| ᠵᠢᠱᠢᠶᠡ ᠬᠡᠷᠡᠭ᠄ ᠣᠯᠠᠭᠠᠨ 2018 ᠣᠨ ᠤ 3 ᠰᠠᠷᠠ ᠳᠤ ᠣᠯᠠᠬᠴᠢᠨ ᠺᠣᠮᠫᠠᠨᠢ ᠳᠤ ᠠᠴᠢᠶᠠᠨ ᠲᠡᠷᠭᠡᠨ ᠤ | ᠵᠢᠯᠣᠭᠤᠴᠢ ᠪᠠᠷ ᠡᠯᠰᠡᠭᠲᠡᠨ ᠠᠵᠢᠯᠯᠠᠵᠣ ᠂ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠲᠣᠭᠲᠠᠨ ᠰᠠᠷᠠ ᠶᠢᠨ | ᠴᠠᠯᠢᠩ ᠤᠨ ᠪᠠᠷᠢᠮᠵᠢᠶᠠ ᠶᠢ 8000 ᠲᠦᠬᠦᠷᠢᠭ ᠢᠶᠠᠷ ᠬᠡᠯᠡᠯᠴᠡᠵᠦ ᠲᠣᠬᠢᠷᠠᠪᠠ᠃ 2021 ᠣᠨ ᠳᠤ ᠣᠯᠠᠭᠠᠨ ᠤ | ᠴᠢᠰᠣᠨ ᠲᠠᠷᠣᠯᠳᠠ ᠦᠨᠳᠦᠷᠵᠢᠨ ᠰᠦᠨᠢ ᠶᠢᠨ ᠡᠭᠡᠯᠵᠢᠨ ᠳᠤ ᠠᠵᠢᠯᠯᠠᠬᠤ ᠠᠷᠭᠠ ᠦᠭᠡᠢ ᠪᠣᠯᠣᠬᠰᠠᠨ ᠠᠴᠠ ᠺᠣᠮᠫᠠᠨᠢ | ᠳᠤ ᠪᠠᠨ ᠭᠤᠶᠣᠴᠢᠯᠠᠯ ᠭᠠᠷᠭᠠᠨ ᠠᠵᠢᠯᠯᠠᠬᠤ ᠴᠠᠭ ᠢ ᠲᠣᠬᠢᠷᠠᠭᠤᠯᠵᠣ ᠵᠦᠪᠬᠡᠨ ᠡᠲᠦᠷ ᠤᠨ ᠡᠬᠡᠯᠵᠢᠨ ᠳᠤ | ᠠᠵᠢᠯᠯᠠᠭᠤᠯᠬᠤ ᠪᠣᠯᠪᠠᠣ ᠭᠡᠵᠦ ᠲᠣᠷᠠᠳᠴᠠᠢ᠃ ᠭᠡᠲᠡᠯᠡ ᠣᠯᠠᠭᠴᠢᠨ ᠺᠣᠮᠫᠠᠨᠢ ᠨᠢ ᠣᠯᠠᠭᠠᠨ ᠢ ᠰᠢᠭᠤᠳ ᠠᠵᠢᠯ ᠠᠴᠠ | ᠨᠢ ᠵᠣᠭᠰᠣᠭᠠᠬᠤ ᠶᠢᠨ ᠬᠠᠮᠲᠣ ᠲᠠᠷᠠᠭᠠ ᠡᠲᠦᠷ ᠨᠢ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠴᠣᠴᠠᠯᠣᠭᠰᠠᠨ ᠮᠡᠳᠡᠭᠲᠡᠯ ᠢ | ᠬᠦᠷᠭᠡᠵᠦ ᠦᠭᠴᠠᠢ᠃ ᠡᠬᠦᠨ ᠳᠤ ᠣᠯᠠᠭᠠᠨ ᠰᠠᠨᠲᠣᠷᠴᠦ ᠤᠯᠠᠬᠴᠢᠨ ᠺᠣᠮᠫᠠᠨᠢ ᠶᠢ ᠦᠪᠡᠷ ᠢᠶᠠᠨ ᠪᠠᠰᠠ ᠲᠠᠨᠢᠯ | ᠲᠠᠰᠣᠯ ᠢᠶᠠᠷ ᠢᠶᠠᠨ ᠲᠠᠮᠵᠢᠨ ᠣᠯᠠᠨ ᠣᠲᠠᠭᠠ ᠡᠷᠢᠵᠦ ᠦᠷᠬᠦᠯᠵᠢᠯᠡᠨ ᠠᠵᠢᠯᠯᠠᠬᠤ ᠰᠠᠨᠠᠯ ᠢᠶᠠᠨ ᠲᠡᠪᠰᠢᠬᠦᠯᠦᠭᠰᠡᠨ | ᠪᠣᠯᠪᠠᠴᠦ ᠣᠯᠠᠬᠴᠢᠨ ᠺᠣᠮᠫᠠᠨᠢ ᠶᠠᠷᠣ ᠵᠦᠪᠰᠢᠶᠡᠷᠡᠭᠰᠡᠨ ᠦᠭᠡᠢ᠃ 2022 ᠣᠨ ᠤ 3 ᠰᠠᠷᠠ ᠳᠤ ᠣᠯᠠᠭᠠᠨ ᠲᠣᠬᠠᠢ | ᠶᠢᠨ ᠭᠠᠵᠠᠷ ᠤᠨ ᠢᠶᠠᠨ ᠬᠦᠲᠡᠯᠮᠦᠷᠢ ᠶᠢᠨ ᠮᠠᠷᠭᠤᠯᠲᠣᠭᠠᠨ ᠢ ᠬᠦᠨᠲᠡᠯᠡᠨ ᠠᠴᠠ ᠲᠠᠰᠣᠯᠬᠤ ᠺᠣᠮᠢᠰ ᠲᠤ ᠬᠦᠲᠡᠯᠮᠦᠷᠢ | ᠶᠢᠨ ᠮᠠᠷᠭᠤᠯᠲᠣᠭᠠᠨ ᠢ ᠬᠦᠨᠲᠠᠯᠠᠨ ᠠᠴᠠ ᠲᠠᠰᠣᠯᠬᠤ ᠶᠢ ᠭᠤᠶᠣᠴᠢᠯᠠᠵᠣ ᠂ ᠬᠠᠣᠯᠢ ᠪᠣᠰᠣ ᠪᠠᠷ ᠬᠦᠲᠡᠯᠮᠦᠷᠢ ᠶᠢᠨ | ᠭᠡᠷᠡ ᠴᠣᠴᠠᠯᠣᠬᠰᠠᠨ ᠳᠤ ᠪᠠᠨ ᠲᠦᠯᠦᠪᠦᠷᠢ ᠮᠦᠩᠬᠦ ᠦᠭᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠣᠯᠠᠬᠴᠢᠨ ᠺᠣᠮᠫᠠᠨᠢ ᠳᠤ ᠱᠠᠭᠠᠷᠲᠠᠵᠠᠢ᠃ | ᠲᠢᠩᠬᠢᠮ ᠤᠨ ᠰᠢᠬᠦᠯᠲᠡ ᠳᠤ ᠣᠯᠠᠬᠴᠢᠨ ᠺᠣᠮᠫᠠᠨᠢ ᠨᠢ ᠬᠠᠣᠯᠢ ᠵᠦᠷᠢᠴᠡᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ | ᠴᠣᠴᠠᠯᠣᠭᠰᠠᠨ ᠭᠡᠵᠦ ᠮᠡᠲᠡᠷᠡᠭᠰᠡᠨ ᠦᠭᠡᠢ ᠪᠣᠯᠪᠠᠴᠦ ᠬᠦᠨᠲᠡᠯᠡᠨ ᠠᠴᠠ ᠲᠠᠰᠣᠯᠬᠤ ᠺᠣᠮᠢᠰ ᠠᠴᠠ ᠡᠶᠡᠲᠡᠬᠦᠯᠵᠦ ᠦᠭᠬᠦ | ᠶᠢ ᠵᠦᠪᠰᠢᠶᠡᠷᠡᠵᠡᠢ᠃ ᠢᠩᠬᠢᠭᠡᠳ ᠬᠦᠨᠲᠡᠯᠡᠨ ᠠᠴᠠ ᠲᠠᠰᠣᠯᠬᠤ ᠺᠣᠮᠢᠰ ᠤᠨ ᠡᠷᠬᠢᠯᠡᠨ ᠡᠶᠡᠲᠡᠬᠦᠯᠬᠦ ᠪᠠᠷ ᠲᠠᠮᠵᠢᠭᠠᠳ | ᠣᠯᠬᠠᠴᠢᠨ ᠺᠣᠮᠫᠠᠨᠢ ᠂ ᠣᠯᠠᠭᠠᠨ ᠤ ᠲᠣᠷᠠᠲᠣᠭᠰᠠᠨ ᠡᠶᠡᠲᠡᠬᠦ ᠲᠦᠰᠦᠯ ᠢ ᠬᠦᠯᠢᠶᠡᠨ ᠠᠪᠴᠦ ᠠᠵᠤ ᠠᠬᠤᠢ ᠶᠢᠨ | ᠨᠦᠬᠦᠪᠦᠷᠢ 5 ᠲᠦᠮᠡᠨ ᠲᠦᠬᠦᠷᠢᠭ ᠦᠭᠬᠦ ᠪᠠᠷ ᠵᠦᠪᠰᠢᠶᠡᠷᠡᠵᠦ ᠂ ᠣᠯᠠᠭᠠᠨ ᠪᠣᠰᠣᠳ ᠱᠠᠭᠠᠷᠲᠠᠯᠭᠠ ᠪᠠᠨ ᠣᠷᠬᠢᠪᠠ᠃ | | ᠲᠣᠰ ᠵᠠᠭᠤᠷᠭᠠᠨ ᠢ ᠡᠶᠡᠲᠡᠬᠦᠯᠵᠦ ᠰᠢᠢᠳᠪᠦᠷᠢᠯᠡᠭᠰᠡᠨ ᠪᠠᠶᠢᠨᠠ᠃ ᠲᠡᠭᠡᠪᠡᠯ ᠡᠶᠡᠲᠡᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠪᠣᠯ | ᠣᠯᠬᠠᠴᠢᠨ ᠺᠣᠮᠫᠠᠨᠢ ᠶᠢᠨ ᠣᠯᠠᠭᠠᠨ ᠢ ᠠᠵᠢᠯ ᠠᠴᠠ ᠨᠢ ᠵᠣᠭᠰᠣᠭᠠᠵᠣ ᠭᠡᠷᠡ ᠪᠠᠨ ᠴᠣᠴᠠᠯᠬᠤ ᠠᠵᠢᠯᠯᠠᠭᠠ ᠨᠢ | ᠬᠠᠣᠯᠢ ᠶᠣᠰᠣᠨ ᠳᠤ ᠨᠡᠶᠢᠴᠡᠨᠡ ᠤᠤ︖ | ᠵᠠᠲᠠᠯᠣᠯᠲᠠ᠄ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠨᠢᠭᠡ ᠲᠠᠯᠠ ᠨᠢ ᠬᠦᠲᠡᠯᠮᠦᠷᠢᠯᠡᠭᠴᠢ ᠬᠤᠪᠢ ᠬᠦᠮᠦᠨ ᠂ ᠨᠦᠬᠦᠭᠡ ᠲᠠᠯᠠ | ᠨᠢ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠪᠣᠯᠣᠨᠡ᠃ ᠪᠣᠲᠠᠳᠣ ᠠᠮᠢᠲᠣᠷᠠᠯ ᠲᠣᠮᠳᠠ ᠦᠷᠭᠡᠨ ᠣᠯᠠᠨ ᠬᠦᠲᠡᠯᠮᠦᠷᠢᠯᠡᠭᠴᠢᠳ | ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠲᠣᠬᠠᠢ ᠡᠷᠬᠡᠪᠰᠢ ᠦᠨᠳᠦᠰᠦᠨ ᠣᠶᠢᠯᠠᠭᠠᠯᠲᠠ ᠲᠠᠢ ᠪᠠᠶᠢᠬᠤ ᠶᠢᠨ ᠬᠠᠮᠲᠣ ᠲᠡᠬᠦᠨ ᠢ | ᠪᠠᠰᠠ ᠬᠦᠲᠡᠯᠮᠦᠷᠢ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠭᠡᠷᠡ ᠲᠠᠢ ᠬᠤᠳᠬᠤᠵᠣ ᠪᠣᠯᠬᠤ ᠦᠭᠡᠢ᠃ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠨᠢ | ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ᠲᠠᠢ ᠬᠤᠯᠪᠣᠭᠲᠠᠵᠦ ᠂ ᠬᠦᠲᠡᠯᠮᠦᠷᠢ ᠶᠢᠨ ᠦᠢᠯᠡᠴᠢᠯᠡᠭᠡᠨ ᠤ ᠭᠡᠷᠡ ᠨᠢ ᠢᠷᠭᠡᠨ | ᠤ ᠬᠠᠣᠯᠢ ᠲᠠᠢ ᠬᠤᠯᠪᠣᠭᠳᠠᠳᠠᠭ᠃ ᠣᠯᠠᠭᠠᠨ ᠪᠣᠯᠣᠨ ᠣᠯᠠᠬᠴᠢᠨ ᠺᠣᠮᠫᠠᠨᠢ ᠶᠢᠨ ᠬᠤᠭᠤᠷᠣᠨᠳᠣᠬᠢ ᠬᠠᠷᠢᠴᠠᠭᠠ ᠨᠢ | ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠷᠢᠴᠠᠭᠠ ᠪᠣᠯᠬᠤᠷ ᠲᠡᠲᠡᠨ ᠤ ᠬᠤᠭᠤᠷᠣᠨᠳᠣᠬᠢ ᠵᠠᠭᠤᠷᠭᠠᠨ ᠢ ᠬᠦᠲᠡᠯᠮᠦᠷᠢ ᠶᠢᠨ | ᠭᠡᠷᠡ ᠵᠢᠴᠢ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ᠪᠠᠷ ᠵᠠᠲᠠᠯᠪᠠᠯ ᠵᠣᠬᠢᠨᠡ᠃ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠪᠠᠰᠠ | ᠬᠦᠲᠡᠯᠮᠦᠷᠢ ᠶᠢᠨ ᠬᠡᠯᠡᠯᠴᠡᠭᠡᠷ ᠭᠡᠵᠦ ᠂ ᠲᠡᠷᠨ ᠨᠢ ᠬᠦᠲᠡᠯᠮᠦᠷᠢ ᠶᠢᠨ ᠬᠠᠷᠢᠴᠠᠭᠠ ᠶᠢ ᠲᠣᠬᠢᠷᠠᠭᠤᠯᠬᠤ ᠬᠠᠣᠯᠢ | ᠴᠠᠭᠠᠵᠨ ᠶᠢᠨ ᠦᠨᠳᠦᠰᠦᠨ ᠬᠡᠯᠪᠡᠷᠢ ᠂ ᠮᠦᠨ ᠴᠦ ᠬᠦᠲᠡᠯᠮᠦᠷᠢᠴᠢᠨ ᠪᠣᠯᠣᠨ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠶᠢᠨ | ᠬᠦᠲᠡᠯᠮᠦᠷᠢ ᠶᠢᠨ ᠬᠠᠷᠢᠴᠠᠭᠠ ᠶᠢ ᠲᠣᠭᠲᠠᠭᠠᠬᠤ ᠦᠨᠳᠦᠰᠦᠨ ᠣᠷᠢᠲᠠᠯ ᠪᠠᠶᠢᠵᠦ ᠂ ᠬᠦᠲᠡᠯᠮᠦᠷᠢ ᠶᠢᠨ ᠬᠠᠣᠯᠢ ᠳᠤ | ᠭᠤᠣᠯ ᠪᠠᠶᠢᠷᠢᠨ ᠳᠤ ᠣᠷᠣᠰᠢᠳᠠᠭ᠃ ᠬᠦᠲᠡᠯᠮᠦᠷᠢᠴᠢᠨ ᠪᠣᠯᠣᠨ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠶᠢᠨ ᠬᠤᠭᠤᠷᠣᠨᠳᠣᠬᠢ | ᠬᠦᠲᠡᠯᠮᠦᠷᠢ ᠶᠢᠨ ᠬᠠᠷᠢᠴᠠᠭᠠ ᠶᠢ ᠢᠷᠭᠡᠨ ᠤ ᠬᠠᠣᠯᠢ ᠪᠠᠷ ᠲᠣᠬᠢᠷᠠᠭᠤᠯᠬᠤ ᠪᠢᠰᠢ ᠂ ᠬᠠᠷᠢᠨ ︽ ᠪᠦᠬᠦᠲᠡ | ᠨᠠᠶᠢᠷᠠᠮᠲᠠᠬᠤ ᠲᠣᠮᠲᠠᠲᠣ ᠠᠷᠠᠳ ᠣᠯᠣᠰ ᠤᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ︾ ᠵᠡᠷᠭᠡ ᠬᠤᠯᠪᠣᠭᠲᠠᠯ ᠪᠦᠬᠦᠢ | ᠬᠠᠣᠯᠢ ᠴᠠᠭᠠᠵᠨ ᠶᠢᠨ ᠲᠦᠷᠢᠮᠵᠢᠯᠡᠯ ᠢᠶᠠᠷ ᠲᠣᠬᠢᠷᠠᠭᠤᠯᠤᠨᠡ᠃ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ᠪᠣᠯ ᠮᠠᠨ ᠤ | ᠣᠯᠣᠰ ᠤᠨ ᠬᠦᠲᠡᠯᠮᠦᠷᠢ ᠶᠢᠨ ᠬᠠᠣᠯᠢ ᠶᠢᠨ ᠰᠢᠰᠲ᠋ᠧᠮ ᠤᠨ ᠴᠢᠬᠤᠯᠨ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠠᠶᠢᠵᠦ ᠂ ᠬᠦᠲᠡᠯᠮᠦᠷᠢ | ᠶᠢᠨ ᠭᠡᠷᠡ ᠶᠢ ᠲᠣᠭᠲᠠᠭᠠᠬᠤ ᠂ ᠬᠦᠢᠴᠡᠳᠬᠡᠬᠦ ᠂ ᠬᠤᠪᠢᠷᠠᠭᠤᠯᠬᠤ ᠂ ᠴᠣᠴᠠᠯᠬᠤ ᠂ ᠲᠠᠭᠤᠰᠬᠠᠬᠤ ᠪᠠ ᠦᠷᠬᠦᠯᠵᠢᠯᠡᠨ | ᠲᠣᠭᠲᠠᠭᠠᠬᠤ ᠶᠢ ᠲᠣᠬᠢᠷᠠᠭᠤᠯᠣᠨ ᠵᠢᠷᠣᠮᠵᠢᠭᠤᠯᠬᠤ ᠬᠠᠣᠯᠢ ᠴᠠᠭᠠᠵᠨ ᠶᠢᠨ ᠵᠢᠷᠣᠮᠵᠢᠯᠠᠯ ᠂ ᠮᠦᠨ ᠴᠦ | ᠬᠦᠲᠡᠯᠮᠦᠷᠢᠴᠢᠨ ᠪᠣᠯᠣᠨ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠶᠢᠨ ᠬᠤᠭᠤᠷᠣᠨᠳᠣᠬᠢ ᠬᠦᠲᠡᠯᠮᠦᠷᠢ ᠶᠢᠨ ᠡᠷᠭᠡ ᠡᠬᠦᠷᠭᠡ ᠶᠢ | ᠲᠣᠲᠣᠷᠬᠠᠶᠢᠯᠠᠨ ᠂ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠲᠣᠭᠲᠠᠭᠠᠬᠤ ᠂ ᠬᠦᠢᠴᠡᠳᠬᠡᠬᠦ ᠂ ᠬᠤᠪᠢᠷᠠᠭᠤᠯᠬᠤ ᠂ ᠴᠣᠴᠠᠯᠬᠤ ᠪᠠ | ᠲᠠᠭᠤᠰᠬᠠᠬᠤ ᠠᠵᠢᠯᠯᠠᠭᠠ ᠶᠢ ᠵᠢᠷᠣᠮᠵᠢᠭᠤᠯᠬᠤ ᠲᠣᠬᠠᠢ ᠲᠦᠷᠢᠮᠵᠢᠯ ᠪᠣᠯᠣᠨᠡ᠃ ᠲᠡᠭᠡᠷᠡᠬᠢ ᠬᠡᠷᠡᠭ ᠲᠤ ᠂ ᠣᠯᠠᠭᠠᠨ | ᠰᠦᠨᠢ ᠶᠢᠨ ᠡᠭᠡᠯᠵᠢᠨ ᠳᠤ ᠠᠵᠢᠯᠯᠠᠵᠣ ᠲᠡᠶᠢᠯᠬᠦ ᠦᠭᠡᠢ ᠪᠣᠯᠬᠤᠷ ᠵᠦᠪᠬᠡᠨ ᠡᠲᠣᠷ ᠤᠨ ᠡᠭᠡᠯᠵᠢᠨ ᠳᠤ ᠠᠵᠢᠯᠯᠠᠶᠠ | ᠭᠡᠵᠦ ᠣᠯᠠᠬᠴᠢᠨ ᠺᠣᠮᠫᠠᠨᠢ ᠳᠤ ᠱᠠᠭᠠᠷᠲᠠᠭᠰᠠᠨ ᠳᠤ ᠣᠯᠬᠠᠴᠢᠨ ᠺᠣᠮᠫᠠᠨᠢ ᠰᠢᠭᠤᠳ ᠠᠵᠢᠯ ᠠᠴᠠ ᠨᠢ | ᠵᠣᠭᠰᠣᠭᠠᠭᠰᠠᠨ ᠪᠠᠶᠢᠨᠠ᠃ ︽ ᠪᠦᠬᠦᠲᠡ ᠨᠠᠶᠢᠷᠠᠮᠳᠠᠬᠤ ᠲᠣᠮᠲᠠᠲᠣ ᠠᠷᠠᠳ ᠣᠯᠣᠰ ᠤᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ | ᠶᠢᠨ ᠬᠠᠣᠯᠢ ︾ ᠶᠢᠨ ᠲᠦᠴᠢᠳᠦᠭᠡᠷ ᠵᠦᠢᠯ ᠤᠨ ᠲᠣᠭᠲᠠᠭᠠᠯ ᠢ ᠦᠨᠳᠦᠰᠦᠯᠡᠪᠡᠯ ᠂ ᠬᠦᠲᠡᠯᠮᠦᠷᠢᠴᠢᠨ ᠡᠪᠡᠳᠴᠢᠯᠡᠭᠰᠡᠨ | ᠪᠣᠶᠣ ᠠᠵᠢᠯ ᠤᠨ ᠪᠣᠰᠣ ᠰᠢᠯᠲᠠᠭᠠᠨ ᠢᠶᠠᠷ ᠰᠢᠷᠠᠭᠲᠣᠭᠠᠳ ᠂ ᠲᠣᠭᠲᠠᠭᠰᠠᠨ ᠡᠮᠴᠢᠯᠡᠬᠦᠯᠬᠦ ᠬᠤᠭᠤᠴᠠᠭᠠ | ᠲᠦᠬᠦᠷᠦᠭᠰᠡᠨ ᠤ ᠲᠠᠷᠠᠭᠠ ᠣᠣᠯ ᠤᠨ ᠠᠵᠢᠯ ᠢᠶᠠᠨ ᠬᠢᠵᠦ ᠴᠢᠲᠠᠬᠤ ᠦᠭᠡᠢ ᠪᠣᠯᠣᠬᠰᠠᠨ ᠪᠦᠭᠡᠳ ᠬᠦᠮᠦᠨ ᠬᠡᠷᠡᠭᠯᠡᠬᠦ | ᠨᠢᠭᠡᠴᠢ ᠶᠢᠨ ᠠᠰᠲᠠᠭᠠᠨ ᠲᠣᠬᠢᠷᠠᠭᠤᠯᠣᠬᠰᠠᠨ ᠠᠵᠢᠯ ᠢ ᠴᠣ᠋ ᠬᠢᠵᠦ ᠴᠢᠲᠠᠬᠤ ᠦᠭᠡᠢ ᠪᠣᠯᠣᠬᠰᠠᠨ ᠪᠠᠶᠢᠪᠠᠯ ᠂ ᠬᠦᠮᠦᠨ | ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠨᠢ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠪᠠᠨ ᠴᠣᠴᠠᠯᠵᠣ ᠪᠣᠯᠣᠨᠡ᠃ ᠭᠡᠪᠡᠴᠦ ᠪᠣᠲᠠᠲᠣ ᠪᠠᠶᠢᠲᠠᠯ ᠳᠤ | ᠣᠯᠠᠩᠬᠢ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠨᠢ ︽ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠶᠢᠨ ᠠᠰᠲᠠᠭᠠᠨ ᠲᠣᠬᠢᠷᠠᠭᠤᠯᠣᠬᠰᠠᠨ ᠠᠵᠢᠯ | ᠢ ᠴᠣ᠋ ᠬᠢᠵᠦ ᠴᠢᠲᠠᠬᠤ ᠦᠭᠡᠢ ᠪᠣᠯᠣᠬᠰᠠᠨ ︾ ᠭᠡᠬᠦ ᠡᠨᠡᠬᠦ ᠡᠷᠭᠡᠪᠰᠢ ᠪᠠᠶᠢᠬᠤ ᠶᠣᠰᠣᠲᠠᠢ ᠴᠢᠬᠤᠯᠨ ᠨᠦᠬᠦᠴᠡᠯ ᠢ | ᠣᠮᠳᠣᠭᠠᠶᠢᠯᠠᠳᠠᠭ ᠪᠠᠶᠢᠨᠠ᠃ ᠲᠣᠰ ᠬᠡᠷᠡᠭ ᠲᠤ ᠴᠦ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠣᠯᠬᠠᠴᠢᠨ ᠺᠣᠮᠫᠠᠨᠢ ᠂ ᠣᠯᠠᠭᠠᠨ | ᠳᠤ ᠠᠰᠲᠠᠭᠠᠨ ᠠᠵᠢᠯ ᠲᠣᠬᠢᠷᠠᠭᠤᠯᠣᠬᠰᠠᠨ ᠦᠭᠡᠢ ᠪᠠᠷ ᠰᠢᠭᠤᠳ ᠭᠡᠷᠡ ᠪᠠᠨ ᠴᠣᠴᠠᠯᠬᠤ ᠮᠡᠳᠡᠭᠲᠡᠯ ᠬᠦᠷᠭᠡᠭᠰᠡᠨ ᠨᠢ | ᠬᠠᠣᠯᠢ ᠴᠠᠭᠠᠵᠠ ᠶᠢᠨ ᠲᠣᠭᠲᠠᠭᠠᠯ ᠠᠴᠠ ᠢᠯᠡᠳᠲᠡ ᠵᠦᠷᠢᠴᠡᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠣ ᠠᠴᠠ ᠲᠡᠷᠨ ᠨᠢ ᠣᠯᠠᠭᠠᠨ ᠤ | ᠬᠠᠣᠯᠢ ᠶᠣᠰᠣᠨ ᠤ ᠡᠷᠭᠡ ᠠᠰᠢᠭ ᠲᠤ ᠬᠠᠯᠳᠠᠭᠰᠠᠨ ᠬᠠᠣᠯᠢ ᠵᠦᠷᠢᠴᠡᠭᠰᠡᠨ ᠠᠵᠢᠯᠯᠠᠭᠠ ᠪᠣᠯᠣᠨᠡ᠃ | ᠬᠠᠮᠢᠶᠠ ᠪᠦᠬᠦᠢ ᠬᠠᠣᠯᠢ ᠴᠠᠭᠠᠵᠨ ᠶᠢᠨ ᠲᠣᠭᠲᠠᠭᠠᠯ᠄ | ︽ ᠪᠦᠬᠦᠲᠡ ᠨᠠᠶᠢᠷᠠᠮᠳᠠᠬᠤ ᠲᠣᠮᠲᠠᠲᠣ ᠠᠷᠠᠳ ᠣᠯᠣᠰ ᠤᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ︾ ᠶᠢᠨ | ᠬᠤᠶᠠᠲᠣᠭᠠᠷ ᠵᠦᠢᠯ ᠤᠨ ᠲᠣᠭᠲᠠᠭᠠᠯ᠄ ᠪᠦᠬᠦᠲᠡ ᠨᠠᠶᠢᠷᠠᠮᠳᠠᠬᠤ ᠲᠣᠮᠲᠠᠲᠣ ᠠᠷᠠᠳ ᠣᠯᠣᠰ ᠤᠨ ᠬᠢᠯᠢ ᠶᠢᠨ | ᠲᠣᠲᠣᠷᠠᠬᠢ ᠠᠵᠣ ᠠᠬᠤᠶᠢᠯᠠᠯ ᠂ ᠬᠤᠪᠢ ᠶᠢᠨ ᠠᠵᠣ ᠠᠬᠤᠢ ᠶᠢᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠲᠠ ᠂ ᠠᠷᠠᠳ ᠠᠴᠠ | ᠡᠷᠬᠢᠯᠡᠭᠰᠡᠨ ᠠᠵᠣ ᠠᠬᠤᠶᠢᠯᠠᠯ ᠤᠨ ᠪᠣᠰᠣ ᠨᠢᠭᠡᠴᠢ ᠵᠡᠷᠭᠡ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠲᠠ ᠨᠤᠭᠤᠳ ᠬᠦᠲᠡᠯᠮᠦᠷᠢᠴᠢᠨ ᠲᠠᠢ | ᠬᠦᠲᠡᠯᠮᠦᠷᠢ ᠶᠢᠨ ᠬᠠᠷᠢᠴᠠᠭᠠ ᠪᠠᠶᠢᠭᠤᠯᠵᠣ ᠂ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠲᠣᠭᠲᠠᠭᠠᠬᠤ ᠂ ᠬᠦᠢᠴᠡᠳᠬᠡᠬᠦ ᠂ | ᠬᠤᠪᠢᠷᠠᠭᠤᠯᠬᠤ ᠂ ᠴᠣᠴᠠᠯᠬᠤ ᠪᠣᠶᠣ ᠲᠠᠭᠤᠰᠬᠠᠬᠤ ᠳᠤ ᠲᠣᠰ ᠬᠠᠣᠯᠢ ᠶᠢ ᠬᠡᠷᠡᠭᠯᠡᠨᠡ᠃ ᠲᠦᠷᠦ ᠶᠢᠨ ᠪᠠᠶᠢᠭᠤᠯᠭᠠ ᠂ | ᠠᠵᠢᠯ ᠦᠢᠯᠡᠰ ᠤᠨ ᠨᠢᠭᠡᠴᠢ ᠂ ᠨᠡᠶᠢᠭᠡᠮ ᠤᠨ ᠪᠦᠯᠬᠦᠮ ᠪᠣᠯᠣᠨ ᠲᠡᠬᠦᠨ ᠲᠠᠢ ᠬᠦᠲᠡᠯᠮᠦᠷᠢ ᠶᠢᠨ ᠬᠠᠷᠢᠴᠠᠭᠠ | ᠪᠠᠶᠢᠭᠤᠯᠣᠬᠰᠠᠨ ᠬᠦᠲᠡᠯᠮᠦᠷᠢᠴᠢᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠲᠣᠭᠲᠠᠭᠠᠬᠤ ᠂ ᠬᠦᠢᠴᠡᠳᠬᠡᠬᠦ ᠂ ᠬᠤᠪᠢᠷᠠᠭᠤᠯᠬᠤ ᠂ | ᠴᠣᠴᠠᠯᠬᠤ ᠪᠣᠶᠣ ᠲᠠᠭᠤᠰᠬᠠᠬᠤ ᠳᠤ ᠲᠣᠰ ᠬᠠᠣᠯᠢ ᠶᠢᠨ ᠶᠣᠰᠣᠭᠠᠷ ᠬᠦᠢᠴᠡᠳᠬᠡᠨᠡ᠃ | ︽ ᠪᠦᠬᠦᠲᠡ ᠨᠠᠶᠢᠷᠠᠮᠳᠠᠬᠤ ᠲᠣᠮᠲᠠᠲᠣ ᠠᠷᠠᠳ ᠣᠯᠣᠰ ᠤᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ︾ ᠶᠢᠨ | ᠭᠤᠷᠪᠠᠲᠣᠭᠠᠷ ᠵᠦᠢᠯ ᠤᠨ ᠲᠣᠭᠲᠠᠭᠠᠯ᠄ | ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠲᠣᠭᠲᠠᠭᠠᠬᠤ ᠳᠤ ᠪᠠᠨ ᠬᠠᠣᠯᠢ ᠶᠣᠰᠣᠨ ᠤ ᠂ ᠲᠦᠪ ᠭᠤᠣᠯᠴᠢ ᠂ ᠡᠷᠭᠡ ᠲᠡᠭᠰᠢ ᠰᠠᠶᠢᠨ | ᠲᠣᠷᠠ ᠶᠢᠨ ᠂ ᠵᠦᠪᠳᠡᠯᠴᠡᠨ ᠰᠠᠨᠠᠯ ᠨᠢᠭᠡᠳᠬᠦ ᠂ ᠦᠨᠡᠨᠴᠢ ᠢᠲᠡᠭᠡᠮᠵᠢᠲᠡᠢ ᠪᠠᠶᠢᠬᠤ ᠵᠠᠷᠴᠢᠮ ᠢ ᠵᠢᠷᠣᠮᠯᠠᠬᠤ ᠬᠡᠷᠡᠭᠲᠡᠢ᠃ | ᠬᠠᠣᠯᠢ ᠶᠣᠰᠣᠭᠠᠷ ᠲᠣᠭᠲᠠᠭᠠᠭᠰᠠᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠨᠢ ᠬᠢᠵᠠᠭᠠᠷᠯᠠᠬᠤ ᠬᠦᠴᠦᠨ ᠲᠠᠢ ᠂ ᠬᠦᠮᠦᠨ ᠬᠡᠷᠡᠭᠯᠡᠬᠦ | ᠨᠢᠭᠡᠴᠢ ᠪᠣᠯᠣᠨ ᠬᠦᠲᠡᠯᠮᠦᠷᠢᠴᠢᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠳᠤ ᠪᠣᠯᠵᠣᠨ ᠲᠣᠭᠲᠠᠭᠰᠠᠨ ᠡᠬᠦᠷᠭᠡ ᠪᠠᠨ ᠬᠦᠢᠴᠡᠳᠭᠡᠬᠦ | ᠬᠡᠷᠡᠭᠲᠡᠢ᠃ | ︽ ᠪᠦᠬᠦᠲᠡ ᠨᠠᠶᠢᠷᠠᠮᠳᠠᠬᠤ ᠲᠣᠮᠲᠠᠲᠣ ᠠᠷᠠᠳ ᠣᠯᠣᠰ ᠤᠨ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ︾ ᠶᠢᠨ | ᠲᠦᠴᠢᠳᠦᠭᠡᠷ ᠵᠦᠢᠯ ᠤᠨ ᠲᠣᠭᠲᠠᠭᠠᠯ᠄ ᠲᠣᠣᠷᠠ ᠵᠢᠬᠰᠠᠭᠠᠭᠰᠠᠨ ᠪᠠᠶᠢᠳᠠᠯ ᠤᠨ ᠨᠢᠭᠡ ᠨᠢ ᠪᠠᠶᠢᠪᠠᠯ ᠂ ᠬᠦᠮᠦᠨ | ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠨᠢ ᠭᠤᠴᠢᠨ ᠡᠲᠦᠷ ᠤᠨ ᠡᠮᠦᠨᠡ ᠬᠦᠲᠡᠯᠮᠦᠷᠢᠴᠢᠨ ᠤ ᠲᠣᠰ ᠬᠦᠮᠦᠨ ᠳᠤ ᠪᠢᠴᠢᠭ ᠤᠨ ᠬᠡᠯᠪᠡᠷᠢ | ᠪᠠᠷ ᠮᠡᠲᠡᠭᠲᠡᠬᠦ ᠪᠣᠶᠣ ᠬᠦᠲᠡᠯᠮᠦᠷᠢᠴᠢᠨ ᠳᠤ ᠢᠯᠡᠬᠦᠦ ᠨᠢᠭᠡ ᠰᠠᠷᠠ ᠶᠢᠨ ᠴᠠᠯᠢᠩ ᠦᠭᠬᠦᠭᠰᠡᠨ ᠤ ᠲᠠᠷᠠᠭᠠ ᠂ | ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠴᠣᠴᠠᠯᠵᠣ ᠪᠣᠯᠣᠨᠡ᠄ ︵ᠨᠢᠭᠡ︶ ᠬᠦᠲᠡᠯᠮᠦᠷᠢᠴᠢᠨ ᠡᠪᠡᠳᠴᠢᠯᠡᠭᠰᠡᠨ ᠪᠣᠶᠣ ᠠᠵᠢᠯ ᠤᠨ | ᠪᠣᠰᠣ ᠰᠢᠯᠲᠠᠭᠠᠨ ᠢᠶᠠᠷ ᠰᠢᠷᠠᠭᠲᠣᠭᠠᠳ ᠂ ᠲᠣᠭᠲᠠᠭᠰᠠᠨ ᠡᠮᠴᠢᠯᠡᠬᠦᠯᠬᠦ ᠬᠤᠭᠤᠴᠠᠭᠠ ᠲᠦᠬᠦᠷᠦᠭᠰᠡᠨ ᠤ ᠲᠠᠷᠠᠭᠠ | ᠣᠣᠯ ᠤᠨ ᠠᠵᠢᠯ ᠢᠶᠠᠨ ᠬᠢᠵᠦ ᠴᠢᠲᠠᠬᠤ ᠦᠭᠡᠢ ᠪᠣᠯᠣᠬᠰᠠᠨ ᠪᠦᠭᠡᠳ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠶᠢᠨ ᠠᠰᠲᠠᠭᠠᠨ | ᠲᠣᠬᠢᠷᠠᠭᠤᠯᠣᠬᠰᠠᠨ ᠠᠵᠢᠯ ᠢ ᠴᠣ᠋ ᠬᠢᠵᠦ ᠴᠢᠲᠠᠬᠤ ᠦᠭᠡᠢ ᠪᠣᠯᠣᠬᠰᠠᠨ︔ ︵ᠬᠤᠶᠠᠷ︶ ᠬᠦᠲᠡᠯᠮᠦᠷᠢᠴᠢᠨ ᠠᠵᠢᠯ | ᠢᠶᠠᠨ ᠬᠢᠵᠦ ᠲᠡᠶᠢᠯᠬᠦ ᠦᠭᠡᠢ ᠂ ᠪᠣᠯᠪᠠᠰᠣᠷᠠᠭᠤᠯᠣᠬᠰᠠᠨ ᠪᠣᠶᠣ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ ᠨᠢ ᠲᠣᠬᠢᠷᠠᠭᠤᠯᠣᠯᠲᠠ ᠬᠢᠭᠰᠡᠨ | ᠪᠣᠯᠪᠠᠴᠦ ᠮᠦᠨ ᠯᠡ ᠬᠢᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠠᠶᠢᠬᠤ︔ ︵ᠭᠤᠷᠪᠠ︶ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠲᠣᠭᠲᠠᠭᠠᠬᠤ | ᠦᠶᠡ ᠳᠤ ᠦᠨᠳᠦᠰᠦᠯᠡᠯ ᠪᠣᠯᠭᠠᠭᠰᠠᠨ ᠪᠣᠰᠣᠳᠴᠢ ᠪᠠᠶᠢᠲᠠᠯ ᠳᠤ ᠴᠢᠬᠤᠯᠨ ᠶᠡᠭᠡ ᠬᠤᠪᠢᠷᠠᠯᠳᠠ ᠭᠠᠷᠣᠭᠠᠳ | ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢ ᠬᠦᠢᠴᠡᠳᠬᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠵᠣ ᠂ ᠬᠦᠮᠦᠨ ᠬᠡᠷᠡᠭᠯᠡᠬᠦ ᠨᠢᠭᠡᠴᠢ ᠬᠢᠭᠡᠳ | ᠬᠦᠲᠡᠯᠮᠦᠷᠢᠴᠢᠨ ᠵᠦᠪᠲᠡᠯᠴᠡᠭᠡᠳ ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠠᠭᠤᠯᠭᠠ ᠶᠢ ᠬᠤᠪᠢᠷᠠᠭᠤᠯᠬᠤ ᠲᠣᠬᠠᠢ ᠬᠡᠯᠡᠯᠴᠡᠭᠡᠷ | ᠲᠣᠬᠢᠷᠠᠯᠴᠠᠵᠦ ᠴᠢᠲᠠᠭᠰᠠᠨ ᠦᠭᠡᠢ ᠪᠠᠶᠢᠬᠤ᠃ ︵ᠬᠠᠳᠠ ᠂ ᠮᠦᠷᠡᠨ︶ | ᠳᠠᠭᠠᠯᠳᠤᠭᠤᠯᠤᠯ: | ᠬᠦᠲᠡᠯᠮᠦᠷᠢ ᠶᠢᠨ ᠭᠡᠷᠡ ᠶᠢᠨ ᠬᠠᠣᠯᠢ ——劳动合同法 | ᠠᠵᠣ ᠠᠬᠤᠶᠢᠯᠠᠯ — 企业 | ᠬᠤᠪᠢ ᠶᠢᠨ ᠠᠵᠣ ᠠᠬᠤᠢ ᠶᠢᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠲᠠ —— 个体经济组织 | ᠠᠵᠢᠯ ᠦᠢᠯᠡᠰ ᠤᠨ ᠨᠢᠭᠡᠴᠢ — 事业单位 | ᠲᠣᠭᠲᠠᠭᠠᠬᠤ ——订立 | ᠬᠦᠢᠴᠡᠳᠬᠡᠬᠦ —— 履行 | ᠬᠤᠪᠢᠷᠠᠭᠤᠯᠬᠤ ——变更 | ᠴᠣᠴᠠᠯᠬᠤ ——解除 | ᠲᠠᠭᠤᠰᠬᠠᠬᠤ ——终止 | |