| ᠡᠮᠨᠢᠭ ᠰᠤᠷᠭᠠᠬᠤ ᠪᠡ ᠵᠠᠶᠢᠳᠠᠯᠠᠬᠤ ᠶᠢᠨ ᠢᠯᠭᠠᠭᠠ | ᠪᠠ᠊ · ᠪᠠᠯᠵᠤᠤᠷ | ᠮᠤᠩᠭᠤᠯ ᠭᠦᠮᠦᠨ ᠠᠯᠢ ᠡᠷᠳᠡ ᠠᠳᠤᠭᠤ ᠶᠢ ᠭᠠᠷᠰᠢᠭᠤᠯᠤᠨ ᠤᠨᠤᠯᠭᠠ ᠡᠳ᠋ᠯᠡᠭᠡ ᠳᠤ ᠰᠤᠷᠭᠠᠬᠰᠠᠨ | ᠳᠡᠤᠭᠡ ᠲᠠᠢ᠃ ᠮᠤᠩᠭᠤᠯᠴᠤᠳ ᠠᠳᠤᠭᠤ ᠶᠢ ᠤᠨᠤᠵᠤ ᠰᠤᠷᠭᠠᠬᠤ ᠳᠠᠭᠠᠨ ᠰᠢᠳᠦᠯᠡᠩ ᠪᠤᠶᠤ ᠭᠢᠵᠢᠶᠠᠯᠠᠩ ᠳᠤᠨᠢ | ᠤᠨᠤᠵᠤ ᠰᠤᠷᠭᠠᠳᠠᠭ᠃ ᠡᠨᠡ ᠨᠠᠰᠤᠨ ᠳᠤᠨᠢ ᠤᠨᠤᠵᠤ ᠰᠤᠷᠭᠠᠪᠠᠯ ᠨᠤᠮᠤᠬᠠᠷᠠᠬᠤ ᠨᠢ ᠬᠤᠷᠳᠤᠨ᠂ ᠤᠨᠤᠰᠢ ᠰᠠᠶᠢᠳᠠᠢ᠂ | ᠭᠦᠶᠦᠳᠡᠯ ᠲᠦᠷᠭᠡᠨ᠂ ᠠᠮᠠ ᠵᠦᠭᠡᠯᠡᠨ ᠰᠠᠶᠢᠬᠠᠨ ᠭᠦᠯᠦᠭ ᠪᠤᠯᠳᠠᠭ᠃ ᠭᠡᠷᠪᠡ ᠨᠠᠰᠤ ᠨᠢ ᠶᠡᠭᠡ ᠪᠤᠯᠤᠭᠠᠳ | ᠰᠤᠷᠭᠠᠪᠠᠯ ᠤᠨᠤᠬᠤ ᠳᠤ ᠭᠦᠰᠢᠭᠦᠨ ᠳᠡᠭᠡᠷᠡ ᠪᠠᠨ ᠤᠨᠤᠰᠢ ᠨᠢ ᠰᠠᠶᠢᠨ ᠴᠤᠭᠤᠷᠠᠬᠤ ᠦᠭᠡᠢ ᠭᠡᠵᠤ ᠠᠬᠠᠮᠠᠳ | ᠳᠤᠮᠤᠭᠠᠳᠠᠳ ᠶᠠᠷᠢᠳᠠᠭ᠃ | ᠡᠮᠨᠢᠭ ᠢ ᠤᠨᠤᠵᠤ ᠰᠤᠷᠭᠠᠬᠤ ᠳᠤ ᠮᠠᠰᠢ ᠠᠷᠪᠢᠨ ᠶᠠᠪᠤᠴᠠ ᠲᠠᠢ ᠪᠠᠶᠢᠳᠠᠭ᠃ ᠬᠠᠮᠤᠭ ᠳᠡᠷᠢᠭᠦᠨ ᠳᠤ | ᠠᠳᠤᠭᠤᠨ ᠠᠴᠠ ᠪᠠᠷᠢᠬᠰᠠᠨ ᠡᠮᠨᠢᠭ ᠢᠶᠠᠨ ᠴᠢᠳᠤᠷᠯᠡᠵᠤ ᠰᠤᠷᠭᠠᠨᠠ᠃ ᠠᠩᠬᠠ ᠴᠢᠳᠦᠷᠯᠡᠭᠦ ᠳᠤ ᠡᠮᠨᠢᠭ ᠮᠤᠷᠢ | ᠪᠡᠶᠡ ᠶᠢᠨ ᠳᠡᠩᠴᠡᠭᠦᠷᠢ ᠪᠠᠨ ᠤᠯᠬᠤ ᠦᠭᠡᠢ ᠡᠮᠦᠨᠡᠰᠢ ᠪᠠᠨ ᠭᠤᠳᠤᠷᠠᠵᠤ ᠤᠢᠢᠴᠢᠭᠠᠳ ᠶᠠᠪᠤᠵᠤ ᠴᠢᠳᠠᠳᠠᠭ ᠦᠭᠡᠢ᠃ | ᠡᠨᠡ ᠦᠶᠡ ᠳᠤ ᠰᠡᠭᠦᠯ ᠠᠴᠠ ᠨᠢ ᠠᠷᠤᠬᠰᠢ ᠪᠠᠨ ᠳᠠᠳᠠᠪᠠᠯ ᠳᠤᠤᠷᠠ ᠪᠠᠨ ᠳᠡᠩᠴᠡᠭᠦᠷᠢ ᠪᠠᠨ ᠤᠯᠴᠢᠬᠠᠳᠠᠭ᠃ | ᠤᠨᠤᠵᠤ ᠰᠤᠷᠭᠠᠬᠤ ᠳᠠᠭᠠᠨ ᠵᠠᠪᠠᠯ ᠬᠤᠶᠠᠷ ᠴᠢᠭᠢ ᠠᠴᠠ ᠨᠢ ᠴᠢᠭᠢᠳᠤᠳᠡᠭ᠂ ᠢᠡᠭᠭᠢᠪᠡᠯ ᠬᠤᠵᠢᠮ ᠳᠤᠯᠤᠭᠠᠢ ᠳᠠᠭᠠᠨ | ᠭᠡᠨᠭᠳᠡᠭ ᠦᠭᠡᠢ ᠪᠤᠯᠳᠠᠭ ᠭᠡᠵᠤ ᠭᠡᠯᠡᠳᠡᠭ᠃ ᠨᠢᠭᠡ ᠭᠦᠮᠦᠨ ᠡᠮᠨᠢᠭ ᠢᠶᠠᠨ ᠴᠢᠭᠢᠳᠤᠵᠤ᠂ ᠨᠢᠭᠡ ᠭᠦᠮᠦᠨ ᠨᠤᠬᠳᠤᠯᠤᠨ | ᠬᠠᠵᠠᠭᠠᠷᠯᠠᠵᠤ ᠡᠮᠡᠭᠡᠯᠯᠡᠨ᠂ ᠡᠮᠡᠭᠡᠯ ᠤᠨ ᠤᠯᠤᠩ ᠢᠶᠠᠨ ᠵᠤᠭᠢᠬᠤ ᠭᠡᠮᠵᠢᠶᠡ ᠲᠠᠢ ᠴᠢᠩᠭᠠᠯᠠᠵᠤ ᠴᠢᠳᠦᠷ ᠢᠶᠠᠨ ᠠᠪᠴᠤ᠂ | ᠨᠤᠬᠳᠤᠨ ᠤ ᠪᠠᠨ ᠴᠤᠯᠪᠤᠭᠤᠷ ᠤᠨ ᠦᠵᠦᠭᠦᠷ ᠲᠤ ᠵᠠᠯᠭᠠᠨ ᠡᠮᠨᠢᠭ ᠢᠶᠠᠨ ᠡᠮᠡᠭᠡᠯ ᠲᠠᠢ ᠨᠢ ᠳᠦᠢᠯᠠᠭᠤᠯᠳᠠᠭ᠃ | ᠡᠭᠦᠨ ᠢ ᠪᠠᠨ ᠴᠠᠩᠬᠠ ᠶᠢ ᠨᠢ ᠭᠠᠷᠭᠠᠵᠤ ᠪᠠᠶᠢᠨᠠ ᠭᠡᠳᠡᠭ᠃ ᠭᠡᠷᠪᠡ ᠢᠡᠭᠭᠢᠵᠤ ᠪᠤᠯᠭᠢᠭᠤᠯᠤᠨ ᠳᠦᠢᠯᠠᠭᠤᠯᠬᠤ ᠦᠭᠡᠢ | ᠰᠢᠭᠤᠳ ᠤᠨᠤᠪᠠᠯ ᠵᠠᠷᠢᠮ ᠭᠡᠳᠡᠷ ᠡᠮᠨᠢᠭ ᠮᠤᠷᠢ ᠰᠢᠭᠤᠳ ᠰᠠᠪᠠᠵᠤ ᠤᠨᠠᠳᠠᠭ᠃ ᠡᠭᠢᠯᠡᠵᠤ ᠤᠨᠤᠬᠤ ᠳᠤ ᠠᠮᠠ ᠪᠠᠨ | ᠤᠯᠬᠤ ᠦᠭᠡᠢ ᠪᠤᠯᠬᠤᠷ ᠮᠤᠷᠢ ᠲᠠᠢ ᠭᠦᠮᠦᠨ ᠡᠮᠤᠨᠡ ᠨᠢ ᠳᠠᠭᠠᠭᠤᠯᠤᠨ ᠶᠠᠪᠤᠬᠤ ᠪᠤᠶᠤ ᠠᠷᠤ ᠠᠴᠠ ᠨᠢ ᠭᠦᠭᠡᠭᠡᠵᠤ | ᠠᠩᠬᠠᠨ ᠤ ᠤᠨᠤᠯᠭᠠ ᠪᠠᠨ ᠭᠦᠢᠴᠡᠭᠡᠳᠡᠭ᠃ ᠡᠮᠨᠢᠭ ᠤᠨ ᠳᠤᠯᠤᠭᠠᠢ ᠪᠡ ᠴᠠᠪᠢ ᠤᠷᠤᠭᠤ ᠳᠠᠰᠢᠭᠤᠷᠳᠠᠬᠤ ᠪᠤᠶᠤ | ᠴᠢᠴᠢᠭᠦ ᠶᠢ ᠴᠡᠭᠡᠷᠯᠡᠨᠡ᠃ ᠳᠤᠯᠤᠭᠠᠢ ᠶᠢ ᠨᠢ ᠳᠠᠰᠢᠭᠤᠷᠳᠠᠪᠠᠯ ᠠᠳᠤᠭᠤᠨ ᠤ ᠭᠡᠶᠢᠮᠤᠷᠢ ᠭᠡᠪᠳᠡᠵᠤ᠂ ᠴᠠᠪᠢ | ᠤᠷᠤᠭᠤ ᠨᠢ ᠴᠢᠴᠢᠪᠡᠯ ᠴᠢᠳᠠᠯ ᠪᠠᠷᠢᠳᠠᠯ ᠦᠭᠡᠢ ᠪᠤᠯᠵᠤ ᠬᠤᠯᠠ ᠶᠢᠨ ᠵᠠᠮ ᠳᠤ ᠳᠠᠭᠠᠭᠠᠴᠠ ᠦᠭᠡᠢ ᠪᠤᠯᠤᠨᠠ ᠭᠡᠵᠤ | ᠭᠡᠯᠡᠳᠡᠭ᠃ ᠰᠠᠶ᠋ᠢ ᠰᠤᠷᠭᠠᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠬᠤᠯᠠ ᠶᠠᠪᠤᠬᠤ ᠦᠭᠡᠢ ᠪᠠᠶᠢᠵᠤ᠂ ᠬᠤᠶᠠᠷ ᠭᠤᠷᠪᠠᠨ ᠭᠠᠵᠠᠷ | ᠭᠢᠷᠢᠳᠠᠢ ᠶᠠᠪᠤᠵᠤ ᠭᠦᠯᠦᠰᠦ ᠶᠢ ᠨᠢ ᠭᠠᠷᠭᠠᠨ ᠢᠷᠡᠵᠤ᠂ ᠬᠤᠷᠤᠭᠠ ᠬᠠᠰᠢᠶᠠᠨ ᠠᠴᠠ ᠵᠠᠶᠢᠳᠠᠢ ᠤᠶᠠᠭᠠᠨ ᠳᠤ ᠤᠶᠠᠨᠠ | ᠃ ᠤᠶᠠᠬᠤ ᠳᠠᠭᠠᠨ ᠨᠤᠬᠳᠤᠨ ᠤ ᠴᠤᠯᠪᠤᠭᠤᠷ ᠢ ᠤᠶᠠᠭᠠᠨ ᠳᠤ ᠳᠠᠩ ᠤᠷᠢᠶᠠᠵᠤ ᠭᠦᠵᠦᠭᠦᠦ ᠪᠠᠷ ᠨᠢ ᠤᠶᠠᠳᠠᠭ᠃ | ᠡᠨᠡ ᠨᠢ ᠡᠮᠨᠢᠭ ᠮᠤᠷᠢ ᠤᠶᠠᠭᠠ ᠪᠠᠨ ᠳᠤᠭᠤᠷᠢᠵᠤ ᠪᠠᠶᠢᠭᠠᠳ ᠪᠤᠭᠤᠵᠤ ᠦᠭᠦᠭᠦ ᠠᠴᠠ ᠰᠡᠷᠭᠡᠶᠢᠯᠡᠵᠤ ᠪᠠᠶᠢᠭᠠ ᠶᠤᠮ᠃ | ᠭᠦᠯᠦᠰᠦ ᠶᠢ ᠨᠢ ᠰᠠᠶᠢᠨ ᠰᠡᠪᠡᠭᠡᠭᠡᠳ ᠡᠮᠡᠭᠡᠯ ᠢ ᠨᠢ ᠬᠠᠭᠤᠯᠬᠤ ᠦᠭᠡᠢ ᠪᠤᠯ ᠵᠢᠯᠪᠢᠩ ᠪᠤᠶᠤ ᠴᠤᠤ ᠡᠪᠡᠳᠴᠢᠨ | ᠤᠯᠬᠤ ᠠᠶᠤᠯᠳᠠᠢ᠃ | ᠡᠮᠨᠢᠭ ᠢ ᠶᠡᠷᠦᠳᠡᠭᠡᠨ 3 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠠᠴᠠ 4 ᠳ᠋ᠤᠭᠡᠷ ᠰᠠᠷᠠ ᠶᠢᠨ ᠬᠤᠭᠤᠷᠤᠨᠳᠤ | ᠰᠤᠷᠭᠠᠨᠠ᠃ ᠡᠨᠡ ᠦᠶᠡ ᠪᠤᠯ ᠰᠠᠯᠭᠢ ᠭᠦᠢᠳᠡᠨ ᠤ ᠡᠷᠴᠢ ᠢᠳᠡᠭ ᠢᠳᠡᠭ ᠢᠶᠠᠷ ᠪᠠᠭᠤᠷᠠᠵᠤ ᠤᠷᠢᠨ ᠲᠤᠯᠠᠭᠠᠨ ᠤ | ᠦᠶᠡ ᠡᠭᠢᠯᠡᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠡᠪᠡᠳᠴᠢᠨ ᠭᠡᠮ ᠤᠯᠬᠤ ᠨᠢ ᠴᠦᠭᠡᠨ ᠪᠠᠶᠢᠳᠠᠭ᠃ ᠵᠤᠨ ᠨᠤᠭᠤᠭᠠᠨ ᠳᠤ | ᠴᠡᠳᠤᠬᠰᠠᠨ ᠤ ᠳᠠᠷᠠᠭᠠ ᠰᠤᠷᠭᠠᠪᠠᠯ ᠠᠮᠠᠷᠬᠠᠨ ᠵᠦᠡᠭᠰᠢᠷᠡᠳᠡᠭ ᠦᠭᠡᠢ ᠪᠦᠭᠡᠳ ᠭᠦᠯ ᠨᠢ ᠴᠢᠳᠤᠷ ᠲᠡᠭᠡᠨ ᠨᠢᠯᠳᠤᠷᠠᠵᠤ | ᠰᠢᠯᠪᠤᠷᠠᠭᠠᠳ ᠮᠠᠭᠤ ᠪᠠᠶᠢᠳᠠᠭ᠃ ᠭᠡᠪᠡᠴᠤ ᠭᠠᠵᠠᠷ ᠭᠠᠵᠠᠷ ᠤᠨ ᠠᠭᠤᠷ ᠠᠮᠢᠰᠬᠤᠯ᠂ ᠤᠷᠴᠢᠨ ᠳᠤᠭᠤᠷᠢᠨ ᠤ | ᠵᠦᠷᠢᠶᠡ ᠠᠴᠠ ᠪᠤᠯᠵᠤ ᠡᠮᠨᠢᠭ ᠰᠤᠷᠭᠠᠬᠤ ᠴᠠᠭ ᠤᠨ ᠳᠠᠯᠠ ᠪᠠᠷ ᠮᠦᠨ ᠨᠡᠯᠢᠶᠡᠳ ᠵᠦᠷᠢᠶᠡᠨ ᠲᠠᠢ ᠪᠠᠶᠢᠳᠠᠭ᠃ ᠤᠳᠤ | ᠮᠠᠯᠵᠢᠬᠤ ᠤᠷᠤᠨ ᠳᠤ ᠠᠳᠤᠭᠤ ᠴᠦᠭᠡᠷᠡᠭᠰᠡᠨ ᠠᠴᠠ ᠡᠮᠨᠢᠭ ᠰᠤᠷᠭᠠᠵᠤ ᠡᠳ᠋ᠯᠡᠭᠦ ᠶᠠᠪᠤᠳᠠᠯ ᠳᠡᠮᠡᠢ ᠬᠠᠷᠠᠬᠳᠠᠬᠤ ᠦᠭᠡᠢ | ᠪᠤᠯᠵᠤ᠂ ᠡᠨᠡ ᠨᠢᠭᠡᠨ ᠵᠠᠩ ᠦᠢᠯᠡ ᠠᠭᠠᠵᠢᠮ ᠢᠶᠠᠷ ᠭᠡᠭᠡᠭᠳᠡᠨ ᠤᠷᠭᠢᠬᠳᠠᠵᠤ ᠪᠤᠢ᠃ | ᠤᠳᠤ ᠭᠠᠵᠠᠷ ᠪᠤᠯᠭᠠᠨ ᠳᠤ ᠠᠳᠤᠭᠤᠨ ᠰᠤᠶᠤᠯ ᠤᠨ ᠨᠠᠶᠢᠷ ᠨᠠᠭᠠᠳᠤᠮ ᠡᠷᠭᠢᠯᠡᠨ ᠡᠮᠨᠢᠭ ᠰᠤᠷᠭᠠᠵᠤ | ᠪᠠᠶᠢᠨᠠ ᠭᠡᠳᠡᠭ ᠪᠤᠯᠪᠠᠴᠤ ᠡᠨᠡ ᠨᠢ ᠡᠮᠨᠢᠭ ᠰᠤᠷᠭᠠᠵᠤ ᠪᠠᠶᠢᠭᠠ ᠪᠢᠰᠢ ᠬᠠᠷᠢᠨ ᠰᠤᠯᠡ ᠡᠮᠨᠢᠭ ᠵᠠᠶᠢᠳᠠᠯᠠᠵᠤ ᠪᠠᠶᠢᠨᠠ | ᠭᠡᠪᠡᠯ ᠨᠡᠩ ᠤᠨᠤᠪᠴᠢᠳᠠᠢ᠃ ᠳᠡᠤᠭᠡᠨ ᠠᠴᠠ ᠠᠪᠤᠭᠠᠳ ᠮᠠᠨ ᠤ ᠮᠤᠩᠭᠤᠯᠴᠤᠳ ᠡᠮᠨᠢᠭ ᠰᠤᠷᠭᠠᠬᠤ ᠳᠠᠭᠠᠨ ᠤᠶᠠᠵᠤ | ᠴᠢᠳᠦᠷᠯᠡᠨ᠂ ᠡᠮᠡᠭᠡᠯ ᠳᠤᠬᠤᠨ ᠤᠨᠤᠵᠤ ᠰᠤᠷᠭᠠᠳᠠᠭ ᠠᠴᠠ ᠪᠢᠰᠢ ᠬᠠᠷᠢᠨ ᠨᠤᠬᠳᠤ ᠴᠤᠯᠪᠤᠭᠤᠷ ᠦᠭᠡᠢ᠂ ᠡᠮᠡᠭᠡᠯ | ᠬᠠᠵᠠᠭᠠᠷ ᠦᠭᠡᠢ ᠰᠤᠷᠭᠠᠳᠠᠭ ᠶᠠᠪᠤᠳᠠᠯ ᠶᠡᠷᠤᠨᠢ ᠪᠠᠶᠢᠭᠠ ᠦᠭᠡᠢ ᠶᠤᠮ᠃ ᠳᠡᠶᠢᠮᠤ ᠠᠴᠠ ᠡᠮᠨᠢᠭ ᠰᠤᠷᠭᠠᠬᠤ ᠪᠡ | ᠡᠮᠨᠢᠭ ᠵᠠᠶᠢᠳᠠᠯᠠᠬᠤ ᠶᠢᠨ ᠢᠯᠭᠠᠭᠠ ᠶᠢ ᠵᠦᠪ ᠳᠠᠨᠢᠵᠤ᠂ ᠡᠮᠨᠢᠭ ᠰᠤᠷᠭᠠᠬᠤ ᠪᠤᠯᠤᠨ ᠡᠮᠨᠢᠭ ᠵᠠᠶᠢᠳᠠᠯᠠᠬᠤ ᠶᠢ | ᠬᠤᠳᠬᠤᠯᠳᠤᠭᠤᠯᠬᠤ ᠦᠭᠡᠢ ᠪᠠᠶᠢᠪᠠᠯ ᠵᠤᠭᠢᠨᠠ᠃ ᠭᠡᠷᠪᠡ ᠡᠨᠡ ᠬᠤᠶᠠᠷ ᠢ ᠬᠤᠭᠤᠷᠤᠨᠳᠤ ᠨᠢ ᠬᠤᠳᠬᠤᠯᠳᠤᠭᠤᠯᠪᠠᠯ | ᠡᠮᠨᠢᠭ ᠰᠤᠷᠭᠠᠬᠤ ᠵᠠᠩ ᠦᠢᠯᠡ ᠪᠠᠨ ᠪᠤᠰᠤᠳ ᠲᠤ ᠪᠤᠷᠤᠭᠤ ᠳᠠᠨᠢᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠦᠷᠡ | ᠬᠤᠶᠢᠴᠢᠰ ᠲᠠᠭᠠᠨ ᠴᠤ ᠪᠤᠷᠤᠭᠤ ᠪᠠᠷ ᠤᠯᠠᠮᠵᠢᠯᠠᠬᠤ ᠪᠤᠯᠤᠨᠠ᠃ |