| ᠦᠴᠢᠨᠠᠨ ᠵᠢᠯ ᠤᠨ ᠲᠤᠷᠰᠢᠬᠢ ᠪᠡᠶᠡᠯᠡᠭᠦᠯᠵᠦ ᠳᠡᠶᠢᠯᠦᠭᠡ ᠦᠭᠡᠢ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠢᠶᠠᠨ ᠰᠡᠳᠬᠢᠯ ᠳᠡᠭᠡᠨ | ᠲᠡᠭᠡᠭᠡᠵᠦ ᠶᠠᠪᠤᠭᠰᠠᠨ ᠮᠠᠯᠴᠢᠨ ᠪᠦᠰᠡᠭᠦᠢ ᠨᠠᠷᠠᠨᠲᠤᠶᠠᠭᠠ ᠮᠠᠨᠢ ᠲᠠᠪᠢᠨ ᠨᠠᠰᠤ ᠶᠢ ᠭᠠᠷᠤᠭᠠᠳ ᠭᠡᠷ ᠤᠨ ᠬᠦᠮᠦᠰ ᠤᠨ ᠢᠶᠠᠨ | ᠳᠡᠮᠵᠢᠯᠭᠡ ᠵᠤᠷᠢᠭᠵᠢᠭᠤᠯᠤᠯ ᠳᠤᠤᠷᠠ ᠦᠪᠡᠷ ᠤᠨ ᠳᠤᠷᠠ ᠪᠠᠬᠠ ᠲᠠᠢ ᠵᠦᠢᠯ ᠢᠶᠠᠨ ᠡᠬᠢᠯᠡᠭᠦᠯᠦᠨ ᠬᠢᠵᠦ ᠤᠯᠠᠨ ᠬᠦᠮᠦᠰ ᠤᠨ | ᠮᠠᠭᠳᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠤᠯᠵᠤ ᠶᠠᠪᠤᠨᠠ ᠭᠡᠳᠡᠭ ᠬᠡᠴᠢᠨᠠᠨ ᠵᠤᠯᠲᠠᠢ ᠪᠢᠯᠡ᠃ | ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠪᠤᠭᠳᠠ ᠶᠢᠨ ᠭᠤᠤᠯ ᠰᠤᠮᠤᠨ ᠤ ᠬᠠᠰᠢᠶᠠᠲᠤ ᠭᠠᠴᠠᠭᠠ ᠪᠠᠷ ᠨᠤᠲᠤᠭᠲᠠᠢ | ᠨᠠᠷᠠᠨᠲᠤᠶᠠᠭᠠ ᠪᠤᠯ ᠵᠢᠷᠤᠭ ᠵᠢᠷᠤᠬᠤ ᠳᠤᠷᠠ ᠪᠠᠭ᠋ᠠᠳᠠᠢ ᠮᠠᠯᠴᠢᠨ ᠬᠦᠮᠦᠨ ᠪᠠᠶᠢᠵᠤ᠂ ᠤᠳᠤ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ | ᠤ ᠤᠯᠠᠭᠠᠨᠬᠠᠳᠠ ᠭᠠᠴᠠᠭᠠᠨ ᠳᠤ ᠤᠳᠤᠷᠯᠠᠨ ᠭᠠᠵᠠᠷ ᠲᠦᠷᠢᠶᠡᠰᠦᠯᠡᠨ ᠰᠠᠭᠤᠵᠤ ᠪᠠᠶᠢᠨᠠ᠃ ᠪᠢᠳᠡᠨ ᠢ ᠬᠦᠷᠬᠦ ᠳᠤ | ᠨᠠᠷᠠᠨᠲᠤᠶᠠᠭᠠ ᠬᠠᠷᠠᠬᠠᠨ ᠵᠢᠷᠤᠵᠤ ᠪᠠᠷᠠᠭᠠᠳᠤᠢ ᠨᠠᠢᠮᠠᠨ ᠰᠢᠷᠭᠠ ᠮᠤᠷᠢ ᠪᠠᠨ ᠵᠢᠷᠤᠵᠤ ᠵᠠᠰᠠᠵᠤ ᠪᠠᠶᠢᠯᠠ᠃ | ᠨᠠᠷᠠᠨᠳᠤᠶᠠᠭᠠ ᠨᠦᠬᠦᠷ ᠪᠠᠲᠤᠨᠠᠰᠤᠨ ᠲᠠᠢ ᠪᠠᠨ ᠦᠬᠡᠷ ᠢᠶᠠᠨ ᠪᠦᠬᠦᠨ ᠢ ᠬᠤᠳᠠᠯᠳᠤᠨ ᠵᠢᠷᠭᠤᠭᠠᠨ ᠵᠠᠭᠤ ᠭᠠᠷᠤᠢ | ᠬᠤᠨᠢ ᠮᠠᠯᠵᠢᠵᠤ᠂ ᠵᠠᠪ ᠴᠢᠯᠦᠭᠡ ᠪᠠᠷ ᠢᠶᠠᠨ ᠳᠤᠰᠤᠨ ᠪᠤᠳᠤᠭ ᠤᠨ ᠵᠢᠷᠤᠭ ᠵᠢᠷᠤᠵᠤ᠂ ᠲᠦᠷᠦᠯᠬᠢ ᠠᠪᠢᠶᠠᠰ᠂ ᠬᠤᠷᠴᠠ | ᠮᠡᠳᠡᠷᠡᠮᠵᠢ ᠪᠠᠷ ᠢᠶᠠᠨ ᠮᠠᠰᠢ ᠤᠯᠠᠨ ᠳᠤᠰᠤᠨ ᠪᠤᠳᠤᠭ ᠤᠨ ᠪᠦᠲᠦᠭᠡᠯ ᠢᠶᠠᠨ ᠮᠡᠨᠳᠦᠯᠡᠭᠦᠯᠵᠦ᠂ ᠪᠦᠲᠦᠭᠡᠯ ᠨᠢ ᠤᠯᠠᠨ ᠤ | ᠲᠠᠭᠠᠰᠢᠶᠠᠯ ᠳᠤ ᠬᠦᠷᠦᠭᠰᠡᠨ ᠪᠢᠯᠡ᠃ | ᠨᠠᠷᠠᠨᠲᠤᠶᠠᠭᠠ᠄ ︽ᠪᠢ ᠦᠪᠡᠷ ᠢᠶᠠᠨ ᠶᠠᠮᠠᠷᠴᠤ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠪᠤᠯᠪᠠᠰᠤᠷᠠᠯ ᠬᠦᠷᠲᠡᠵᠦ ᠦᠩᠭᠡᠷᠡᠭᠡ | ᠦᠭᠡᠢ᠂ ᠪᠠᠭᠠ ᠪᠠᠶᠢᠬᠤ ᠠᠴᠠ ᠪᠠᠨ ᠤᠷᠠᠨ ᠵᠢᠷᠤᠭ ᠲᠤ ᠮᠠᠰᠢ ᠪᠠᠭ᠋ᠠᠲᠠᠢ᠂ ᠨᠤᠮ ᠡᠰᠡᠭᠦᠯᠡ ᠲᠧᠯᠸᠢᠰ ᠤᠨ ᠭᠤᠤᠯ ᠪᠠᠭᠠᠲᠤᠷ | ᠢ ᠦᠷᠭᠦᠯᠵᠢ ᠰᠡᠳᠬᠢᠵᠤ ᠵᠢᠷᠤᠳᠠᠭ᠂ ᠭᠡᠪᠡᠴᠦ ᠠᠬᠠᠮᠠᠳ ᠬᠦᠮᠦᠰ ᠡᠨᠡ ᠲᠠᠯᠠ ᠪᠠᠷ ᠤᠶᠢᠯᠠᠭᠠᠬᠤ ᠦᠭᠡᠢ᠂ ᠬᠡᠷᠡᠭ ᠦᠭᠡᠢ | ᠵᠦᠢᠯ ᠳᠤ ᠴᠠᠭ ᠢᠶᠠᠨ ᠵᠠᠷᠤᠴᠠᠭᠤᠯᠵᠤ ᠪᠠᠶᠢᠨᠠ ᠭᠡᠳᠡᠭ︔ ᠲᠡᠷᠡ ᠦᠶᠡ ᠶᠢᠨ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ ᠴᠦ ᠠᠨᠠᠢ ᠠᠴᠠ | ᠡᠨᠡᠬᠦ ᠬᠦᠰᠡᠯ ᠢᠶᠠᠨ ᠲᠠᠶᠠᠭᠳᠠᠭᠰᠠᠨ︔ ᠨᠢᠳᠤᠨᠤᠨ ᠵᠢᠯ ᠦᠬᠢᠨ ᠮᠢᠨᠢ ᠨᠠᠮᠠ ᠶᠢ ᠳᠡᠮᠵᠢᠵᠤ᠂ ᠲᠤᠰᠤᠨ ᠪᠤᠳᠤᠭ᠂ ᠵᠢᠷᠤᠭ | ᠤᠨ ᠵᠢᠶᠠᠰᠠ ᠠᠴᠠ ᠡᠬᠢᠯᠡᠨ ᠬᠡᠷᠡᠭᠰᠡᠬᠦ ᠵᠦᠢᠯ ᠢ ᠪᠡᠯᠡᠳᠬᠡᠵᠦ᠂ ᠵᠢᠷᠤᠭ ᠵᠢᠷᠤᠬᠤ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠶᠢ ᠮᠢᠨᠢ | ᠬᠦᠪᠴᠢᠯᠡᠭᠰᠡᠨ ᠠᠴᠠ ᠵᠢᠷᠤᠭ ᠤᠨ ᠪᠢᠷ ᠢᠶᠠᠨ ᠪᠠᠷᠢᠬᠤ ᠪᠠᠷ ᠰᠢᠢᠳᠦᠭᠰᠡᠨ︾ ᠭᠡᠵᠦ ᠶᠠᠷᠢᠯᠠ᠃ | ᠨᠢᠳᠤᠨᠤᠨ ᠵᠢᠯ ᠤᠨ ᠨᠠᠮᠤᠷ ᠠᠴᠠ ᠡᠬᠢᠯᠡᠵᠦ ᠨᠠᠷᠠᠨᠲᠤᠶᠠᠭᠠ ᠠᠵᠢᠯ ᠤᠨ ᠴᠢᠯᠦᠭᠡ ᠪᠠᠷ ᠢᠶᠠᠨ ᠳᠤᠰᠤᠨ ᠪᠤᠳᠤᠭ | ᠵᠢᠷᠤᠵᠤ ᠡᠬᠢᠯᠡᠭᠰᠡᠨ ᠠᠴᠠ ᠵᠢᠯ ᠬᠠᠭᠠᠰ ᠤᠨ ᠬᠤᠭᠤᠷᠤᠠᠳᠤ ᠨᠢᠭᠡᠨᠲᠡ ᠵᠢᠷᠠᠭᠠᠳ ᠲᠤᠰᠤᠨ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ᠵᠢᠷᠤᠵᠤ᠂ | ᠦᠨᠳᠦᠰᠦᠲᠡᠨ ᠤ ᠤᠨᠴᠠᠯᠢᠭᠲᠤ ᠰᠲ᠋ᠢᠯᠢ ᠶᠢᠨ ᠵᠢᠷᠤᠭ ᠢᠶᠠᠷ ᠭᠤᠤᠯᠳᠠᠵᠤ᠂ ᠦᠪᠡᠷ ᠤᠨ ᠤᠨᠠᠭᠠᠨ ᠪᠠᠭᠠ ᠠᠴᠠ ᠪᠠᠨ | ᠦᠰᠴᠦ ᠲᠦᠷᠦᠭᠰᠡᠨ ᠤᠷᠴᠢᠨ ᠠᠬᠤᠢ ᠲᠠᠢ ᠪᠠᠨ ᠬᠤᠯᠪᠤᠭᠳᠠᠭᠤᠯᠵᠤ᠂ ᠮᠠᠯᠵᠢᠯ ᠠᠮᠢᠳᠤᠷᠠᠯ ᠠᠴᠠ ᠪᠠᠨ ᠰᠡᠳᠦᠪ ᠠᠪᠴᠤ᠂ | ᠨᠤᠲᠤᠭ ᠤᠰᠤ ᠠᠮᠢᠲᠠᠨ ᠭᠤᠤᠯᠲᠠᠨ ᠢᠶᠠᠨ ᠬᠠᠶᠢᠷᠠᠯᠠᠬᠤ᠂ ᠬᠠᠭᠤᠴᠢᠨ ᠦᠯᠢᠭᠡᠷ ᠳᠤᠮᠤᠭ ᠢ ᠠᠮᠢᠯᠠᠭᠤᠯᠬᠤ᠂ ᠬᠡᠤᠬᠡᠳ | ᠠᠴᠢᠨᠠᠷ ᠲᠠᠭᠠᠨ ᠵᠤᠷᠢᠭᠤᠯᠤᠭᠰᠠᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠪᠦᠬᠦᠢ ᠤᠯᠠᠨ ᠲᠠᠯᠠ ᠶᠢ ᠬᠠᠮᠤᠷᠤᠭᠰᠠᠨ ᠵᠢᠷᠤᠭ ᠤᠳ ᠢ | ᠵᠢᠷᠤᠭᠰᠠᠨ ᠪᠠᠶᠢᠨᠠ᠃ | ︽ᠭᠡᠷᠭᠡᠢ ᠮᠠᠨᠢ ᠵᠢᠷᠤᠭ ᠲᠤ ᠮᠠᠰᠢ ᠪᠠᠭ᠋ᠠᠲᠠᠢ᠂ ᠵᠠᠷᠢᠮ ᠳᠤ ᠪᠠᠨ ᠵᠡᠬᠦᠳᠦᠯᠡᠭᠳᠡᠭᠰᠡᠨ ᠵᠦᠢᠯ ᠢᠶᠠᠨ ᠲᠡᠷᠡ ᠳᠤᠤᠷᠬᠠᠨ | ᠢᠶᠠᠨ ᠪᠤᠰᠤᠭᠠᠳ ᠵᠢᠷᠤᠨᠠ︔ ᠮᠠᠨ ᠤ ᠤᠲᠤᠷ ᠤᠨ ᠭᠠᠵᠠᠷ ᠴᠠᠬᠢᠯᠭᠠᠨ ᠦᠭᠡᠢ ᠲᠤᠯᠠ ᠨᠠᠳᠠ ᠪᠠᠷ ᠯᠠ ᠪᠠᠷᠢᠭᠤᠯᠵᠤ | ᠵᠢᠷᠤᠨᠠ︔ ᠭᠡᠷᠭᠡᠢ ᠮᠠᠨᠢ ᠵᠢᠷᠤᠭᠠᠳ ᠡᠬᠢᠯᠡᠪᠡᠯ ᠰᠦᠨᠢᠵᠢᠯᠡᠨ ᠵᠢᠷᠤᠵᠤ᠂ ᠳᠠᠭᠠᠷᠠᠵᠤ ᠪᠡᠭᠡᠷᠡᠬᠦ᠂ ᠦᠯᠦᠰᠴᠦ ᠤᠮᠳᠠᠭᠠᠰᠬᠤ | ᠪᠠᠨ ᠴᠦ ᠮᠠᠷᠲᠠᠴᠢᠬᠠᠳᠠᠭ︔ ᠵᠠᠷᠢᠮ ᠳᠤ ᠪᠠᠨ ᠨᠠᠳᠠ ᠪᠠᠷ ᠮᠤᠳᠧᠯ ᠪᠤᠯᠭᠠᠵᠤ ᠶᠠᠩᠵᠤ ᠪᠦᠷᠢ ᠶᠢᠨ ᠨᠢᠭᠤᠷ ᠤᠨ ᠢᠯᠡᠷᠡᠯ᠂ | ᠬᠦᠳᠡᠯᠭᠡᠭᠡᠨ ᠭᠠᠷᠭᠠᠭᠤᠯᠵᠤ ᠪᠠᠶᠢᠭᠠᠳ ᠲᠡᠭᠦᠨ ᠠᠴᠠ ᠪᠠᠨ ᠰᠡᠳᠦᠪᠯᠡᠨ ᠵᠢᠷᠤᠳᠠᠭ︾ ᠭᠡᠵᠦ ᠨᠦᠬᠦᠷ ᠪᠠᠲᠤᠨᠠᠰᠤᠨ ᠨᠢ | ᠶᠠᠷᠢᠯᠠ᠃ | ᠡᠨᠡ ᠵᠢᠯ ᠤᠨ 7 ᠰᠠᠷᠠ ᠳᠤ ᠨᠠᠷᠠᠨᠲᠤᠶᠠᠭᠠ ᠨᠦᠬᠦᠷ ᠤᠨ ᠢᠶᠠᠨ ᠳᠡᠮᠵᠢᠯᠭᠡ ᠪᠠᠷ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ | ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠲᠤᠰᠤᠨ ᠵᠢᠷᠤᠭ ᠤᠨ ᠳᠡᠯᠭᠡᠨ ᠦᠵᠡᠭᠦᠯᠦᠯᠭᠡ ᠬᠢᠵᠦ ᠨᠡᠶᠢᠲᠡ ᠵᠢᠷᠠᠭᠠᠳ | ᠪᠦᠲᠦᠭᠡᠯ ᠢᠶᠠᠨ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠮᠠᠯᠴᠢᠨ ᠪᠦᠰᠡᠬᠦᠢ ᠶᠢᠨ ᠭᠠᠷ ᠠᠴᠠ ᠭᠠᠷᠤᠭᠰᠠᠨ ᠭᠡᠵᠤ ᠢᠲᠡᠭᠡᠮᠡᠷ ᠦᠭᠡᠢ ᠤᠷᠠᠨ | ᠭᠤᠶᠤ ᠳᠤᠰᠤᠨ ᠪᠤᠲᠤᠭ ᠤᠨ ᠪᠦᠲᠦᠭᠡᠯ ᠢᠶᠠᠷ ᠢᠶᠠᠨ ᠤᠯᠠᠨ ᠤ ᠬᠠᠷᠠᠭᠠ ᠶᠢ ᠮᠢᠯᠢᠶᠠᠵᠤ᠂ ᠭᠠᠶᠢᠬᠠᠰᠢ ᠶᠢ ᠠᠯᠳᠠᠭᠤᠯᠵᠤ | ᠪᠢᠯᠠ᠃ | ᠨᠠᠷᠠᠨᠲᠤᠶᠠᠭᠠ ᠶᠢᠨ ᠲᠤᠰᠤᠨ ᠵᠢᠷᠤᠭ ᠨᠢ ᠸᠢᠴᠠᠲ ᠬᠤᠯᠪᠤᠭᠠ ᠪᠠᠷ ᠳᠠᠮᠵᠢᠭᠳᠠᠨ ᠤᠶᠢᠷᠠ ᠬᠠᠪᠢ ᠶᠢᠨ ᠬᠤᠰᠢᠭᠤ | ᠰᠢᠶᠠᠨ ᠳᠤ ᠨᠠᠯᠢᠶᠡᠳ ᠠᠯᠳᠠᠷᠰᠢᠵᠤ᠂ ᠬᠦᠮᠦᠰ ᠲᠡᠭᠦᠨ ᠢ ᠡᠷᠢᠨ ᠪᠦᠲᠦᠭᠡᠯ ᠢ ᠨᠢ ᠠᠪᠬᠤ ᠪᠠᠷ ᠬᠠᠷᠢᠯᠴᠠᠨ᠂ ᠤᠳᠤ ᠪᠤᠯᠬᠤ | ᠳᠤ ᠨᠢᠭᠡᠨᠲᠡ ᠲᠦᠴᠢᠭᠡᠳ ᠲᠤᠰᠤᠨ ᠪᠤᠳᠤᠭ ᠤᠨ ᠵᠢᠷᠤᠭ ᠬᠤᠳᠠᠯᠳᠤᠨ ᠳᠦᠷᠪᠡᠨ ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠤᠷᠤᠯᠭᠠ | ᠡᠭᠦᠳᠴᠠᠢ᠃ | ᠨᠠᠷᠠᠨᠲᠤᠶᠠᠭᠠ᠄ ︽ᠪᠢ ᠲᠠᠪᠤᠨ ᠦᠩᠭᠡ ᠶᠢᠨ ᠪᠤᠲᠤᠭ ᠬᠤᠳᠠᠯᠳᠤᠨ ᠠᠪᠴᠤ ᠬᠤᠯᠢᠵᠤ ᠨᠠᠶᠢᠷᠠᠯᠠᠭᠤᠯᠤᠭᠠᠳ | ᠭᠤᠴᠢᠨ ᠬᠡᠳᠦᠨ ᠵᠦᠢᠯ ᠤᠨ ᠦᠩᠭᠡ ᠭᠠᠷᠭᠠᠵᠤ ᠵᠢᠷᠤᠭ ᠢᠶᠠᠨ ᠵᠢᠷᠤᠳᠠᠭ︔ ᠪᠤᠳᠤᠭ ᠨᠠᠶᠢᠷᠠᠯᠠᠭᠤᠯᠬᠤ ᠶᠢ ᠲᠤᠰᠬᠠᠢ | ᠰᠤᠷᠴᠤ ᠦᠩᠭᠡᠷᠡᠭᠡ ᠦᠭᠡᠢ ᠴᠤ ᠡᠪ ᠵᠦᠢ ᠶᠢ ᠨᠢ ᠬᠤᠷᠳᠤᠨ ᠤᠯᠤᠭᠰᠠᠨ︔ ᠵᠢᠷᠤᠭ ᠲᠤ ᠪᠠᠭ᠋ᠠᠳᠠᠢ ᠵᠠᠯᠠᠭᠤᠴᠤᠳ ᠴᠦ | ᠨᠠᠳᠠ ᠠᠴᠠ ᠦᠩᠭᠡ ᠨᠠᠶᠢᠷᠠᠯᠠᠭᠤᠯᠬᠤ᠂ ᠤᠨᠴᠠᠭᠠᠶᠢᠯᠠᠨ ᠬᠦᠮᠦᠨ ᠤ ᠨᠢᠭᠤᠷ ᠤᠨ ᠭᠡᠰᠡᠭ ᠢ ᠶᠠᠭᠠᠬᠢᠵᠤ ᠵᠢᠷᠤᠬᠤ ᠲᠤᠬᠠᠢ | ᠰᠤᠷᠬᠤ ᠪᠠᠷ ᠢᠷᠡᠳᠡᠭ︾ ᠭᠡᠵᠦ ᠪᠠᠶᠢᠯᠠ᠃ | ᠤᠷᠴᠢᠮᠬᠠᠨ ᠨᠠᠷᠠᠨᠲᠤᠶᠠᠭᠠ ᠬᠦᠪᠡᠭᠡᠲᠦ ᠰᠢᠷᠠ ᠬᠤᠰᠢᠭᠤᠨ ᠤ ᠨᠤᠮ ᠤᠨ ᠰᠠᠩ ᠳᠤ ᠨᠤᠮ ᠤᠩᠰᠢᠬᠤ ᠪᠠᠷ | ᠰᠡᠳᠦᠪᠯᠡᠭᠰᠡᠨ ᠵᠢᠷᠤᠭ ᠢᠶᠠᠨ ᠬᠠᠷᠠᠮ ᠦᠭᠡᠢ ᠬᠠᠨᠳᠢᠪᠯᠠᠵᠣ᠂ ᠢᠯᠡᠭᠦᠬᠡᠨ ᠨᠤᠮ ᠤᠩᠰᠢᠵᠤ ᠡᠷᠳᠡᠮ ᠮᠡᠳᠡᠯᠭᠡ ᠪᠠᠷ ᠪᠡᠶᠡ ᠪᠠᠨ | ᠴᠢᠮᠡᠬᠦ ᠶᠢ ᠰᠤᠷᠲᠠᠯᠴᠢᠯᠠᠭᠰᠠᠨ ᠪᠠᠶᠢᠨᠠ᠃ ᠤᠤᠯ ᠠᠴᠠ ᠪᠠᠨ ᠭᠠᠷ ᠤᠷᠠᠨ ᠨᠠᠷᠠᠨᠲᠤᠶᠠᠭᠠ ᠮᠠᠨᠢ ᠲᠤᠰᠤᠨ ᠵᠢᠷᠤᠭ ᠠᠴᠠ | ᠭᠠᠳᠠᠨᠠ ᠴᠢᠯᠠᠭᠤᠨ ᠰᠡᠶᠢᠯᠦᠮᠡᠯ᠂ ᠶᠠᠰᠤᠨ ᠰᠡᠶᠢᠯᠦᠮᠡᠯ ᠢ ᠴᠦ ᠰᠠᠶᠢᠬᠠᠨ ᠤᠷᠠᠯᠠᠳᠠᠭ ᠢᠶᠠᠷ ᠢᠶᠠᠨ ᠬᠦᠪᠡᠭᠡᠲᠦ ᠰᠢᠷᠠ | ᠬᠤᠰᠢᠭᠤᠨ ᠤ ᠲᠠᠮᠢᠷ ᠤᠨ ᠤᠷᠳᠤᠨ ᠤ ᠴᠢᠯᠠᠭᠤᠨ ᠰᠡᠶᠢᠯᠦᠮᠡᠯ ᠤᠨ ᠦᠵᠡᠭᠦᠯᠦᠯᠭᠡ ᠳᠤ ᠲᠡᠭᠦᠨ ᠤ ᠰᠡᠶᠢᠯᠦᠭᠰᠡᠨ ᠴᠢᠯᠠᠭᠤᠨ | ᠰᠡᠶᠢᠯᠦᠮᠡᠯ ᠤᠨ ᠪᠦᠲᠦᠭᠡᠯ ᠠᠴᠠ ᠴᠦ ᠳᠡᠯᠭᠡᠭᠳᠡᠭᠰᠡᠨ ᠪᠠᠶᠢᠳᠠᠭ᠃ | ᠨᠠᠷᠠᠨᠳᠤᠶᠠᠭᠠ ᠶᠢᠨ ᠪᠦᠲᠦᠭᠡᠯ ᠢ ᠰᠤᠨᠢᠷᠬᠠᠵᠤ ᠠᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠪᠠᠨ ᠶᠠᠮᠠᠷᠴᠦ ᠬᠡᠮᠵᠢᠯᠲᠡ ᠳᠦᠰᠦᠪ ᠬᠢᠬᠦ | ᠦᠭᠡᠢ ᠪᠠᠷ ᠪᠢᠷ ᠪᠠᠷᠢᠮᠠᠭᠴᠠ ᠵᠢᠷᠤᠭᠠᠳ ᠵᠢᠷᠤᠭ ᠢᠶᠠᠨ ᠶᠠᠪ ᠴᠠᠪ ᠪᠠᠭᠳᠠᠭᠠᠬᠤ᠂ ᠵᠡᠬᠦᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ | ᠰᠤᠯᠢᠵᠤ ᠵᠢᠷᠤᠳᠠᠭ ᠠᠪᠢᠶᠠᠰ ᠡᠷᠳᠡᠮ ᠢ ᠨᠢ ᠪᠠᠭ᠋ᠠᠳᠤᠨ᠂ ᠮᠢᠩᠭᠠᠨ ᠠᠪᠢᠶᠠᠰ ᠲᠦᠮᠡᠨ ᠮᠡᠷᠭᠡᠵᠢᠯ ᠢᠶᠠᠨ ᠨᠢᠭᠤᠴᠠᠯᠠᠨ᠂ ᠮᠠᠯ | ᠤᠨ ᠳᠤᠯᠠᠭᠠᠨ ᠪᠤᠶᠠᠨ ᠳᠦᠰᠢᠵᠤ᠂ ᠠᠭᠤᠳᠠᠮ ᠲᠠᠯᠠ ᠳᠤ ᠪᠠᠨ ᠠᠵᠤ ᠲᠦᠷᠦᠬᠦ ᠵᠠᠶᠠᠭᠠ ᠲᠦᠭᠡᠷᠭᠡ ᠶᠢ ᠰᠤᠩᠭᠤᠭᠰᠠᠨ ᠦᠢ | ᠤᠯᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠮᠢᠨᠢ ᠳᠤᠮᠳᠠ ᠨᠠᠷᠠᠨᠳᠤᠶᠠᠭᠠ ᠰᠢᠭ᠋ ᠪᠠᠶᠢᠭᠠᠯᠢ ᠠᠴᠠ ᠵᠠᠶᠠᠭᠠᠭᠰᠠᠨ ᠰᠤᠳᠤᠨ ᠮᠡᠳᠡᠷᠡᠮᠵᠢ᠂ ᠤᠢ | ᠤᠬᠠᠭᠠᠨ ᠲᠠᠢ ᠬᠦᠮᠦᠰ ᠬᠡᠴᠢᠨᠡᠨ ᠪᠠᠶᠢᠬᠤ ᠪᠤᠯ ᠳ᠋ᠠ ᠬᠡᠮᠡᠨ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠪᠤᠳᠤᠵᠤ ᠪᠢᠯᠡ᠃ |