰᠢᠭ ᠰᠠᠨᠠᠭᠳᠠᠵᠦ ᠪᠠᠶᠢᠨᠠ᠃ ᠡᠨᠡ ᠳᠠᠯᠠ ᠪᠠᠷ ᠳᠠᠨ ᠤ ᠦᠵᠡᠯᠳᠡ ᠶᠢ | ᠰᠤᠨᠤᠰᠤᠮᠠᠷ ᠪᠠᠶᠢᠨᠠ᠃ | ᠦ᠊ · ᠰᠡᠷᠬᠦᠯᠡᠩ᠄ ᠤᠳᠤᠬᠠᠨ ᠤ ᠬᠦᠮᠦᠰ ᠤᠨ ᠬᠤᠭᠤᠷᠤᠨᠳᠤᠬᠢ ᠪᠡᠯᠡᠭ ᠬᠦᠷᠬᠡᠬᠦ ᠶᠠᠪᠤᠴᠠ ᠲᠤᠮᠳᠠ ᠪᠦᠷᠢᠯᠬᠡᠨ | ᠰᠦᠢᠳᠬᠡᠬᠦ ᠠᠰᠠᠭᠤᠳᠠᠯ ᠪᠤᠯ ᠨᠡᠶᠢᠳᠡᠮ ᠤᠨ ᠴᠢᠨᠠᠷᠳᠠᠢ ᠬᠠᠷᠠᠭᠳᠠᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠮᠢᠨᠦ ᠦᠵᠡᠯᠳᠡ ᠪᠠᠷ | ᠡᠬᠦᠨ ᠤ ᠭᠤᠤᠯ ᠠᠰᠠᠭᠤᠳᠠᠯ ᠨᠢ ᠬᠦᠷᠬᠡᠬᠦ ᠪᠡᠯᠡᠭ ᠨᠢ ᠬᠦᠮᠦᠨ ᠳᠤ ᠬᠡᠷᠡᠭᠴᠡᠭᠡ ᠲᠠᠢ ᠡᠰᠡᠬᠦ ᠶᠢ ᠪᠤᠳᠤᠯᠬᠢᠯᠠᠬᠤ ᠦᠬᠡᠢ ᠪᠠᠷ | ᠡᠷᠦᠢ ᠬᠤᠷᠤᠢ ᠦᠬᠡᠢ ᠬᠦᠷᠬᠡᠵᠦ ᠪᠠᠶᠢᠬᠤ ᠲᠠᠢ ᠬᠤᠯᠪᠤᠭᠠ ᠲᠠᠢ᠃ ᠨᠦᠬᠦᠬᠡ ᠲᠠᠯᠠ ᠪᠠᠷ ᠨᠢᠬᠡ ᠨᠢᠬᠡᠨ ᠢᠶᠠᠨ | ᠲᠠᠭᠤᠷᠢᠶᠠᠭᠠᠳ ᠪᠦᠷ ᠠᠳᠠᠯᠢᠬᠠᠨ ᠰᠢᠬᠠᠭᠤ ᠪᠡᠯᠡᠭ ᠬᠦᠷᠬᠡᠴᠢᠬᠡᠨᠡ᠃ ᠲᠡᠭᠡᠬᠦ ᠪᠠᠷ ᠨᠢᠬᠡ ᠪᠠᠭ᠋ᠠᠨ ᠠᠳᠠᠯᠢᠬᠠᠨ ᠪᠡᠯᠡᠭ | ᠤᠪᠤᠭᠠᠷᠠᠭᠠᠳ ᠢᠷᠡᠪᠡᠯ ᠬᠢᠬᠦ ᠭᠠᠵᠠᠷ ᠢᠶᠠᠨ ᠴᠤ ᠤᠯᠵᠤ ᠶᠠᠳᠠᠨᠠ᠃ ᠡᠬᠦᠨ ᠤ ᠦᠷᠡ ᠳ᠋ᠦ᠋ᠩ ᠳᠤ ᠬᠦᠷᠬᠡᠭᠰᠡᠨ ᠬᠦᠮᠦᠨ ᠴᠤ | ᠬᠦᠷᠬᠡᠭᠰᠡᠨ ᠠᠴᠢ ᠳᠠᠭᠠᠨ ᠬᠦᠷᠬᠦ ᠦᠬᠡᠢ᠃ ᠲᠤᠰᠤᠭᠰᠠᠨ ᠬᠦᠮᠦᠨ ᠴᠤ ᠬᠢᠬᠦ ᠭᠠᠵᠠᠷ ᠦᠬᠡᠢ ᠪᠤᠯᠤᠭᠠᠳ ᠪᠡᠯᠡᠭ ᠨᠢ | ᠰᠦᠢᠳᠬᠡᠭᠳᠡᠨᠡ᠃ ᠡᠬᠦᠨ ᠢ ᠪᠠᠨ ᠲᠠᠭᠠᠭᠠᠳ ᠬᠦᠮᠦᠨ ᠤ ᠬᠢᠨᠢ ᠰᠡᠳᠬᠢᠯ ᠴᠤ ᠪᠠᠰᠠ ᠰᠦᠢᠳᠬᠡᠭᠳᠡᠨᠡ᠃ ᠶᠠᠷᠢᠶᠠᠨ ᠦᠬᠡᠢ᠂ | ᠡᠨᠡ ᠪᠤᠯ ᠬᠠᠶᠢᠷᠴᠠᠭ ᠲᠠᠢ ᠪᠡᠯᠡᠭ᠂ ᠠᠷᠢᠬᠢ᠂ ᠪᠤᠤᠪᠤ᠂ ᠲᠤᠷᠭᠠ ᠲᠤᠷᠳᠤᠩ ᠬᠡᠬᠦ ᠮᠡᠳᠦ ᠶᠢᠨ ᠵᠠᠷᠢᠮ ᠬᠡᠷᠡᠭᠴᠡᠭᠡ ᠪᠠᠷ ᠠᠨᠠᠢ | ᠪᠤᠳᠠᠰ ᠤᠨ ᠪᠡᠯᠡᠭ ᠲᠡᠭᠡᠷᠡ ᠶᠠᠷᠢᠭᠳᠠᠵᠤ ᠪᠠᠶᠢᠨᠠ᠃ ᠬᠠᠷᠢᠨ ᠪᠤᠯᠤᠯᠴᠠᠭᠠ ᠲᠠᠢ ᠪᠤᠯ ᠵᠤᠭᠤᠰ ᠵᠤᠭᠠ ᠦᠭᠴᠢᠬᠡᠪᠡᠯ | ᠰᠦᠢᠳᠬᠡᠬᠦ ᠶᠠᠪᠤᠳᠠᠯ ᠭᠠᠷᠬᠤ ᠦᠬᠡᠢ ᠨᠢ ᠮᠡᠳᠡᠭᠡᠵᠢ᠂ ᠮᠦᠨᠴᠦ ᠬᠦᠮᠦᠨ ᠳᠤ ᠲᠤᠰᠠ ᠪᠤᠯᠬᠤ ᠮᠠᠭᠠᠳ ᠬᠡᠵᠦ ᠬᠤᠪᠢ ᠳᠠᠭᠠᠨ | ᠦᠵᠡᠵᠦ ᠪᠠᠶᠢᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠳᠡᠭᠡᠪᠡᠯ ᠪᠡᠯᠡᠭ ᠰᠡᠯᠳᠡ ᠨᠢ ᠵᠠᠪᠠᠯ ᠬᠦᠮᠦᠨ ᠤ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠠᠯᠪᠠ ᠲᠠᠢ ᠤᠤ︖ ᠳᠤᠮᠤ | ᠂ ᠪᠠᠷᠠ ᠲᠠᠢ ᠵᠦᠢᠯᠡᠰ ᠢ ᠬᠦᠷᠭᠡᠬᠦ ᠶᠢ ᠢᠯᠡᠬᠦᠦ ᠳᠤ ᠦᠵᠡᠬᠦ ᠨᠢ ᠤᠯᠠᠨ᠃ ᠬᠠᠷᠢᠨ ᠵᠢᠵᠢᠭ ᠪᠤᠯᠪᠠᠴᠦ ᠬᠦᠮᠦᠨ ᠳᠤ ᠦᠨᠡᠨᠬᠦ | ᠬᠡᠷᠡᠭᠳᠡᠢ᠂ ᠦᠨᠡ ᠪᠡᠨᠡ ᠲᠠᠢ ᠵᠦᠢᠯᠡᠰ ᠢ ᠪᠡᠯᠡᠭ ᠲᠤ ᠰᠤᠩᠭᠤᠬᠤ ᠨᠢ ᠴᠦᠭᠡᠨ ᠰᠠᠨᠠᠭᠳᠠᠳᠠᠭ᠃ ᠡᠨᠡ ᠰᠤᠩᠭᠤᠯᠳᠠ ᠶᠢᠨ | ᠪᠠᠶᠢᠳᠠᠯ ᠬᠦᠮᠦᠨ ᠤ ᠨᠡᠷᠡᠯᠬᠡᠦ ᠰᠡᠳᠬᠢᠯᠭᠡ᠂ ᠨᠢᠭᠤᠷ ᠲᠠᠭᠠᠨ ᠬᠠᠶᠢᠷᠠᠳᠠᠢ ᠪᠤᠳᠤᠯ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠬᠠ︖ | ᠦ᠊ · ᠰᠡᠷᠬᠦᠯᠡᠩ᠄ ᠪᠡᠯᠡᠭ ᠪᠤᠯ ᠬᠦᠮᠦᠨ ᠳᠤ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠬᠦ ᠶᠠᠪᠤᠳᠠᠯ᠃ ᠠᠷᠠᠳ ᠤᠨ ᠦᠬᠡᠨ ᠳᠤ ᠴᠤ | ᠶᠠᠭᠤᠮᠠᠨ ᠤ ᠶᠡᠭᠡ ᠪᠠᠭᠠ ᠲᠡᠭᠡᠷᠠ ᠪᠠᠶᠢᠬᠤ ᠦᠬᠡᠢ᠃ ᠡᠨᠡ ᠪᠤᠯ ᠮᠠᠨ ᠤ ᠡᠪᠦᠭᠡ ᠲᠡᠭᠡᠳᠦᠰ ᠠᠯᠢ ᠡᠷᠳᠡᠨ ᠠᠴᠠ ᠰᠡᠳᠬᠢᠯ ᠤᠨ | ᠪᠡᠯᠡᠭ ᠢ ᠪᠤᠳᠠᠰ ᠤᠨ ᠪᠡᠯᠡᠭ ᠠᠴᠠ ᠢᠯᠡᠬᠦᠦ ᠡᠷᠬᠢᠮᠯᠡᠵᠦ ᠢᠷᠡᠭᠰᠡᠨ ᠰᠠᠶᠢᠨ ᠰᠠᠶᠢᠬᠠᠨ ᠰᠤᠷᠳᠠᠯ ᠪᠤᠯᠬᠤ ᠶᠤᠮ᠃ ᠭᠡᠳᠡᠯᠡ | ᠪᠤᠳᠠᠳᠤ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ ᠡᠶᠢᠮᠦ ᠰᠠᠶᠢᠬᠠᠨ ᠤᠯᠠᠮᠵᠢᠯᠠᠯ ᠠᠯᠳᠠᠭᠳᠠᠵᠤ ᠪᠠᠶᠢᠭᠠ ᠦᠵᠡᠭᠳᠡᠯ ᠨᠡᠶᠢᠳᠡᠮ ᠬᠠᠷᠠᠭᠳᠠᠵᠤ | ᠪᠠᠶᠢᠨᠠ᠃ ᠪᠡᠯᠡᠭ ᠦᠭᠬᠦ ᠳᠡᠭᠡᠨ ᠬᠦᠮᠦᠨ ᠤ ᠨᠢᠳᠤᠨ ᠳᠤ ᠪᠠᠷᠠ ᠲᠠᠢ ᠶᠠᠭᠤᠮᠠ ᠦᠭᠬᠦᠨᠡ ᠭᠡᠵᠦ ᠭᠡᠷᠡᠭ ᠦᠬᠡᠢ ᠪᠠᠭ᠋ᠠᠨ | ᠶᠠᠭᠤᠮᠠ ᠦᠭᠬᠦ ᠦᠵᠡᠭᠳᠡᠯ ᠶᠡᠭᠡ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠃ ᠡᠨᠡ ᠪᠤᠯ ᠬᠦᠮᠦᠨ ᠤ ᠨᠡᠷᠡᠯᠬᠡᠦ ᠰᠡᠳᠬᠢᠯ ᠠᠴᠠ ᠪᠤᠯᠤᠭᠰᠠᠨ | ᠬᠡᠯᠪᠠᠶᠢᠬᠦᠦ ᠬᠢᠳᠡᠯ ᠬᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ ᠶᠠᠷᠢᠶᠠᠨ ᠦᠬᠡᠢ ᠬᠦᠮᠦᠨ ᠵᠢᠭᠠᠬᠠᠨ ᠨᠡᠷᠡᠯᠬᠡᠦ ᠪᠠᠶᠢᠬᠤ ᠨᠢ ᠵᠦᠬᠡᠷ᠂ | ᠬᠦᠮᠦᠨ ᠳᠤ ᠨᠡᠷᠡᠯᠬᠡᠦ ᠵᠠᠩ ᠦᠬᠡᠢ ᠪᠤᠯᠴᠢᠬᠠᠪᠠᠯ ᠬᠡᠳᠦᠷᠬᠡᠢ ᠬᠡ ᠦᠬᠡᠢ ᠪᠤᠯᠴᠢᠬᠠᠨᠠ᠃ ᠡᠶᠢᠮᠦ ᠠᠴᠠ ᠨᠡᠷᠡᠯᠬᠡᠦ ᠵᠠᠩ ᠨᠢ | ᠬᠦᠮᠦᠨ ᠦᠪᠡᠷ ᠢ ᠪᠠᠨ ᠬᠢᠨᠠᠬᠤ ᠦᠢᠯᠡᠳᠦᠯ ᠭᠠᠷᠭᠠᠵᠤ ᠪᠠᠶᠢᠳᠠᠭ᠃ ᠬᠡᠳᠡᠯᠡ ᠬᠡᠳᠦ ᠨᠡᠷᠡᠯᠬᠡᠦ ᠪᠤᠯᠪᠠᠯ ᠬᠡᠪ ᠤᠨ ᠪᠠᠶᠢᠳᠠᠯ | ᠠᠯᠳᠠᠭᠳᠠᠨᠠ᠃ ᠪᠡᠯᠡᠭ ᠰᠡᠯᠳᠡ ᠬᠦᠷᠬᠡᠬᠦ ᠪᠠᠷ ᠠᠪᠴᠦ ᠦᠵᠡᠭᠰᠡᠨ ᠴᠤ ᠲᠡᠶᠢᠮᠦ᠃ ᠪᠡᠯᠡᠭ ᠭᠡᠳᠡᠭ ᠰᠡᠳᠬᠢᠯ ᠢᠶᠠᠨ | ᠢᠯᠡᠳᠬᠡᠴᠢᠬᠡᠪᠡᠯ ᠪᠤᠯᠴᠢᠬᠠᠨᠠ᠃ ᠨᠡᠷᠡᠯᠬᠡᠭᠰᠡᠨ ᠢᠶᠠᠷ ᠪᠤᠯᠬᠤ ᠦᠬᠡᠢ᠃ ᠬᠡᠳᠦᠷᠬᠡᠢ ᠨᠡᠷᠡᠯᠬᠡᠦ ᠵᠠᠩ ᠬᠦᠮᠦᠨ ᠳᠤ ᠲᠠᠷᠤᠭᠠᠰᠤ | ᠠᠪᠴᠢᠷᠠᠵᠤ ᠮᠡᠳᠡᠨᠡ᠃ ᠦᠪᠡᠷ ᠤᠨ ᠪᠡᠶᠡ ᠳᠡᠭᠡᠨ ᠴᠤ ᠲᠠᠷᠤᠭᠠᠰᠦ ᠠᠪᠴᠢᠷᠠᠨᠠ᠃ ᠲᠡᠶᠢᠮᠦ ᠠᠴᠠ ᠪᠡᠯᠡᠭ ᠬᠦᠷᠬᠡᠬᠦ ᠨᠢ | ᠰᠡᠳᠬᠢᠯ ᠳᠤ ᠪᠠᠶᠢᠬᠤ ᠠᠴᠠ ᠪᠢᠰᠢ᠂ ᠪᠠᠷᠠ ᠲᠠᠢ ᠶᠠᠭᠤᠮᠠ ᠪᠠᠷ ᠭᠤᠤᠯᠳᠠᠭᠤᠯᠤᠨᠠ ᠬᠡᠳᠡᠭ ᠪᠤᠯ ᠲᠡᠮᠡᠢ ᠰᠤᠷᠳᠠᠯᠴᠢᠯᠠᠬᠤ | ᠶᠠᠭᠤᠮᠠ ᠪᠢᠰᠢ᠂ ᠬᠠᠷᠢᠨ ᠤᠷᠬᠢᠮᠠᠷ ᠵᠦᠢᠯ ᠬᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ | ᠰᠤᠷᠪᠤᠯᠵᠢᠯᠠᠭᠴᠢ᠄ ᠪᠦᠬᠦ ᠵᠦᠢᠯ ᠴᠠᠭ ᠦᠶᠡ ᠪᠠᠨ ᠳᠠᠭᠠᠵᠦ ᠰᠢᠨᠡᠴᠢᠯᠡᠵᠦ ᠬᠤᠪᠢᠷᠠᠬᠤ ᠤᠴᠢᠷᠳᠠᠢ ᠭᠡᠵᠦ ᠪᠤᠳᠤᠳᠠᠭ᠃ | ᠪᠡᠯᠡᠭ ᠰᠡᠯᠳᠡ ᠴᠤ ᠠᠳᠠᠯᠢᠬᠠᠨ᠃ ᠴᠠᠭ ᠦᠶᠡ ᠪᠠᠨ ᠳᠠᠭᠠᠵᠦ ᠪᠡᠯᠡᠭ ᠰᠡᠯᠳᠡ ᠶᠢᠨ ᠰᠤᠩᠭᠤᠯᠳᠠ ᠦᠭᠡᠷᠡᠴᠢᠯᠡᠯᠳᠡ ᠲᠠᠢ | ᠪᠤᠯᠬᠤ ᠨᠢ ᠵᠦᠪ᠃ ᠤᠯᠠᠮᠵᠢᠯᠠᠯ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠨᠢ ᠦᠯᠡᠳᠡᠭᠡᠵᠦ᠂ ᠤᠳᠬᠠ ᠦᠭᠡᠢ ᠵᠦᠢᠯᠡᠰ ᠢ ᠨᠢ | ᠤᠷᠬᠢᠬᠤ ᠳᠠᠯᠠ ᠪᠠᠷ ᠲᠠ ᠪᠢᠳᠡ ᠶᠠᠮᠠᠷᠬᠠᠨ ᠦᠵᠡᠯ ᠪᠤᠳᠤᠯ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠳᠡᠢ ᠪᠤᠢ︖ ᠰᠢᠨᠡᠴᠢᠯᠡᠯᠳᠡ ᠶᠢᠨ | ᠳᠠᠯᠠ ᠪᠠᠷ ᠦᠵᠡᠯ ᠪᠤᠳᠤᠯ ᠢᠶᠠᠨ ᠳᠡᠯᠭᠡᠨᠡ ᠤᠤ︖ | ᠦ᠊ · ᠰᠡᠷᠬᠦᠯᠡᠩ᠄ ᠪᠡᠯᠡᠭ ᠬᠦᠷᠬᠡᠬᠦ ᠶᠠᠪᠤᠳᠠᠯ ᠪᠤᠯ ᠦᠨᠡᠨᠳᠡᠬᠡᠨ ᠬᠦᠮᠦᠰ ᠤᠨ ᠶᠠᠪᠤᠯᠴᠠᠭᠠᠨ ᠤ ᠲᠤᠮᠳᠠ ᠲᠤᠳᠠᠭᠳᠠᠵᠤ | ᠪᠤᠯᠳᠠᠭ ᠦᠬᠡᠢ ᠨᠢᠬᠡ ᠵᠦᠢᠯ ᠤᠨ ᠦᠵᠡᠭᠳᠡᠯ᠃ ᠬᠦᠮᠦᠨ ᠤ ᠶᠠᠪᠤᠯᠴᠠᠭᠠ ᠪᠤᠳᠤᠯᠢᠶᠠᠨᠳᠠᠢ ᠪᠠᠶᠢᠳᠠᠭ ᠰᠢᠭ ᠪᠡᠯᠡᠭ ᠬᠦᠷᠬᠡᠬᠦ | ᠴᠤ ᠪᠠᠰᠠ ᠨᠢᠬᠡᠨ ᠶᠤᠰᠤᠨ ᠤ ᠪᠤᠳᠤᠯᠢᠶᠠᠨᠲᠠᠢ ᠶᠠᠪᠤᠳᠠᠯ ᠬᠡᠵᠦ ᠦᠵᠡᠵᠦ ᠪᠤᠯᠤᠨᠠ᠃ ᠬᠡᠪᠡᠴᠦ ᠠᠯᠢ ᠨᠢ ᠲᠠᠭᠠᠷᠠᠬᠤ ᠦᠬᠡᠢ | ᠬᠡᠳᠡᠭ ᠲᠤᠳᠤᠷᠬᠠᠢ ᠵᠢᠭᠠᠯᠳᠠ ᠪᠠᠶᠢᠬᠤ ᠦᠬᠡᠢ᠃ ᠬᠦᠮᠦᠨ ᠬᠦᠮᠦᠨ ᠪᠠᠶᠢᠳᠠᠯ ᠪᠠᠶᠢᠳᠠᠯ ᠢᠶᠠᠨ ᠦᠵᠡᠵᠦ ᠪᠠᠶᠢᠭᠠᠳ ᠪᠤᠯᠬᠤ | ᠶᠠᠪᠤᠳᠠᠯ᠃ ᠬᠡᠬᠦ ᠳᠡᠭᠡᠨ ︽ᠴᠠᠭ ᠴᠠᠭ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ ᠦᠬᠡᠢ᠂ ᠴᠠᠬᠢᠯᠳᠠᠭ ᠬᠦᠬᠡ ᠪᠠᠷ ᠢᠶᠠᠨ ᠪᠠᠶᠢᠳᠠᠭ ᠦᠬᠡᠢ︾ | ᠰᠢᠭ ᠴᠠᠭ ᠦᠶᠡ ᠶᠢᠨ ᠬᠤᠪᠢᠷᠠᠯᠳᠠ ᠶᠢ ᠲᠠᠭᠠᠯᠳᠤᠭᠠᠳ᠂ ᠪᠡᠯᠡᠭ ᠤᠨ ᠲᠤᠬᠠᠢ ᠤᠯᠠᠮᠵᠢᠯᠠᠯᠳᠤ ᠵᠠᠭᠪᠦᠷ ᠤᠯᠠᠮᠵᠢᠯᠠᠯᠳᠤ | ᠦᠵᠡᠯᠳᠡ ᠤᠶᠢᠯᠠᠭᠠᠯᠳᠠ ᠪᠡᠰᠠ ᠬᠤᠪᠢᠷᠠᠵᠤ ᠪᠠᠶᠢᠨᠠ᠃ ᠬᠤᠪᠢᠷᠠᠬᠤ ᠪᠤᠯ ᠵᠠᠶᠢᠯᠠᠰᠢ ᠦᠬᠡᠢ᠃ ᠪᠢᠳᠡ ᠤᠯᠠᠮᠵᠢᠯᠠᠯᠳᠤ | ᠰᠠᠶᠢᠨ ᠰᠠᠶᠢᠬᠠᠨ ᠲᠠᠯᠠ ᠪᠠᠨ ᠠᠪᠴᠤ ᠦᠯᠡᠳᠡᠬᠦ ᠶᠢᠨ ᠲᠠᠭᠠᠤ ᠳᠤ ᠵᠠᠷᠢᠮ ᠬᠦᠰᠢᠬᠦᠨ ᠤᠯᠠᠮᠵᠢᠯᠠᠯ ᠢ ᠴᠤ ᠬᠤᠪᠢᠷᠠᠭᠤᠯᠬᠤ | ᠴᠢᠬᠤᠯᠠᠳᠠᠢ ᠶᠤᠮ᠃ ᠴᠠᠭ ᠦᠶᠡ ᠶᠢᠨ ᠬᠤᠪᠢᠷᠠᠯᠳᠠ ᠲᠠᠢ ᠵᠤᠬᠢᠴᠠᠬᠤ ᠦᠬᠡᠢ ᠤᠯᠠᠮᠵᠢᠯᠠᠯ ᠢ ᠦᠬᠦᠮᠡᠯ ᠢᠶᠠᠷ ᠪᠠᠷᠢᠮᠳᠠᠯᠠᠭᠠᠳ | ᠪᠠᠶᠢᠵᠦ ᠪᠤᠯᠬᠤ ᠦᠬᠡᠢ᠃ ᠪᠡᠯᠡᠭ ᠲᠡᠭᠰᠢ ᠰᠡᠳᠬᠢᠯ ᠦᠨᠠᠨ ᠪᠠᠶᠢᠳᠤᠭᠠᠢ᠃ | | | | |