| ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠶᠢᠨ ᠬᠤᠷᠠᠯ ᠨᠣᠮ᠂ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠳᠤ ᠮᠠᠰᠢ ᠪᠠᠶᠠᠯᠢᠭ ᠤᠷᠠᠯᠢᠭ ᠤᠨ | ᠵᠦᠢᠯᠡᠰ ᠪᠠ ᠤᠷᠠᠯᠢᠭ ᠤᠨ ᠪᠦᠳᠦᠭᠡᠯ ᠤᠳ ᠪᠠᠶᠢᠵᠤ᠂ ᠬᠤᠰᠢᠭᠤ ᠨᠤᠲᠤᠭ᠂ ᠲᠡᠷᠡᠴᠢᠯᠡᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ | ᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠦᠷᠢᠶᠡᠯᠡᠩ ᠳᠤ ᠵᠤᠬᠢᠬᠤ ᠪᠠᠶᠢᠷᠢ ᠰᠠᠭᠤᠷᠢ ᠡᠵᠡᠯᠡᠵᠤ᠂ ᠨᠡᠮᠡᠷᠢ ᠬᠠᠨᠳᠢᠪ | ᠤᠷᠤᠭᠤᠯᠤᠭᠰᠠᠨ ᠶᠤᠮ᠃ ᠡᠬᠦᠨ ᠤ ᠲᠤᠳᠤᠷᠠ ᠤᠨᠴᠠᠯᠠᠨ ᠲᠤᠷᠠᠳᠪᠠᠯ ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠶᠢᠨ ᠴᠠᠮ ᠪᠦᠵᠢᠭ | ᠤᠨ ᠤᠷᠠᠯᠢᠭ ᠨᠢ ᠤᠷᠤᠨ ᠨᠤᠲᠤᠭ ᠤᠨ ᠲᠡᠦᠬᠡ ᠰᠤᠶᠤᠯ ᠤᠨ ᠤᠯᠠ ᠮᠦᠷ ᠢ ᠪᠦᠷᠢᠨ ᠬᠠᠳᠠᠭᠠᠯᠠᠭᠰᠠᠨ ᠰᠤᠶᠤᠯ ᠤᠨ | ᠦᠯᠡᠳᠡᠭᠳᠡᠯ ᠪᠤᠯᠬᠤ ᠪᠦᠭᠡᠳ ᠤᠳᠬᠠ ᠤᠷᠠᠯᠢᠭ ᠤᠨ ᠲᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠨᠢᠭᠡ ᠬᠡᠰᠡᠭ ᠪᠠᠶᠢᠵᠤ᠂ | ᠤᠯᠤᠰ ᠤᠨ ᠲᠠᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠶᠢᠨ ᠥᠪ ᠳᠤ ᠵᠢᠭᠰᠠᠭᠠᠭᠳᠠᠵᠤ᠂ ᠡᠬᠦᠨ ᠢ ᠰᠡᠷᠭᠦᠭᠡᠨ | ᠠᠮᠢᠯᠠᠭᠤᠯᠵᠤ᠂ ᠰᠤᠳᠤᠯᠤᠨ ᠬᠦᠭᠵᠢᠬᠦᠯᠬᠦ ᠨᠢ ᠮᠠᠰᠢ ᠬᠦᠨᠡ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠶᠤᠮ᠃ | ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠶᠢᠨ ᠴᠠᠮ ᠪᠦᠵᠢᠭ ᠨᠢ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠶᠢᠨ ᠴᠢᠬᠤᠯᠠ ᠨᠢᠭᠡ ᠠᠭᠤᠯᠭᠠ | ᠪᠤᠯᠬᠤ ᠶᠤᠮ᠃ ᠴᠠᠮ ᠭᠡᠳᠡᠭ ᠪᠤᠯ ᠪᠦᠵᠢᠭ ᠭᠡᠰᠡᠨ ᠤᠳᠬᠠ ᠲᠠᠢ ᠲᠦᠪᠡᠳ ᠦᠭᠡ ᠪᠤᠯᠤᠨᠠ᠂ ᠲᠦᠪᠡᠳ ᠤᠨ | ᠱᠠᠰᠢᠨ ᠰᠢᠳᠦᠯᠭᠡ ᠶᠢᠨ ᠰᠤᠶᠤᠯ ᠠᠴᠠ ᠡᠭᠦᠰᠦᠯᠳᠡᠢ ᠶᠤᠮ᠃ ᠤᠳᠠᠭᠠᠨ ᠵᠢᠯ ᠤᠨ ᠲᠦᠪᠡᠳ ᠮᠤᠩᠭᠤᠯ ᠤᠨ ᠰᠤᠶᠤᠯ | ᠤᠨ ᠰᠤᠯᠢᠯᠴᠠᠭᠠᠨ ᠤ ᠲᠤᠮᠳᠠ ᠤᠯᠠᠮ ᠢᠶᠠᠷ ᠮᠤᠩᠭᠤᠯ ᠤᠷᠤᠨ ᠳᠤ ᠢᠵᠢᠯᠢᠳᠦᠨ ᠠᠭᠤᠰᠴᠤ᠂ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠪᠠ ᠮᠠᠨ ᠤ ᠭᠠᠵᠠᠷ ᠤᠷᠤᠨ ᠤ ᠵᠠᠩ ᠦᠢᠯᠡ᠂ ᠬᠡᠪ ᠨᠠᠮᠪᠠ ᠶᠢ ᠰᠢᠩᠭᠡᠭᠡᠨ ᠠᠪᠴᠤ ᠮᠤᠩᠭᠤᠯ ᠴᠠᠮ | ᠪᠦᠷᠢᠯᠳᠦᠨ ᠲᠤᠭᠳᠠᠭᠰᠠᠨ ᠪᠠᠶᠢᠨᠠ᠃ ᠴᠠᠮ ᠪᠦᠵᠢᠭ ᠤᠨ ᠡᠭᠦᠰᠦᠯ ᠤᠨ ᠲᠤᠬᠠᠢ ᠲᠦᠬᠦᠮ ᠲᠤᠭᠠᠴᠢᠪᠠᠯ᠄ | ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ ᠦᠶᠡ ᠪᠠᠷ ᠲᠦᠪᠡᠳ ᠲᠤ ᠯᠠᠩᠳᠠᠷᠮᠠ ᠭᠡᠭᠴᠢ ᠬᠦᠮᠦᠨ ᠬᠠᠭᠠᠨ ᠰᠠᠭᠤᠵᠤ᠂ ᠪᠡᠶᠡ ᠶᠦᠭᠡᠨ | ︽ᠡᠵᠡᠨ ᠲᠡᠭᠷᠢ︾ ᠬᠡᠮᠡᠨ ᠡᠷᠬᠦᠮᠵᠢᠯᠡᠨ᠂ ᠤᠯᠠᠨ ᠠᠮᠢᠳᠠᠳ ᠢ ᠬᠠᠷᠬᠢᠰᠯᠠᠨ ᠲᠠᠷᠤᠯᠠᠵᠤ ᠰᠠᠭᠤᠳᠠᠭ ᠭᠡᠨᠡ᠃ | ᠲᠦᠪᠡᠳ ᠤᠨ ᠪᠠᠯᠳᠤᠷᠵᠢ ᠬᠡᠳᠡᠭ ᠬᠡᠯᠦᠩ ᠱᠠᠰᠢᠨ ᠨᠤᠮ ᠬᠢᠭᠡᠳ ᠤᠯᠠᠨ ᠠᠮᠢᠳᠠᠨ ᠢ ᠠᠮᠤᠷᠵᠢᠭᠤᠯᠬᠤ ᠶᠢᠨ ᠲᠤᠯᠠᠳᠠ | ︽ᠴᠠᠮ︾ ᠢ ᠡᠬᠦᠳᠦᠨ ᠵᠤᠬᠢᠶᠠᠵᠤ᠂ ᠨᠢᠭᠤᠷ ᠲᠤᠷ ᠪᠠᠭ ᠬᠢᠵᠤ᠂ ᠭᠠᠨᠳᠢᠭ ᠴᠠᠭᠠᠨ ᠮᠤᠷᠢ ᠪᠠᠨ ᠬᠠᠷᠠ ᠪᠡᠭᠡ ᠪᠠᠷ | ᠪᠤᠳᠤᠵᠤ᠂ ᠬᠠᠷᠠ ᠮᠤᠷᠢ ᠪᠤᠯᠭᠠᠨ ᠬᠠᠭᠠᠨ ᠤ ᠬᠤᠳᠠᠨ ᠤ ᠡᠬᠦᠳᠡᠨ ᠳᠤ ᠢᠷᠡᠵᠤ ᠴᠠᠮ ᠴᠠᠮᠨᠠᠳᠠᠭ ᠪᠠᠶᠢᠪᠠ ᠭᠡᠨᠡ᠃ | ᠨᠢᠭᠡ ᠡᠳᠦᠷ ᠬᠠᠭᠠᠨ ᠴᠠᠮ ᠪᠦᠵᠢᠭ ᠰᠤᠨᠢᠷᠬᠠᠬᠤ ᠭᠡᠵᠤ ᠭᠠᠷᠴᠤ ᠢᠷᠡᠭᠰᠡᠨ ᠳᠤ ᠪᠠᠯᠳᠤᠷᠵᠢ ᠲᠠᠪᠠᠯ ᠤᠨ ᠵᠡᠬᠦᠨ | ᠬᠠᠮᠴᠤᠢ ᠳᠤ ᠨᠤᠮᠤ ᠨᠢᠭᠤᠨ᠂ ᠪᠠᠷᠠᠭᠤᠨ ᠬᠠᠨᠴᠤᠢ ᠳᠤ ᠰᠤᠮᠤ ᠨᠢᠭᠤᠵᠤ᠂ ᠴᠠᠮ ᠴᠠᠮᠨᠠᠬᠤ ᠲᠠᠯᠢᠮ ᠢᠶᠠᠷ ᠬᠠᠭᠠᠨ ᠢ | ᠬᠠᠷᠪᠤᠨ ᠠᠯᠠᠵᠤ᠂ ᠬᠠᠮᠤᠭ ᠠᠮᠢᠳᠠᠨ ᠢ ᠭᠠᠰᠠᠯᠠᠩ ᠵᠤᠪᠠᠭᠤᠷᠢ ᠠᠴᠠ ᠠᠪᠤᠷᠠᠵᠤ᠂ ᠱᠠᠰᠢᠨ ᠨᠤᠮ ᠰᠡᠷᠭᠦᠨ ᠮᠠᠨᠳᠤᠵᠠᠢ | ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ ᠴᠠᠮ ᠴᠠᠮᠨᠠᠬᠤ ᠨᠢ ᠱᠠᠰᠢᠨ ᠤ ᠠᠵᠢᠯᠠᠯᠭᠠ ᠶᠢᠨ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠠ | ᠪᠦᠬᠦᠢ ᠠᠭᠤᠯᠭᠠ ᠪᠤᠯᠤᠭᠰᠠᠨ ᠶᠤᠮ᠃ ᠴᠠᠮ ᠪᠦᠵᠢᠭ ᠨᠢ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠠᠴᠠ ᠡᠬᠢ ᠠᠪᠴᠤ᠂ | ᠲᠡᠷᠡ ᠦᠶᠡ ᠶᠢᠨ ᠪᠦᠭᠡ ᠶᠢᠨ ᠰᠤᠷᠳᠠᠬᠤᠨ ᠤ ᠬᠦᠳᠡᠯᠦᠯ ᠪᠠᠷᠢᠯ᠂ ᠮᠤᠩᠭᠤᠯ ᠪᠦᠭᠡ ᠶᠢᠨ ᠲᠠᠪᠢᠯᠳᠠ᠂ ᠤᠪᠤᠭᠠ | ᠪᠤᠩᠬᠤᠨ ᠲᠠᠬᠢᠬᠤ᠂ ᠰᠠᠴᠤᠯᠢ ᠰᠡᠷᠴᠢᠮ ᠡᠷᠬᠦᠬᠦ᠂ ᠮᠤᠷᠢ ᠤᠨᠤᠭᠠ᠂ ᠠᠳᠤᠭᠤᠰᠤ ᠠᠮᠢᠳᠠᠨ ᠤ ᠬᠦᠳᠡᠯᠦᠯ ᠪᠠᠷᠢᠯ ᠢ | ᠲᠠᠭᠤᠷᠢᠶᠠᠬᠤ ᠵᠡᠷᠭᠡ ᠡᠩ ᠤᠨ ᠠᠮᠢᠳᠤᠷᠠᠯ ᠤᠨ ᠵᠠᠩ ᠦᠢᠯᠡ ᠠᠴᠠ ᠪᠤᠷᠤ ᠮᠠᠲ᠋ᠧᠷᠢᠶᠠᠯ ᠠᠪᠳᠠᠭ᠃ ᠮᠤᠩᠭᠤᠯ | ᠪᠦᠵᠢᠭ ᠤᠨ ᠬᠦᠳᠡᠯᠭᠡᠭᠡᠨ ᠢ ᠴᠠᠮ ᠳᠤ ᠰᠢᠩᠭᠡᠭᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠳᠤ ᠦᠶᠡ ᠶᠢᠨ ᠵᠠᠷᠢᠮ ᠮᠤᠩᠭᠤᠯ | ᠪᠦᠵᠢᠭ ᠲᠤ ᠴᠠᠮ ᠤᠨ ᠬᠦᠳᠡᠯᠭᠡᠭᠡᠨ ᠤ ᠤᠯᠠ ᠮᠦᠷ ᠦᠵᠡᠭᠳᠡᠵᠤ ᠪᠠᠶᠢᠳᠠᠭ᠃ ᠴᠠᠮ ᠨᠢ ᠪᠤᠷᠬᠠᠨ ᠱᠠᠰᠢᠨ ᠤ | ᠨᠢᠭᠤᠴᠠ ᠲᠠᠷᠨᠢ ᠶᠢᠨ ᠶᠤᠰᠤᠨ ᠤ ᠨᠠᠷᠢᠨ ᠤᠪᠠᠳᠢᠰ ᠠᠷᠭᠠ ᠵᠠᠰᠠᠯ ᠠᠴᠠ ᠶᠡᠷᠦ ᠶᠢᠨ ᠠᠮᠢᠳᠤᠷᠠᠯ ᠤᠷᠤᠭᠤ | ᠬᠡᠯᠪᠡᠶᠢᠵᠤ᠂ ᠱᠠᠰᠢᠨ ᠤ ᠵᠠᠩ ᠦᠢᠯᠡ ᠶᠢᠨ ᠲᠤᠭᠳᠠᠭᠰᠠᠨ ᠲᠢᠭᠯᠢᠮ ᠮᠠᠶ᠋ᠢᠭ ᠠᠴᠠ ᠲᠠᠶᠢᠰᠠ ᠶᠢᠨ ᠤᠷᠠᠯᠢᠭ ᠤᠷᠤᠭᠤ | ᠬᠦᠭᠵᠢᠵᠤ᠂ ᠶᠡᠷᠦᠳᠡ ᠶᠢᠨ ᠲᠢᠶᠠᠲ᠋ᠠᠷᠴᠢᠯᠠᠭᠰᠠᠨ ᠬᠡᠯᠪᠡᠷᠢ ᠲᠠᠢ᠂ ᠪᠦᠵᠢᠭ ᠵᠦᠴᠦᠭᠡ ᠶᠢᠨ ᠵᠦᠢᠯ ᠤᠷᠤᠭᠤ | ᠡᠷᠭᠡᠨᠰᠢᠨ ᠬᠡᠯᠪᠡᠷᠢᠰᠢᠵᠠᠢ᠃ ᠡᠨᠡ ᠲᠠᠯᠠ ᠪᠠᠷ ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠶᠢᠨ ᠴᠠᠮ᠂ ᠬᠦᠷᠦ ᠲᠠᠭᠤᠤ᠂ ᠲᠠᠭᠤᠯᠠᠯᠳᠤ | ᠵᠦᠴᠦᠭᠡᠲᠦ ᠴᠠᠮ᠂ ᠬᠡᠦᠭᠡᠯᠳᠡᠢ ᠴᠠᠮ ᠵᠡᠷᠭᠡ ᠳᠤ ᠪᠦᠷᠢᠨ ᠲᠤᠰᠬᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃ ᠭᠦᠷᠦ ᠲᠠᠭᠤᠤ ︽ᠰᠠᠷᠠᠨ | ᠭᠦᠭᠦᠭᠡ ᠶᠢᠨ ᠲᠠᠭᠤᠯᠠᠯ︾᠂ ︽ᠮᠢᠯᠠ ᠶᠢᠨ ᠨᠠᠮᠳᠠᠷ︾ ᠵᠡᠷᠭᠡ ᠲᠦᠪᠡᠳ ᠤᠷᠤᠨ ᠤ ᠲᠤᠮᠤ ᠬᠡᠯᠪᠡᠷᠢ ᠶᠢᠨ | ᠲᠠᠭᠤᠯᠠᠯᠳᠤ ᠵᠦᠴᠦᠭᠡ ᠶᠢ ᠪᠠᠰᠠ ᠲᠤᠭᠯᠠᠵᠤ ᠦᠩᠭᠡᠷᠡᠵᠡᠢ᠃ | ᠨᠠᠶᠠᠭᠠᠳ ᠣᠨ ᠤ ᠡᠬᠢ ᠪᠠᠷ ᠦᠪᠦᠷ ᠮᠣᠩᠭᠤᠯ ᠤᠨ ᠤᠳᠬᠠ ᠵᠤᠬᠢᠶᠠᠯ ᠰᠤᠳᠤᠯᠬᠤ ᠭᠠᠵᠠᠷ ᠤᠨ ᠳ᠋᠊᠂ | ᠰᠠᠮᠪᠤᠤ ᠴᠠᠮ ᠤᠨ ᠲᠤᠬᠠᠢ ᠠᠩᠬᠠ ᠰᠤᠳᠤᠯᠵᠤ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠦᠨᠳᠦᠰᠦᠳᠡᠨ ᠤᠨ ᠠᠷᠠᠳ ᠤᠨ ︽ | ᠪᠦᠵᠢᠭ ᠤᠨ ᠴᠢᠭᠤᠯᠭᠠᠨ︾ ᠳᠤ ᠵᠤᠷᠢᠭᠤᠯᠤᠨ᠂ ᠴᠠᠮ ᠤᠨ ᠪᠦᠵᠢᠭ ᠢ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠵᠤ᠂ ᠤᠨ ᠴᠠᠭ ᠤᠨ | ᠤᠷᠴᠢᠯ ᠳᠤ ᠬᠡᠭᠡᠭᠳᠡᠮᠡᠷ ᠪᠠᠶᠢᠭᠰᠠᠨ ᠮᠤᠩᠭᠤᠯ ᠱᠠᠰᠢᠨ ᠤ ᠰᠤᠶᠤᠯ ᠤᠨ ᠠᠵᠢᠯᠠᠯᠭᠠ ᠪᠤᠯᠬᠤ ᠴᠠᠮ ᠢ ᠰᠡᠷᠭᠦᠭᠡᠨ | ᠤᠯᠠᠮᠵᠢᠯᠠᠬᠤ ᠳᠤ ᠴᠢᠬᠤᠯᠠ ᠰᠠᠭᠤᠷᠢ ᠲᠠᠯᠪᠢᠪᠠ᠃ ᠡᠬᠦᠨ ᠤ ᠤᠯᠠᠮ ᠢᠶᠠᠷ ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠶᠢᠨ ᠠᠬᠠᠮᠠᠳ | ᠴᠠᠮᠴᠢᠳ ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠶᠢᠨ ᠴᠠᠮ ᠢᠶᠠᠷ ᠭᠤᠤᠯ ᠡᠬᠢ ᠪᠤᠯᠭᠠᠨ ᠡᠮᠬᠢᠳᠭᠡᠨ ᠨᠠᠶᠢᠷᠠᠭᠤᠯᠵᠤ᠂ ᠨᠠᠶᠢᠳᠡ | ᠠᠷᠪᠠᠨ ᠬᠤᠶᠠᠷ ᠴᠠᠮ ᠢ ᠰᠤᠩᠭᠤᠨ ᠡᠮᠬᠢᠳᠬᠡᠵᠤ᠂ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦᠴᠢᠷ ᠤᠨ ᠬᠢᠨ | ᠲᠤᠭᠯᠠᠵᠠᠢ᠃ ᠪᠠᠭ ᠢ ᠨᠢ ᠰᠧᠪᠡᠭᠵᠡᠪ᠂ ᠰᠤ᠂ ᠲᠤᠷᠵᠢᠵᠠᠪ ᠨᠠᠷ ᠱᠤᠭᠤᠵᠠᠢ᠃ ᠪᠠᠰᠠ ᠬᠠᠶ᠋ᠢᠩᠬᠢᠷᠸᠠ ᠰᠦᠮᠡ ᠶᠢᠨ | ᠠᠬᠠᠮᠠᠳ ᠯᠠᠮᠠ ᠰᠧᠪᠡᠭᠵᠡᠪ ᠨᠠᠷ ᠴᠠᠮ ᠤᠨ ᠲᠤᠬᠠᠢ ᠦᠭᠦᠯᠡᠯ ᠪᠢᠴᠢᠵᠤ᠂ ᠴᠠᠮ ᠤᠨ ᠤᠷᠠᠯᠢᠭ ᠢ ᠰᠡᠷᠭᠦᠭᠡᠨ | ᠬᠦᠭᠵᠢᠬᠦᠯᠬᠦ᠂ ᠰᠤᠳᠤᠯᠬᠤ ᠳᠤ ᠮᠠᠰᠢ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ ᠦᠭᠴᠠᠢ᠃ ᠡᠬᠦᠨ ᠤ ᠲᠠᠷᠠᠭᠠ ᠰᠤ᠂ ᠲᠤᠷᠵᠢᠵᠠᠪ | ᠭᠤᠸᠠᠢ ᠴᠠᠮ ᠤᠨ ᠤᠷᠠᠯᠢᠭ ᠤᠨ ᠲᠤᠬᠠᠢ ᠨᠠᠷᠢᠨ ᠰᠤᠳᠤᠯᠵᠤ᠂ ᠦᠪᠡᠷᠳᠡᠭᠡᠨ ᠴᠠᠮ ᠤᠨ ᠪᠠᠭ ᠪᠠ ᠪᠠᠷᠢᠳᠠᠭ ᠵᠡᠪᠰᠡᠭ | ᠢ ᠬᠢᠵᠤ᠂ ᠬᠤᠷᠢᠭᠠᠳ ᠬᠦᠮᠦᠨ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠬᠤᠷᠢᠨ ᠲᠤᠯᠤᠭᠠᠨ ᠵᠦᠢᠯ ᠤᠨ ᠴᠠᠮ ᠴᠠᠮᠨᠠᠵᠤ ᠤᠷᠠᠯᠢᠭ | ᠤᠨ ᠲᠠᠶᠢᠰᠠᠨ ᠳᠤ ᠭᠠᠷᠭᠠᠵᠠᠢ᠃ |