| ᠢᠬᠢᠷᠡ ᠠᠬᠠ ᠲᠡᠬᠦᠦ ᠶᠢᠨ ᠴᠡᠷᠢᠭ ᠲᠤ ᠶᠠᠪᠤᠭᠰᠠᠨ ᠢᠬᠢᠷᠡ ᠰᠤᠩᠭᠤᠯᠲᠠ | ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠤᠷᠪᠤᠯᠵᠢᠯᠠᠭᠴᠢ ᠲᠣᠷᠠᠨᠠ | ᠬᠠᠰᠪᠢᠯᠢᠭ᠌ | ᠡᠩᠬᠡ ᠶᠢᠨ ᠮᠠᠨᠠᠭᠠᠨ ᠳᠤ ᠡᠷᠡᠯᠬᠡᠭᠯᠡᠨ ᠵᠤᠭᠰᠤᠵᠤ᠂ ᠡᠬᠡ ᠤᠷᠤᠨ ᠤ ᠪᠠᠨ ᠳᠠᠶᠢᠴᠢᠨ ᠬᠠᠮᠠᠭᠠᠯᠠᠭᠴᠢ ᠪᠤᠯᠬᠤ ᠭᠠᠯ | ᠵᠠᠯᠠᠭᠤ ᠨᠠᠰᠤᠨ ᠤ ᠪᠠᠨ ᠬᠦᠰᠡᠯᠡᠩ ᠢ ᠪᠡᠶᠡᠯᠡᠬᠦᠯᠵᠤ ᠶᠠᠪᠤᠭᠠ ᠤᠶᠤᠲᠠᠨ ᠢᠬᠢᠷᠡ ᠵᠠᠯᠠᠭᠤ ᠪᠤᠯ ᠬᠥᠪᠡᠭᠡᠲᠦ ᠰᠢᠷᠠ | ᠬᠤᠰᠢᠭᠤᠨ ᠤ ᠤᠩᠭᠤᠨ ᠠᠭᠤᠯᠠ ᠰᠣᠮᠣᠨ ᠤ ᠤᠩᠭᠤᠨ ᠨᠠᠭᠤᠷ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠭᠡᠷᠡᠯᠳᠡᠭᠦᠰ ᠰᠠᠷᠠᠨᠠ ᠶᠢᠨ | ᠢᠬᠢᠷᠡ ᠬᠦᠪᠡᠭᠦᠨ ᠨᠣᠮᠣᠴᠢᠨ ᠰᠣᠷᠴᠢᠨ ᠪᠣᠯᠣᠨᠠ᠃ | ᠨᠣᠮᠣᠴᠢᠨ᠂ ᠰᠣᠷᠴᠢᠨ ᠤ ᠬᠢᠨ ᠳᠤ ᠬᠦᠷᠬᠦ ᠳᠤ ᠴᠡᠪᠡᠷ ᠳᠤᠬᠢᠯᠢᠭ ᠭᠡᠷ ᠬᠦᠷᠢᠶᠡ᠂ ᠤᠳᠤ ᠴᠠᠭ ᠤᠨ ᠡᠳ᠋ᠯᠡᠯ | ᠬᠡᠷᠡᠭᠰᠡᠯ ᠲᠠᠢ ᠮᠠᠯᠴᠢᠨ ᠠᠶᠢᠯ ᠬᠠᠷᠠᠴᠠ ᠶᠢ ᠳᠤᠯᠠᠭᠠᠯᠠᠨ ᠤᠭᠳᠤᠵᠤ᠂ ᠠᠪᠤ ᠡᠵᠢ ᠶᠢᠨ ᠬᠢᠨᠢ ᠵᠤᠴᠢᠨᠰᠠᠭ ᠰᠠᠶᠢᠬᠠᠨ | ᠵᠠᠩ ᠠᠪᠤᠷᠢ᠂ ᠡᠭᠡᠯ ᠪᠤᠷᠤᠭᠵᠢᠭᠤᠨ ᠦᠭᠡ ᠶᠠᠷᠢᠶᠠ ᠨᠢ ᠭᠡᠷ ᠲᠤ ᠪᠠᠨ ᠬᠠᠷᠢᠭᠰᠠᠨ ᠰᠢᠭ᠋ ᠪᠤᠳᠤᠯ ᠲᠦᠷᠦᠬᠦᠯᠦᠨᠡ᠃ | ᠨᠤᠮᠤ ᠰᠠᠭᠠᠳᠠᠭ ᠠᠭᠰᠠᠵᠤ ᠪᠠᠭᠠᠲᠤᠷ ᠪᠤᠯᠬᠤ ᠶᠢ ᠵᠦᠩᠨᠡᠨ ᠬᠠᠶᠢᠷᠠᠯᠠᠭᠰᠠᠨ ᠠᠭᠤᠯᠭᠠ ᠲᠠᠢ ᠨᠡᠷᠡ ᠠᠯᠳᠠᠷ ᠢᠶᠠᠨ | ᠳᠡᠭᠡᠳᠦᠯᠡᠵᠤ ᠶᠠᠪᠤᠳᠠᠭ ᠠᠬᠠ ᠳᠡᠬᠦᠦ ᠬᠤᠶᠠᠷ ᠴᠡᠷᠢᠭ ᠪᠤᠯᠬᠤ ᠬᠦᠰᠡᠯ ᠢᠶᠠᠨ ᠮᠠᠨᠠᠵᠤ ᠶᠠᠪᠤᠭᠰᠠᠭᠠᠷ᠂ 2021 | ᠣᠨ ᠤ 9 ᠰᠠᠷᠠ ᠳᠤ ᠥᠪᠥᠷ ᠮᠣᠩᠭᠤᠯ ᠤᠨ ᠲᠠᠷᠢᠶᠠᠯᠠᠩ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ | ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠷ ᠰᠢᠯᠭᠠᠨ ᠤᠷᠤᠭᠠᠳ ᠪᠠᠶᠢᠭᠰᠠᠨ ᠳᠡᠭᠦᠦ ᠰᠣᠷᠴᠢᠨ ᠨᠢ ᠴᠡᠷᠢᠭ ᠲᠤ | ᠤᠷᠤᠬᠤ ᠪᠠᠷ ᠡᠷᠡᠮᠠᠯᠵᠡᠯᠡᠨ ᠮᠠᠰᠢ ᠤᠷᠤᠭᠰᠢᠲᠠᠢ ᠪᠠᠷ ᠡᠯᠰᠡᠭᠳᠡᠵᠤ᠂ ᠬᠦᠰᠡᠨ ᠮᠦᠷᠦᠭᠡᠳᠦᠭᠰᠡᠭᠡᠷ ᠪᠠᠶᠢᠭᠰᠠᠨ ᠴᠡᠷᠢᠭ | ᠪᠤᠯᠬᠤ ᠬᠦᠰᠡᠯᠡᠩ ᠢᠶᠠᠨ ᠪᠡᠶᠡᠯᠡᠬᠦᠯᠵᠤ᠂ ᠴᠢᠩᠭᠠ ᠪᠣᠯᠪᠠᠰᠤᠷᠠᠯ ᠳᠤ ᠣᠷᠣᠯᠴᠠᠨ᠂ ᠬᠦᠰᠡᠯ ᠢᠶᠠᠷ ᠪᠢᠰᠢ ᠵᠤᠷᠢᠭ ᠢᠶᠠᠷ | ᠪᠦᠲᠦᠭᠡᠳᠡᠭ ᠶᠤᠰᠤ ᠶᠢ ᠪᠠᠷᠢᠨ ᠴᠢᠷᠮᠠᠶᠢᠭᠰᠠᠨ ᠠᠴᠠ ︽ᠰᠢᠯᠢᠳᠡᠭ ᠰᠢᠨᠡ ᠴᠡᠷᠢᠭ︾᠂ ︽ᠲᠦᠷᠪᠡ ᠶᠢ | ᠪᠦᠷᠢᠳᠦᠭᠦᠯᠦᠭᠰᠡᠨ︾ ᠰᠢᠯᠢᠳᠡᠭ ᠪᠠᠶᠢᠯᠳᠤᠭᠴᠢ ᠪᠠᠷ ᠦᠨᠡᠯᠡᠭᠳᠡᠵᠣ᠂ ᠬᠤᠶᠠᠷ ᠵᠢᠯ ᠤᠨ ᠳᠤᠷᠰᠢ ᠡᠬᠦᠷᠭᠡ | ᠬᠠᠷᠢᠭᠤᠴᠠᠯᠭᠠ ᠪᠠᠨ ᠬᠢᠯᠠᠷᠠᠲᠠᠯᠠ ᠪᠡᠶᠡᠯᠡᠬᠦᠯᠵᠤ᠂ 2023 ᠣᠨ ᠤ 10 ᠰᠠᠷᠠ ᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠨ | ᠪᠣᠴᠠᠵᠡᠢ᠃ ︽ᠦᠨᠳᠣᠷ ᠲᠣᠮᠳᠠᠳᠣ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠬᠤ ᠳᠤ ᠪᠠᠨ ᠴᠡᠷᠢᠭ ᠲᠤ ᠶᠠᠪᠤᠬᠤ ᠶᠢ ᠬᠦᠰᠡᠳᠡᠭ | ᠪᠠᠶᠢᠭᠰᠠᠨ᠂ ᠴᠡᠷᠢᠭ ᠲᠤ ᠶᠠᠪᠤᠭᠰᠠᠨ ᠲᠠᠨᠢᠯ ᠬᠦᠮᠦᠰ ᠢ ᠪᠠᠭ᠋ᠠᠷᠬᠠᠳᠠᠭ ᠪᠠᠶᠢᠭᠰᠠᠨ᠃ ᠠᠩᠬᠠ ᠤᠳᠠᠭᠠ ᠭᠡᠷ ᠠᠴᠠ | ᠪᠠᠨ ᠡᠶᠢᠮᠦ ᠬᠤᠯᠠ ᠶᠠᠪᠤᠵᠤ ᠦᠵᠡᠯᠡ︔ ᠡᠬᠢᠯᠡᠭᠡᠳ ᠭᠡᠷ ᠢᠶᠠᠨ ᠰᠠᠨᠠᠭᠰᠠᠨ︔ ᠴᠡᠷᠢᠭ ᠤᠨ ᠬᠦᠷᠢᠶᠠᠨ ᠤ ᠰᠠᠬᠢᠯᠭᠠ | ᠲᠦᠷᠢᠮ ᠴᠢᠩᠭᠠ᠂ ᠪᠣᠯᠪᠠᠰᠣᠷᠠᠯ ᠴᠢᠩᠭᠠ︔ ᠠᠩᠬᠠ ᠣᠴᠢᠬᠰᠠᠨ ᠡᠬᠢᠨ ᠤ ᠬᠡᠳᠣᠨ ᠰᠡᠷᠡ ᠬᠦᠴᠢᠷᠲᠠᠢ | ᠰᠠᠨᠠᠬᠳᠠᠨᠠ︔ ᠲᠡᠷᠡ ᠲᠠᠪᠠᠭᠠ ᠪᠠᠨ ᠲᠠᠪᠠᠭᠠᠳ ᠭᠠᠷᠣᠬᠰᠠᠭᠠᠷ ᠲᠠᠶᠢᠮᠣ ᠬᠦᠴᠢᠷ ᠪᠢᠰᠢ︔ ᠪᠠᠶᠡ ᠪᠠᠨ ᠴᠤ | ᠪᠣᠯᠪᠠᠰᠣᠷᠠᠭᠤᠯᠴᠢᠬᠠᠨᠠ᠂ ᠠᠷᠪᠢᠨ ᠬᠦᠮᠣᠨ ᠲᠠᠢ ᠲᠠᠨᠢᠯᠴᠠᠴᠢᠬᠠᠨᠠ᠂ ᠦᠵᠡᠯ ᠰᠠᠨᠠᠭᠠᠨ ᠲᠡᠬᠡᠷᠡ ᠴᠦ ᠬᠤᠪᠢᠷᠠᠯᠳᠠ | ᠭᠠᠷᠴᠢᠬᠠᠨᠠ︾ ᠭᠡᠵᠤ ᠰᠣᠷᠴᠢᠨ ᠶᠠᠷᠢᠯᠠ᠃ | ᠴᠡᠷᠢᠭ ᠪᠤᠯᠬᠤ ᠠᠳᠠᠯᠢᠬᠠᠨ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠲᠠᠢ ᠠᠬᠠ ᠨᠣᠮᠣᠴᠢᠨ ᠨᠢ ᠳᠡᠬᠦᠦ ᠪᠠᠨ ᠴᠡᠷᠢᠭ ᠲᠤ ᠶᠠᠪᠤᠭᠰᠠᠨ | ᠤ ᠳᠠᠷᠠᠭᠠ ᠪᠦᠷ ᠴᠤ ᠰᠠᠭᠤᠭᠠᠳ ᠳᠤᠭᠳᠠᠬᠤ ᠦᠭᠡᠢ ᠪᠤᠯᠪᠠ᠃ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠠᠵᠢᠯ | ᠮᠡᠷᠭᠡᠵᠢᠯ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠦᠭᠰᠡᠨ ᠤ ᠳᠠᠷᠠᠭᠠ ᠨᠣᠮᠣᠴᠢᠨ 2023 ᠣᠨ ᠤ 3 ᠰᠠᠷᠠ ᠳᠤ | ᠴᠡᠷᠢᠭ ᠲᠤ ᠣᠷᠣᠵᠣ᠂ ᠳᠡᠬᠦᠦ ᠠᠴᠠ ᠪᠠᠨ ᠰᠤᠨᠤᠰᠳᠠᠭ ᠪᠠᠶᠢᠭᠰᠠᠨ ᠴᠡᠷᠢᠭ ᠤᠨ ᠠᠮᠢᠳᠤᠷᠠᠯ ᠢ ᠪᠡᠶᠡ ᠪᠠᠷ ᠢᠶᠠᠨ | ᠦᠩᠭᠡᠷᠡᠬᠦᠯᠵᠤ᠂ ᠳᠤᠳᠤᠷᠠ ᠪᠠᠨ ᠪᠤᠳᠤᠵᠤ ᠶᠠᠪᠤᠳᠠᠭ ᠬᠦᠰᠡᠯᠡᠩ ᠢᠶᠠᠨ ᠪᠡᠶᠡᠯᠡᠬᠦᠯᠵᠤ ᠶᠠᠪᠤᠨᠠ᠃ ᠬᠤᠶᠠᠷ ᠬᠦᠦ | ᠪᠠᠨ ᠪᠦᠷ ᠴᠡᠷᠢᠭ ᠲᠤ ᠶᠠᠪᠤᠭᠤᠯᠤᠭᠠᠳ ᠰᠠᠨᠠᠵᠤ ᠠᠯᠠᠭᠠᠰᠴᠤ ᠪᠠᠶᠢᠭᠰᠠᠨ ᠠᠪᠤ ᠡᠵᠢ ᠨᠢ ᠴᠤ ᠦᠪᠡᠷ ᠤᠨ ᠳᠤᠷᠠᠲᠠᠢ | ᠵᠦᠢᠯ ᠢᠶᠠᠨ ᠬᠦᠭᠡᠭᠡᠴᠡᠯᠳᠦᠵᠤ ᠶᠠᠪᠤᠭᠠ ᠦᠷᠡ ᠬᠡᠤᠬᠡᠳ ᠢᠶᠠᠨ ᠪᠤᠳᠤᠬᠤ ᠪᠠᠷ ᠪᠡᠶᠡ ᠪᠡᠶᠡᠰ ᠢᠶᠠᠨ | ᠲᠠᠶᠢᠳᠬᠤᠷᠠᠭᠤᠯᠵᠤ᠂ ᠤᠮᠤᠭᠰᠢᠯ ᠪᠠᠭ᠋ᠠᠳᠤᠯ ᠳᠦᠬᠦᠷᠡᠩ ᠰᠠᠨᠠᠭᠳᠠᠳᠠᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠬᠡ ᠤᠷᠤᠨ ᠤ ᠪᠠᠨ | ᠡᠩᠬᠡ ᠶᠢᠨ ᠮᠠᠨᠠᠭᠠᠨ ᠳᠤ ᠬᠦᠴᠦ ᠬᠦᠳᠡᠯᠮᠦᠷᠢ ᠪᠠᠨ ᠡᠷᠬᠦᠭᠰᠡᠨ ᠡᠨᠡᠬᠦ ᠭᠡᠷ ᠪᠦᠯᠢ ᠳᠤ ᠥᠪᠥᠷ ᠮᠣᠩᠭᠤᠯ ᠤᠨ | ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠠᠴᠠ ︽ᠢᠷᠠᠭᠤ ᠠᠯᠳᠠᠷᠲᠤ ᠭᠡᠷ ᠪᠦᠯᠢ︾ ᠶᠢᠨ ᠢᠷᠠᠭᠤ ᠠᠯᠳᠠᠷ ᠢ ᠬᠦᠷᠲᠡᠭᠡᠵᠠᠢ᠃ |