| ᠢᠰᠡᠭᠡᠢ ᠪᠣᠯ ᠨᠡᠭᠦᠳᠡᠯᠴᠢᠨ ᠦᠨᠳᠦᠰᠦᠲᠡᠨ ᠤ ᠠᠮᠢᠳᠣᠷᠠᠯ ᠳᠣᠮᠳᠠ ᠳᠣᠲᠠᠭᠳᠠᠵᠣ ᠪᠣᠯᠣᠰᠢ | ᠦᠭᠡᠢ ᠵᠦᠢᠯ ᠪᠣᠯᠣᠨᠠ᠃ ᠮᠣᠩᠭᠤᠯ ᠭᠡᠷ ᠤᠨ ᠳᠡᠭᠡᠪᠦᠷ᠂ ᠲᠣᠭᠤᠷᠭᠠ᠂ ᠢᠰᠡᠭᠡᠢ ᠡᠭᠦᠳᠡ᠂ ᠳᠡᠪᠢᠰᠭᠡᠷ ᠰᠢᠷᠢᠳᠡᠭ᠂ | ᠡᠮᠡᠭᠡᠯ ᠤᠨ ᠲᠤᠬᠤᠰᠢ᠂ ᠲᠡᠮᠡᠭᠡᠨ ᠲᠣᠬᠤᠰᠢ᠂ ᠢᠰᠡᠭᠡᠢ ᠭᠤᠳᠤᠯ᠂ ᠢᠰᠡᠭᠡᠢ ᠣᠶᠢᠮᠣᠰᠣ᠂ ᠢᠰᠡᠭᠡᠢ ᠣᠭᠤᠲᠠ | ᠵᠡᠷᠭᠡ ᠶᠢ ᠪᠦᠷ ᠢᠰᠡᠭᠡᠢ ᠪᠠᠷ ᠬᠢᠳᠡᠭ᠃ | ᠣᠷᠳᠣ ᠣᠳᠠᠭᠠᠨ ᠤ ᠲᠡᠤᠬᠡᠨ ᠶᠠᠪᠤᠴᠠᠳᠥ᠂ ᠪᠠᠶᠠᠨᠨᠠᠭᠤᠷ ᠤᠨ ᠤᠷᠠᠳ ᠮᠣᠩᠭᠤᠯᠴᠣᠳ ᠨᠢᠭᠡᠨ ᠪᠦᠷᠢᠨ | ᠲᠦᠬᠦᠷ ᠢᠰᠡᠭᠡᠢ ᠬᠢᠬᠦ ᠤᠷᠠ ᠮᠡᠷᠭᠡᠵᠢᠯ ᠢ ᠳ᠋ᠥᠩᠨᠡᠨ ᠭᠠᠷᠭᠠᠭᠰᠠᠨ ᠪᠠᠶᠢᠳᠠᠭ᠃ ᠢᠰᠡᠭᠡᠢ ᠬᠢᠬᠦ ᠳᠤ ᠬᠤᠶᠠᠷ | ᠵᠦᠢᠯ ᠤᠨ ᠣᠩᠭᠠᠰᠣ ᠠᠴᠠ ᠰᠠᠯᠵᠣ ᠳᠡᠶᠢᠯᠬᠦ ᠦᠭᠡᠢ᠂ ᠳᠠᠷᠣᠢ ᠵᠣᠨ ᠤ ᠡᠬᠢᠨ ᠤ ᠬᠦᠭᠡᠪᠦᠷ ᠪᠣᠯᠣᠨ ᠨᠠᠮᠣᠷ ᠤᠨ | ᠰᠡᠭᠦᠯᠴᠢ ᠶᠢᠨ ᠠᠬᠤᠷ ᠪᠣᠯᠣᠨᠠ᠃ ᠬᠥᠭᠡᠪᠦᠷ ᠨᠢ ᠰᠢᠷᠬᠡᠭ ᠣᠷᠲᠣ᠂ ᠨᠠᠭᠠᠯᠳᠣᠮᠠᠬᠠᠢ ᠴᠢᠨᠠᠷ ᠢᠶᠠᠷ ᠴᠢᠩᠭᠠ᠂ ᠣᠶᠠᠨ | ᠬᠠᠳᠠᠨ ᠴᠢᠨᠠᠷ ᠢᠶᠠᠷ ᠰᠠᠶᠢᠨ ᠵᠡᠷᠭᠡ ᠣᠨᠴᠠᠯᠢᠭ ᠲᠠᠢ᠃ ᠢᠰᠡᠭᠡᠢ ᠬᠢᠬᠦ ᠠᠯᠬᠤᠮ ᠳᠠᠷᠠᠭᠠ ᠭᠡᠪᠡᠯ᠄ ᠬᠠᠶᠢᠴᠢᠯᠠᠭᠰᠠᠨ | ᠬᠤᠨᠢᠨ ᠤᠩᠭᠠᠰᠤ ᠪᠠᠨ ᠡᠯᠡᠰᠦᠨ ᠳᠡᠭᠡᠷᠡ ᠳᠡᠯᠭᠡᠨ ᠲᠠᠯᠪᠢᠵᠤ᠂ ᠨᠠᠷᠢᠨ ᠪᠣᠷᠭᠠᠰᠣ ᠪᠠᠷ ᠰᠠᠪᠠᠵᠣ ᠰᠢᠷᠬᠡᠭ ᠢ | ᠵᠠᠳᠠᠷᠠᠭᠤᠯᠤᠨ᠂ ᠤᠩᠭᠠᠷᠢᠯᠯᠢᠭ ᠬᠡᠯᠪᠡᠷᠢ ᠲᠠᠢ ᠪᠤᠯᠭᠠᠨ᠂ ᠤᠩᠭᠠᠰᠤ ᠪᠠᠨ ᠰᠠᠪᠠᠨ ᠵᠠᠳᠠᠷᠠᠭᠤᠯᠬᠤ ᠶᠢᠨ ᠵᠡᠷᠭᠡ ᠪᠠᠷ | ᠰᠡᠯᠪᠢᠵᠦ᠂ ᠳᠠᠷᠠᠭᠠ ᠨᠢ ᠨᠢᠭᠡ ᠬᠡᠰᠡᠭ ᠢᠰᠡᠭᠡᠢ ᠳᠡᠪᠢᠰᠴᠦ᠂ ᠤᠰᠤ ᠰᠦᠷᠴᠢᠨ ᠬᠦᠪᠡᠭᠡ ᠶᠢ ᠨᠢ ᠳᠠᠷᠣᠨ | ᠤᠩᠭᠠᠰᠤ ᠪᠠᠨ ᠵᠤᠯᠠᠨᠠ᠃ ᠤᠩᠭᠠᠰᠤ ᠪᠠᠨ ᠲᠠᠷᠤᠰᠢᠭᠤᠯᠬᠤ ᠶᠢᠨ ᠲᠥᠯᠦᠭᠡ ᠲᠠᠰᠣᠷᠠᠯᠲᠠ ᠦᠭᠡᠢ ᠳᠠᠷᠣᠬᠤ ᠶᠢᠨ | ᠵᠡᠷᠭᠡ ᠪᠠᠷ ᠤᠰᠤ ᠰᠦᠷᠴᠢᠨᠡ᠃ ᠳᠠᠷᠠᠭᠠ ᠨᠢ ᠢᠰᠡᠭᠡᠢ ᠪᠠᠨ ᠤᠷᠢᠶᠠᠵᠦ ᠲᠡᠮᠡᠭᠡ ᠪᠠᠷ ᠳᠠᠲᠠᠭᠤᠯᠵᠣ | ᠪᠥᠮᠪᠦᠷᠢᠭᠦᠯᠦᠨᠡ᠃ | ᠢᠰᠡᠭᠡᠢ ᠬᠢᠬᠦ ᠳᠤ ᠣᠷᠣᠯᠴᠠᠬᠤ ᠬᠦᠮᠦᠨ ᠭᠠᠷ ᠬᠤᠭᠤᠰᠤᠨ ᠢᠷᠡᠳᠡᠭ ᠦᠭᠡᠢ᠂ ᠪᠡᠯᠭᠡ | ᠳᠡᠮᠪᠡᠷᠢᠯ ᠢ ᠪᠣᠳᠤᠨ ᠰᠦ ᠰᠠᠭᠠᠯᠢ ᠶᠢᠨ ᠳᠡᠭᠡᠵᠢ ᠠᠴᠠ ᠪᠠᠨ ᠡᠪᠦᠷᠯᠡᠨ ᠢᠷᠡᠳᠡᠭ᠃ ᠢᠰᠡᠭᠡᠢ ᠪᠠᠨ ᠬᠢᠵᠦ | ᠳᠠᠭᠤᠰᠣᠭᠰᠠᠨ ᠠᠴᠠ ᠰᠡᠭᠦᠯᠡᠷ᠂ ᠰᠢᠨᠡᠬᠡᠨ ᠬᠢᠭᠰᠡᠨ ᠢᠰᠡᠭᠡᠢ ᠪᠠᠨ ᠰᠦ ᠪᠠᠷ ᠮᠢᠯᠢᠶᠠᠵᠣ ᠢᠷᠦᠭᠡᠯ ᠣᠩᠰᠢᠳᠠᠭ᠃ | 2009 ᠣᠨ ᠳᠤ᠂ ᠤᠷᠠᠳ ᠮᠣᠩᠭᠤᠯᠴᠣᠳ ᠤᠨ ᠢᠰᠡᠭᠡᠢ ᠬᠢᠬᠦ ᠤᠷᠠ ᠮᠡᠷᠭᠡᠰᠢᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ | ᠪᠤᠳᠠᠰ ᠤᠨ ᠪᠣᠰᠤ ᠰᠤᠶᠤᠯ ᠤᠨ ᠥᠪ ᠤᠨ ᠳᠡᠮᠳᠡᠭᠯᠡᠯ ᠳᠤ ᠣᠷᠣᠪᠠ᠃ |